ᒋᔅᒐᔨᑕᑯᑕᒐᐅᓐ 16:10 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁰ ᐊᑯ ᐊᓐ ᐱᑕᑕᒡ ᐊ ᑕᑦ ᐊᓐᒋᓐ, ᒂ ᑯᑎᐱᓇᐧᒃ ᐅᐎᔭᑭᓐ ᐊᓐᑕ ᐃᔅ ᐊᓂᔭ ᒥᒋ ᐊᐛᓯᓴ ᐅᒋᓴᐅᒋᒪᐤ ᑕᑎᐳᐛᑭᓂᔨᒡ᙮ ᒋ ᑎᐱᔅᒋᐱᔪᐤ ᒪᒃ ᐊᓐᑕ ᐊᓐ ᒥᒋ ᐊᐛᓯᔅ ᐅᒋᒪᐤ ᐅᑦ ᐊᔅᒋᒡ᙮ ᒋ ᒪᒪᒂᑎᒧᒡ ᐊᐛᓐᒋ ᐅᑕᔨᔪᐛᐛ ᐊᔅᐱᔅ ᐎᓯᒐᔨᑕᒡ

ᒋᔅᒐᔨᑕᑯᑕᒐᐅᓐ 16:10 Iomraidhean Croise

ᑎᐱᑦ ᐅᓂᑭᒧᐅᓇ 78:49

ᒋ ᐛᐱᓂᒧᐛᐤ ᐊᔅᐱᔅ ᐊᒂᑎᓯᒥᑭᓂᔨᒡ ᐅᒋᔄᓯᐅᓐ, ᐅᑦ ᐊᐧᑯᔪᐛᓱᐅᓐ, ᑭᔭ ᐅᔭᔅᑕᔨᑎᒧᐅᓐ, ᑭᔭ ᐅᒥᑯᔅᑲᑕᔨᑎᒧᐅᓐ, ᒥᒋ ᐊᓐᒋᓇ ᐊ ᐃᑎᓴᐊᒧᐛᑦ᙮

ᒪᑎᔪᐤ 13:42

ᐊᑯ ᒪᒃ ᒐ ᐃᓯ ᐛᐱᓇᒡ ᐊᓐᑕ ᒥᒋ ᐃᔅᑯᑕᒡ ᐊᓐᑕ ᐱᓯᒄ ᒐ ᒪᒡ ᑭᔭ ᒐ ᒪᒥᑥᐛᐱᑕᓯᓂᒡ᙮

ᒪᑎᔪᐤ 13:50

ᐊᑯ ᐊᓐᑕ ᒥᒋ ᐃᔅᑯᑕᒡ ᒐ ᐃᓯ ᐛᐱᓇᑭᓄᐎᒡ ᐊᓐᒡ ᑲ ᒥᒐᑎᓯᒡ, ᐊᑯᑕ ᒐ ᒪᒡ ᑭᔭ ᒐ ᒥᑥᐛᐱᑕᓯᓂᒡ ᒐ ᐃᔅᐱᔅ ᐎᓯᒐᔨᑕᒡ᙮”

ᒪᑎᔪᐤ 22:13

“ᐊᑯ ᐊᓐ ᒋᓴᐅᒋᒪᐤ ᒂ ᐃᑕᑦ ᐊᓂᔭ ᐅᑯᐸᓇᒪ, ‘ᒪᑯᐱᑎᒺᐧᒄ ᐅᓯᑕ ᑭᔭ ᐅᑎᒋᔭ, ᒐ ᐃᓯ ᐛᐱᓇᒄ ᒪᒃ ᐎᐎᑎᒥᒡ ᐊ ᐃᓯ ᑭᔅᑎᐱᔅᑲᔨᒡ, ᐊᑯᑕ ᒐ ᑎᒂᒡ ᒪᐅᓐ ᑭᔭ ᒐ ᒪᒥᑥᔭᐱᑕᓯᓇᓄᐅᒡ᙮’ ”

