ᒋᔅᒐᔨᑕᑯᑕᒐᐅᓐ 13:7 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁷ ᒋ ᐱᔅᑎᓇᑭᓄᐤ ᒐᒋ ᒪᓯᐊᑦ ᑲ ᑕᑈᑎᒥᔨᒋ ᑭᔭ ᒐᒋ ᓴᒂᐊᑦ᙮ ᒋ ᒥᔭᑭᓄᐤ ᑎᐸᔨᒐᐅᓂᔪᐤ ᒐᒋ ᐅᒋᒪᐅᑐᑐᐛᑦ ᒥᓯᐛ ᐊ ᐃᑎᔅᑲᓇᓯᔨᒋ ᐊᐛᔪᐛ ᑭᔭ ᒥᓯᐛ ᓂᓇᐧᑯᐤ ᐊ ᐃᓯ ᐃᔨᒥᔨᒋ ᑭᔭ ᒥᓯᐛ ᐊ ᐃᓯ ᒪᒧᑕᐅᓯᔨᒋ᙮

ᒋᔅᒐᔨᑕᑯᑕᒐᐅᓐ 13:7 Iomraidhean Croise

ᐊᒃᓱᑕᔅ 9:16

ᐊᑯ ᒋ ᒥᔨᑎᓇᐛᐤ ᒐᒋ ᐱᒪᑎᓯᔭᒄ ᒥᒄ ᒐᒋ ᐛᐸᑎᒪᒃ ᓂᓱᐧᑲᑎᓯᐅᓐ ᑭᔭ ᓂᑦ ᐃᓯᓂᐧᑲᓱᐅᓐ ᒐᒋ ᒋᔅᒐᔨᑕᑭᓄᐅᒡ ᐅᑕ ᐊᔅᒋᒡ᙮

ᓗᒃ 4:6

ᐊᑯ ᒂ ᐃᑕᑦ, “ᒥᓯᐛ ᒋᑭ ᐱᔅᑎᓂᒪᑎᓐ ᒐᒋ ᑎᐸᔨᒋᒐᔨᓐ ᐅᑕ ᐅᔭ ᒋᓴᐅᒋᒪᐅᓇ ᑭᔭ ᒥᓯᐛ ᐊᓐ ᐛᔪᑎᓯᐅᓐ ᒐᒋ ᑎᐸᔨᑎᒥᓐ᙮ ᓂᔾ ᒥᓯᐛ ᓂᒋ ᐱᔅᑎᓂᒪᑯᐅᓐ, ᑭᔭ ᒥᒄ ᐊᐛᓐ ᐛ ᒥᔨᒃ ᓂᑭ ᒋ ᒥᔭᐤ᙮

ᒠᓐ 19:11

ᐊᑯ ᒋᓴᔅ ᒂ ᐎᑎᒧᐛᑦ ᐊ ᐃᑕᑦ, “ᒥᒄ ᒐᓱᐛᑦ ᒋᓴᒪᓂᑐᐤ ᐊᒋ ᒥᔨᔅᒃ ᐊᓂᔭ ᒐᒋ ᐃᑐᐅᑦ ᐊᐅᑯᓐ ᐛᒋ ᑎᒂᒡ ᐊᓐ ᒐᒋ ᐃᑎᔨᓐ᙮ ᐊᓐ ᒪᒃ ᐊᐛᓐ ᒋᔾ ᐊ ᑕᔨᓐ ᑲ ᐃᓯ ᐱᔅᑎᓱᐛᓯᑦ ᐊᐅᒄ ᐊᑐᐎᔅ ᒥᒋᑐᑕᐧᒃ᙮”

