ᒋᔅᒐᔨᑕᑯᑕᒐᐅᓐ 16:2 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

² ᐊᑯ ᐊᓐ ᓂᔅᑎᒻ ᐊᓐᒋᓐ ᑲ ᑯᑎᐱᓇᐧᒃ ᐊᓂᔭ ᐅᐎᔭᑭᓐ ᐊᓐᑕ ᐃᔅ ᐊᔅᒋᒡ᙮ ᐊᓐᒡ ᒪᒃ ᑲ ᐊᔭᐛᒡ ᐊᓂᔭᔪᐛ ᒥᒋ ᐊᐛᓯᓴ ᐅᒋᔅᒋᓄᐛᒋᒋᑭᓂᔪᐤ ᑭᔭ ᑲ ᒪᒥᒋᒪᒡ ᐊᓂᔭ ᒥᓂᑐᐧᑲᓐ, ᒧᔭᒻ ᐊᓐ ᒥᒋ ᐊᐛᓯᔅ ᐊ ᐃᓯᓇᑯᓯᑦ ᑲ ᐃᓯᐊᑭᓄᔨᒋ ᒋ ᐅᒥᒋᔪᐱᔪᒡ ᓇᔅᒡ ᐊ ᒪᔭᓯᓇᑯᓂᔨᒋ ᑭᔭ ᓇᔅᒡ ᐊ ᐊᐧᑯᐃᑯᒡ ᐊᓂᔭ ᑕᓐ ᑲ ᐃᓯ ᐅᒥᒋᐅᐱᔨᒡ᙮

ᒋᔅᒐᔨᑕᑯᑕᒐᐅᓐ 16:2 Iomraidhean Croise

ᑎᐱᑦ ᐅᓂᑭᒧᐅᓇ 78:26

ᒋ ᐃᑐᑎᒻ ᒐᒋ ᐛᐸᓂᔪᑎᓂᔨᒡ ᒋᓯᑯᒡ, ᑭᔭ ᐅᓱᐧᑲᑎᓯᐅᓂᒡ ᒋ ᐸᐱᔨᑕᐤ ᐊ ᓴᐅᓂᐃᓂᔨᒡ᙮

ᐊᑈᔅᑕᓇᒡ 12:23

ᑎᐛᒡ ᒪᒃ ᐅᑎᐸᔨᒋᒐᐛ ᐅᑦ ᐊᓐᒋᓂᒥᔪᐛ ᒋ ᑐᑕᑯᐤ ᐊᕈᑦ ᒐᒋ ᒥᔅᑎ ᐊᐧᑯᓯᑦ, ᐊᑯ ᒥᓐᑐᓴ ᑲ ᐊᑎ ᒧᑯᑦ ᓇᔅᒡ ᐊᒋ ᐊᑎ ᓂᐸᐃᑯᑦ, ᐛᔅ ᑕᐸ ᐅᒋ ᐎ ᒋᔅᑕᔨᑕᑯᐊᐤ ᒋᓴᒪᓂᑐᐛ᙮

ᒋᔅᒐᔨᑕᑯᑕᒐᐅᓐ 13:12

ᐅ ᒪᒃ ᑯᑎᒃ ᒥᒋ ᐊᐛᓯᔅ ᒥᔅᑎ ᒋ ᒥᔨᑯᐤ ᑎᐸᔨᒋᒐᐅᓂᔪᐤ ᐊᓂᔭᔪᐛ ᓂᔅᑎᒻ ᒥᒋ ᐊᐛᓯᓴ, ᐊ ᐅᒋᒪᐅᑦ ᒐᒋ ᐃᑕᐱᒋᐃᑯᑦ ᐊᓐᑕ ᐊ ᑕᔨᒋ᙮ ᐊᑯ ᒂ ᐊᔨᐧᑭᒥᐊᑦ ᒥᓯᐛ ᐊᐛᔪᐛ ᐊᓐᑕ ᐊᔅᒋᒡ ᑲ ᐱᒪᑎᓯᔨᒋ ᒐᒋ ᐊᔭᒥᐊᔅᑐᐛᔨᒋ ᐊᓂᔭ ᓂᔅᑎᒻ ᑲ ᑕᔨᒋ ᒥᒋ ᐊᐛᓯᓴ, ᐊᓂᔭᔪᐛ ᒥᒋ ᐊᐛᓯᓴ ᒋᒋᐛ ᑲ ᒥᓱᐛᑭᓂᐧᑲᑕᑭᓄᐎᒂᓂ ᐅᔅᑎᒂᓂᔨᒡ ᑭᔭ ᑲ ᒥᓏᒋᑕᑭᓄᔨᒋ᙮

ᒋᔅᒐᔨᑕᑯᑕᒐᐅᓐ 14:16

ᐊᑯ ᐊᓐ ᑲ ᑕᑎᐱᑦ ᐊᓂᔭᔪᐛ ᑭᔅᑯᐅᓂᔎ, ᑲ ᐛᐱᐱᔨᑕᑦ ᐊᓂᔭ ᐅᒥᔅᑯᓯᐅ-ᒧᐧᑯᒪᓐ ᐊᓐᑕ ᐃᔅ ᐊᔅᒋᒡ᙮ ᒥᓯᐛ ᒪᒃ ᐊ ᐃᔅᐱᓴᔨᒡ ᐊᔅᒋᔪᐤ ᒋ ᒋᒥᓯᒻ ᑕᓐ ᑲ ᐃᓯ ᓂᑕᐅᒋᓂᔨᒡ᙮