ᒪᑎᔪᐤ 24:51

ᐊᑯ ᒐ ᐛᐛᓯᐊᑭᓄᐅᑦ ᓇᔅᒡ ᒐᒋ ᐛᐎᓯᒐᔨᑕᐧᒃ᙮ ᐊᑯ ᒪᒃ ᒐ ᐃᓯ ᐱᔅᑎᓇᑭᓄᐅᑦ ᐊᓐᑕ ᑲ ᐊᔭᒥᐊᐧᑲᓱᔨᒋ ᐊ ᑕᔨᒋ ᒐᒋ ᓂᓇᐧᑲᑕᔨᒧᑦ᙮ ᐊᑯᑕ ᐊᓐᑕ ᒐ ᒪᒡ ᑭᔭ ᒐ ᒪᒥᑕᔭᐱᑕᓯᒡ ᒐ ᐃᔅᐱᔅ ᓂᓇᐧᑲᑕᔨᒧᒡ᙮”

ᒪᑎᔪᐤ 8:12

ᒥᒄ ᒪᒃ ᐊᓐᒡ ᑲ ᒥᓯᓇᓱᒡ ᒋᓴᐅᒋᒪᐅᓂᒡ ᒋᐸ ᐃᓯ ᐎᒋᐃᐛᐱᓐᒡ ᓇᒪ ᒋᑭ ᐅᒋ ᐱᑎᑲᐊᑭᓄᐅᒡ ᐊᓐᑕ᙮ ᐅᓂᑎᐱᔅᒋᓯᐅᓂᒡ ᒋᑭ ᐃᓯ ᐛᐱᓇᑭᓄᐎᒡ, ᐊᑯᑕ ᐊᓐᑕ ᒐ ᒪᒡ ᑭᔭ ᒐ ᒪᒥᑕᔭᐱᑕᓯᓂᒡ᙮”

ᓗᒃ 13:28

“ᓇᔅᒡ ᑕᑈ ᓱᒃ ᒋᑭ ᒪᓇᐛᐤ ᑭᔭ ᒋᑭ ᒪᒥᑥᔭᐱᑕᓯᓇᐛᐤ ᐃᔅᐱ ᐛᐱᒪᒂᐛ ᐊᑉᕋᐊᒻ, ᐊᐃᓯᒃ, ᒐᑭᑉ, ᑭᔭ ᒥᓯᐛ ᐊᓂᔭᐧᑲ ᐅᒋᔅᒋᐛᐃᒐᓱᒡ ᐊ ᑕᒡ ᐎᔨᐛᐤ ᐊᓐᑕ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ, ᒋᔨᐛᐤ ᒪᒃ ᐎᐎᐛᐱᓂᑯᐅᔭᒂ᙮

1 ᐱᑕᕐ 2:17

ᒥᓯᐛ ᐊᐛᓐ ᒋᔅᑕᔨᒪᐧᒄ᙮ ᓴᒋᐊᐧᑯᒡ ᒥᓯᐛ ᐊᓐᒡ ᑲ ᐎᐧᑲᓂᓯᔭᒄ ᒋᓴᒪᓂᑐᐤ ᐃᔅ ᐊ ᑕᑦ, ᓇᓂᒋᔅᑐᐛᐧᒄ ᒋᓴᒪᓂᑐᐤ, ᒋᔅᑕᔨᒪᐧᒄ ᒋᓴᐅᒋᒪᐤ᙮

ᒋᔅᒐᔨᑕᑯᑕᒐᐅᓐ 11:10

ᐊᓐᒡ ᒪᒃ ᐊᐛᓐᒋ ᐊᔅᒋᒡ ᐊ ᑕᒡ, ᒋᑭ ᒥᔽᔨᑎᒧᒡ ᐊᒋ ᓂᐸᐊᑭᓄᔨᒋ ᐊᓂᔭᔪᐛ ᑲ ᓂᓯᔨᒋ᙮ ᒋᑭ ᒥᔽᔨᑎᒧᒡ ᑭᔭ ᒋᑭ ᒪᒥᐃᑐᐅᒡ ᒥᔨᐛᐅᓇ ᐊᒋ ᓂᐸᐊᑭᓂᔨᒋ ᐊᓂᔭᔪᐛ ᑲ ᓂᓯᔨᒋ ᑲ ᐃᑐᑎᒥᔨᒋ ᒐᒋ ᓂᓇᐧᑲᑕᔨᒧᓇᓄᐎᒡ ᐅᑕ ᐊᔅᒋᒡ᙮

