ᒋᔅᒐᔨᑕᑯᑕᒐᐅᓐ 14:10 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁰ ᒋᑭ ᒧᓯᑕᐛᐤ ᑕᓐ ᐊ ᐃᓯ ᒋᔄᐊᑦ ᒋᓴᒪᓂᑐᐛ᙮ ᐊᓂᔭ ᒪᒃ ᒐ ᐃᓯ ᒧᓯᑕᐛᑦ ᐊ ᒋᔄᐊᑦ ᒋᓴᒪᓂᑐᐛ, ᒧᔭᒻ ᐊᐛᓐ ᐊ ᒥᓂᐊᑭᓄᐅᑦ ᓱᒥᓇᐳᔪᐤ ᒋᑭ ᐃᑕᔨᑕᑯᓂᔪᐤ᙮ ᐅᔭ ᒪᒃ ᐅᒋᔄᓱᐅᓐ ᒋᓴᒪᓂᑐᐤ, ᓇᔅᒡ ᒋ ᐃᓯ ᑯᑎᐱᓂᒺᐤ ᐊᓐᑕ ᐊᓂᔭ ᒥᓂᒂᑭᓂᔪᐤ ᐊᓐᑕ ᐊ ᐃᓯᓇᑯᓂᔨᒡ ᐊ ᑎᑯᓂᔨᒡ ᐅᑦ ᐊᐧᑯᔪᐛᓱᐅᓐ᙮ ᒥᓯᐛ ᒪᒃ ᐊᓐᒡ ᒐ ᐊᔭᒥᐊᔅᑐᐛᐛᒂ ᐊᓂᔭᔪᐛ ᒥᒋ ᐊᐛᓯᓴ ᑭᔭ ᐊᓂᔭᔪᐛ ᒥᒋ ᐊᐛᓯᔅ ᒥᓂᑐᐧᑲᓇ ᑭᔭ ᒐ ᐱᔅᑎᓂᓱᐛᒂ ᒐᒋ ᒋᔅᒋᓄᐛᒋᐊᑭᓄᐎᒡ ᐅᔅᑲᑎᑯᐛᒡ ᒪᒃ ᐅᑎᒋᐛᒡ ᒋᑭ ᓂᓇᐧᑲᑕᔨᒧᐊᑭᓄᐎᒡ ᐃᔅᑯᑕᔪᐤ ᑭᔭ ᐃᓴᑯ ᐊᓯᓂᔭ ᑲ ᐎᓂᒪᓱᔨᒋ ᐊ ᐃᔎᓯᑭᓄᔨᒋ ᐊ ᐊᑐᔅᒐᔨᒋ ᐅᑎᔅᑯᐤ ᐊᓂᔭᔪᐛ ᒪᔭᑕᓂᓴ ᑭᔭ ᐊᓂᔭᔪᐛ ᐅᑦ ᐊᓐᒋᓂᒥᔪᐛ ᑲ ᐸᔭᒋᓯᔨᒋ ᐊ ᑕᔨᒋ᙮

ᒋᔅᒐᔨᑕᑯᑕᒐᐅᓐ 14:10 Iomraidhean Croise

ᒐᓂᓯᔅ 19:24

ᐊᑯ ᑎᐸᔨᒋᒐᓱᐤ ᒋ ᐃᑐᑎᒻ ᐃᔅᑯᑕᔪᐤ ᒐᒋ ᐸᒋᑎᓂᔨᒡ ᐊᓐᑕ ᓱᑕᒻ ᑭᔭ ᑯᒧᕋ, ᒋᒋᒋᓯᑯᒡ ᐅᒡ ᒋ ᐅᒋ ᐳᐅᓂᒻ᙮

ᑎᐱᑦ ᐅᓂᑭᒧᐅᓇ 11:6

ᐅᒪᒋᑥᐛ ᒋᑭ ᐃᑎᓴᒧᐛᐤ ᑲ ᐛᔭᑕᔨᒋ ᐃᔎᔅᒐᐛ, ᐃᔅᑯᑕᔪᐤ ᑭᔭ ᐎᔄᐛᐱᔅᑯᓯᓂᔭ, ᑭᔭ ᐊ ᑯᔅᑕᑎᑯᓂᔨᒡ ᐊ ᔪᑎᓂᔨᒡ: ᐊᔪᑯᔪᐤ ᒐ ᒪᑎᓂᒧᐛᑭᓄᐅᒡ ᐅᒥᓂᒂᑭᓄᐛᒡ᙮

