ᒋᔅᒐᔨᑕᑯᑕᒐᐅᓐ 17:11 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹¹ ᐊᓐ ᒪᒃ ᒥᒋ ᐊᐛᓯᔅ ᓂᔅᑎᒻ ᑲ ᐱᒪᑎᓯᑦ, ᒥᒄ ᒪᒃ ᐊᑲ ᓴᔅ ᐱᒪᑎᓯᑦ, ᐊᐅᒄ ᐊᓐ ᔭᓇᐤ ᐊ ᑕᑦ ᒋᓴᐅᒋᒪᐤ ᑭᔭ ᐊᐅᒄ ᐸᐃᒄ ᐊᓐᒡ ᓂᔄᐅᑕᒡ ᑲ ᐃᑕᑎᓯᒡ ᒋᓴᐅᒋᒪᐅᒡ᙮ ᒋᓴᒪᓂᑐᐛ ᒋᑭ ᓂᓱᐅᓇᒋᐃᑯᐤ ᐅ ᒥᒋ ᐊᐛᓯᔅ᙮”

ᒋᔅᒐᔨᑕᑯᑕᒐᐅᓐ 17:11 Iomraidhean Croise

ᒋᔅᒐᔨᑕᑯᑕᒐᐅᓐ 13:10

ᐊᓐ ᐊᐛᓐ ᑲ ᐃᑎᔅᑕᔨᑯᐱᓇ ᒐᒋ ᒋᐸᐛᑭᓄᐅᑦ ᒋᑭ ᒋᐸᐛᑭᓄᐤ, ᑭᔭ ᐊᓐ ᐊᐛᓐ ᑲ ᐃᑎᔅᑕᔨᑯᐱᓇ ᓂᑐᐱᔪᐅ-ᒧᐧᑯᒪᓂᔪᐤ ᐊ ᐊᐱᑎᓂᔨᒡ ᒐᒋ ᓂᐸᐊᑭᓄᐅᑦ ᒐᔅᑎᓇᔅ ᐊᑯᓐ ᒐ ᐃᑐᑐᐛᑭᓄᐅᑦ᙮ ᐊᑯ ᒪᒃ ᐊᓐᒡ ᑲ ᑕᑈᑕᒡ ᓇᑐᐛᔨᑕᑯᓯᒡ ᓱᒃ ᒐᒋ ᓯᐱᔪᐛᓯᒡ ᐊ ᐊᔨᒋᑲᐳᐅᒡ ᑭᔭ ᓱᒃ ᒧᔅ ᒐᒋ ᑕᑈᑕᒡ᙮

ᒋᔅᒐᔨᑕᑯᑕᒐᐅᓐ 13:12

ᐅ ᒪᒃ ᑯᑎᒃ ᒥᒋ ᐊᐛᓯᔅ ᒥᔅᑎ ᒋ ᒥᔨᑯᐤ ᑎᐸᔨᒋᒐᐅᓂᔪᐤ ᐊᓂᔭᔪᐛ ᓂᔅᑎᒻ ᒥᒋ ᐊᐛᓯᓴ, ᐊ ᐅᒋᒪᐅᑦ ᒐᒋ ᐃᑕᐱᒋᐃᑯᑦ ᐊᓐᑕ ᐊ ᑕᔨᒋ᙮ ᐊᑯ ᒂ ᐊᔨᐧᑭᒥᐊᑦ ᒥᓯᐛ ᐊᐛᔪᐛ ᐊᓐᑕ ᐊᔅᒋᒡ ᑲ ᐱᒪᑎᓯᔨᒋ ᒐᒋ ᐊᔭᒥᐊᔅᑐᐛᔨᒋ ᐊᓂᔭ ᓂᔅᑎᒻ ᑲ ᑕᔨᒋ ᒥᒋ ᐊᐛᓯᓴ, ᐊᓂᔭᔪᐛ ᒥᒋ ᐊᐛᓯᓴ ᒋᒋᐛ ᑲ ᒥᓱᐛᑭᓂᐧᑲᑕᑭᓄᐎᒂᓂ ᐅᔅᑎᒂᓂᔨᒡ ᑭᔭ ᑲ ᒥᓏᒋᑕᑭᓄᔨᒋ᙮

ᒋᔅᒐᔨᑕᑯᑕᒐᐅᓐ 13:3

ᐸᐃᒄ ᐊᓂᔭ ᐅᔅᑎᒂᓐ ᐊᓐ ᒥᒋ ᐊᐛᓯᔅ ᒧᔭᒻ ᐊᒋ ᒥᔄᑭᓂᐧᑲᑕᑭᓄᐎᒡ ᒋ ᐃᓯᓇᑯᓂᔪᐤ᙮ ᒥᒄ ᒪᒃ ᓴᔅ ᒋ ᒥᔽᔪᐤ᙮ ᒥᓯᐛ ᒪᒃ ᐊᓐᒡ ᐊᔅᒋᒡ ᐊ ᑕᒡ ᒋ ᒪᒥᔅᑲᑕᔨᒪᐅᒡ ᐊᓂᔭ ᒥᒋ ᐊᐛᓯᓴ ᑭᔭ ᒋ ᓇᓴᐛᐅᒡ᙮

ᒋᔅᒐᔨᑕᑯᑕᒐᐅᓐ 17:8

ᐊᓐ ᒥᒋ ᐊᐛᓯᔅ ᑲ ᐛᐱᒥᑦ, ᒋ ᐱᒪᑎᓯᐤ ᐸᐃᒂᐤ ᒥᒄ ᒪᒃ ᓇᒪ ᓴᔅ ᐱᒪᑎᓯᐤ᙮ ᐊᓐᑕ ᐊᓂᔭ ᑲ ᒥᔅᑎ ᐱᑯᓇᔭᔨᒡ ᒋᑭ ᐅᒋ ᓄᑯᐃᓱᐤ ᑭᔭ ᒐ ᓂᓱᐅᓇᒋᐊᑭᓄᐅᑦ᙮ ᐊᓐᒡ ᒪᒃ ᐊᐛᓐᒋ ᐅᑕ ᐊᔅᒋᒡ ᑲ ᐱᒪᑎᓯᒡ ᐊᑲ ᒥᓯᓇᑕᔨᒡ ᐅᑦ ᐃᓯᓂᐧᑲᓱᐅᓄᐛᐛ ᐊᓐᑕ ᒥᓯᓇᐃᑭᓂᒡ ᐊᓐᑕ ᑲ ᒥᓯᓇᐛᑭᓄᔨᒋ ᐊᐛᔪᐛ ᒐ ᐊᔭᔨᒋ ᑲᒋᒡ ᐱᒪᑎᓯᐅᓂᔪᐤ ᐊᔅᒄ ᐊᑲ ᐅᒋ ᑎᑯᓂᔨᒡ ᐅᔭ ᐊᔅᒋᔪᐤ, ᒋᑭ ᒥᔅᑲᓯᓄᐛᐅᒡ ᐛᐱᒪᑥᐛ ᐊᓂᔭᔪᐛ ᒥᒋ ᐊᐛᓯᓴ᙮ ᐛᔅ ᒋ ᐱᒪᑎᓯᔪᐛ ᒥᒄ ᒪᒃ ᓇᒪ ᓴᔅ ᐱᒪᑎᓯᔪᐛ᙮ ᑲᐤ ᒪᒃ ᒋᑭ ᐅᒋ ᓄᑯᓯᔪᐛ ᐊ ᐱᒪᑎᓯᔨᒋ᙮”