ᒋᔅᒐᔨᑕᑯᑕᒐᐅᓐ 16:5 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁵ ᓂᒋ ᐸᑐᐛᐤ ᒪᒃ ᐊᓐ ᐊᓐᒋᓐ ᒥᓯᐛ ᓂᐱᔪᐤ ᑲ ᐅᒋᒪᐧᑲᑕᐧᒃ ᐊ ᐃᔅᒋᔄᑦ ᐊ ᒪᒥᒋᒪᑦ, ᒋᓴᒪᓂᑐᐛ, “ᓇᔅᒡ ᑯᐃᔅᒄ ᒋᑦ ᐃᑎᓐ ᐅ ᑲ ᐃᓯ ᑎᐸᔅᑯᓂᒐᔨᓐ, ᒋᔾ ᒥᒄ ᒋ ᐸᔭᒋᓯᔨᓐ, ᒋᔾ ᑲ ᑕᔨᓐ ᑭᔭ ᒧᔅ ᑲ ᐸᒋ ᑕᔨᓐ᙮

ᒋᔅᒐᔨᑕᑯᑕᒐᐅᓐ 16:5 Iomraidhean Croise

ᒐᓂᓯᔅ 18:25

ᓂ ᒋᔅᒐᔨᑕᓐ ᒐ ᐊᑲ ᓂᓱᐅᓇᒋᐃᑥᐤ ᑲ ᑯᐃᔅᑯᑕᑎᓯᒡ ᐃᔪᒡ ᐊᓯᒡ ᐊᓐᒡ ᑲ ᒥᒐᑎᓯᒡ ᐃᔪᒡ᙮ ᒋᔾ ᐅ ᐅᑎᐸᔅᑯᓂᒐᐤ ᐅᑕ ᒥᓯᐛ ᐊᔅᒋᒡ ᑭᔭ ᒋᑦ ᐃᑐᑕᓐ ᒐᒂᓐ ᐊ ᒥᔽᒡ᙮”

ᑎᐱᑦ ᐅᓂᑭᒧᐅᓇ 129:4

ᑎᐸᔨᒋᒐᓱᐤ ᑯᐃᔅᑯᑕᑎᓯᐤ: ᒋ ᒋᒥᓱᒺᐤ ᐅᓴᔅᑎᒂᔨᐱᒥᔨᐛ ᐅᒥᒋᑥᐛ᙮

ᑎᐱᑦ ᐅᓂᑭᒧᐅᓇ 145:17

ᑎᐸᔨᒋᒐᓱᐤ ᑯᐃᔅᑯᑕᑎᓯᐤ ᒥᓯᐛ ᐅᑦ ᐃᓯᑥᐅᓂᒡ, ᑭᔭ ᐸᔭᒋᓯᐤ ᒥᓯᐛ ᐅᑦ ᐊᑐᔅᒐᐅᓂᒡ᙮

ᒠᓐ 17:25

“ᓄᑕ, ᒋᔾ ᒧᔅ ᑲ ᑯᐃᔅᒄ ᐃᑎᔨᓐ, ᓇᒪ ᒋ ᒋᔅᒐᔨᒥᑯᒡ ᐊᓐᒡ ᐊᐛᓐᒋ ᐊᑲ ᐊᐱᑕᔨᒥᔅᒡ ᐅᑕ ᐊᔅᒋᒡ, ᓂᔾ ᒪᒃ ᐎ ᒋ ᒋᔅᒐᔨᒥᑎᓐ᙮ ᐅᒡ ᒪᒃ ᑭᔭ ᑲ ᐸᒋ ᒥᔨᓐ ᒋᔅᒐᔨᑎᒧᒡ ᑕᑈ ᒋᔾ ᐊᒋ ᐸᒋ ᐃᑎᓴᐎᔨᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:5