ᑎᐱᑦ ᐅᓂᑭᒧᐅᓇ 37:34

ᐊᓯᓄᐛᔨ ᑎᐸᔨᒋᒐᓱᐤ, ᑭᓄᐛᔨᑎᒻ ᒪᒃ ᐅᑦ ᐃᓯᑥᐅᓐ, ᒋᑭ ᐃᔅᐸᐃᑕᑯᐎᒄ ᒪᒃ ᒐᒋ ᑎᐸᔨᑎᒥᓐ ᐊᔅᒋᔾ: ᐃᔅᐱ ᒋᒥᔄᑭᓄᑥᐛ ᐅᒥᒋᑥᐅᒡ, ᒋᑭ ᐛᐸᑕᓐ᙮

ᑎᐱᑦ ᐅᓂᑭᒧᐅᓇ 52:6

ᐅᑯᐃᔅᑯᑕᑎᓯᐅᒡ ᑭᔭ ᒋᑭ ᐛᐸᑎᒧᒡ, ᑭᔭ ᒋᑭ ᓴᒋᓱᐅᒡ, ᑭᔭ ᒋᑭ ᐅᓯᓂᐛᐅᒡ, ᐊ ᐃᔅᒋᔄᒡ,

ᑎᐱᑦ ᐅᓂᑭᒧᐅᓇ 60:3

ᔅᒋ ᐛᐸᑎᔭᐅᒡ ᒋᑦ ᐃᔨᒥᒡ ᑲ ᐊᔨᒥᓂᔨᒋ: ᔅᒋ ᑐᑐᐅᓇᓐ ᒐᒋ ᒥᓂᔭᒡ ᒪᒥᔅᑲᑕᒧᐎ ᓱᒥᓇᐳᔾ᙮

ᑎᐱᑦ ᐅᓂᑭᒧᐅᓇ 73:10

ᐊᔪᐛᒃ ᒪᒃ ᐛᒋ ᐸᒋ ᒋᐛᔨᒋ ᐅᑦ ᐃᔨᒪ: ᑭᔭ ᐊ ᓴᑭᔅᒋᓇᐸᔨᒡ ᒥᓂᒂᑭᓂᔪᐤ ᐃᔅᐱᔅ ᒋᑭ ᓯᓂᐸᑕᓂᑭᓇᐎᔨᐛ᙮

ᑎᐱᑦ ᐅᓂᑭᒧᐅᓇ 75:8

ᐛᔅ ᐅᑎᒋᒡ ᑎᐸᔨᒋᒐᓱᐤ ᑎᑯᓂᔪᐤ ᒥᓂᒂᑭᓂᔪᐤ, ᓱᒥᓇᐳᔾ ᑭᔭ ᒥᒂᑭᒧᐤ; ᓴᑭᔅᒋᓇᐤ ᒋᔨᑲᐛᐳᔾ; ᐊᓂᔭᔪᐤ ᑭᔭ ᓯᒋᓂᒻ: ᒪᒃ ᑲ ᐱᔭᒂᑭᒥᔨᒡ ᒥᓯᐛ ᐅᒥᒋᑥᐅᒡ ᐊᔅᒋᒡ ᒋᑭ ᐅᑎᓇᒧᒡ ᑭᔭ ᒋᑭ ᒥᓄᐅᒡ᙮

