ᒋᔅᒐᔨᑕᑯᑕᒐᐅᓐ 16:21 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²¹ ᐊᑯ ᒪᒃ ᑲ ᒥᔅᑎ ᒥᔅᑯᒥᐅᑎᒡ᙮ ᐊᓐᒡ ᒪᒃ ᒥᔅᑯᒥᔨᒡ ᑲ ᐸᐸᒋᓯᓂᒡ ᓴᓯᑲᓐ ᐸᐃᑯ ᒥᑕᓯᒥᑎᓄᐤ ᑎᐸᐸᑲᐃᑭᓇ ᒋ ᐃᔅᐱᔅ ᑯᓯᑯᑐᐅᒡ᙮ ᒋ ᐱᑎᑯᔅᑲᑯᐅᒡ ᒪᒃ ᐊᐛᓐᒋ ᐅᑕ ᐊᔅᒋᒡ ᐊᓂᔭᔪᐛ ᒥᔅᑯᒥᔭ ᒋᓯᑯᒡ ᑲ ᐅᒋ ᐸᒋᓯᓂᔨᒋ᙮ ᐊᓐᒡ ᒪᒃ ᐊᐛᓐᒋ ᒋ ᐸᔅᑕᒪᐅᒡ ᐊ ᐃᔅᐱᔅ ᒥᔅᑎ ᒋᔄᐃᑯᒡ ᒋᓴᒪᓂᑐᐛ ᑕᓐ ᑲ ᐃᓯ ᓂᓇᐧᑲᑕᔨᒧᐃᑯᒡ ᐊᓂᔭ ᐊ ᒋᐧᑭᐧᑯᐱᔨᒡ, ᐛᔅ ᓇᔅᒡ ᑕᑈ ᒋ ᓂᓇᐧᑲᑕᔨᒧᒡ ᒪᒂᒡ ᐅᔭ ᑲ ᐃᔅᐱᔨᒡ᙮

ᒋᔅᒐᔨᑕᑯᑕᒐᐅᓐ 16:21 Iomraidhean Croise

ᐊᒃᓱᑕᔅ 9:18

ᐛᐸᒐ, ᓂᑭ ᐃᑎᓴᐊᓐ ᒐ ᓯᓯᑯᓂᐱᔨᒡ ᒥᓯᐛ ᐊᓐᑕ ᐃᒋᑉᑎᒡ ᑭᔭ ᐊᑲ ᓂᑕ ᐃᓯᓇᒂᒡ ᒋᑭ ᐃᓯᓇᑯᓐ ᐊᓐᑕ ᐃᒋᑉᑎᒡ᙮

ᐊᒃᓱᑕᔅ 9:22

ᑎᐸᔨᒋᒐᓱᐤ ᒂ ᐃᑕᑦ ᒧᓱᓴ, “ᐃᔅᐱᑕ ᔅᑎᒋᔾ ᐊᓐᑕ ᒋᓯᑯᒡ ᐃᔅ ᑭᔭ ᐊ ᓯᓯᑯᓂᐱᔨᒡ ᒐ ᐸᒋᑎᒡ ᐊᓐᑕ ᐃᒋᑉᑎᒡ᙮ ᒐ ᑲᔅᑕᐅᑯᒡ ᐊᓐᒡ ᐃᔪᒡ ᑭᔭ ᐊᐛᓯᓯᒡ ᑭᔭ ᐊ ᓂᑕᐅᒋᓂᔨᒋ ᒐᒂᔪᐛ ᐊᓐᑕ ᓂᑕᐅᒋᑭᓂᒡ ᐊᓐᑕ ᒥᓯᐛ ᐃᒋᑉᑦ ᐊᔅᒋᒡ᙮”

