ᒋᔅᒐᔨᑕᑯᑕᒐᐅᓐ 14:2 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

² ᐊᑯ ᒂ ᐸᑎᒪᓐ ᐸᑕᑯᓱᐅᓐ ᒋᒋᒋᓯᑯᒡ ᐊ ᐅᒋ ᐃᔨᒥᑦ ᐊᐛᓐ ᒧᔭᒻ ᓂᐱᔾ ᐊ ᒥᔅᑎ ᑭᔅᒋ ᐸᒋᑎᒡ ᐊ ᐃᑎᑕᒂᒡ ᑭᔭ ᒧᔭᒻ ᓂᒥᔅᒍᐅᒡ ᐊ ᒋᔅᑐᒡ ᐊ ᐃᑎᑕᒂᒡ᙮ ᐊᓐ ᐸᑕᑯᓱᐅᓐ ᑲ ᐸᑎᒪᓐ, ᒧᔭᒻ ᐊ ᐃᑎᑕᑯᓂᔨᒡ ᐊᐛᓐᒋ ᐊ ᒪᑐᐛᒡ ᐊᓂᔭᔪᐛ ᑲ ᒥᔪᑕᑯᓂᔨᒋ ᐊᔭᒥᐊᐤ ᒋᔍᐛᐱᒋᑭᓇ, ᐊᑯᓐ ᑲ ᐃᑎᑕᒂᒡ᙮

ᒋᔅᒐᔨᑕᑯᑕᒐᐅᓐ 14:2 Iomraidhean Croise

ᑎᐱᑦ ᐅᓂᑭᒧᐅᓇ 147:7

ᓂᑭᒧᔅᑕᐧᒄ ᑎᐸᔨᒋᒐᓱᐤ ᐊ ᓂᓇᔅᑯᒪᒄ; ᐊ ᓂᑭᒧᔭᒄ ᐊᓯᑭᓇᔭᐱᔾ ᒋᔍᐛᐱᒋᑭᓂᒡ ᒪᒥᒋᒥᐧᒄ ᒋᒋᓴᒪᓂᑐᒥᓄᐤ,

ᑎᐱᑦ ᐅᓂᑭᒧᐅᓇ 149:3

ᐊᑯᔅ ᒋᑭ ᒪᒥᒋᑕᒺᐅᒡ ᐅᑦ ᐃᓯᓂᐧᑲᓱᐅᓂᔪᐤ ᓂᒧᐅᓂᒡ: ᐊᑯᔅ ᐊ ᓂᑭᒧᒡ ᒋᑭ ᒪᒥᒋᒪᐅᒡ ᐊ ᐊᐱᒋᐊᒡ ᑕᐛᐃᑭᓂᓴ ᑭᔭ ᐊᓯᑭᓇᔭᐱᔾ ᒋᔍᐛᐱᒋᑭᓂᔪᐤ᙮

ᑎᐱᑦ ᐅᓂᑭᒧᐅᓇ 33:2

ᒪᒥᒋᒥᐧᒄ ᑎᐸᔨᒋᒐᓱᐤ ᐊᔭᒥᐊᐤ ᒋᔍᐛᐱᒋᑭᓂᒡ: ᓂᑭᒧᔅᑕᐧᒄ ᐊᓯᑭᓇᔭᐱᔾ ᒋᔍᐛᐱᒋᑭᓂᓴ ᐊ ᐊᐸᒋᑕᔭᒄ, ᑭᔭ ᒋᔍᐛᐱᒋᑭᓐ ᑲ ᐸᐃᑯᔪᐛᐸᑭᒧᒡ᙮

