ᒋᔅᒐᔨᑕᑯᑕᒐᐅᓐ 14:7 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁷ ᒋ ᐃᔅᒋᔄᐤ ᐊᓐ ᐊᓐᒋᓐ ᐊ ᒋᔄᐛᑦ, “ᒪᒥᒋᒪᐧᒄ ᒋᓴᒪᓂᑐᐤ ᑭᔭ ᒋᔅᑕᔨᒪᐧᒄ᙮ ᐛᔅ ᓴᔅ ᐅᑎᒋᐱᔪᐤ ᐊᓐᑕ ᒐ ᑎᐸᔅᑯᓇᑦ ᒥᓯᐛ ᐊᐛᔪᐛ᙮ ᐊᔭᒥᐊᔅᑐᐛᐧᒄ ᐊᓐ ᑲ ᐅᓯᑕᑦ ᒋᒋᒋᓯᑯᔪᐤ, ᐊᔅᒋᔪᐤ, ᐎᓂᐸᑯᔪᐤ ᑭᔭ ᒥᓯᐛ ᐊ ᐅᒋ ᒧᔅᒋᒍᐅᓂᔨᒡ ᓂᐱᔪᐤ᙮”

ᒋᔅᒐᔨᑕᑯᑕᒐᐅᓐ 14:7 Iomraidhean Croise

ᒐᓂᓯᔅ 22:12

ᐊᓐᒋᓇ ᐃᑎᑯᐤ, “ᐊᑲ ᓂᐸᐃ ᒋᑯᔅ, ᐊᑲ ᐃᔭᐱᒡ ᐊᐧᑯᐃᔾ, ᐛᔅ ᐊᓄᒡ ᓂ ᒋᔅᒐᔨᑕᓐ ᐊ ᒋᔅᑕᔨᒥᑦ ᑭᔭ ᓂᔭᐃᑐᐅᑦ ᒋᓴᒪᓂᑐᐤ᙮ ᓇᒪ ᒋ ᐅᒋ ᐊᓏᑕᓐ ᑲ ᐸᐃᑯᓯᑦ ᒋᑯᔅ ᒐᒋ ᐱᔅᑎᓂᒪᒐᔨᓐ᙮”

ᑎᐱᑦ ᐅᓂᑭᒧᐅᓇ 115:15

ᒋ ᒥᔽᒋᒥᑯᐛᐤ ᑎᐸᔨᒋᒐᓱᐤ, ᑲᒋ ᐅᓯᑕᑦ ᒋᒋᒋᓯᑯᔪᐤ ᑭᔭ ᐊᔅᒋᔪᐤ᙮

ᑎᐱᑦ ᐅᓂᑭᒧᐅᓇ 124:8

ᒋ ᐎᒋᐃᑯᓯᐅᓄᐤ ᑎᑯᓂᔪᐤ ᐅᑦ ᐃᓯᓂᐧᑲᓱᐅᓂᒡ ᑎᐸᔨᒋᒐᓱᐤ, ᑲᒋ ᐅᓯᑕᑦ ᒋᒋᒋᓯᑯᔪᐤ ᑭᔭ ᐊᔅᒋᔪᐤ᙮

ᑎᐱᑦ ᐅᓂᑭᒧᐅᓇ 33:6

ᐅᑦ ᐃᔨᒧᐅᓂᒡ ᐅᒋ ᑎᐸᔨᒋᒐᓱᐤ ᒋᓯᒂ ᒋ ᐅᓯᑕᑭᓄᐎᔪᐛ: ᑭᔭ ᒥᓯᐛ ᐊ ᐃᑕᑎᓂᔨᒋ ᐅᑐᓂᒡ ᐊ ᐅᒋ ᔭᔭᑐᑕᐧᒃ᙮

ᑎᐱᑦ ᐅᓂᑭᒧᐅᓇ 36:1

ᐅᓂᑐᑎᒧᐅᓄᐛᐤ ᐅᒥᒋᑥᐅᒡ ᓂᐎᑎᒪᑯᓐ ᓂᑕᐃᒡ, “ᐊᑲ ᐊ ᑎᒂᓂᔨᒡ ᐅᔅᒋᓯᑯᒡ ᒋᓴᒪᓂᑐᐛ ᐅᓇᓂᒋᔅᑕᑯᓱᐅᓂᔪᐤ᙮”