ᒋᔅᒐᔨᑕᑯᑕᒐᐅᓐ 11:19

ᐊᑯ ᒋᓴᒪᓂᑐᐤ ᐅᒋᓴᐊᔭᒥᐊᐅᒋᐛᑉ ᒋᒋᒋᓯᑯᒡ ᐊ ᑎᑯᓂᔨᒡ ᒂ ᓴᓂᑭᓄᐎᒡ᙮ ᐊᓐᑕ ᒪᒃ ᐱᑎᑭᒥᒡ ᒋ ᓄᑯᓐ ᐊᓐ ᑲ ᐸᔭᒋᓯᒥᑲᒡ ᒥᔅᑎᑯᐅᑦ ᐊᓐᑕ ᑲ ᑎᑕᑭᓄᔨᒡ ᐊᓂᔭ ᓂᔅᑯᒧᐅᓂᔪᐤ ᒋᓴᒪᓂᑐᐤ ᑲ ᐅᓯᑎᒧᐛᑦ ᐅᑦ ᐃᔨᒪ᙮ ᐊᑯ ᑲ ᐅᔄᔅᑕᐱᔨᒡ ᑭᔭ ᓂᒥᔅᒍᐅᒡ ᒋ ᐸᑕᑯᓱᐅᒡ᙮ ᑭᔭ ᒋ ᑯᐃᐧᑯᓐ ᑭᔭ ᒋ ᒥᔅᑎ ᒥᔅᑯᒥᑕᓐ᙮

ᒋᔅᒐᔨᑕᑯᑕᒐᐅᓐ 16:11

ᐊᑯ ᒂ ᐸᔅᑕᒪᒡ ᒋᓴᒪᓂᑐᐛ ᒋᒋᒋᓯᑯᒡ ᐊ ᑕᔨᒋ ᐊᓂᔭ ᐊ ᐎᓯᒐᔨᑕᒡ ᑭᔭ ᐊᐅᒥᒋᒡ ᐅᒡ᙮ ᒥᒄ ᒪᒃ ᓇᒪ ᐃᔭᐱᒡ ᐅᒋ ᒂᔅᑲᑎᓯᐅᒡ᙮

ᒋᔅᒐᔨᑕᑯᑕᒐᐅᓐ 16:9

ᒋ ᐃᔎᓱᐅᒡ ᒪᒃ ᐊᐛᓐᒋ ᐊ ᐃᔅᐱᔅ ᐎᓯᑲᔅᑐᐛᔨᒋ ᐱᓯᒺ᙮ ᐊᑯ ᒂ ᐸᔅᑕᒪᒡ ᒋᓴᒪᓂᑐᐛ ᐊᓂᔭᔪᐛ ᑲ ᐊᔭᔨᒋ ᑎᐸᔨᒋᒐᐅᓂᔪᐤ ᐅᔭ ᒐᒋ ᐃᓯ ᓂᓇᐧᑲᑕᔨᒧᓇᓄᐎᒡ᙮ ᒥᒄ ᒪᒃ ᓇᒪ ᐊᐛᓐ ᐅᒋ ᒋᔅᑕᒋᒪᐤ ᒋᓴᒪᓂᑐᐛ ᑭᔭ ᓇᒪ ᐅᒋ ᒂᔅᑲᑎᓯᐤ᙮

ᒋᔅᒐᔨᑕᑯᑕᒐᐅᓐ 8:7

ᐊᑯ ᐊᓐ ᓂᔅᑎᒻ ᐊ ᑕᑦ ᐊᓐᒋᓐ ᒂ ᐳᑕᑕᐧᒃ ᐅᐳᑕᒋᑭᓐ᙮ ᒋ ᒥᔅᑯᒥᔪᑕᓐ ᑭᔭ ᐃᔅᑯᑕᐤ ᒋ ᐸᒋᑎᓐ ᐊ ᒪᒧᐱᔨᒡ ᒥᐧᒄ ᐊᓐᑕ ᐊᔅᒋᒡ ᐊ ᐃᓯ ᐸᒋᑎᒡ᙮ ᒐᑲᑦ ᐊᐱᑐᐤ ᐊ ᐃᔅᐱᑎᔅᑭᒥᑲᒡ ᐊᔅᒋᔾ ᒋ ᐃᔎᑕᐤ᙮ ᒐᑲᑦ ᒪᒃ ᐊᐱᑐᐤ ᒋ ᐃᔅᐱᔅ ᐃᔎᓱᐅᒡ ᒥᔅᑎᑯᒡ᙮ ᒥᓯᐛ ᑭᔭ ᒥᔅᑯᓱᐛ ᒋ ᐃᔎᑕᐛ᙮