ᑎᐱᑦ ᐅᓂᑭᒧᐅᓇ 43:4

ᐊᑯ ᒐ ᓇᑎᒧᒡ ᐅᐱᔅᑎᓂᒐᐅᓇᐱᔅᒄ ᒋᓴᒪᓂᑐᐤ, ᒋᓴᒪᓂᑐᐤ ᓂᒋᓴᒥᔽᔨᑎᒧᐅᓐ: ᓂᐦᐃ, ᐊᓯᑭᓇᔭᐱᔾ ᒋᔍᐛᐱᒋᑭᓂᒡ ᒋᑭ ᒪᒥᒋᒥᑎᓐ, ᐅ ᒋᓴᒪᓂᑐᐤ, ᓂᒋᓴᒪᓂᑐᒻ᙮

ᑎᐱᑦ ᐅᓂᑭᒧᐅᓇ 57:8

ᑯᔅᑯᓯ, ᓂᒋᔅᑕᔨᑕᑯᓱᐅᓐ; ᑯᔅᑯᓯ, ᐊᓴᑭᓇᔭᐱ ᒋᔍᐛᐱᒋᑭᓂᔅ ᑭᔭ ᓴᑭᓇᔭᐱᔾ ᒋᔍᐛᐱᒋᑭᓐ; ᓂᔾ ᒋᒋᐛ ᐎᐱᒡ ᓂᑭ ᐸᑯᐱᔨᓐ᙮

ᑎᐱᑦ ᐅᓂᑭᒧᐅᓇ 92:3

ᒋᔍᐛᐱᒋᑭᓂᒡ ᑲ ᐸᐃᑯᔪᐛᐸᑲᒧᒡ, ᑭᔭ ᓂᑭᒧᒋᑭᓂᒡ; ᐊᓯᑭᓇᔭᐱᔾ ᒋᔍᐛᐱᒋᑭᓂᒡ ᐊ ᑯᔎᐛᑕᔨᑎᒧ ᐸᑕᑯᓯᒥᑲᒡ᙮

ᑎᐱᑦ ᐅᓂᑭᒧᐅᓇ 93:4

ᑎᐸᔨᒋᒐᓱᐤ ᐃᔅᐱᒥᒡ ᐊ ᑕᑦ ᐃᔨᐛᒄ ᓱᐧᑲᑎᓯᐤ ᐃᔅᐱᔅ ᐊ ᐸᑕᒂᒋ ᒥᒐᑦ ᓂᐱᔭ, ᓂᐦᐃ, ᐃᔅᐱᔅ ᒋᒋ ᑭᔅᑭᓐᒡ ᐎᓂᐸᑯᒡ᙮

ᑎᐱᑦ ᐅᓂᑭᒧᐅᓇ 98:5

ᓂᑭᒧᔅᑐᐛᐧᒄ ᑎᐸᔨᒋᒐᓱᐤ ᐊᓯᑭᓇᔭᐱᔾ ᒋᔍᐛᐱᒋᑭᓐ ᐊ ᒋᔍᐛᑲᐸᐃᒐᔭᒄ; ᐊᓯᑭᓇᔭᐱᔾ ᒋᔍᐛᐱᒋᑭᓐ ᐊ ᒋᔍᐛᑲᐸᐃᒐᓄᐅᒡ ᑭᔭ ᐊ ᓂᑭᒧᓇᓄᐅᒡ᙮

ᐊᒃᓱᑕᔅ 19:16

ᑲᒋ ᓂᓱ ᒋᓯᑲᔨᒡ ᐊ ᒐᒋᓴᐸᔭᒡ ᒋ ᓂᒥᔅᒋᐅᔅᔎᔪᐤ, ᑭᔭ ᒋ ᑯᒋᓂᔪᐛ ᐊ ᐎᐱᓯᔨᒋ ᑭᔅᑯᐅᓇ ᐊᓐᑕ ᐱᔅᑯᑎᓇᒡ᙮ ᒂ ᐸᑕᑯᓂᔨᒡ ᐳᑕᒋᑭᓂᔪᐤ ᓇᔅᒡ ᐊ ᒋᔄᐱᔨᒡ, ᑭᔭ ᒥᓯᐛ ᐃᔅᕋᐃᓪ ᐃᔪᒡ ᒋᓴᒋᓱᐅᒡ᙮