ᑎᐱᑦ ᐅᓂᑭᒧᐅᓇ 89:7

ᒋᓴᒪᓂᑐᐤ ᓇᔅᒡ ᒋᑭ ᓇᓂᒋᔅᑕᑯᐤ ᑲ ᒪᐅᒋᐃᑐᔨᒋ ᐅᐸᔭᒋᓱᐛ, ᑭᔭ ᒋᑭ ᒋᔅᑕᔨᒥᑯᐤ ᒥᓯᐛ ᑲ ᐛᔅᑲᔅᑲᑯᑦ᙮

ᑎᐱᑦ ᐅᓂᑭᒧᐅᓇ 95:5

ᐎᓂᐸᑯᔪᐤ ᐎᔾ ᑎᐱᔨᐛᐅᓯᐤ, ᐎᔾ ᑭᔭ ᒋ ᐅᓯᑕᐤ ᑭᔭ ᐅᑎᒋᒡ ᒋ ᐅᒋ ᐅᓯᑕᐤ ᐊ ᐸᒂᔅᑭᒥᑲᔨᒡ᙮

ᐊᒃᓱᑕᔅ 20:11

ᐛᔅ ᐊᓱᑕᒡ ᑕᑐᐤ ᒋᓯᑲᐛ ᒋ ᐃᔅᐱᔅ ᐅᓯᑕᑕᑯᐱᓐ ᑎᐸᔨᒋᒐᓱᐤ ᒋᒋᒋᓯᑯᔪᐤ ᑭᔭ ᐊᔅᒋᔪᐤ, ᐎᓂᐸᑯᔪᐤ ᑭᔭ ᒥᓯᐛ ᒐᒂᔪᐤ ᐊᓐᑕ ᐊ ᑎᑯᓂᔨᒡ, ᒋ ᐊᔽᓯᑕᑯᐱᓐ ᒪᒃ ᓂᔄᐅᑕᒡ ᐊ ᒋᓯᑲᔨᒡ; ᐊᔪᐅᒄ ᐛᒋ ᒥᔪ ᐃᑐᑎᒥᑯᐱᓇ ᑎᐸᔨᒋᒐᓱᐤ ᐊᓂᔭᔪᐤ ᓂᔄᐅᑕᒡ ᐊ ᒋᓯᑲᔨᒡ, ᑭᔭ ᐛᒋ ᐸᔭᒋ ᒋᓯᑲᒐᑕᒧᑯᐱᓇ᙮

ᒪᑎᔪᐤ 25:13

ᐊᑯ ᒋᓴᔅ ᒂ ᐊᑎ ᐃᔅᒋᔄᑦ, “ᐊᐅᒄ ᒪᒃ ᐅ ᐅᒋ ᑭᔭ ᒋᔨᐛᐤ ᒧᔅ ᒋᐸ ᐊᔭᔅᑯᐎᓇᐛᐤ ᐛᔅ ᓇᒪ ᒋ ᒋᔅᒐᔨᑕᓇᐛᐤ ᐊᓂᒪ ᐊ ᒋᓯᑲᒡ ᑭᔭ ᒪᒃ ᑎᐸᐃᑭᓐ ᐱᓯᒧᐧᑲᓂᒡ ᒪᒂᒡ ᒐ ᐸᒋ ᑎᑯᓯᐧᒃ ᐃᔪᐤ ᐅᑯᓯᓴᓐ᙮”

ᓗᒃ 17:18

ᒥᒄ ᐅ ᐸᐃᒄ ᓇᐸᐤ ᐊᑲ ᒍᐤ ᐃᑎᔅᑲᓇᓯᑦ ᐊ ᐸᒋ ᓂᓇᔅᑯᒪᑦ ᒋᓴᒪᓂᑐᐛ ?”