ᑎᐱᑦ ᐅᓂᑭᒧᐅᓇ 91:8

ᒥᒄ ᒋᔅᒋᓯᑯᒡ ᒋᑭ ᐅᒋ ᐛᐸᑕᓐ ᒐ ᐃᓯ ᑎᐸᐊᒪᐛᑭᓄᐅᒡ ᐅᒥᒋᑥᐅᒡ᙮

ᒪᑎᔪᐤ 20:22

ᐊᑯ ᒋᓴᔅ ᒂ ᐃᑕᑦ ᐊᓂᔭ ᐅᑯᓯᔪᐛ, “ᓇᒪ ᒋ ᒋᔅᒐᔨᑕᓇᐛᐤ ᐊᓐ ᒐᒂᓐ ᑲ ᐃᓯ ᓂᑐᑎᒪᔭᒄ᙮ ᒋᑭ ᒋ ᑎᓇᐛᐤ ᐊ ᒐᒋ ᒥᓂᔭᒄ ᑕᓐ ᐊ ᐃᓯ ᑎᒂᒡ ᓂᒥᓂᒂᑭᓂᒡ ᒐ ᒥᓂᔭᓐ ᐊᓄᒡ᙮ ᒋᑭ ᒋ ᑎᓇᐛᐤ ᐊ ᒐᒋ ᓯᑲᐃᑕᑯᔭᒄ ᒧᔭᒻ ᓂᔾ ᑕᓐ ᒐ ᐃᓯ ᓯᑲᐃᑕᑯᔭᓐ ?” ᐊᑯ ᒂ ᐃᑎᑯᑦ, “ᓂᐦᐃ, ᓂᑭ ᒋ ᑎᓇᓐ᙮”

ᒪᑎᔪᐤ 25:41

ᐊᑯ ᒐ ᐃᑕᑦ ᐊᓂᔭᔪᐛ ᐅᓂᔅᐸᒋᐅᓂᒡ ᑲ ᑕᔨᒋ ᐊᓂᔭ ᑲ ᒥᒐᑎᓯᔨᒋ, ‘ᐊᐅᓯᒄ ᓇᑕ ᒋᔨᐛᐤ ᒋᓴᒪᓂᑐᐤ ᒐ ᐛᐛᓯᐃᑕᒄ ᐊᓐᑕ ᐃᔅ ᑲᒋᒡ ᒥᒋ ᐃᔅᑯᑕᒡ ᐊᓂᔭᔪᐤ ᑲ ᐃᓯ ᐊᔭᔅᑯᔅᑎᒧᐛᑭᓄᔨᒋ ᒥᒋᒥᓂᑐᐛ ᑭᔭ ᐅᑦ ᐊᐱᒋᐊᑭᓂᔪᐛ᙮

ᒪᑎᔪᐤ 26:39

ᐊᑯ ᐊᓐᑕ ᐛᔪᐎᔅ ᐎᔾ ᒂ ᐃᑐᑕᑦ, ᒋ ᐅᒋᒋᐧᑯᓂᐳᐤ ᒪᒃ, ᒂ ᐊᔭᒥᐊᑦ ᐊ ᐃᔅᒋᔄᑦ, “ᓄᑕ, ᒐᒋ ᐃᓯᓇᑯᓂᒂ ᐸᒋ ᐃᒐᓂᒧᐎ ᐅ ᑕᓐ ᒐ ᐃᓯ ᐛᐎᓯᒐᔨᑎᒪᓐ, ᒥᒄ ᒪᒃ ᒋᔾ ᒋᑦ ᐃᑕᔨᑎᒧᐅᓐ ᒋᑭ ᐃᑐᑕᑭᓄᐤ, ᓇᒪᐎᔾ ᓂᔾ ᓂᑦ ᐃᑕᔨᑎᒧᐅᓐ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 8:38

ᐊᓐ ᐊᐛᓐ ᒐ ᓴᒂᔨᒧᑐᐅᒂ ᑭᔭ ᒐ ᓴᒂᔨᒧᐃᑯᒂ ᐊᓂᔭ ᓂᒋᔅᑯᑎᒪᒐᐅᓇ ᐊᓄᒡ ᐅᔭ ᒪᒂᒡ ᐊᔅᐱᔅ ᐊᑲ ᑯᐃᔅᒄ ᐃᑎᒡ ᐊᐛᓐᒋ ᑭᔭ ᐊᔅᐱᔅ ᒥᒐᑎᓯᒡ, ᑭᔭ ᐎᔾ ᐃᔪᐤ ᐅᑯᓯᓴᓇ ᒋᑭ ᓴᒂᔨᒧᐃᑯᐤ ᐃᔅᐱ ᑎᑯᓯᓂᔨᒐᓂ ᒋᓴᒪᓂᑐᐛ ᐅᒋᔅᑕᔨᑕᑯᓱᐅᓂᔨᒡ ᐸᔭᒋ ᐊᓐᒋᓇ ᐊ ᐸᒋ ᐎᒐᐅᑯᔨᒋ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 9:44