ᐊᒃᓱᑕᔅ 20:18

ᐃᔅᐱ ᐱᔭᑐᐛᒡ ᐃᔪᒡ ᓂᒥᔅᒍᐛ ᑭᔭ ᐱᔭᑕᒡ ᐊ ᒋᔄᐛᒥᑭᓂᔨᒡ ᐳᑕᒋᑭᓂᔪᐤ ᑭᔭ ᐎᔭᐸᑕᒡ ᐊᐱᒋᑐᐛᔨᒡ ᐱᔅᑯᑎᓇᔪᐤ, ᒋ ᓇᓇᒥᐱᐅᒡ ᐊ ᑯᔅᑕᒋᒡ ᑭᔭ ᐛᔪᐤ ᒋ ᓂᐳᐅᐎᒡ᙮

1 ᑯᕆᓐᑎᔭᓇ 13:1

ᐊᑎ ᒥᔨᑯᐅᔭᓐ ᒐᒋ ᐃᓯ ᐃᔨᒥᔭᓐ ᐊ ᐃᓯ ᐃᔨᒥᒡ ᑯᑎᑭᒡ ᐊᐛᓐᒋ ᑭᔭ ᐊ ᐃᓯ ᐃᔨᒥᒡ ᐊᓐᒋᓐᒡ, ᐊᑲ ᒪᒃ ᐊᔭᔭᓐ ᓴᒋᐃᐛᐅᓐ ᓇᒪᐎᔾ ᒐᒂᓐ ᒋᐸ ᐅᒋ ᐃᑕᐱᑎᓐ ᐊᓐ ᑲ ᐃᓯ ᒥᔨᑯᐅᔭᓐ ᒐᒋ ᐃᓯ ᐃᔨᒥᔭᓐ ᐛᔅ ᒧᔭᒻ ᒥᒄ ᐊ ᒪᒥᑥᔭᐱᔅᑲᐃᑭᓄᐅᒡ ᐃᓴᒄ ᓂᐸ ᐃᑎᑕᑯᓯᓐ᙮

ᒋᔅᒐᔨᑕᑯᑕᒐᐅᓐ 1:10

ᐸᐃᒂᐤ ᒪᒃ ᐊ ᐊᔭᒥᐊᐅᒋᓯᑲᒡ, ᑲ ᐸᔭᒋᓯᑦ ᐊᒐᐧᒄ ᓂᒋ ᓴᑭᔅᒋᓇᔅᑲᒄ᙮ ᐊᓐᑕ ᒪᒃ ᓂᔅᐱᔅᑯᓂᒡ ᓂᒋ ᐅᒋ ᐸᑕᓐ ᐸᑕᑯᓱᐅᓐ ᐊ ᒋᔄᐛᑦ ᐊᐛᓐ ᐊ ᐃᔨᒥᑦ᙮ ᒧᔭᒻ ᐳᑕᒋᑭᓐ ᐊ ᐃᔅᐱᔅ ᒋᔄᐛᒥᑲᒡ, ᐊᑯᓐ ᑲ ᐃᔅᐱᔅ ᒋᔄᐛᑦ ᐊ ᐃᔨᒥᑦ᙮

ᒋᔅᒐᔨᑕᑯᑕᒐᐅᓐ 1:15

ᐅᓯᑕ ᒧᔭᒻ ᑲ ᐛᐸᐱᔅᒋᓯᑦ ᓱᓇᔭᐱᔅᑯᔅ, ᐊᐅᑯᓐ ᑲ ᐃᓯᓇᑯᓂᔨᒋ᙮ ᒧᔭᒻ ᓇᔅᒡ ᐊ ᐛᓯᐧᑯᔅᑕᔨᒋ ᑭᔭ ᐊ ᓱᓱᐛᓯᔨᒋ ᒋ ᐃᓯᓇᑯᓂᔪᐛ᙮ ᐅᐸᑕᑯᓱᐅᓐ ᒧᔭᒻ ᐊᓐᑕ ᓂᐱᔾ ᐊ ᒋᔄᐛᔭᒍᐅᒡ, ᐊᑯᓐ ᑲ ᐃᑎᑕᑯᓂᔨᒡ᙮