ᐊᑈᔅᑕᓇᒡ 14:15

“ᓇᐸᑐᒄ ᐊᑲᐎᔾ ᐃᑐᑎᒧᒄ ᐅ, ᓇᐸᐅᒡ ᐛᔅ ᐊᓐ ᑭᔭ ᓂᔭᓐ ᒧᔭᒻ ᒋᔨᐛᐤ ᐊ ᐃᑕᔨᑕᑯᓯᔭᒄ ᐊᐅᑯᓐ ᐊ ᐃᑕᔨᑕᑯᓯᔭᒡ᙮ ᒋ ᐎ ᐎᑎᒪᑎᓇᓐ ᒥᔽᒋᒧᐅᓐ ᒐᒋ ᐅᒋ ᐳᓂᐊᑯᒡ ᐊ ᐊᔭᒥᐊᔅᑎᐛᑯᒡ ᐊᓐᒡ ᓂᑎᒥᒄ ᒥᓂᑐᐧᑲᓐᒡ᙮ ᒥᔅᑯᒡ ᐊᓐᑕ ᒋᓴᒪᓂᑐᐤ ᑲ ᐱᒪᑎᓯᑦ ᐊ ᑕᑦ ᒐᒋ ᐃᓯ ᐊᔭᒥᐊᔭᒄ, ᐊᓐ ᑲ ᐅᓯᑕᑦ ᒋᒋᒋᓯᑯᔪᐤ, ᐊᔅᒋᔪᐤ, ᐎᓂᐸᑯᔪᐤ ᑭᔭ ᒥᓯᐛ ᒐᒂᔪᐤ ᐊᓐᑕ ᑲ ᐃᓯ ᐱᒪᑎᓯᒥᑭᓂᔨᒡ᙮

1 ᐱᑕᕐ 4:7

ᓴᔅ ᐸᓱᓇᑯᓐ ᒥᓯᐛ ᒐᒂᓐ ᒐ ᐃᔎᐱᔨᒡ᙮ ᒋ ᓂᑐᐛᔨᑕᑯᓯᓇᐛᐤ ᒐᒋ ᐃᓯ ᓂᓇᑭᑐᐛᔨᑎᒪᒄ ᑕᓐ ᐊ ᐃᑎᔭᒄ ᑭᔭ ᐊᓱᐛᐱᒄ ᐊ ᐊᔭᒥᐊᔭᒄ᙮

ᒋᔅᒐᔨᑕᑯᑕᒐᐅᓐ 11:13

ᐃᔅᐱ ᒪᒃ ᑲ ᐃᔅᐱᔨᒡ ᐅ, ᒋ ᒥᔅᑎ ᑯᐃᐧᑯᓐ᙮ ᐸᐃᒄ ᐊᓯᑯᒻ ᐸᐃᑯᔪᐤ ᒥᒋᐛᐸ ᐊᓐᑕ ᐊᓐ ᐅᑕᓇᒡ ᒋ ᓂᓱᐅᓇᑎᓇ᙮ ᓂᔄᐅᑕᒡ ᑕᑥᐤ ᒐᓯᐱᔪᐤ ᐊᐛᓐᒋ ᒋ ᓂᓱᐅᓇᑎᓯᐅᒡ ᐊᓂᔭ ᑲ ᒥᔅᑎ ᑯᐃᐧᑯᓂᔨᒡ᙮ ᐊᑯ ᐊᓐᒡ ᐊᐛᓐᒋ ᐊᔅᒄ ᐊ ᑕᒡ ᐊᔅᒋᒡ ᒋ ᒥᔅᑎ ᓴᒋᓱᐅᒡ᙮ ᒋ ᐃᔅᒋᔄᐅᒡ, ᑕᑈ ᓱᒐᔨᑕᑯᓯᔪᐤ ᒋᓴᒪᓂᑐᐤ ᒋᒋᒋᓯᑯᒡ ᐊ ᑕᑦ᙮

ᒋᔅᒐᔨᑕᑯᑕᒐᐅᓐ 11:18

ᒥᓯᐛ ᐊ ᐃᑎᔅᑲᓇᓯᒡ ᐊᐛᓐᒋ ᒋ ᒥᔅᑎ ᒋᔄᓱᐅᒡ᙮ ᐊᑯ ᒪᒃ ᒋᔾ ᐛᑎᒋᐱᔨᒡ ᒐᒋ ᒋᔄᓯᔨᓐ ᑭᔭ ᒐᒋ ᑎᐸᔅᑯᓂᑥᐤ ᐊᓐᒡ ᑲ ᓂᐱᒡ᙮ ᓴᔅ ᐅᑎᒋᐱᔪᐤ ᒐᒋ ᑎᐸᐊᒧᑥᐤ ᐅᑎᐸᐊᒪᑯᓯᐅᓄᐛᐛ ᐊᓐᒡ ᒋᑦ ᐊᐱᒋᐊᑭᓐᒡ ᑭᔭ ᐊᓐᒡ ᐅᒋᔅᒋᐛᐃᒐᓱᒡ ᑭᔭ ᐊᓐᒡ ᑲ ᑕᑈᑕᒡ ᑭᔭ ᐊᓐᒡ ᑲ ᒋᔅᑕᔨᑕᒡ ᒋᑦ ᐃᓯᓂᐧᑲᓱᐅᓂᔪᐤ, ᐊᓐᒡ ᑲ ᒋᔅᑕᔨᑕᑯᓯᒡ ᑭᔭ ᐊᓐᒡ ᐊᑲ ᒋᔅᑕᔨᑕᑯᓯᒡ᙮ ᓴᔅ ᐅᑎᒋᐱᔪᐤ ᒐᒋ ᓂᓱᐅᓇᒋᐊᑭᓄᐎᒡ ᐊᓐᒡ ᑲ ᓂᓱᐅᓇᒋᐊᒡ ᐊᐛᔪᐛ ᐅᑕ ᐊᔅᒋᒡ᙮”