ᒋᔅᒐᔨᑕᑯᑕᒐᐅᓐ 11:2

ᒥᒄ ᐊᑲᐎᔾ ᑎᐸᐊ ᐊᓐᑕ ᐱᑐᔎᒡ ᐛᔅᑲ ᐊᓐ ᒋᓴᐊᔭᒥᐊᐅᒋᐛᑉ᙮ ᐊᑲᐎᔾ ᑎᐸᐊ ᐛᔅ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᒋ ᒥᔭᑭᓄᐎᒡ ᐊᓂᔭ᙮ ᐊᐅᑯᓐᒡ ᐅᒡ ᒐ ᑕᑕᐧᑯᔅᑲᑕᒡ ᐊᓂᔭ ᐅᑕᓇᔪᐤ ᑲ ᐸᔭᒋᓯᒥᑭᓂᔨᒡ ᓇᐎᔪᐤ ᐊᓱ ᓂᓱ ᐱᓯᒺ ᐃᔅᐱᔅ᙮”

ᒋᔅᒐᔨᑕᑯᑕᒐᐅᓐ 11:8

ᐊᓂᔭᔪᐛ ᒪᒃ ᐎᔪᐛᐛ ᐊᑯᑕ ᐊᓐᑕ ᒪᔅᑭᓇᒡ ᐊᓂᔭ ᒥᔅᑎ ᐅᑕᓇᔪᐤ ᐊᓐᑕ ᑲ ᓂᐸᐊᑭᓄᔨᒋ ᑲ ᒋᔅᑕᔎᑕᑭᓄᔨᒋ ᒋᐱᔭᑎᑯᒡ ᐅᑎᐸᔨᒋᒐᓯᒧᐛᐛ, ᐊᑯᑕ ᒐ ᑎᑯᓂᔨᒋ᙮ ᐅ ᒪᒃ ᐅᑕᓇᐤ ᒧᔭᒻ ᑕᓐ ᑲ ᐃᑕᔨᑕᒂᒋ ᐊᓂᔭᔪᐛ ᐅᑕᓇᐛ ᓱᑕᒻ ᑭᔭ ᐃᒋᑉᑦ ᑲ ᐃᓯᓂᐧᑲᑕᒋ, ᐊᐅᑯᓐ ᒐ ᐃᑕᔨᑕᒂᒋ, ᓇᔅᒡ ᒋ ᒥᓴᐤ ᐊᓐᑕ ᒥᒐᑎᓯᐅᓐ᙮

ᒋᔅᒐᔨᑕᑯᑕᒐᐅᓐ 17:17

ᐛᔅ ᒋᓴᒪᓂᑐᐛ ᒋ ᐃᑐᑕᑯᒡ ᐅᑕᐃᐛᒡ ᒐᒋ ᐅᒋ ᐃᑕᔨᑕᒡ ᒐᒋ ᐃᑐᑎᒺᒡ ᑕᓐ ᐊ ᐃᓯ ᓂᑐᐛᔨᑎᒥᔨᒋ ᒐᒋ ᐃᑐᑕᑭᓄᐎᒡ᙮ ᐊᑯ ᒪᒃ ᐸᐃᑯᓄᒡ ᑲ ᐃᑕᔨᑎᒥᐃᑯᒡ ᒐ ᒥᔭᒡ ᐊᓂᔭᔪᐛ ᒥᒋ ᐊᐛᓯᓴ ᑕᓐ ᐊ ᐃᓯ ᐊᔭᒡ ᒐᒋ ᐅᒋᒪᐅᒡ᙮ ᒋᑭ ᐱᔅᑕᔨᒥᑎᓱᔅᑐᐛᐅᒡ ᒪᒃ ᐸᑐᔅ ᒥᓯᐛ ᒋ ᑎᐱᐱᔨᒐ ᑕᓐ ᑲ ᐃᓯ ᓂᑲᓐ ᐎᑎᒥᔨᒋ ᒋᓴᒪᓂᑐᐛ ᒐ ᐃᔅᐱᔨᒡ᙮