ᐛᔅ ᐊᑯᑕ ᐅᑕ ᒥᒋ ᐃᔅᑯᑕᒡ ᓇᒪ ᓂᑕ ᒋᑭ ᐅᒋ ᓂᐱᔪᐛ ᐊᓂᔭᔪᐛ ᒥᓐᑐᓴ ᒐ ᒧᐅᑯᒡ ᐊᓐᒡ ᐊᓐᑕ ᑲ ᑕᒡ᙮ ᑭᔭ ᓇᒪ ᓂᑕ ᒋᑭ ᐅᒋ ᐊᔅᑐᐛᔪᐤ ᐊᓂᔭ ᐃᔅᑯᑕᔪᐤ ᒐ ᐃᔎᓱᑯᒡ᙮

ᐊᑈᔅᑕᓇᒡ 10:22

ᒋ ᐃᑕᐅᒡ ᒪᒃ ᐊᓐᒡ ᓇᐸᐅᒡ, “ᓄᒋᒪᒥᓇᓐ ᑯᕐᓂᓕᔭᔅ ᑲ ᓂᑲᓂᔅᑯᐛᑦ ᕈᒻ ᐊᓯᒪᑭᓂᓴ ᓂᒋ ᐸᒋ ᐃᑎᓴᐅᑯᓇᓐ᙮ ᒥᔽᔨᑕᑯᓱᐤ ᐅ ᓇᐸᐤ, ᑭᔭ ᒋᔅᑕᔨᒪᐤ ᒋᓴᒪᓂᑐᐛ, ᒥᓯᐛ ᑭᔭ ᒍᐤ ᐃᔪᐛ ᐃᑕᔨᒥᑯᐤ ᐊ ᒥᔽᔨᑕᑯᓯᑦ᙮ ᐸᐃᒄ ᒋᓴᒪᓂᑐᐤ ᑲ ᐸᔭᒋᓯᔨᒋ ᐅᑦ ᐊᓐᒋᓂᒥᔪᐛ ᒋ ᐃᑎᑯᐤ ᒐᒋ ᐎᓴᒥᔅᒃ ᐊᓐᑕ ᐎᒋᒡ ᐊᑯ ᒪᒃ ᒐᒋ ᐸᑕᐧᒃ ᑕᓐ ᐛ ᐃᓯ ᐎᑎᒥᓐ᙮”

2 ᑕᓴᓗᓂᔭᓇ 1:7

ᐊᑯ ᒋᔨᐛᐤ ᑲ ᓂᓇᐧᑲᑕᔨᒧᔭᒄ ᒋᑭ ᐃᑐᑕᑯᐛᐤ ᒋᓴᒪᓂᑐᐤ ᒐᒋ ᐳᓂ ᓂᓇᐧᑲᑕᔨᒺᒄ ᑭᔭ ᓂᔭᓐ ᐊᐅᑯᓐ ᒐ ᐃᓯ ᐎᒋᐃᑯᐅᔭᒡ᙮ ᐃᔅᐱ ᐸᒋ ᓄᑯᓯᒐ ᐅᑎᐸᔨᒋᒐᐤ ᒋᓴᔅ ᐊᓐᑕ ᒋᒋᒋᓯᑯᒡ ᐅᒡ ᐊ ᐸᒋ ᐎᒐᐛᑦ ᐅᑦ ᐊᓐᒋᓂᒪ ᑲ ᓱᐧᑲᑎᓯᔨᒋ ᐊᑯᑕ ᒐ ᐃᑐᑕᐧᒃ ᐅᔭ᙮