ᒋᔅᒐᔨᑕᑯᑕᒐᐅᓐ 14:9

ᒥᓐ ᑯᑎᒃ ᐊᓐᒋᓐ ᒋ ᐅᒋ ᐱᒥᔭᐤ ᓇᔅᒡ ᐊ ᐃᔅᐸᐅᑦ ᐃᔅᐱᒥᒡ ᐊᓐᑕ ᐊ ᐃᓯ ᐱᒥᔭᑦ᙮ ᐊᑯ ᒪᒧᐤ ᓂᔅᑐ ᐊᓐᒋᓐᒡ ᒂ ᓄᑯᓯᒡ᙮ ᐊᑯ ᐅ ᓂᔅᑐ ᐊ ᑕᑦ ᐊᓐᒋᓐ ᒂ ᐃᔅᒋᔄᑦ ᐊ ᒋᔄᐛᑦ, “ᐊᓐ ᐊᐛᓐ ᒐ ᐊᔭᒥᐊᔅᑐᐛᒂ ᐊᓂᔭᔪᐛ ᒥᒋ ᐊᐛᓯᓴ ᑭᔭ ᐊᓂᔭᔪᐛ ᒥᓂᑐᐧᑲᓇ, ᒧᔭᒻ ᐊᓐ ᒥᒋ ᐊᐛᓯᔅ ᐊ ᐃᓯᓇᑯᓯᑦ ᑲ ᐃᓯᐊᑭᓄᔨᒋ ᑭᔭ ᒐ ᐱᔅᑎᓂᓱᒂ ᒐᒋ ᒋᔅᒋᓄᐛᒋᐊᑭᓄᐅᑦ ᐅᔅᑲᑎᑯᒡ ᒪᒃ ᐅᑎᒋᒡ,

ᒋᔅᒐᔨᑕᑯᑕᒐᐅᓐ 16:1

ᐊᑯ ᑲ ᐸᑐᐅᒃ ᐊᐛᓐ ᐊᓐᑕ ᒋᓴᐊᔭᒥᐊᐅᒋᐛᐱᒡ ᐊ ᐅᒋ ᐸᑕᑯᓯᑦ ᐊ ᐃᔨᒥᑦ᙮ ᒋ ᒋᔄᐛᐤ ᐊᓐ ᐊᐛᓐ᙮ ᒋ ᐃᑕᐤ ᐊᓂᔭᔪᐛ ᓂᔄᐅᑕᒡ ᑲ ᑕᒡ ᐊᓐᒋᓐ, “ᒪᒋᒄ᙮ ᐊᓐᑕ ᐊᔅᒋᒡ ᐃᔅ ᑯᑎᐱᓂᒧᒄ ᐊᓂᔭ ᓂᔄᐅᑕᒡ ᑲ ᒧᑕᔭᒂᐤ ᐎᔭᑭᓇ ᐊᓐᑕ ᐊ ᑎᑯᓂᔨᒡ ᒋᓴᒪᓂᑐᐤ ᐅᑦ ᐊᐧᑯᔪᐛᓱᐅᓐ᙮”

ᒋᔅᒐᔨᑕᑯᑕᒐᐅᓐ 16:11

ᐊᑯ ᒂ ᐸᔅᑕᒪᒡ ᒋᓴᒪᓂᑐᐛ ᒋᒋᒋᓯᑯᒡ ᐊ ᑕᔨᒋ ᐊᓂᔭ ᐊ ᐎᓯᒐᔨᑕᒡ ᑭᔭ ᐊᐅᒥᒋᒡ ᐅᒡ᙮ ᒥᒄ ᒪᒃ ᓇᒪ ᐃᔭᐱᒡ ᐅᒋ ᒂᔅᑲᑎᓯᐅᒡ᙮

ᒋᔅᒐᔨᑕᑯᑕᒐᐅᓐ 8:7

ᐊᑯ ᐊᓐ ᓂᔅᑎᒻ ᐊ ᑕᑦ ᐊᓐᒋᓐ ᒂ ᐳᑕᑕᐧᒃ ᐅᐳᑕᒋᑭᓐ᙮ ᒋ ᒥᔅᑯᒥᔪᑕᓐ ᑭᔭ ᐃᔅᑯᑕᐤ ᒋ ᐸᒋᑎᓐ ᐊ ᒪᒧᐱᔨᒡ ᒥᐧᒄ ᐊᓐᑕ ᐊᔅᒋᒡ ᐊ ᐃᓯ ᐸᒋᑎᒡ᙮ ᒐᑲᑦ ᐊᐱᑐᐤ ᐊ ᐃᔅᐱᑎᔅᑭᒥᑲᒡ ᐊᔅᒋᔾ ᒋ ᐃᔎᑕᐤ᙮ ᒐᑲᑦ ᒪᒃ ᐊᐱᑐᐤ ᒋ ᐃᔅᐱᔅ ᐃᔎᓱᐅᒡ ᒥᔅᑎᑯᒡ᙮ ᒥᓯᐛ ᑭᔭ ᒥᔅᑯᓱᐛ ᒋ ᐃᔎᑕᐛ᙮