ᒋᔅᒐᔨᑕᑯᑕᒐᐅᓐ 11:12

ᐊᑯ ᐊᓐᒡ ᑲ ᓂᓯᒡ ᒂ ᐸᑐᐛᒡ ᐊᐛᔪᐛ ᐊ ᐃᔨᒥᐃᑯᒡ ᒋᒋᒋᓯᑯᒡ ᐅᒡ᙮ ᒋ ᐃᑎᑯᐅᒡ ᐊ ᒋᔄᐛᔨᒋ, “ᐊᔅᑎᒧᒄ ᐅᑕ ᐃᔅᐱᒥᒡ᙮” ᐊᑯ ᒪᒂᒡ ᐊ ᑭᓄᐛᐱᒥᑯᒡ ᐊᓂᔭ ᑲ ᐛᐧᑲᑎᑯᒡ, ᑭᔅᑯᐅᓂᔅᑯᒡ ᒋ ᐅᐱᔪᒡ ᒋᒋᒋᓯᑯᒡ ᐃᔅ᙮

ᒋᔅᒐᔨᑕᑯᑕᒐᐅᓐ 11:15

ᐊᑯ ᒥᓐ ᑯᑎᒃ ᐊᓐᒋᓐ ᒂ ᐳᑕᑕᐧᒃ ᐅᐳᑕᒋᑭᓐ᙮ ᐊᐅᒄ ᐅ ᓂᔄᐅᑕᒡ ᐊ ᑕᑦ ᐊᓐᒋᓐ᙮ ᓂᒋ ᐸᑐᐛᐅᒡ ᒪᒃ ᐊᐛᓐᒋ ᐊ ᒋᔄᐛᒡ, ᐊᓐᑕ ᒋᒋᒋᓯᑯᒡ ᐊ ᐃᔨᒥᒡ ᐊ ᐃᔅᒋᔄᒡ, “ᐊᐅᑯᐤ ᐛᑎᓂᒪᓱᑦ ᒋᑎᐸᔨᒋᒐᓯᒥᓄᐤ ᑭᔭ ᐊᓂᔭᔪᐛ ᑲ ᐸᒋ ᐃᑎᓴᐛᑦ ᒐᒋ ᐅᒋᒪᐅᔨᒋ ᐅᑕ ᐊᔅᒋᒡ᙮ ᐎᔾ ᒪᒃ ᐅᑎᐸᔨᒋᒐᐤ ᒋᑭ ᐅᒋᒪᐤ ᑲᒋᒡ ᑭᔭ ᑲᒋᒡ᙮”

ᒋᔅᒐᔨᑕᑯᑕᒐᐅᓐ 15:2

ᐊᑯ ᒂ ᐛᐸᑎᒪᓐ ᒐᒂᓐ ᒧᔭᒻ ᐎᓂᐸᒄ ᐊ ᓴᑈᔅᑕᓇᒂᒡ ᒧᔭᒻ ᓯᐳᐛᔅᑕᔨᑕᑭᓇᐱᔅᒄ ᐊ ᐃᓯᓇᒂᒡ ᐊ ᒪᒧᐱᔨᒡ ᐃᔅᑯᑕᐤ ᐊ ᑎᒂᒡ ᐊᓐᑕ᙮ ᑭᔭ ᓂᒋ ᐛᐱᒪᐅᒡ ᐊᓐᒡ ᐊᐛᓐᒋ ᑲ ᓴᐧᑯᐊᒡ ᐊᓂᔭᔪᐛ ᒥᒋ ᐊᐛᓯᓴ᙮ ᓇᒪ ᐅᒋ ᐊᔭᒥᐊᔅᑐᐛᐛᑯᐱᓇ ᐅᔭ ᒥᒋ ᐊᐛᓯᓴ ᑭᔭ ᐊᓂᔭ ᒥᓂᑐᐧᑲᓇ ᑭᔭ ᓇᒪ ᐅᒋ ᐅᑎᓂᒺᐛᑯᐱᓇ ᐊᓂᔭ ᐊᒋᑕᓱᐅᓂᔪᐤ ᐅᑦ ᐃᓯᓂᐧᑲᓱᐅᓂᔪᐤ ᐊ ᐃᑎᓯᓇᑕᔨᒡ᙮ ᒋ ᓂᐳᐅᒡ ᐊᓐᑕ ᓯᓱᒡ ᐊᓂᔭ ᓴᑲᐃᑭᓂᔪᐤ ᐊᔭᒥᐊᐤ ᒋᔍᐛᐱᒋᑭᓇ ᐊ ᑕᐧᑯᓇᒡ ᐊᓂᔭᔪᐛ ᒋᓴᒪᓂᑐᐛ ᑲ ᒥᔨᑯᒡ᙮