ᒋᔅᒐᔨᑕᑯᑕᒐᐅᓐ 15:4

ᐅᑎᐸᔨᒋᒐᐤ, ᐊᐛᓐ ᒐ ᐊᑲ ᓂᓇᒋᔅᑕᔅᒃ ᑭᔭ ᒐ ᐊᑲ ᒋᔅᑕᑐᑕᐧᒃ ᒋᑦ ᐃᓯᓂᐧᑲᓱᐅᓂᔪᐤ ? ᐛᔅ ᒥᒄ ᒋᔾ ᒋ ᐸᔭᒋᓯᓐ᙮ ᒥᓯᐛ ᐊᐛᓐᒋ ᐊ ᐃᑎᔅᑲᓇᓯᒡ ᒋᑭ ᐸᒋ ᓄᒋᔅᑕᑯᒡ ᐛᔅ ᔅᒋ ᐛᐸᑎᔨᐛᓐ ᐊᔅᐱᔅ ᑯᐃᔅᒄ ᐃᑎᔨᓐ᙮” ᐊᐅᒄ ᐅᔭ ᑲ ᐃᑕᐊᒪᓱᒡ ᐊ ᓂᑭᒧᒡ᙮

ᒋᔅᒐᔨᑕᑯᑕᒐᐅᓐ 16:9

ᒋ ᐃᔎᓱᐅᒡ ᒪᒃ ᐊᐛᓐᒋ ᐊ ᐃᔅᐱᔅ ᐎᓯᑲᔅᑐᐛᔨᒋ ᐱᓯᒺ᙮ ᐊᑯ ᒂ ᐸᔅᑕᒪᒡ ᒋᓴᒪᓂᑐᐛ ᐊᓂᔭᔪᐛ ᑲ ᐊᔭᔨᒋ ᑎᐸᔨᒋᒐᐅᓂᔪᐤ ᐅᔭ ᒐᒋ ᐃᓯ ᓂᓇᐧᑲᑕᔨᒧᓇᓄᐎᒡ᙮ ᒥᒄ ᒪᒃ ᓇᒪ ᐊᐛᓐ ᐅᒋ ᒋᔅᑕᒋᒪᐤ ᒋᓴᒪᓂᑐᐛ ᑭᔭ ᓇᒪ ᐅᒋ ᒂᔅᑲᑎᓯᐤ᙮

ᒋᔅᒐᔨᑕᑯᑕᒐᐅᓐ 18:10

ᐛᔪᐤ ᐊᓐᑕ ᒋᑭ ᐅᒋᑲᐳᐅᒡ ᐛᔅ ᒋᑭ ᑯᔅᑕᒍᐅᒡ ᑭᔭ ᐎᔨᐛᐤ ᒐᒋ ᐊᓯᒡ ᐛᐛᓯᐊᑭᓄᐎᒡ᙮ ᐊᑯ ᒐ ᐃᔅᒋᔄᒡ, ‘ᑕᑈ ᑯᔅᑕᑎᑯᓐ᙮ ᑕᑈ ᑯᔅᑕᑎᑯᓐ᙮ ᐊᓐ ᐅᑕᓇᐤ ᐸᐱᓗᓐ ᑲ ᐃᓯᓂᐧᑲᑕᒡ ᐊᔪᐛᒡ ᒋ ᓱᒐᔨᑕᑯᓐ ᑭᔭ ᓇᔅᒡ ᒋ ᒋᔅᑕᔨᑕᑭᓄᐤ᙮ ᒥᒄ ᒪᒃ ᐸᐃᒄ ᑎᐸᐃᑭᓇ ᒋ ᐃᔅᐱᔅ ᑎᓯᐧᑲᑭᓄᐤ ᓇᔅᒡ ᒐᒋ ᓂᓱᐅᓇᒋᑕᑭᓄᐅᒡ᙮’ ”

