ᒋᔅᒐᔨᑕᑯᑕᒐᐅᓐ 16:16 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁶ ᐊᓐᒡ ᒪᒃ ᒥᒋ ᐊᒐᐧᑯᒡ ᒋ ᒪᒧᓇᐅᒡ ᐊᓂᔭ ᒋᓴᐅᒋᒪᐛ ᐊᓐᑕ ᐊᓂᔭ ᐱᔅᑯᑎᓇᔪᐤ ᐊᕐᒪᑲᑎᓐ ᑲ ᐃᓯᓂᐧᑲᑕᔨᒡ ᐃᑉᕈᐤ ᐊ ᐃᓯ ᐃᔨᒥᓇᓄᐅᒡ᙮

ᒋᔅᒐᔨᑕᑯᑕᒐᐅᓐ 16:16 Iomraidhean Croise

ᒠᓐ 19:13

ᐃᔅᐱ ᒪᒃ ᑈᓚᑦ ᐱᔭᑕᐧᒃ ᐊᓂᔭ ᑲ ᐃᔅᒋᔄᔨᒋ ᐊᓂᔭ ᒍᐤ ᐃᔪᐛ ᐎᐎᑎᒥᒡ ᒋ ᐃᑐᑕᐊᐤ ᐊᓂᔭ ᒋᓴᓴ ᐊᑯ ᑲ ᐛᐛᔨᐱᑦ ᐊᓐᑕ ᑎᐸᔅᑯᓂᒐᓱᐤ ᑕᑎᐳᐛᑭᓂᒡ, ᐊᓐᑕ ᐊ ᐊᓯᓂᐧᑲᓄᐎᔨᒡ ᐊᒋ ᐊᔅᑕᔨᒡ᙮ ᐃᑉᕈᐤ ᐊ ᐃᓯ ᐃᔨᒥᓇᓄᐅᒡ ᑲᐸᑕ ᐃᓯᓂᐧᑲᑕᑭᓄᐤ ᐊᓐᑕ ᐊᓂᔭ ᑲ ᐊᓯᓂᐧᑲᓄᐎᔨᒡ᙮

ᒠᓐ 19:17

ᒂ ᔅᑐᑕᐊᒡ ᐊᓂᔭ ᒋᓴᓴ ᐊ ᐱᒧᑕᐊᔨᒋ ᐅᒋᐱᔭᑎᑯᒥᔪᐛ ᐊᓐᑕ ᒂ ᐃᑐᑕᐊᒡ “ᒋᐱᔅᑎᒂᓐ ᑲ ᑎᒂᒡ” ᑲ ᐃᓯᓂᐧᑲᑕᔨᒡ᙮ ᐅ ᒪᒃ “ᒋᐱᔅᑎᒂᓐ ᑲ ᑎᒂᒡ” ᑲ ᐃᓯᓂᐧᑲᑕᒡ, ᐃᑉᕈᐤ ᐊ ᐃᓯ ᐃᔨᒥᓇᓄᐅᒡ “ᑯᓪᑯᑕ” ᐃᓇᓄᐤ᙮

ᒠᓐ 5:2

ᐊᓐᑕ ᒪᒃ ᒋᕈᓯᓕᒥᒡ ᒋ ᑎᑯᓐ ᐊᓐᑕ ᐊ ᐅᒋ ᐱᒐᓄᐅᒡ ᒪᔭᑕᓂᔅ ᒋᐱᔎᐤ ᐊ ᐃᓯᓂᐧᑲᑕᒡ᙮ ᒥᒋᒪ ᒪᒃ ᐊᓐᑕ ᒋ ᑎᑯᓐ ᐊ ᐱᑲᓯᒧᓇᓄᐅᒡ, ᐸᑎᔅᑕ ᒋ ᐃᓯᓂᐧᑲᑕᐤ ᐃᑉᕈᐤ ᐊ ᐃᓯ ᐃᔨᒥᓇᓄᐅᒡ᙮ ᐱᑕᑕᒡ ᒋ ᑕᑎᓇ ᐱᑐᔎᐛ ᐊ ᑎᒂᒋ ᐊᓐᑕ᙮