ᒍᑦ 1:7

ᒋᔅᒋᓯᑐᐛᐧᑯᒡ ᑭᔭ ᐊᓐᒡ ᐃᔪᒡ ᓱᑕᒻ ᑭᔭ ᑯᒧᕋ ᑭᔭ ᐊᓂᔭᔪᐛ ᑯᑎᑲ ᐅᑕᓇᐛ ᐛᔅᑲ ᑲ ᑎᑯᓂᔨᒋ ᑲ ᐅᒋᒡ᙮ ᒧᔭᒻ ᐊᓂᔭᔪᐛ ᐊᓐᒋᓇ ᑲ ᐃᑎᔨᒋ ᐊᑲ ᐅᒋ ᓂᓇᐃᑐᐛᔨᒋ ᒋᓴᒪᓂᑐᐛ, ᐊᐅᑯᓐ ᑲ ᐃᑎᒡ᙮ ᑭᔭ ᒥᓯᐛ ᐊᑲ ᒧᔭᒻ ᐃᑕᔨᑕᑯᓂᔨᒡ ᐎᓂᓱᐤ ᐱᒪᑎᓯᐅᓂᔪᐤ ᒋ ᐃᑐᑎᒧᒡ᙮ ᓇᔅᒡ ᒋ ᐃᔎᑕᐛ ᐅᔭ ᐅᑕᓇᐛ ᑭᔭ ᓂᓇᐧᑲᑕᔨᒧᐊᑭᓄᐎᒡ ᐊᓐᒡ ᐃᔪᒡ ᐊᓐᑕ ᒥᒋ ᐃᔅᑯᑕᒡ ᑲᒋᒡ ᐊ ᑎᑯᓂᔨᒡ᙮ ᐊᐅᒄ ᒪᒃ ᐛᒋ ᐃᔭᒂᒥᑯᔭᐧᒄ ᐅᔭ ᒐ ᐃᓯ ᐛᐛᓯᐊᑭᓄᐅᑦ ᐊᐛᓐ ᐊᑲ ᓇᔅᒡ ᐎ ᓂᓇᐃᑐᐛᑦ ᒋᓴᒪᓂᑐᐛ᙮

ᒋᔅᒐᔨᑕᑯᑕᒐᐅᓐ 15:7

ᐊᑯ ᐸᐃᒄ ᐊᓐᒡ ᐊ ᓇᐅᒡ ᑲ ᐱᒪᑎᓯᒡ ᐊᐛᓐᒋ, ᒂ ᒥᔭᑦ ᐸᐸᐃᒄ ᐊᓂᔭ ᓂᔄᐅᑕᒡ ᐊᓐᒋᓇ ᐎᔭᑭᓂᔪᐤ ᐊ ᒧᑕᔭᔨᒡ ᐊ ᓴᑭᔅᒋᓇᔅᑕᔨᒡ ᐊᓐᑕ ᒋᓴᒪᓂᑐᐤ, ᐊᓐ ᑲᒋᒡ ᑲ ᐱᒪᑎᓯᑦ, ᐅᑦ ᐊᐧᑯᔪᐛᓱᐅᓐ᙮

ᒋᔅᒐᔨᑕᑯᑕᒐᐅᓐ 16:19

ᐊᑯ ᐊᓐ ᑲ ᒋᔅᑕᔨᑕᒂᒡ ᐅᑕᓇᐤ ᐸᐱᓗᓐ ᑲ ᐃᓯᓂᐧᑲᑕᒡ, ᓂᔅᑐᔨᒡ ᒂ ᐃᓯ ᐸᒂᐱᔨᒡ᙮ ᒥᓯᐛ ᐅᑕᓇᐛ ᐊᔅᒋᒡ ᑲ ᑎᒂᒋ ᒋ ᓂᓱᐅᓇᑎᓇ᙮ ᒋᓴᒪᓂᑐᐤ ᒪᒃ ᓇᒪ ᐅᒋ ᐅᓂᒋᔅᒋᓯᑐᑎᒻ ᐊᓂᔭ ᐅᑕᓇᔪᐤ ᐸᐱᓗᓐ ᑲ ᐃᓯᓂᐧᑲᑕᔨᒡ᙮ ᒋ ᐃᑐᑐᐛᐤ ᐊᓂᔭ ᐊᐛᔪᐛ ᐊᓐᑕ ᐊ ᑕᔨᒋ ᒐᒋ ᒥᓂᔨᒋ ᐊᓂᔭ ᓱᒥᓇᐳᔪᐤ ᐊᓐᑕ ᐅᒥᓂᒂᑭᓂᒡ ᐅᒡ᙮ ᐊᐅᒄ ᐅᔭ ᒥᓂᒂᑭᓂᔪᐤ ᐊᓐᑕ ᐊ ᑎᑯᓂᔨᒡ ᐅᑦ ᐊᐧᑯᔪᐛᓱᐅᓐ᙮