ᒋᔅᒐᔨᑕᑯᑕᒐᐅᓐ 18:22

ᓇᒪ ᓂᑕ ᒥᓐ ᒋᑭ ᐅᒋ ᐸᑕᑯᓐ ᐊᓐᑕ ᐊ ᑕᔨᓐ ᐸᐱᓗᓐ, ᐊ ᒥᔪᑕᑯᑕᒡ ᐊᓐᒡ ᐊᐛᓐᒋ ᑲ ᒪᑐᐛᒡ ᐊᓂᔭᔪᐛ ᑲ ᒥᔪᑕᑯᓂᔨᒋ ᒋᔍᐛᐱᒋᑭᓂᓴ᙮ ᓇᒪ ᓂᑕ ᒥᓐ ᒋᑭ ᐅᒋ ᐸᑕᑯᓱᐅᒡ ᐊᓐᒡ ᓂᓇᐧᑯᐤ ᒐᒂᔪᐛ ᐊ ᒥᔪᑕᑯᓂᔨᒋ ᑲ ᑭᔅᒋᐅᒡ ᐊ ᒪᑐᐛᒐᒡ ᒪᒃ ᐊᓐᒡ ᓂᓇᐧᑯᐤ ᐳᑕᒋᑭᓇ ᑲ ᒪᑐᐛᒡ᙮ ᓇᒪ ᓂᑕ ᒥᓐ ᒋᑭ ᐅᒋ ᐛᐱᒪᑭᓄᐎᒡ ᐊᓐᒡ ᐊᐛᓐᒋ ᓂᓇᐧᑯᐤ ᒐᒂᔪᐛ ᑲ ᐃᓯ ᑭᔅᒋᐅᒡ ᐊ ᐅᓯᑕᒡ᙮ ᓇᒪ ᓂᑕ ᑭᔭ ᒥᓐ ᒋᑭ ᐅᒋ ᐸᑕᑯᓐ ᐊ ᑎᑯᐃᑭᓄᐅᒋ ᓂᑕᐅᒋᑕᑭᓇ᙮