ᐊᑈᔅᑕᓇᒡ 26:14

ᒥᓯᐛ ᒪᒃ ᓂᒋ ᐸᒋᓯᓇᓐ, ᐊᑯ ᒂ ᐸᑐᐅᒃ ᐊᐛᓐ ᐃᑉᕈᐤ ᐊ ᐃᓯ ᐃᔨᒥᑦ ᐊ ᐸᒋ ᐃᓯᑦ, ‘ᓴᓪ, ᓴᓪ, ᒐᒂᓐ ᐛᒋ ᑯᒂᒋᐃᔨᓐ ? ᒋᔾ ᓇᓂᑎᒻ ᒋᑦ ᐊᐧᑯᐃᓱᓐ ᐊᑎ ᓂᔾ ᐊ ᐎ ᐸᒋ ᐊᐧᑯᐃᔨᓐ᙮’ ”

ᒋᔅᒐᔨᑕᑯᑕᒐᐅᓐ 17:14

ᐅᒡ ᒪᒃ ᐸᐃᑯᔪᐤ ᒋᓴᐅᒋᒪᐅᒡ ᑭᔭ ᐊᓐ ᒥᒋ ᐊᐛᓯᔅ, ᒋᑭ ᓂᑐᐱᔨᑐᐛᐅᒡ ᐊᓂᔭᔪᐛ ᒪᔭᑕᓂᓴ᙮ ᒥᒄ ᒪᒃ ᒋᑭ ᓴᑯᐃᑯᐅᒡ ᐊᓂᔭᔪᐛ ᒪᔭᑕᓂᓴ ᑭᔭ ᐊᓂᔭᔪᐛ ᑲ ᓇᓴᐅᑯᔨᒋ᙮ ᐛᔅ ᐎᔾ ᐊᓐ ᒪᔭᑕᓂᔅ ᒋᒋᐛ ᒋᔅᑕᔨᑕᑯᓱᐤ ᐊ ᑕᑎᓯᔨᒋ ᒥᓯᐛ ᐅᑎᐸᔨᒋᒐᐛ ᑭᔭ ᐎᔾ ᒋᒋᐛ ᓱᒐᔨᑕᑯᓱᐤ ᐊ ᑕᑎᓯᔨᒋ ᒥᓯᐛ ᒋᓴᐅᒋᒪᐛ᙮ ᐊᓂᔭᔪᐛ ᒪᒃ ᑲ ᓇᓴᐅᑯᑦ, ᐊᐅᑯᓂ ᐎᔾ ᐛᒋᒡ ᑲ ᑕᑈᑕᑦ ᑭᔭ ᑲ ᐅᑎᓇᑦ ᒐᒋ ᐅᑦ ᐃᔨᒥᑦ ᑭᔭ ᐊᐅᑯᓂ ᐊᓂᔭᔪᐛ ᑯᐃᔅᒄ ᑲ ᐃᑎᔨᒋ ᐊ ᓇᓴᐅᑯᑦ᙮”

ᒋᔅᒐᔨᑕᑯᑕᒐᐅᓐ 9:11

ᐊᓂᔭᔪᐛ ᐊᓐᒋᓇ ᑲ ᐅᒋᒪᐅᑐᑎᒥᔨᒋ ᐊᓂᔭ ᑲ ᒥᔅᑎ ᐱᑯᓇᔭᔨᒡ, ᐊᐅᑯᓂ ᐊᓂᔭᔪᐛ ᑲ ᐅᒋᒪᒥᒡ᙮ ᐃᑉᕈᐤ ᐊ ᐃᓯ ᐃᔨᒥᓇᓄᐎᒡ, ᐊᐸᑐᓐ ᒋ ᐃᓯᓂᐧᑲᓱᔪᐛ᙮ ᑯᕆᒃ ᒪᒃ ᐊ ᐃᓯ ᐃᔨᒥᓇᓄᐎᒡ, ᐊᐳᓕᔪᓐ ᒋ ᐃᓯᓂᐧᑲᓱᔪᐛ᙮ ᑲ ᓂᓱᐅᓇᒋᐃᐛᑦ ᐃᓯ ᐱᔭᑭᔅᒋᑕᑭᓄᐅᔪᐤ ᐊᓂᔭ ᐅᑦ ᐃᓯᓂᐧᑲᓱᐅᓐ᙮