ᒋᔅᒐᔨᑕᑯᑕᒐᐅᓐ 18:3

ᐛᔅ ᐊᓐᒡ ᐊᓐᑕ ᑲ ᐎᒋᒡ ᒥᓯᐛ ᐊ ᐃᑎᔅᑲᓇᓯᔨᒋ ᐊᐛᔪᐛ ᓇᔅᒡ ᐛᐸᒻ ᒋ ᐅᒋ ᓇᐃᐱᔨᑐᐛᐅᒡ ᒐᒋ ᓂᓱᐅᓇᒋᐃᑯᔨᒋ ᐊ ᐎᓂᓱᐤ ᐱᒪᑎᓯᔨᒋ᙮ ᒧᔭᒻ ᐊᒋ ᒥᓇᐊᒡ ᓱᒥᓇᐳᔪᐤ ᒐᒋ ᒋᔎᐸᔅᑲᑯᔨᒋ, ᐊᑯᓐ ᑲ ᐃᓯᓇᑯᓂᔨᒡ ᐊᓂᔭ ᑲ ᐃᑐᑐᐛᒡ᙮ ᒋ ᐸᒋ ᐎᒋ ᐎᓂᓱᐤ ᐱᒪᑎᓯᒥᑯᐅᒡ ᒋᓴᐅᒋᒪᐛ ᐅᑕ ᐊᔅᒋᒡ ᑲ ᑕᔨᒋ᙮ ᐊᑯ ᐊᓂᔭᔪᐛ ᐊ ᐊᑕᐛᔨᒋ ᒐᒂᔪᐤ ᑲ ᐅᒋ ᐱᒪᒋᐅᔨᒋ, ᒋ ᐅᓱᓇᔭᓂᒥᐧᑲᓱᔪᐛ ᑕᓐ ᑲ ᐃᓯ ᐊᑲ ᐅᒋ ᐳᓂᐱᔨᒡ ᐊ ᐎ ᐛᔪᑎᓯᒡ᙮ ᐎᓂᓱᐱᒪᑎᓯᐅᓂᒡ ᒋ ᐅᒋ ᐅᓱᓇᔭᓂᒥᐧᑲᓱᐅᒡ᙮”

ᒋᔅᒐᔨᑕᑯᑕᒐᐅᓐ 18:6

ᒧᔭᒻ ᑲ ᐃᑐᑐᐛᒡ ᓂᑦ ᐃᔨᒪ ᐅᒡ ᐃᔪᒡ ᐊᑯᓐ ᐃᑐᑐᐛᐧᑯᒡ᙮ ᓇᐊᐤ ᑎᑉ ᐎ ᐃᔅᐱᔅ ᐛᐛᓯᐊᐧᑯᒡ ᑕᓐ ᒋᐸ ᐃᔅᐱᔅ ᐛᐛᓯᐊᑭᓄᐅᒡ ᑲ ᐃᔅᐱᔅ ᒋ ᒥᒋᑐᑕᒡ᙮ ᐊᓂᔭ ᑲ ᐃᓯ ᐎ ᒥᒋᑐᑐᐛᒡ ᐊᐛᔪᐛ ᐃᑐᑐᐛᐅᒡ ᐊᑲ ᓇᔅᒡ ᒐᒋ ᓇᑲᐎᔅᑲᑯᔨᒋ ᒐ ᐃᓯ ᐊᐧᑯᔪᐛᓯᔅᑕᑯᔨᒋ ᒋᓴᒪᓂᑐᐛ᙮ ᓂᔄᐤ ᒪᒃ ᒐᒋ ᐃᔅᐱᔅ ᐊᐧᑯᔪᐛᓯᔅᑕᑯᐅᒡ ᐎᔨᐛᐤ ᒋᓴᒪᓂᑐᐛ ᐃᑐᑐᐛᐧᑯᒡ᙮

