ᒋᔅᒐᔨᑕᑯᑕᒐᐅᓐ 17:2 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

² ᒋᓴᐅᒋᒪᐅᒡ ᐅᑕ ᐊᔅᒋᒡ ᐊ ᑕᒡ ᒋ ᐎᒋ ᐱᓯᒂᑎᓯᒪᐅᒡ ᐊᓂᔭᔪᐛ ᐃᔎᐛ᙮ ᑭᔭ ᒥᓯᐛ ᐊᐛᓐ ᐅᑕ ᐊᔅᒋᒡ ᐊ ᑕᑦ ᒋ ᒥᔽᔨᑎᒧᒡ ᓂᓇᐧᑯᐤ ᐊᒋ ᐃᓯ ᐎᓂᓱᐤ ᐃᑐᑐᐛᒡ ᐊᓂᔭᔪᐛ ᐃᔎᐛ, ᒧᔭᒻ ᐊᒋ ᒥᓄᐛᒡ ᐅᓱᒥᓇᐳᔪᐤ, ᐊᐅᑯᓐ ᐊ ᐃᓯᓇᑯᓯᒡ ᑭᔭ ᑲ ᒋᔎᐸᒡ᙮”

ᒋᔅᒐᔨᑕᑯᑕᒐᐅᓐ 17:2 Iomraidhean Croise

ᒠᓐ 2:10

ᒂ ᐃᑕᑦ, “ᒥᓯᐛ ᐊᐛᓐ ᐊ ᒥᑯᓴᑦ, ᐊᓂᔭ ᒪᐅᒡ ᐊ ᒥᔽᔨᒡ ᓱᒥᓇᐳᔪᐤ ᓂᔅᑎᒻ ᐱᒥᐱᔨᑕᐤ, ᐊᑯ ᐃᔅᐱ ᐊ ᐊᑎ ᒥᔪᐧᑭᓱᔨᒋ ᐊᓂᔭ ᑲ ᐎᓴᒪᑦ, ᐊᑯ ᐊᓂᔭ ᐊᑲ ᐎᐧᑭᓂᔨᒡ ᓱᒥᓇᐳᔪᐤ ᐸᒥᐱᔨᑕᑦ᙮ ᒋᔾ ᒪᒃ ᒐᒂᓐ ᐛᒋ ᒪᔅᑕᔾ ᐱᒥᐱᔨᑕᔨᓐ ᐊᓐ ᑲ ᒥᔽᒡ ᓱᒥᓇᐳᔾ᙮”

ᒋᔅᒐᔨᑕᑯᑕᒐᐅᓐ 14:8

ᐊᑯ ᒥᓐ ᑯᑎᒃ ᐊᓐᒋᓐ ᒂ ᐛᐱᒥᒃ ᐊ ᐅᒋ ᐱᒥᔭᑦ ᑭᔭ ᐎᔾ ᓇᔅᒡ ᐊ ᐃᔅᐸᐅᑦ ᐃᔅᐱᒥᒡ ᐊᓐᑕ ᐊ ᐱᒥᐃᔭᑦ᙮ ᒋ ᐃᔅᒋᔄᐤ ᐅ ᐊᓐᒋᓐ, “ᐊᓐ ᓇᔅᒡ ᑲ ᒋᔅᑕᔨᑕᒂᒡ ᐅᑕᓇᐤ ᐸᐱᓗᓐ ᑲ ᐃᓯᓂᐧᑲᑕᒡ ᓇᔅᒡ ᒋ ᓂᓱᐅᓇᒋᑕᑭᓄᐤ᙮ ᐛᔅ ᐊᑯᑕ ᐊᓐ ᐅᑕᓇᐤ ᓇᔅᒡ ᑲ ᐛᑎᒡ ᒥᓯᐛ ᐊ ᐃᑎᔅᑲᓇᓯᒡ ᐊᐛᓐᒋ ᐊᑲ ᓇᔅᒡ ᒐᒋ ᓇᑲᐎᔅᑕᒡ ᐎᓂᓱᐤ ᐱᒪᑎᓯᐅᓂᔪᐤ ᒧᔭᒻ ᑲ ᐃᑎᔨᒋ ᐊᓐᑕ ᐊ ᑕᔨᒋ᙮ ᐊᓂᔭ ᒪᒃ ᑲ ᐃᑐᑐᐛᒡ ᒧᔭᒻ ᐊ ᒥᓇᐊᒡ ᐊ ᓱᒋᓯᒥᑭᓂᔨᒡ ᓱᒥᓇᐳᔪᐤ ᐃᓯᓇᑯᓂᔪᐤ᙮”

