ᒋᔅᒐᔨᑕᑯᑕᒐᐅᓐ 17:7 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁷ ᐊᑯ ᒂ ᐸᒋ ᑯᒂᒋᒥᑦ ᐊᓐ ᐊᓐᒋᓐ ᒐᒂᔪᐤ ᐛᒋ ᓇᔅᒡ ᒥᔅᑲᓯᓇᒥᒋ᙮ ᐊᑯ ᒂ ᐃᔅᒋᔄᑦ, “ᒋᑭ ᐎᑎᒪᑎᓐ ᒐᒂᓐ ᑕᓐ ᐊ ᐃᓯ ᐊᑲ ᒋᔅᒐᔨᒥᑦ ᐊᓐ ᐃᔎᐤ ᑭᔭ ᐊᓂᔭᔪᐛ ᒥᒋ ᐊᐛᓯᓴ ᑲ ᑕᑎᐱᑦ ᓂᔄᐅᑕᒡ ᑲ ᐃᑕᑎᓂᔨᒋ ᐅᔅᑎᒂᓂᔪᐛ ᑭᔭ ᐸᐃᑯᔪᐤ ᑲ ᑕᑎᓯᔨᒋ ᐅᑦ ᐊᔅᑭᓂᔪᐛ᙮

ᒋᔅᒐᔨᑕᑯᑕᒐᐅᓐ 17:7 Iomraidhean Croise

2 ᑕᓴᓗᓂᔭᓇ 2:7

ᐛᔅ ᐊᓐ ᒥᒐᑎᓯᐅᓐ ᑲ ᒪᒥᔅᑲᑕᔨᑕᒂᒡ ᓴᔅ ᐊᑐᔅᒐᒥᑭᓐ ᒥᒄ ᒪᒃ ᐊᓐ ᑕᓐ ᐊᔅᒄ ᒐ ᐃᔅᐱᔨᒡ ᓇᒪ ᐸᑎᒪ ᒋᑭ ᐅᒋ ᐃᔅᐱᔪᐤ ᐸᑐᔅ ᒋ ᐃᒐᓇᑭᓄᒐ ᐊᓐ ᑲ ᐅᑎᒥᐃᐛᑦ᙮

ᒋᔅᒐᔨᑕᑯᑕᒐᐅᓐ 1:20

ᐊᓐᒡ ᒪᒃ ᓂᔄᐅᑕᒡ ᐅᒐᑭᑕᐧᑯᒡ ᑲ ᐛᐱᒥᑥᐤ ᓂᒥᔪᐅᓂᒡ ᐊ ᑕᐧᑯᓂᒂᐤ ᑭᔭ ᐊᓂᔭᔪᐛ ᓂᔄᐅᑕᒡ ᑲ ᐎᔄᐅᓱᓇᔭᐱᔅᑯᐅᒋ ᐛᔅᑕᓂᐱᒪᑭᓇᑎᒂ, ᐊᐅᒄ ᐅ ᐊ ᐃᓯ ᐎᑎᒪᒐᒥᑲᒋ᙮ ᐊᓐᒡ ᓂᔄᐅᑕᒡ ᐅᒐᑭᑕᐧᑯᒡ, ᐊᐅᒄ ᐊᓐᒡ ᐊᓐᒋᓐᒡ ᑲ ᓂᑲᓂᔅᑯᐛᒡ ᐅᒪᒧᐊᔭᒥᐊᐛ ᐊᓐᑕ ᐊᓂᔭ ᓂᔄᐅᑕᒡ ᐊᔭᒥᐊᐅᒋᐛᐱᒡ ᐊ ᑕᒡ᙮ ᐊᑯ ᐊᓂᔭᔪᐛ ᓂᔄᐅᑕᒡ ᑲ ᐎᔄᐅᓱᓇᔭᐱᔅᑯᐅᒋ ᐛᔅᑕᓂᐱᒪᑭᓇᑎᒂ ᐊᐅᒄ ᐊᓂᔭᔪᐛ ᓂᔄᐅᑕᒡ ᐊᔭᒥᐊᐅᒋᐛᐸ ᑲ ᐊᔨᒧᑕᒋ᙮”