ᒋᔅᒐᔨᑕᑯᑕᒐᐅᓐ 17:9

“ᐊᑯᑕ ᐅ ᓇᑐᐛᔨᑕᒂᒡ ᑭᒐᑕᐛᔨᑎᒧᐤ ᒥᑐᓇᔨᒋᑭᓐ᙮ ᐊᓂᔭᔪᐛ ᓂᔄᐅᑕᒡ ᑲ ᐃᑕᑎᓂᔨᒋ ᐅᔅᑎᒂᓇ ᐊᓐ ᒥᒋ ᐊᐛᓯᔅ, ᐊᐅᑯᓂ ᐊᓂᔭᔪᐛ ᓂᔄᐅᑕᒡ ᐱᔅᑯᑎᓇᓴ ᐊᓐᑕ ᑎᔭᑎᐱᑦ ᐊᓐ ᐃᔎᐤ᙮ ᐊᐅᑯᓐᒡ ᑭᔭ ᓂᔄᐅᑕᒡ ᒋᓴᐅᒋᒪᐅᒡ᙮

ᒋᔅᒐᔨᑕᑯᑕᒐᐅᓐ 18:2

ᐊᑯ ᒂ ᐃᔅᒋᔄᑦ ᐅ ᐊᓐᒋᓐ ᐊ ᒋᔄᐛᑦ, “ᓂᓱᐅᓇᒋᑕᑭᓄᐤ ! ᓂᓱᐅᓇᒋᑕᑭᓄᐤ ᐸᐱᓗᓐ ᐊᓐ ᑲ ᒋᔅᑕᔨᑕᒂᒡ ᐅᑕᓇᐤ ᓇᔅᒡ ᓂᓱᐅᓇᒋᑕᑭᓄᐤ᙮ ᐊᑯᑕ ᐊᑯ ᐛᒋᒡ ᒥᓯᐛ ᐊ ᐃᓯᓇᑯᓯᒡ ᒥᒋ ᐊᒐᐧᑯᒡ ᓇᔅᒡ ᐊ ᒪᔭᑎᓯᒡ ᑭᔭ ᐊ ᐎᓇᔨᑕᑯᓯᒡ᙮ ᐊᑯᑕ ᑭᔭ ᐊᑯ ᐛᒋᑦ ᒥᓯᐛ ᐊ ᐃᓯᓇᑯᓯᑦ ᑲ ᐎᓇᔨᑕᑯᓯᑦ ᑭᔭ ᐊᑲ ᒧᐛᑭᓄᐅᑦ ᐱᔭᓱᐤ᙮

ᒋᔅᒐᔨᑕᑯᑕᒐᐅᓐ 18:21

ᐊᑯ ᐊᓐ ᐊᓐᒋᓐ ᓇᔅᒡ ᐊ ᓱᒐᔨᑕᑯᓯᑦ ᒂ ᐅᒋ ᐅᑎᓇᑦ ᐊ ᒥᒐᐱᔅᒋᓯᔨᒋ ᐊᓯᓂᔭ, ᐊᑯ ᐊᓐᑕ ᐎᓂᐸᑯᒡ ᑲ ᐃᓯ ᐱᑭᔅᑐᐛᐱᓇᑦ᙮ ᒋ ᐃᔅᒋᔄᐤ ᒪᒃ ᐊᓂᔭ ᐊ ᐛᐱᓇᑦ, “ᐊᐅᑯᓐ ᒧᔭᒻ ᒐ ᐃᔅᐱᔅ ᐊᑲ ᒥᓇᒋᑕᑭᓄᐅᒡ ᑕᓐ ᒐ ᐃᓯ ᓇᔅᒡ ᓂᓱᐅᓇᒋᑕᑭᓄᐅᒡ ᐊᓐ ᐅᑕᓇᐤ ᐸᐱᓗᓐ ᑲ ᐃᓯᓂᐧᑲᑕᒡ᙮ ᓇᒪ ᓂᑕ ᐊᓂᔭ ᒥᓐ ᒋᑭ ᐅᒋ ᒋᔅᒐᔨᑕᑯᓐ᙮