ᒋᔅᒐᔨᑕᑯᑕᒐᐅᓐ 17:13

ᒥᓯᐛ ᒪᒃ ᐅᒡ ᐸᐃᑯᔪᐤ ᐊ ᐃᑕᑎᓯᒡ ᒋᓴᐅᒋᒪᐅᒡ ᐸᐃᑯᓄᒡ ᒋᑭ ᐃᑕᔨᑎᒧᒡ ᐊᓂᔭ ᑕᓐ ᐛ ᐃᑎᒡ᙮ ᒥᓯᐛ ᒪᒃ ᑕᓐ ᐊ ᐃᓯ ᐊᔭᒡ ᓱᐧᑲᑎᓯᐅᓂᔪᐤ ᑭᔭ ᑎᐸᔨᒋᒐᐅᓂᔪᐤ ᐊᓂᔭᔪᐛ ᒥᒋ ᐊᐛᓯᓴ ᒋᑭ ᒥᔭᐅᒡ᙮

ᒋᔅᒐᔨᑕᑯᑕᒐᐅᓐ 17:17

ᐛᔅ ᒋᓴᒪᓂᑐᐛ ᒋ ᐃᑐᑕᑯᒡ ᐅᑕᐃᐛᒡ ᒐᒋ ᐅᒋ ᐃᑕᔨᑕᒡ ᒐᒋ ᐃᑐᑎᒺᒡ ᑕᓐ ᐊ ᐃᓯ ᓂᑐᐛᔨᑎᒥᔨᒋ ᒐᒋ ᐃᑐᑕᑭᓄᐎᒡ᙮ ᐊᑯ ᒪᒃ ᐸᐃᑯᓄᒡ ᑲ ᐃᑕᔨᑎᒥᐃᑯᒡ ᒐ ᒥᔭᒡ ᐊᓂᔭᔪᐛ ᒥᒋ ᐊᐛᓯᓴ ᑕᓐ ᐊ ᐃᓯ ᐊᔭᒡ ᒐᒋ ᐅᒋᒪᐅᒡ᙮ ᒋᑭ ᐱᔅᑕᔨᒥᑎᓱᔅᑐᐛᐅᒡ ᒪᒃ ᐸᑐᔅ ᒥᓯᐛ ᒋ ᑎᐱᐱᔨᒐ ᑕᓐ ᑲ ᐃᓯ ᓂᑲᓐ ᐎᑎᒥᔨᒋ ᒋᓴᒪᓂᑐᐛ ᒐ ᐃᔅᐱᔨᒡ᙮

ᒋᔅᒐᔨᑕᑯᑕᒐᐅᓐ 17:5

ᐊᓐᑕ ᒪᒃ ᐅᔅᑲᑎᑯᒡ ᒋ ᒥᓯᓇᑕᔪᐤ ᐃᓯᓂᐧᑲᓱᐅᓂᔪᐤ ᐊᑲ ᒋᔅᒐᔨᑕᑯᓂᔨᒡ ᑕᓐ ᐊ ᐃᔅᒋᔄᐛᒥᑭᓂᔨᒡ᙮ ᒪᐅ ᑲ ᐃᑎᔅᑕᔨᒡ, “ᓂᔾ ᐸᐱᓗᓐ ᐊᓐ ᑲ ᒋᔅᑕᔨᑕᒂᒡ ᐅᑕᓇᐤ᙮ ᓂᔾ ᓄᑲᐎᒪᐅᑐᑕᑯᒡ ᐅᐱᓯᒂᑎᓯᔎᐅᒡ ᑭᔭ ᒥᓯᐛ ᐊᓐᒡ ᑲ ᒥᔽᔨᑕᒡ ᐊ ᒥᒋᑐᑕᒡ ᐅᑕ ᐊᔅᒋᒡ᙮”