ᐊᓐ ᒪᒃ ᐊ ᐃᔅᐱᔅ ᓱᒐᔨᒧᐎᓐ ᒥᒄ ᒋ ᐃᑐᑕᓐ ᐊᑐᐎᔅ ᐊᒂᒡ ᒐᒋ ᐃᓯ ᑎᐸᔅᑯᓂᔅᒃ ᒋᓴᒪᓂᑐᐤ ᐊᓂᔭ ᐊ ᒋᓯᑲᔨᒡ ᑕᓐᑕ ᒐᔅᑎᓇᔅ ᑯᐃᔅᒄ ᒐ ᐃᓯ ᑎᐸᔅᑯᓇᑦ ᐊᓂᔭᔪᐛ ᑲ ᒥᒋᑐᑎᒥᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 3:5

ᒪᒃ ᒋ ᐸᒋ ᐃᑕᐤ ᐊᐛᓐ, “ᐊ ᒥᒋᑐᑎᒪᐧᒄ ᐊᑯᑕ ᐊᑐᐎᔅ ᐛᒋ ᐱᔭᑭᔅᒡ ᐛᐸᑎᒺᒡ ᐊᐛᓐᒋ ᒋᓴᒪᓂᑐᐛ ᐅᑯᐃᔅᑯᑕᑎᓯᐅᓂᔪᐤ᙮ ᒐᒂᓐ ᒪᒃ ᐛᒋ ᐛᐛᓯᐃᑎᐧᒄ ᒋᓴᒪᓂᑐᐤ ᐊ ᒥᒋᑐᑎᒪᐧᒄ ?” ᓇᒪᐎᔾ ᑭᑈ ᒪᒧᔭᒻ ᐃᑐᐤ ᒋᓴᒪᓂᑐᐤ ᐅᔭ ᐊ ᐃᑐᑕᑕᐧᒄ᙮ ᐊᐅᒄ ᐅᔭ ᐊ ᐃᔅᒋᔄᒡ ᐱᔅᒐ ᐊᐛᓐᒋ᙮

ᒋᔅᒐᔨᑕᑯᑕᒐᐅᓐ 1:4

ᓂᔾ ᒠᓐ, ᒋᔨᐛᐤ ᒪᒧᐤ ᑲ ᐊᔭᒥᐊᐛᑎᓯᒡ ᒋ ᒥᓯᓇᐊᒪᑎᓇᐛᐤ ᐊᓐᑕ ᑲ ᑕᔭᒄ ᐊᓂᔭᔪᐛ ᓂᔄᐅᑕᒡ ᐊᔭᒥᐊᐅᒋᐛᐸ ᐊᐃᓴ ᑲ ᐃᓯᓂᐧᑲᑕᒡ ᐊᔅᒋᔾ᙮ ᒋᓴᒪᓂᑐᐤ, ᐊᓐ ᐊᓄᒡ ᐊ ᑕᑦ ᑭᔭ ᒧᔅ ᑲ ᐸᒋ ᑕᑦ, ᑭᔭ ᐊᓐ ᒐ ᑎᑯᓯᐧᒃ, ᒋᑭ ᓱᐛᔨᒥᑯᐛᐤ ᑭᔭ ᒋᑭ ᒥᔨᑯᐛᐤ ᒋᔭᒪᔨᑎᒧᐅᓂᔪᐤ᙮ ᑭᔭ ᐊᓐᒡ ᓂᔄᐅᑕᒡ ᐊᒐᐧᑯᒡ ᐅᑎᔅᑯᐤ ᒋᓴᒪᓂᑐᐛ ᐅᒋᓴᐅᒋᒪᐤ ᑕᑎᐳᐛᑭᓂᔨᒡ ᐊ ᑕᒡ, ᒋᑭ ᓱᐛᔨᒥᑯᐛᐅᒡ ᑭᔭ ᒋᑭ ᒥᔨᑯᐛᐅᒡ ᒋᔭᒪᔨᑎᒧᐅᓂᔪᐤ᙮