ᒋᔅᒐᔨᑕᑯᑕᒐᐅᓐ 19:15

ᐊ ᑲᓴᔨᒡ ᓂᑐᐱᔪᐅ-ᒧᐧᑯᒪᓂᔪᐤ ᐅᒋᐱᔪᐤ ᐅᑐᓂᒡ ᐊᓐ ᑲ ᑕᑎᐱᑦ ᑲᐸᐃᑭᔎᐛ᙮ ᐊᐅᒄ ᐅᔭ ᒐ ᐊᐱᒋᑕᑦ ᒐᒋ ᓴᒂᐊᑦ ᐊ ᐃᑎᔅᑲᓇᓯᔨᒋ ᐊᐛᔪᐛ᙮ ᓇᒪ ᒪᒃ ᒋᑭ ᐅᒋ ᒪᒥᓇᑎᓯᐤ ᐅᒋᒪᐅᒐ᙮ ᒋᑭ ᐛᐸᑎᔨᐛᐤ ᒋᓴᒪᓂᑐᐛ ᒪᐅᒡ ᓯᔪᐧᑲᑎᓯᔨᒋ ᐊ ᐃᓯ ᐊᒂᑕᔨᑕᑯᓂᔨᒡ ᐅᑦ ᐊᐧᑯᔪᐛᓱᐅᓂᔪᐤ᙮ ᒧᔭᒻ ᐊᓐᑕ ᒥᓂᓴ ᑲ ᒪᒥᒋᒥᓂᑲᓄᔨᒋ ᑲᒋ ᑎᒂᐃᑭᓄᔨᒋ ᓱᒥᓇᐳᔾ ᐊ ᐅᓯᑕᑭᓄᐅᒡ, ᐊᐅᑯᓐ ᒐ ᐃᑕᔨᑕᑯᓂᔨᒡ ᐃᔅᐱ ᐛᐛᓯᐊᒐ ᐊᐛᔪᐛ᙮

ᒋᔅᒐᔨᑕᑯᑕᒐᐅᓐ 19:20

ᐊᑯ ᒂ ᒪᑯᓇᑭᓄᐅᑦ ᐊᓐ ᒥᒋ ᐊᐛᓯᔅ ᑭᔭ ᐊᓐ ᒥᒋ ᐅᒋᔅᒋᐛᐃᒐᓱᐤ᙮ ᐊᐅᒄ ᐅ ᒥᒋ ᐅᒋᔅᒋᐛᐃᒐᓱᐤ ᑲ ᒪᒥᔅᑲᒡ ᐃᑎᑦ ᐅᑎᔅᑯᐤ ᐊᓂᔭᔪᐛ ᒥᒋ ᐊᐛᓯᓴ ᐊ ᑕᔨᒋ᙮ ᐊᑯᑕ ᑲ ᐅᒋ ᐎᔭᓯᐊᑦ ᐊᓂᔭᔪᐛ ᐊᐛᔪᐛ ᑲ ᐅᑎᓂᒥᔨᒋ ᐊᓂᔭᔪᐛ ᒥᒋ ᐊᐛᓯᓴ ᐅᒋᔅᒋᓄᐛᒋᐃᐛᐅᓂᔪᐤ ᑭᔭ ᑲ ᐊᔭᒥᐊᔅᑐᐛᔨᒋ ᐊᓂᔭ ᒥᓂᑐᐧᑲᓇ ᒧᔭᒻ ᐊᓂᔭᔪᐛ ᒥᒋ ᐊᐛᓯᓴ ᐊ ᐃᓯᓇᑯᓯᔨᒋ ᑲ ᐃᓯᐊᑭᓄᔨᒋ᙮ ᑕᐱᔅᑯᓐ ᐊᓐ ᒥᒋ ᐊᐛᓯᔅ ᑭᔭ ᐊᓐ ᒥᒋ ᐅᒋᔅᒋᐛᐃᒐᓱᐤ ᐊᐱᒪᑎᓯᒡ ᒋ ᐃᓯ ᐛᐱᓇᑭᓄᐎᒡ ᐊᓐᑕ ᒥᒋ ᐃᔅᑯᑕᐤ ᓴᑲᐃᑭᓂᒡ ᐊᓐᑕ ᐊ ᐃᔎᑕᔨᒡ ᐊ ᐎᔄᐛᐸᑕᔨᒡ ᒐᒂᔪᐤ ᓇᔅᒡ ᐊ ᐎᓂᒪᔅᑕᔨᒡ᙮