ᒋᔅᒐᔨᑕᑯᑕᒐᐅᓐ 17:8

ᐊᓐ ᒥᒋ ᐊᐛᓯᔅ ᑲ ᐛᐱᒥᑦ, ᒋ ᐱᒪᑎᓯᐤ ᐸᐃᒂᐤ ᒥᒄ ᒪᒃ ᓇᒪ ᓴᔅ ᐱᒪᑎᓯᐤ᙮ ᐊᓐᑕ ᐊᓂᔭ ᑲ ᒥᔅᑎ ᐱᑯᓇᔭᔨᒡ ᒋᑭ ᐅᒋ ᓄᑯᐃᓱᐤ ᑭᔭ ᒐ ᓂᓱᐅᓇᒋᐊᑭᓄᐅᑦ᙮ ᐊᓐᒡ ᒪᒃ ᐊᐛᓐᒋ ᐅᑕ ᐊᔅᒋᒡ ᑲ ᐱᒪᑎᓯᒡ ᐊᑲ ᒥᓯᓇᑕᔨᒡ ᐅᑦ ᐃᓯᓂᐧᑲᓱᐅᓄᐛᐛ ᐊᓐᑕ ᒥᓯᓇᐃᑭᓂᒡ ᐊᓐᑕ ᑲ ᒥᓯᓇᐛᑭᓄᔨᒋ ᐊᐛᔪᐛ ᒐ ᐊᔭᔨᒋ ᑲᒋᒡ ᐱᒪᑎᓯᐅᓂᔪᐤ ᐊᔅᒄ ᐊᑲ ᐅᒋ ᑎᑯᓂᔨᒡ ᐅᔭ ᐊᔅᒋᔪᐤ, ᒋᑭ ᒥᔅᑲᓯᓄᐛᐅᒡ ᐛᐱᒪᑥᐛ ᐊᓂᔭᔪᐛ ᒥᒋ ᐊᐛᓯᓴ᙮ ᐛᔅ ᒋ ᐱᒪᑎᓯᔪᐛ ᒥᒄ ᒪᒃ ᓇᒪ ᓴᔅ ᐱᒪᑎᓯᔪᐛ᙮ ᑲᐤ ᒪᒃ ᒋᑭ ᐅᒋ ᓄᑯᓯᔪᐛ ᐊ ᐱᒪᑎᓯᔨᒋ᙮”

ᒋᔅᒐᔨᑕᑯᑕᒐᐅᓐ 18:23

ᓇᒪ ᓂᑕ ᒥᓐ ᒋᑭ ᐅᒋ ᓄᑯᓱᐅᒡ ᐛᔅᑕᓂᐱᒪᑭᓐᒡ ᐊ ᐛᔅᑐᐛᒡ ᐊᓐᑕ ᐊ ᑕᔨᓐ᙮ ᓇᒪ ᓂᑕ ᒥᓐ ᒋᑭ ᐅᒋ ᐸᑕᑯᓱᐅᒡ ᐊ ᒧᒋᒐᔨᑕᒡ ᐅᔅᒋᓂᒋᓱᐅᒡ ᑭᔭ ᐅᔅᒋᓂᔎᐅᒡ᙮ ᐊᓐᒡ ᓂᓇᐧᑯᐤ ᒐᒂᔪᐛ ᑲ ᐊᑕᐛᒡ ᐊᓐᑕ ᐊ ᑕᔨᓐ, ᐊᐅᑯᓐᒡ ᒪᐅᒡ ᑲ ᒋᔅᑕᔨᑕᑯᓯᒡ ᐊᐛᓐᒋ ᐅᑕ ᐊᔅᒋᒡ᙮ ᐊᓐᒡ ᐊᐛᓐᒋ ᐊᓐᑕ ᑲ ᐎᒋᒡ ᒥᓯᐛ ᐊᐛᔪᐛ ᐅᑕ ᐊᔅᒋᒡ ᒋ ᐎᔭᓯᐊᐅᒡ ᐅᒪᒥᑕᐛᑎᓯᐅᓄᐛᐤ ᐊ ᐊᐱᒋᑕᒡ᙮”

ᒋᔅᒐᔨᑕᑯᑕᒐᐅᓐ 18:3

ᐛᔅ ᐊᓐᒡ ᐊᓐᑕ ᑲ ᐎᒋᒡ ᒥᓯᐛ ᐊ ᐃᑎᔅᑲᓇᓯᔨᒋ ᐊᐛᔪᐛ ᓇᔅᒡ ᐛᐸᒻ ᒋ ᐅᒋ ᓇᐃᐱᔨᑐᐛᐅᒡ ᒐᒋ ᓂᓱᐅᓇᒋᐃᑯᔨᒋ ᐊ ᐎᓂᓱᐤ ᐱᒪᑎᓯᔨᒋ᙮ ᒧᔭᒻ ᐊᒋ ᒥᓇᐊᒡ ᓱᒥᓇᐳᔪᐤ ᒐᒋ ᒋᔎᐸᔅᑲᑯᔨᒋ, ᐊᑯᓐ ᑲ ᐃᓯᓇᑯᓂᔨᒡ ᐊᓂᔭ ᑲ ᐃᑐᑐᐛᒡ᙮ ᒋ ᐸᒋ ᐎᒋ ᐎᓂᓱᐤ ᐱᒪᑎᓯᒥᑯᐅᒡ ᒋᓴᐅᒋᒪᐛ ᐅᑕ ᐊᔅᒋᒡ ᑲ ᑕᔨᒋ᙮ ᐊᑯ ᐊᓂᔭᔪᐛ ᐊ ᐊᑕᐛᔨᒋ ᒐᒂᔪᐤ ᑲ ᐅᒋ ᐱᒪᒋᐅᔨᒋ, ᒋ ᐅᓱᓇᔭᓂᒥᐧᑲᓱᔪᐛ ᑕᓐ ᑲ ᐃᓯ ᐊᑲ ᐅᒋ ᐳᓂᐱᔨᒡ ᐊ ᐎ ᐛᔪᑎᓯᒡ᙮ ᐎᓂᓱᐱᒪᑎᓯᐅᓂᒡ ᒋ ᐅᒋ ᐅᓱᓇᔭᓂᒥᐧᑲᓱᐅᒡ᙮”