ᒋᔅᒐᔨᑕᑯᑕᒐᐅᓐ 10:11

ᐊᑯ ᒂ ᐃᑎᑯᐅᔭᓐ, “ᒥᓐ ᒋᑭ ᒋᔅᒋᐛᐃᒐᓐ, ᒋᑭ ᐊᔨᒧᑕᓐ ᑕᓐ ᐊ ᐃᓯ ᐊᔨᒧᒥᑯᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᒥᒐᑦ ᐊᐛᓐᒋ, ᓂᓇᐧᑯᐤ ᐊ ᐃᑎᔅᑲᓇᓯᒡ, ᓂᓇᐧᑯᐤ ᐊ ᐃᓯ ᒪᒧᑕᐅᓯᒡ, ᑭᔭ ᓂᓇᐧᑯᐤ ᐊ ᐃᓯ ᐃᔨᒥᒡ᙮ ᒋᓴᐅᒋᒪᐅᒡ ᑭᔭ ᑕᓐ ᐊ ᐃᓯ ᐊᔨᒧᒥᑯᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᒋᑭ ᐊᔨᒧᑎᒧᐛᐅᒡ᙮”

ᒋᔅᒐᔨᑕᑯᑕᒐᐅᓐ 11:18

ᒥᓯᐛ ᐊ ᐃᑎᔅᑲᓇᓯᒡ ᐊᐛᓐᒋ ᒋ ᒥᔅᑎ ᒋᔄᓱᐅᒡ᙮ ᐊᑯ ᒪᒃ ᒋᔾ ᐛᑎᒋᐱᔨᒡ ᒐᒋ ᒋᔄᓯᔨᓐ ᑭᔭ ᒐᒋ ᑎᐸᔅᑯᓂᑥᐤ ᐊᓐᒡ ᑲ ᓂᐱᒡ᙮ ᓴᔅ ᐅᑎᒋᐱᔪᐤ ᒐᒋ ᑎᐸᐊᒧᑥᐤ ᐅᑎᐸᐊᒪᑯᓯᐅᓄᐛᐛ ᐊᓐᒡ ᒋᑦ ᐊᐱᒋᐊᑭᓐᒡ ᑭᔭ ᐊᓐᒡ ᐅᒋᔅᒋᐛᐃᒐᓱᒡ ᑭᔭ ᐊᓐᒡ ᑲ ᑕᑈᑕᒡ ᑭᔭ ᐊᓐᒡ ᑲ ᒋᔅᑕᔨᑕᒡ ᒋᑦ ᐃᓯᓂᐧᑲᓱᐅᓂᔪᐤ, ᐊᓐᒡ ᑲ ᒋᔅᑕᔨᑕᑯᓯᒡ ᑭᔭ ᐊᓐᒡ ᐊᑲ ᒋᔅᑕᔨᑕᑯᓯᒡ᙮ ᓴᔅ ᐅᑎᒋᐱᔪᐤ ᒐᒋ ᓂᓱᐅᓇᒋᐊᑭᓄᐎᒡ ᐊᓐᒡ ᑲ ᓂᓱᐅᓇᒋᐊᒡ ᐊᐛᔪᐛ ᐅᑕ ᐊᔅᒋᒡ᙮”

ᒋᔅᒐᔨᑕᑯᑕᒐᐅᓐ 11:7

ᐃᔅᐱ ᒪᒃ ᒋ ᐃᓯ ᐛᐎᑕᒂᐛ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ, ᐊᑯ ᐊᓂᔭᔪᐛ ᒥᒋ ᐊᐛᓯᓴ ᐊᓐᑕ ᑲ ᒥᔅᑎ ᐱᑯᓇᔭᔨᒡ ᑲ ᐅᒋ ᒧᔅᒋᐱᔨᒋ ᒐ ᒪᓯᐧᑲᑯᒡ᙮ ᒋᑭ ᓴᐧᑯᒋᐃᑯᐅᒡ ᒪᒃ, ᐊᑯ ᒐ ᓂᐸᐃᑯᒡ᙮