ᒋᔅᒐᔨᑕᑯᑕᒐᐅᓐ 1:8

“ᐊᐅᒄ ᓂᔾ ᓴᔅ ᑲ ᑕᔭᓐ ᐊᔅᒄ ᐊᑲ ᓇᔅᒡ ᒐᒂᓐ ᐅᒋ ᑎᒂᒡ, ᑭᔭ ᐊᐅᒄ ᓂᔾ ᐊᔅᒄ ᒐ ᑕᔭᓐ ᐃᔅᐱ ᒥᓯᐛ ᒐᒂᓐ ᒋᑎᐱᔨᒐ,” ᐊᐅᒄ ᐊ ᐃᔅᒋᔄᑦ ᒋᓴᒪᓂᑐᐤ ᐅᑎᐸᔨᒋᒐᐤ, ᐊᓐ ᒪᐅᒡ ᑲ ᓱᐧᑲᑎᓯᑦ, ᐊᓐ ᐊ ᑕᑦ ᐊᓄᒡ, ᐊᓐ ᒧᔅ ᑲ ᐸᒋ ᑕᑦ ᑭᔭ ᐊᓐ ᒐ ᑎᑯᓯᐧᒃ᙮

ᒋᔅᒐᔨᑕᑯᑕᒐᐅᓐ 11:17

ᐊ ᐃᔅᒋᔄᒡ, “ᓂᑎᐸᔨᒋᒐᓯᒥᓇᓐ ᒋᓴᒪᓂᑐᐤ ᒪᐅᒡ ᑲ ᓱᐧᑲᑎᓯᔨᓐ, ᐊᓐ ᑲ ᑕᑦ ᑭᔭ ᒧᔅ ᑲ ᐸᒋ ᑕᑦ, ᒋ ᓂᓇᔅᑯᒥᑎᓇᓐ ᐊᒋ ᐊᐱᒋᑕᔨᓐ ᒋᓱᐧᑲᑎᓯᐅᓐ ᒋᔾ ᐊ ᑎᐸᔨᒋᒐᔨᓐ᙮

ᒋᔅᒐᔨᑕᑯᑕᒐᐅᓐ 16:4

ᐊᑯ ᐊᓐ ᓂᔅᑐ ᐊ ᑕᑦ ᐊᓐᒋᓐ ᒂ ᑯᑎᐱᓇᐧᒃ ᐅᐎᔭᑭᓐ ᐊᓐᑕ ᐊ ᑎᑯᓂᔨᒋ ᓯᐱᔭ ᑭᔭ ᐊᓐᑕ ᐛᒋ ᒧᔅᒋᒍᐅᓂᔨᒡ ᓂᐱᔪᐤ᙮ ᒥᓯᐛ ᒪᒃ ᒋ ᐊᑎ ᓱᐎᐧᑲᑭᒥᔪᐤ ᐊᓂᔭ ᓂᐱᔪᐤ᙮

ᒋᔅᒐᔨᑕᑯᑕᒐᐅᓐ 16:7

ᐊᑯ ᐊᓐᑕ ᐱᔅᑎᓂᒐᐅᓇᐱᔅᒄ ᐊ ᑎᒂᒡ, ᐊᑯᑕ ᒂ ᐅᒋ ᐸᑐᐅᒃ ᐊᐛᓐ ᐊ ᐃᔅᒋᔄᑦ, “ᐅᑎᐸᔨᒋᒐᐤ ᒋᓴᒪᓂᑐᐤ, ᒋᔾ ᒪᐅᒡ ᑲ ᓱᐧᑲᑎᓯᔨᓐ᙮ ᑕᑈ ᑯᐃᔅᒄ ᒋ ᐊᑎ ᐃᓯ ᑎᐸᔅᑯᓇᐅᒡ ᐊᐛᓐᒋ ᐊ ᑎᐸᔅᑯᓂᑥᐤ᙮ ᑕᑈ ᐃᑕᔨᑕᑯᓂᔪᐤ ᑭᔭ ᒐᒋ ᑎᐸᔅᑯᓂᑥᐤ᙮”