ᒋᔅᒐᔨᑕᑯᑕᒐᐅᓐ 18:9

“ᐊᓐᒡ ᒪᒃ ᒋᓴᐅᒋᒪᐅᒡ ᒥᓯᐛ ᐊ ᐃᔅᐱᑎᔅᑭᒥᑲᔨᒡ ᐅᔭ ᐊᔅᒋᔪᐤ ᐊ ᑕᒡ ᑲ ᐎᒋ ᐎᓂᓱᐤ ᐱᒪᑎᓯᒪᒡ ᐊᓂᔭᔪᐛ ᐊᐛᔪᐛ ᐊᓐᑕ ᐊ ᑕᔨᒋ ᑭᔭ ᓇᔅᒡ ᒥᓯᐛ ᑲ ᐃᓯ ᒪᒥᔽᔨᑎᒥᐃᓱᒡ ᓂᓇᐧᑯᐤ ᐊ ᐎ ᐃᓯ ᐛᐛᒋᐃᓱᒡ ᒧᔭᒻ ᐊᓂᔭ ᐊᐛᔪᐛ ᐊᓐᑕ ᐊ ᑕᔨᒋ ᐊ ᐃᑎᔨᒋ, ᒋᑭ ᒪᐅᒡ ᑭᔭ ᒋᑭ ᓂᓇᐧᑲᑥᐅᑎᒧᒡ ᐛᐸᑕᒂᐛ ᐊ ᐃᔎᑕᔨᒡ ᐊᓂᔭ ᐅᑕᓇᔪᐤ᙮

ᒋᔅᒐᔨᑕᑯᑕᒐᐅᓐ 2:22

ᓂᑭ ᐃᑐᑐᐛᐤ ᒐᒋ ᓂᓇᐧᑲᑕᔨᒧᑦ ᐅᓂᐸᐅᓂᒡ᙮ ᑭᔭ ᐊᓐᒡ ᑲ ᐎᒋ ᐱᓯᒂᑎᓯᒪᒡ ᐊᓂᔭ ᐃᔎᐛ, ᓂᑭ ᐃᑐᑐᐛᐅᒡ ᓇᔅᒡ ᒐᒋ ᓂᓇᐧᑲᑕᔨᒧᒡ ᒐ ᐊᑲ ᐅᒋ ᓂᑭᑎᒧᐛᒂ ᐊᓂᔭ ᐊ ᐃᓯ ᒥᒐᑎᓯᒡ᙮

ᒋᔅᒐᔨᑕᑯᑕᒐᐅᓐ 3:10

ᐊᓐ ᐊᒋ ᓯᐱᔪᐛᓯᔭᒄ ᑕᓐ ᐊ ᐃᓯ ᓂᒋᔅᑭᒪᒄ ᒧᔭᒻ ᑲ ᐃᑎᓱᒥᑎᑯᒡ ᒐᒋ ᐃᑎᔭᒄ, ᒋᑭ ᑭᓄᐛᔨᒥᑎᓇᐛᐤ ᐊᓐᑕ ᒪᒂᒡ ᐱᒥᐱᔨᒐ ᐊ ᐊᔨᒥᐅᒡ ᐊᐛᓐᒋ, ᐊᓐᑕ ᒪᒂᒡ ᒐ ᓂᑐ ᒋᔅᒐᔨᒪᑭᓄᐎᒡ ᒥᓯᐛ ᐊᐛᓐᒋ ᐅᑕ ᐊᔅᒋᒡ ᐊ ᑕᒡ᙮

ᒋᔅᒐᔨᑕᑯᑕᒐᐅᓐ 9:21

ᓇᒪ ᑭᔭ ᐅᒋ ᒥᑕᒋᔨᐛᔨᑎᒧᒡ ᑭᔭ ᓇᒪ ᐅᒋ ᐳᓂᐅᒡ ᐊ ᓂᐸᐃᐛᒡ, ᐊ ᒥᑕᐛᑎᓯᒡ, ᐊ ᐎᓂᓱᐤ ᐱᒪᑎᓯᒡ ᑭᔭ ᐊ ᑭᒐᒧᑎᒡ᙮