ᒋᔅᒐᔨᑕᑯᑕᒐᐅᓐ 17:18 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁸ ᐊᓐ ᒪᒃ ᐃᔎᐤ ᑲ ᐛᐱᒥᑦ, ᐊᐅᒄ ᐛᔅ ᐊᓐ ᑲ ᒋᔅᑕᔨᑕᒂᒡ ᐅᑕᓇᐤ ᐊᓐᑕ ᐛᒋ ᐅᒋᒪᐧᑲᑐᐛᑭᓄᐎᒡ ᒥᓯᐛ ᒋᓴᐅᒋᒪᐅᒡ ᐅᑕ ᐊᔅᒋᒡ᙮”

ᒋᔅᒐᔨᑕᑯᑕᒐᐅᓐ 17:18 Iomraidhean Croise

ᓗᒃ 2:1

ᒪᒂᒡ ᒪᒃ ᓯᓴᕐ ᐊᑲᔅᑕᔅ ᐊᒋ ᒋᓴᐅᒋᒪᐅᑦ, ᒋ ᐃᑎᓱᐛᐤ ᒥᓯᐛ ᐃᔪᐛ ᐊᓐᑕ ᕈᒻ ᐊᔅᒋᒡ ᑲ ᑕᔨᒋ ᒐᒋ ᑎᐱᒋᒪᑭᓄᔨᒋ ᑭᔭ ᒐᒋ ᒥᓯᓇᐛᑭᓄᔨᒋ᙮

ᒋᔅᒐᔨᑕᑯᑕᒐᐅᓐ 11:8

ᐊᓂᔭᔪᐛ ᒪᒃ ᐎᔪᐛᐛ ᐊᑯᑕ ᐊᓐᑕ ᒪᔅᑭᓇᒡ ᐊᓂᔭ ᒥᔅᑎ ᐅᑕᓇᔪᐤ ᐊᓐᑕ ᑲ ᓂᐸᐊᑭᓄᔨᒋ ᑲ ᒋᔅᑕᔎᑕᑭᓄᔨᒋ ᒋᐱᔭᑎᑯᒡ ᐅᑎᐸᔨᒋᒐᓯᒧᐛᐛ, ᐊᑯᑕ ᒐ ᑎᑯᓂᔨᒋ᙮ ᐅ ᒪᒃ ᐅᑕᓇᐤ ᒧᔭᒻ ᑕᓐ ᑲ ᐃᑕᔨᑕᒂᒋ ᐊᓂᔭᔪᐛ ᐅᑕᓇᐛ ᓱᑕᒻ ᑭᔭ ᐃᒋᑉᑦ ᑲ ᐃᓯᓂᐧᑲᑕᒋ, ᐊᐅᑯᓐ ᒐ ᐃᑕᔨᑕᒂᒋ, ᓇᔅᒡ ᒋ ᒥᓴᐤ ᐊᓐᑕ ᒥᒐᑎᓯᐅᓐ᙮

ᒋᔅᒐᔨᑕᑯᑕᒐᐅᓐ 12:4

ᒋ ᐱᐧᑯᒋᐱᑕᐤ ᐸᐃᒄ ᐊᓂᔭᔪᐛ ᐊ ᓇᓂᔅᑎᔨᒋ ᐅᒐᑭᑕᒂ ᐊᓐᑕ ᒋᓯᑯᒡ ᐅᒡ ᐅᓱᔾ ᐊ ᐊᐱᒋᑕᑦ, ᐊᑯ ᐊᓐᑕ ᐊᔅᒋᒡ ᑲ ᐃᓯ ᐛᐱᓇᑦ᙮ ᒋ ᓂᐳᐅᐤ ᐅᑎᔅᑯᐤ ᐊᓂᔭ ᐃᔎᐛ ᐊ ᑕᔨᒋ ᒪᒂᒡ ᐊ ᐊᐧᑯᓯᔨᒋ ᐊ ᐊᓱᐛᐱᒪᑦ ᒐ ᐃᔅᐱᔅ ᐱᒪᑎᓯᔨᒋ ᐊᓂᔭᔪᐛ ᐊᐛᓴ ᒐᒋ ᒧᐛᑦ ᐃᔅᐱ ᐱᒪᑎᓯᒐᓂ᙮

ᒋᔅᒐᔨᑕᑯᑕᒐᐅᓐ 16:19

ᐊᑯ ᐊᓐ ᑲ ᒋᔅᑕᔨᑕᒂᒡ ᐅᑕᓇᐤ ᐸᐱᓗᓐ ᑲ ᐃᓯᓂᐧᑲᑕᒡ, ᓂᔅᑐᔨᒡ ᒂ ᐃᓯ ᐸᒂᐱᔨᒡ᙮ ᒥᓯᐛ ᐅᑕᓇᐛ ᐊᔅᒋᒡ ᑲ ᑎᒂᒋ ᒋ ᓂᓱᐅᓇᑎᓇ᙮ ᒋᓴᒪᓂᑐᐤ ᒪᒃ ᓇᒪ ᐅᒋ ᐅᓂᒋᔅᒋᓯᑐᑎᒻ ᐊᓂᔭ ᐅᑕᓇᔪᐤ ᐸᐱᓗᓐ ᑲ ᐃᓯᓂᐧᑲᑕᔨᒡ᙮ ᒋ ᐃᑐᑐᐛᐤ ᐊᓂᔭ ᐊᐛᔪᐛ ᐊᓐᑕ ᐊ ᑕᔨᒋ ᒐᒋ ᒥᓂᔨᒋ ᐊᓂᔭ ᓱᒥᓇᐳᔪᐤ ᐊᓐᑕ ᐅᒥᓂᒂᑭᓂᒡ ᐅᒡ᙮ ᐊᐅᒄ ᐅᔭ ᒥᓂᒂᑭᓂᔪᐤ ᐊᓐᑕ ᐊ ᑎᑯᓂᔨᒡ ᐅᑦ ᐊᐧᑯᔪᐛᓱᐅᓐ᙮

ᒋᔅᒐᔨᑕᑯᑕᒐᐅᓐ 18:2

ᐊᑯ ᒂ ᐃᔅᒋᔄᑦ ᐅ ᐊᓐᒋᓐ ᐊ ᒋᔄᐛᑦ, “ᓂᓱᐅᓇᒋᑕᑭᓄᐤ ! ᓂᓱᐅᓇᒋᑕᑭᓄᐤ ᐸᐱᓗᓐ ᐊᓐ ᑲ ᒋᔅᑕᔨᑕᒂᒡ ᐅᑕᓇᐤ ᓇᔅᒡ ᓂᓱᐅᓇᒋᑕᑭᓄᐤ᙮ ᐊᑯᑕ ᐊᑯ ᐛᒋᒡ ᒥᓯᐛ ᐊ ᐃᓯᓇᑯᓯᒡ ᒥᒋ ᐊᒐᐧᑯᒡ ᓇᔅᒡ ᐊ ᒪᔭᑎᓯᒡ ᑭᔭ ᐊ ᐎᓇᔨᑕᑯᓯᒡ᙮ ᐊᑯᑕ ᑭᔭ ᐊᑯ ᐛᒋᑦ ᒥᓯᐛ ᐊ ᐃᓯᓇᑯᓯᑦ ᑲ ᐎᓇᔨᑕᑯᓯᑦ ᑭᔭ ᐊᑲ ᒧᐛᑭᓄᐅᑦ ᐱᔭᓱᐤ᙮