ᒋᔅᒐᔨᑕᑯᑕᒐᐅᓐ 12:3

ᒥᓐ ᑯᑎᒡ ᒋᔅᒋᓄᐛᐸᑎᔨᐛᐅᓐ ᒋ ᐅᒋ ᓄᑯᓐ ᐊᓐᑕ ᒋᒋᒋᓯᑯᒡ᙮ ᓂᒋ ᐛᐱᒪᐤ ᒥᔅᑎ ᒥᓐᑐᔅ ᐊ ᒥᐧᑯᓯᑦ ᓂᔄᐅᑕᒡ ᐊ ᐃᑕᑎᓂᔨᒋ ᐅᔅᑎᒂᓇ ᑭᔭ ᐸᐃᑯᔪᐤ ᐊ ᐃᑕᑎᓂᔨᒋ ᐅᑦ ᐊᔅᑭᓇ᙮ ᒥᓯᐛ ᒪᒃ ᐊ ᐃᑕᑎᓂᔨᒋ ᐊᓂᔭ ᐅᔅᑎᒂᓇ ᒋᓴᐅᒋᒪᐅᑯᓂᔎᐅᓂᔪᐤ ᒋ ᒋᔅᑭᒻ᙮

ᒋᔅᒐᔨᑕᑯᑕᒐᐅᓐ 17:8

ᐊᓐ ᒥᒋ ᐊᐛᓯᔅ ᑲ ᐛᐱᒥᑦ, ᒋ ᐱᒪᑎᓯᐤ ᐸᐃᒂᐤ ᒥᒄ ᒪᒃ ᓇᒪ ᓴᔅ ᐱᒪᑎᓯᐤ᙮ ᐊᓐᑕ ᐊᓂᔭ ᑲ ᒥᔅᑎ ᐱᑯᓇᔭᔨᒡ ᒋᑭ ᐅᒋ ᓄᑯᐃᓱᐤ ᑭᔭ ᒐ ᓂᓱᐅᓇᒋᐊᑭᓄᐅᑦ᙮ ᐊᓐᒡ ᒪᒃ ᐊᐛᓐᒋ ᐅᑕ ᐊᔅᒋᒡ ᑲ ᐱᒪᑎᓯᒡ ᐊᑲ ᒥᓯᓇᑕᔨᒡ ᐅᑦ ᐃᓯᓂᐧᑲᓱᐅᓄᐛᐛ ᐊᓐᑕ ᒥᓯᓇᐃᑭᓂᒡ ᐊᓐᑕ ᑲ ᒥᓯᓇᐛᑭᓄᔨᒋ ᐊᐛᔪᐛ ᒐ ᐊᔭᔨᒋ ᑲᒋᒡ ᐱᒪᑎᓯᐅᓂᔪᐤ ᐊᔅᒄ ᐊᑲ ᐅᒋ ᑎᑯᓂᔨᒡ ᐅᔭ ᐊᔅᒋᔪᐤ, ᒋᑭ ᒥᔅᑲᓯᓄᐛᐅᒡ ᐛᐱᒪᑥᐛ ᐊᓂᔭᔪᐛ ᒥᒋ ᐊᐛᓯᓴ᙮ ᐛᔅ ᒋ ᐱᒪᑎᓯᔪᐛ ᒥᒄ ᒪᒃ ᓇᒪ ᓴᔅ ᐱᒪᑎᓯᔪᐛ᙮ ᑲᐤ ᒪᒃ ᒋᑭ ᐅᒋ ᓄᑯᓯᔪᐛ ᐊ ᐱᒪᑎᓯᔨᒋ᙮”

ᒋᔅᒐᔨᑕᑯᑕᒐᐅᓐ 18:1

ᐃᔅᐱ ᑲᒋ ᐃᓯ ᐛᐸᑎᔨᑯᔭᓐ ᐅ ᒪᔅᑕᔾ ᑲ ᐃᓯ ᐛᐸᑎᔨᑯᔭᓐ, ᐊᑯ ᒥᓐ ᑯᑎᒃ ᐊᓐᒋᓐ ᒂ ᐛᐱᒥᒃ ᒋᒋᒋᓯᑯᒡ ᐊ ᐅᒋ ᔭᓯᑦ᙮ ᓇᔅᒡ ᒥᔅᑎ ᒋ ᒥᔭᑭᓄᑯᐱᓇ ᑎᐸᔨᒐᐅᓂᔪᐤ ᐅ ᐊᓐᒋᓐ᙮ ᒥᓯᐛ ᐊ ᐃᔅᐱᑎᔅᑭᒥᑲᔨᒡ ᐊᔅᒋᔪᐤ ᒋ ᐛᔅᑐᐛᔪᐤ ᑲ ᐃᔅᐱᔅ ᒋᐧᑲᔭᔅᑐᐛᑦ᙮