ᒋᔅᒐᔨᑕᑯᑕᒐᐅᓐ 19:2

ᐛᔅ ᒥᓯᐛ ᑕᐱᑐᐤ ᐃᓯ ᑎᐸᔅᑯᓇᐤ ᐊᐛᔪᐛ ᑭᔭ ᐊᓐ ᐊ ᐃᑕᔨᑕᑯᓂᔨᒡ ᒐᒋ ᐃᓯ ᑎᐸᔅᑯᓇᑭᓄᔨᒋ, ᐊᐅᑯᓐ ᐊ ᐃᓯ ᑎᐸᔅᑯᓇᑦ᙮ ᒋ ᑎᐸᔅᑯᓇᐤ ᒪᒃ ᐊᓂᔭᔪᐛ ᑲ ᒥᔪ ᒋᔅᒐᔨᒪᑭᓄᔨᒋ ᐱᓯᒂᑎᓯᔎᐛ᙮ ᒥᒐᑦ ᐊᐛᔪᐛ ᐅᑕ ᐊᔅᒋᒡ ᒋ ᐎᔭᓯᐊᐤ ᐅ ᐃᔎᐤ ᑕᓐ ᑲ ᐃᑕᑎᓯᑦ᙮ ᒋᓴᒪᓂᑐᐤ ᒋ ᐛᐛᓯᐊᐤ ᐊᓂᔭ ᐱᓯᒂᑎᓯᔎᐛ ᐊᒋ ᓂᐸᐊᔨᒋ ᐊᓂᔭᔪᐛ ᒋᓴᒪᓂᑐᐛ ᑲ ᐊᑐᔅᑯᐛᔨᒋ᙮”

ᒋᔅᒐᔨᑕᑯᑕᒐᐅᓐ 4:8

ᒥᓯᐛ ᒪᒃ ᐊ ᓇᐅᒡ ᐊᓱᑕᒡ ᐃᑕᑎᓂᔪᐛ ᐅᑎᑎᑭᓄᐛᐛ᙮ ᒥᓯᐛ ᐊ ᐃᔅᐱᑎᒡ ᑎᑯᓂᔪᐛ ᐅᔅᒋᓯᑯᐛᐛ, ᐛᐛᒡ ᓯᐸ ᐅᑎᑎᑯᓂᐛᒡ ᑎᑯᓂᔪᐛ᙮ ᓇᒪ ᒪᒃ ᒋᐱᑐᐛᐅᒡ ᐊ ᓂᑭᒧᒡ ᐊ ᑎᐱᔅᑲᔨᒡ ᑭᔭ ᐊ ᒋᓯᑲᔨᒡ, ᐊ ᐃᔅᒋᔄᒡ, “ᐸᔭᒋᓯᐤ, ᐸᔭᒋᓯᐤ, ᐸᔭᒋᓯᐤ ᐅᑎᐸᔨᒋᒐᐤ ᒋᓴᒪᓂᑐᐤ ᒪᐅᒡ ᑲ ᓱᐧᑲᑎᓯᑦ, ᐊᓐ ᒧᔅ ᑲ ᐸᒋ ᑕᑦ, ᐊᓐ ᐊᓄᒡ ᐊ ᑕᑦ, ᑭᔭ ᐊᓐ ᒐ ᑎᑯᓯᐧᒃ᙮”

ᒋᔅᒐᔨᑕᑯᑕᒐᐅᓐ 6:10

ᒋ ᒋᔄᐛᐅᒡ ᒪᒃ ᐊ ᑕᑈᒡ, “ᓂᑎᐸᔨᒋᒐᓯᒥᓇᓐ ᑲ ᓱᐧᑲᑎᓯᔨᓐ, ᑲ ᐸᔭᒋᓯᔨᓐ, ᑲ ᒋᔅᑕᔨᑕᑯᓯᔨᓐ ᒐᒋ ᑕᑈᐅᒐᔨᒥᑯᔨᓐ᙮ ᑕᐃᔅᐱ ᒐ ᑎᐸᔅᑯᓂᑥᐤ ᐊᓐᒡ ᐊᓐᑕ ᐊᔅᒋᒡ ᐊ ᑕᒡ ᑲ ᓂᐸᐃᔨᒥᒡ ? ᑕᐃᔅᐱ ᒐ ᑎᐸᐊᑥᐤ ᐊᓐᒡ ᑲ ᓂᐸᐃᔨᒥᒡ ?”