ᒋᔅᒐᔨᑕᑯᑕᒐᐅᓐ 12:17

ᐊᑯ ᐊᓐ ᒥᔅᑎ ᒥᓐᑐᔅ ᒂ ᒥᔅᑎ ᒋᔄᐃᑯᑦ ᐊᓂᔭ ᐃᔎᐛ᙮ ᐊᑯ ᒂ ᓂᑐᐱᔨᑐᐅᒪᑦ ᐊᓂᔭᔪᐛ ᐅᑦ ᐊᓂᔅᒐ ᐅᑦ ᐊᐛᓯᒥᔪᐛ, ᐊᓂᔭ ᒥᓯᐛ ᑲ ᓂᓇᐃᑐᐛᔨᒋ ᒋᓴᒪᓂᑐᐛ, ᐊᓂᔭᔪᐛ ᑲ ᐛᐎᑎᒥᔨᒋ ᑕᓐ ᑲ ᐸᒋ ᐃᑎᔨᒋ ᒋᓴᓴ ᑲ ᐸᒋ ᑎᑯᓯᓂᔨᒋ᙮

ᒋᔅᒐᔨᑕᑯᑕᒐᐅᓐ 17:15

ᐊᑯ ᒂ ᐃᓯᑦ ᐊᓐ ᐊᓐᒋᓐ, “ᐊᓂᔭᔪᐛ ᓯᐱᔭ ᑲ ᐛᐸᑎᒥᓐ ᐊᓐᑕ ᑲ ᐊᐱᑦ ᐊᓐ ᐃᔎᐤ, ᐃᔪᒡ ᐛᔅ ᐊᓐ ᐊᓐᒡ, ᐊ ᒥᒐᑎᒡ ᐊᐛᓐᒋ, ᓂᓇᐧᑯᐤ ᐊ ᐃᑎᔅᑲᓇᓯᒡ, ᑭᔭ ᓂᓇᐧᑯᐤ ᐊ ᐃᓯ ᐃᔨᒥᒡ᙮

ᒋᔅᒐᔨᑕᑯᑕᒐᐅᓐ 5:9

ᐊᓐᒡ ᒪᒃ ᓇᐤ ᑲ ᐱᒪᑎᓯᒡ ᐊᐛᓐᒋ ᑭᔭ ᐊᓐᒡ ᓂᓱᔪᐤ ᐊᓱ ᓇᐤ ᑲ ᒋᔅᑕᔨᑕᑯᓯᒡ ᒋᓴᐃᔪᒡ, ᒋ ᓂᑭᒧᐅᒡ ᓂᑭᒧᐅᓂᔪᐤ ᐊᑲ ᓂᑕ ᐊᔅᒄ ᐅᒋ ᓂᑭᒧᓇᓄᐎᒡ᙮ ᒪᐅ ᑲ ᐃᑕᐊᒪᓱᒡ, “ᒋᔾ, ᒪᔭᑕᓂᔅ, ᒋ ᒋᔅᑕᔨᑕᑯᓯᓐ ᒐᒋ ᐅᑎᓂᒥᓐ ᐊᓐ ᒥᓯᓇᐃᑭᓐ᙮ ᒋ ᒋᔅᑕᔨᑕᑯᓯᓐ ᒐᒋ ᒥᓂᒥᓐ ᐊ ᐃᓯ ᒋᔅᑕᐸᓱᐤ ᐱᓯᒂᐃᑭᓄᐅᒡ᙮ ᐛᔅ ᒋᔾ ᔅᒋ ᓂᐸᐃᑯᐅᓐ᙮ ᒋᒥᐧᑯᒡ ᒪᒃ ᐊᑯᑕ ᑲ ᐅᒋ ᐎᐧᑯᒋᐃᑥᐤ ᐊᐛᓐᒋ ᒥᓯᐛ ᐊ ᐃᑎᔅᑲᓇᓯᒡ ᑭᔭ ᒥᓯᐛ ᐊ ᐃᓯ ᒪᒧᑕᐅᓯᒡ ᑭᔭ ᓂᓇᐧᑯᐤ ᐊ ᐃᓯ ᐃᔨᒥᒡ, ᒋᓴᒪᓂᑐᐛ ᒐᒋ ᐅᑦ ᐃᔨᒥᑐᑕᑯᒡ᙮