ᒋᔅᒐᔨᑕᑯᑕᒐᐅᓐ 18:23

ᓇᒪ ᓂᑕ ᒥᓐ ᒋᑭ ᐅᒋ ᓄᑯᓱᐅᒡ ᐛᔅᑕᓂᐱᒪᑭᓐᒡ ᐊ ᐛᔅᑐᐛᒡ ᐊᓐᑕ ᐊ ᑕᔨᓐ᙮ ᓇᒪ ᓂᑕ ᒥᓐ ᒋᑭ ᐅᒋ ᐸᑕᑯᓱᐅᒡ ᐊ ᒧᒋᒐᔨᑕᒡ ᐅᔅᒋᓂᒋᓱᐅᒡ ᑭᔭ ᐅᔅᒋᓂᔎᐅᒡ᙮ ᐊᓐᒡ ᓂᓇᐧᑯᐤ ᒐᒂᔪᐛ ᑲ ᐊᑕᐛᒡ ᐊᓐᑕ ᐊ ᑕᔨᓐ, ᐊᐅᑯᓐᒡ ᒪᐅᒡ ᑲ ᒋᔅᑕᔨᑕᑯᓯᒡ ᐊᐛᓐᒋ ᐅᑕ ᐊᔅᒋᒡ᙮ ᐊᓐᒡ ᐊᐛᓐᒋ ᐊᓐᑕ ᑲ ᐎᒋᒡ ᒥᓯᐛ ᐊᐛᔪᐛ ᐅᑕ ᐊᔅᒋᒡ ᒋ ᐎᔭᓯᐊᐅᒡ ᐅᒪᒥᑕᐛᑎᓯᐅᓄᐛᐤ ᐊ ᐊᐱᒋᑕᒡ᙮”

ᒋᔅᒐᔨᑕᑯᑕᒐᐅᓐ 8:12

ᐊᑯ ᐊᓐ ᓇᐤ ᐊ ᑕᑦ ᐊᓐᒋᓐ ᒂ ᐳᑕᑕᐧᒃ ᐅᐳᑕᒋᑭᓐ᙮ ᒐᑲᑦ ᐊᐱᑐᐤ ᐊᓐ ᐱᓯᒻ, ᑭᔭ ᒐᑲᑦ ᐊᐱᑐᐤ ᑎᐱᔅᑲᐤ ᐱᓯᒻ ᑭᔭ ᒐᑲᑦ ᐊᐱᑐᐤ ᐊ ᐃᑕᑎᓯᒡ ᐅᒐᑭᑕᐧᑯᒡ ᒋ ᑎᑯᓂᔪᐤ ᑲ ᐃᓯ ᓂᓱᐅᓇᒋᐊᑭᓄᐎᒡ, ᐊᑯ ᓇᒪ ᓇᔅᒡ ᐊᐱᑐᐤ ᐊ ᐃᔎᔨᒡ ᐊᔅᐱᔅ ᒋᐧᑲᔭᔅᑐᐛᒡ ᓇᒪ ᐅᒋ ᐃᔅᐱᔅ ᒋᐧᑲᔭᔅᑐᐛᐅᒡ᙮ ᒐᑲᑦ ᐊᐱᑐᐊᒋᓯᑲᔨᒡ ᐃᔅᐱᔅ ᓇᒪ ᐅᒋ ᒋᐧᑲᔭᔅᑐᐛᐤ ᐱᓯᒻ᙮ ᑎᐱᔅᑲᐤ ᐱᓯᒻ ᑭᔭ ᐅᒐᑭᑕᐧᑯᒡ ᑭᔭ ᐎᔨᐛᐤ ᓇᒪ ᐅᒋ ᒋᐧᑲᔭᔅᑐᐛᐅᒡ ᒐᑲᑦ ᐊᐱᑐᐊᑎᐱᔅᑲᔨᒡ ᐃᔅᐱᔅ᙮

ᒋᔅᒐᔨᑕᑯᑕᒐᐅᓐ 9:2

ᐃᔅᐱ ᒪᒃ ᑲ ᓴᓇᐧᒃ ᐊᓂᔭ ᑲ ᒥᔅᑎ ᐱᑯᓇᔭᔨᒡ ᒋ ᐅᒋ ᐎᐎᔭᐸᑕᐱᔪᐤ ᐊ ᒥᔅᑎ ᐊᒂᐸᑕᔨᒡ ᒧᔭᒻ ᐊᓐᑕ ᐊ ᒥᔅᑎ ᐃᔎᑕᒡ ᑲᒋ ᐃᔅᐱᔅ ᐊᒂᐸᑕᒡ᙮ ᒋ ᐎᐸᐸᑕᐤ ᒪᒃ ᐊᓐᑕ ᒋᓯᑯᒡ᙮ ᐱᓯᒻ ᑭᔭ ᒋ ᐊᑎ ᐅᑲᔅᑕᐱᔪᐤ ᐊ ᐃᔅᐱᔅ ᐊᒂᐸᑕᔨᒡ᙮