ᒋᔅᒐᔨᑕᑯᑕᒐᐅᓐ 18:17

ᒥᒄ ᐸᐃᒄ ᑎᐸᐃᑭᓇ ᒋ ᐃᔅᐱᔅ ᑎᓯᐧᑲᑭᓄᐤ ᓇᔅᒡ ᐊ ᓂᓱᐅᓇᒋᑕᑭᓄᐅᒡ ᒥᓯᐛ ᑲ ᐃᓯ ᑎᒂᒡ ᐛᔪᑎᓯᐅᓐ ᐊᓐᑕ ᐊᓐ ᐅᑕᓇᐤ᙮’ ” “ᐊᓐᒡ ᒪᒃ ᐊ ᒥᓴᒡ ᐅᐤᑦ ᐅᒋᒪᐅᒡ ᑭᔭ ᒥᓯᐛ ᐊᐛᓐ ᑲ ᑎᑯᓂᔨᒡ ᐊᓐᑕ ᐊ ᐃᔅᐱᔨᑦ ᐊ ᒥᓴᒡ ᐅᐤᑎᒡ, ᐊ ᒥᓴᒡ ᐅᐤᑦ ᑯᐸᓇᐅᒡ ᑭᔭ ᐊᓐᒡ ᐊ ᒥᓴᔨᒡ ᐅᐤᑕ ᑲ ᐊᐱᒋᑕᒡ ᐊ ᐱᐸ ᐊᑕᐛᒡ ᒐᒂᔪᐛ ᐛᔪᐤ ᐊᓐᑕ ᒋ ᐅᒋᑲᐳᐅᒡ᙮

ᒋᔅᒐᔨᑕᑯᑕᒐᐅᓐ 18:19

ᒋ ᒪᐅᒡ ᑭᔭ ᒋ ᓂᓇᐧᑲᑥᐅᑎᒧᒡ᙮ ᐃᔭᑲᔪᐤ ᒋ ᐃᓯ ᐛᐱᓂᒧᒡ ᐅᔅᑎᒂᓂᐛᒡ ᐊ ᐛᐸᑎᔨᐛᒡ ᐊᔅᐱᔅ ᒥᒐᔨᑕᒡ᙮ ᐊᐅᑯᓐ ᒪᒃ ᑲ ᐃᑎᑕᑯᓯᒡ, ‘ᑕᑈ ᑯᔅᑕᑎᑯᓐ᙮ ᑕᑈ ᑯᔅᑕᑎᑯᓐ᙮ ᑯᔅᑕᑎᑯᓐ ᑕᓐ ᐊ ᐃᔅᐱᔨᒡ ᐊᓐ ᑲ ᒋᔅᑕᔨᑕᒂᒡ ᐅᑕᓇᐤ ᐊᓐᑕ ᑲ ᐅᒋ ᐅᓱᓇᔭᓂᒥᐧᑲᓱᒡ ᐊᓐᒡ ᐊ ᒥᓴᒡ ᐅᐤᑕ ᑲᒋ ᐊᐱᒋᑕᒡ ᓂᓇᐧᑯᐤ ᒐᒂᔪᐛ ᐊ ᐱᐸ ᐊᑕᐛᒡ᙮ ᐊᓂᔭ ᑲ ᐃᓯ ᒋ ᐛᔪᒡ ᑎᑯᓂᔨᒡ ᒐᒂᔪᐤ ᐊᓐᑕ ᐊᓂᔭ ᐅᑕᓇᔪᐤ, ᐊᑯᑕ ᑲ ᐅᒋ ᐅᓱᓇᔭᓂᒥᐧᑲᓱᒡ᙮ ᐸᐃᒄ ᑎᐸᐃᑭᓇ ᒪᒃ ᐃᔅᐱᔅ ᓴᔅ ᒥᓯᐛ ᒋ ᓂᓱᐅᓇᑎᓐ᙮’