ᒋᔅᒐᔨᑕᑯᑕᒐᐅᓐ 5:8

ᐃᔅᐱ ᒪᒃ ᑲ ᐅᑎᓂᒺᑦ ᐊᓂᔭ ᒥᓯᓇᐃᑭᓂᔪᐤ, ᐊᓐᒡ ᑲ ᐱᒪᑎᓯᒡ ᐊᐛᓐᒋ ᑭᔭ ᐊᓐᒡ ᓂᓱᔪᐤ ᐊᓱ ᓇᐤ ᑲ ᒋᔅᑕᔨᑕᑯᓯᒡ ᒋᓴᐃᔪᒡ ᒋ ᐅᒋᒋᐧᑯᓂᐱᔪᐅᒡ ᐊᓐᑕ ᐊᓂᔭᔪᐛ ᒪᔭᑕᓂᓴ ᐊ ᑕᔨᒋ᙮ ᒥᓯᐛ ᐸᐸᐃᒄ ᐊᓐᒡ ᓇᐤ ᑲ ᐱᒪᑎᓯᒡ ᐊᐛᓐᒋ ᑭᔭ ᐊᓐᒡ ᒋᓴᐃᔪᒡ ᒋ ᐊᔭᐅᒡ ᐊᔭᒥᐊᐤ ᒋᔍᐛᐱᒋᑭᓂᓴ ᑲ ᒥᔪᑕᑯᓂᔨᒋ ᑭᔭ ᐊ ᒧᑕᔭᐱᔅᑲᔨᒋ ᐎᔭᑭᓇ ᐊ ᐎᔄᐅᓱᓇᔭᐱᔅᑯᔨᒋ᙮ ᒐᒂᔪᐛ ᐊ ᐎᒋᒪᑯᓯᔨᒋ ᒋ ᐊᔅᑕᔪᐛ ᐊᓐᑕ ᐊᓂᔭᔪᐛ ᐎᔭᑭᓇ᙮ ᐊᓂᔭ ᒪᒃ ᒐᒂᔪᐛ ᑲ ᐎᒋᒪᑯᓯᔨᒋ, ᐊᐅᒄ ᐅᔭ ᐅᑦ ᐊᔭᒥᐊᐅᓄᐛᐛ ᐊᓐᒡ ᑲ ᑕᑈᑕᒡ᙮

ᒋᔅᒐᔨᑕᑯᑕᒐᐅᓐ 6:1

ᐊᑯ ᒂ ᐛᐱᒥᒃ ᐊᓐ ᒪᔭᑕᓂᔅ ᐊ ᓴᓇᐧᒃ ᐸᐃᒄ ᐊᓂᔭᔪᐛ ᓂᔄᐅᑕᒡ ᑲ ᐃᑕᑎᓂᔨᒋ ᒋᔅᑕᐸᓱᐤ ᐱᓯᑯᐃᑭᓇ᙮ ᓂᒋ ᐸᑐᐛᐤ ᒪᒃ ᐸᐃᒄ ᐊᓐᒡ ᑲ ᐱᒪᑎᓯᒡ ᐊᐛᓐᒋ ᐊ ᐃᔅᒋᔄᑦ, “ᐊᔅᑎᒻ !” ᒧᔭᒻ ᓂᒥᔅᒍᐅᒡ ᐊ ᐃᑎᑕᑯᓯᒡ ᐊ ᒋᔅᑐᒡ ᐊᑯᓐ ᑲ ᐃᔅᐱᔅ ᒋᔄᐛᑦ ᐊᓂᔭ ᐊ ᐃᔅᒋᔄᑦ᙮

ᒋᔅᒐᔨᑕᑯᑕᒐᐅᓐ 8:7

ᐊᑯ ᐊᓐ ᓂᔅᑎᒻ ᐊ ᑕᑦ ᐊᓐᒋᓐ ᒂ ᐳᑕᑕᐧᒃ ᐅᐳᑕᒋᑭᓐ᙮ ᒋ ᒥᔅᑯᒥᔪᑕᓐ ᑭᔭ ᐃᔅᑯᑕᐤ ᒋ ᐸᒋᑎᓐ ᐊ ᒪᒧᐱᔨᒡ ᒥᐧᒄ ᐊᓐᑕ ᐊᔅᒋᒡ ᐊ ᐃᓯ ᐸᒋᑎᒡ᙮ ᒐᑲᑦ ᐊᐱᑐᐤ ᐊ ᐃᔅᐱᑎᔅᑭᒥᑲᒡ ᐊᔅᒋᔾ ᒋ ᐃᔎᑕᐤ᙮ ᒐᑲᑦ ᒪᒃ ᐊᐱᑐᐤ ᒋ ᐃᔅᐱᔅ ᐃᔎᓱᐅᒡ ᒥᔅᑎᑯᒡ᙮ ᒥᓯᐛ ᑭᔭ ᒥᔅᑯᓱᐛ ᒋ ᐃᔎᑕᐛ᙮