ᒋᔅᒐᔨᑕᑯᑕᒐᐅᓐ 20:10

ᐊᑯ ᒪᒃ ᒥᒋᒥᓂᑐᐤ, ᐊᓐ ᑲ ᐎᔭᓯᒪᑦ ᐅᔭ ᐊᐛᔪᐛ, ᑲ ᑲᔅᑎᓇᑭᓄᐅᑦ, ᐊᑯ ᐊᓐᑕ ᒥᒋ ᐃᔅᑯᑕᐤ ᓴᑲᐃᑭᓂᒡ ᑲ ᐃᓯ ᐛᐱᓇᑭᓄᐅᑦ ᐊᓐᑕ ᐊ ᐃᔎᑕᔨᒡ ᒐᒂᔪᐤ ᐊ ᐎᔄᐛᐸᑕᔨᒡ ᓇᔅᒡ ᐊ ᐎᓂᒪᔅᑕᔨᒡ᙮ ᐊᑯᑕ ᓴᔅ ᑲ ᐃᓯ ᐛᐱᓇᑭᓄᔨᒋ ᐊᓂᔭ ᒥᒋ ᐊᐛᓯᓴ ᑭᔭ ᐊᓂᔭ ᒥᒋ ᐅᒋᔅᒋᐛᐃᒐᓱᐛ᙮ ᑲᒋᒡ ᒪᒃ ᒋᑭ ᐎᓯᒐᔨᑎᒧᒡ ᐊ ᒋᓯᑲᔨᒡ ᑭᔭ ᐊ ᑎᐱᔅᑲᔨᒡ᙮

ᒋᔅᒐᔨᑕᑯᑕᒐᐅᓐ 20:14

ᓂᐳᐅᓐ ᑭᔭ ᒋᐱᔾ ᐊᔅᒋᔾ ᒥᒋ ᐃᔅᑯᑕᐤ ᓴᑲᐃᑭᓂᒡ ᒋ ᐃᓯ ᐛᐱᓇᑭᓄᐤ᙮ ᐅ ᒥᒋ ᐃᔅᑯᑕᐤ ᓴᑲᐃᑭᓐ, ᐊᐅᒄ ᐅ ᓂᓱ ᓂᐳᐅᓐ᙮

ᒋᔅᒐᔨᑕᑯᑕᒐᐅᓐ 21:8

ᐊᑯ ᐊᓐᒡ ᐊᐛᓐᒋ ᐊᑲ ᓱᒋᔅᑕᐊᒡ ᒐᒋ ᐎᑕᒡ ᐊ ᑕᑈᔭᔨᒪᒡ ᒋᓴᓴ, ᐊᓐᒡ ᑲ ᒋᐛᑲᐳᔅᑕᒡ ᑕᓐ ᑲ ᐃᓯ ᑕᑈᔭᔨᒪᒡ ᒋᓴᓴ, ᐊᓐᒡ ᓇᔅᒡ ᑲ ᒥᒐᑎᓯᒡ, ᐊᓐᒡ ᑲ ᓂᐸᐊᒡ ᐊᐛᔪᐛ, ᐊᓐᒡ ᓂᓇᐧᑯᐤ ᑲ ᐃᓯ ᐎᓂᓱᐤ ᐱᒪᑎᓯᒡ, ᐊᓐᒡ ᑲ ᒥᑕᐛᑎᓯᒡ, ᐊᓐᒡ ᑲ ᐊᔭᒥᐊᔅᑐᐛᒡ ᒥᓂᑐᐧᑲᓇ ᑭᔭ ᐊᓐᒡ ᑲ ᐎᒋ ᑭᑭᒋᔭᒡ, ᒥᒋ ᐃᔅᑯᑕᐤ ᓴᑲᐃᑭᓂᒡ ᒋᑭ ᐃᓯ ᐛᐱᓇᑭᓄᐎᒡ᙮ ᐊᐅᒄ ᐅ ᓂᓱ ᓂᐳᐅᓐ᙮”