ᒋᔅᒐᔨᑕᑯᑕᒐᐅᓐ 19:5

ᐊᑯ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ ᒂ ᐅᒋ ᐸᑕᑯᓯᑦ ᐊᐛᓐ ᐊ ᐃᔅᒋᔄᑦ, “ᒪᒥᒋᒪᑕᐤ ᒋᒋᓴᒪᓂᑐᒥᓄᐤ, ᒥᓯᐛ ᒋᔨᐛᐤ ᑲ ᐊᑐᔅᑯᐛᒄ, ᒋᔨᐛᐤ ᑲ ᓇᓂᒋᔅᑐᐛᒄ, ᒥᓯᐛ ᑲ ᒋᔅᑕᔨᑕᑯᓯᔭᒄ ᑭᔭ ᒋᔨᐛᐤ ᐊᑲ ᒋᔅᑕᔨᑕᑯᓯᔭᒄ᙮”

ᒋᔅᒐᔨᑕᑯᑕᒐᐅᓐ 4:11

“ᒋᔾ ᓂᑎᐸᔨᒋᒐᓯᒥᓇᓐ ᑭᔭ ᓂᒋᓴᒪᓂᑐᒥᓇᓐ ᑲ ᐊᑐᔅᑲᑕᒡ ᒋ ᒋᔅᑕᔨᑕᑯᓯᓐ ᒐᒋ ᒋᔅᑕᔨᑕᑯᐃᑯᔨᓐ ᑭᔭ ᒐᒋ ᒋᔅᑕᒋᒥᑯᔨᓐ ᑭᔭ ᒐᒋ ᒪᒥᒋᒥᑯᔨᓐ ᐊᔅᐱᔅ ᓱᐧᑲᑎᓯᔨᓐ᙮ ᐛᔅ ᒋᔾ ᒥᓯᐛ ᒐᒂᓐ ᔅᒋ ᐅᓯᑕᓐ᙮ ᒋᔾ ᔅᒋ ᐃᑕᔨᑕᓐ ᒐᒋ ᑎᒂᒡ ᒥᓯᐛ ᒐᒂᓐ ᐊ ᑎᒂᒡ ᑭᔭ ᒥᓯᐛ ᑲ ᐅᓯᑕᔨᓐ᙮”

ᒋᔅᒐᔨᑕᑯᑕᒐᐅᓐ 4:9

ᐃᔅᐱ ᒪᒃ ᓇᑭᒧᒡ ᐊᓐᒡ ᓇᐤ ᑲ ᐱᒪᑎᓯᒡ ᐊᐛᓐᒋ ᐊ ᒋᔅᑕᔨᑕᑯᐊᒡ, ᐊ ᒋᔅᑕᒋᒪᒡ ᑭᔭ ᐊ ᓂᓇᔅᑯᒪᒡ ᐊᓂᔭᔪᐛ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ ᑲ ᐊᐱᔨᒋ, ᐊᓂᔭ ᑲᒋᒡ ᐸᒪᑎᓯᔨᒋ,

ᒋᔅᒐᔨᑕᑯᑕᒐᐅᓐ 8:10

ᐊᑯ ᐊᓐ ᓂᔅᑐ ᐊ ᑕᑦ ᐊᓐᒋᓐ ᒂ ᐳᑕᑕᐧᒃ ᐅᐳᑕᒋᑭᓐ᙮ ᐊ ᒥᓯᑎᑦ ᐅᒐᑭᑕᐧᒄ ᒋ ᐸᒋᓯᓄᐤ ᒋᓯᑯᒡ ᐅᒡ ᐊᓐᑕ ᐃᔅ ᐊᔅᒋᒡ᙮ ᒧᔭᒻ ᐊᓐᑕ ᐊ ᐅᓂᔎᑎᑯᐅᑦ ᒥᔅᑎᒄ ᐊ ᐱᓱᑦ, ᐊᐅᑯᓐ ᑲ ᐃᓯᓇᑯᓯᑦ ᐊᓐ ᐅᒐᑭᑕᐧᒄ᙮ ᒐᑲᑦ ᒪᒃ ᐊᐱᑐᐤ ᐊ ᑕᑎᔨᒋ ᓯᐱᔭ ᑭᔭ ᐊᓐᑕ ᐸᒪᒍᐅᒡ ᓂᐱᔾ, ᐊᑯᑕ ᑲ ᐃᓯ ᐸᒋᓯᐧᒃ ᐊᓐ ᐅᒐᑭᑕᐧᒄ᙮