ᒋᔅᒐᔨᑕᑯᑕᒐᐅᓐ 13:3 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³ ᐸᐃᒄ ᐊᓂᔭ ᐅᔅᑎᒂᓐ ᐊᓐ ᒥᒋ ᐊᐛᓯᔅ ᒧᔭᒻ ᐊᒋ ᒥᔄᑭᓂᐧᑲᑕᑭᓄᐎᒡ ᒋ ᐃᓯᓇᑯᓂᔪᐤ᙮ ᒥᒄ ᒪᒃ ᓴᔅ ᒋ ᒥᔽᔪᐤ᙮ ᒥᓯᐛ ᒪᒃ ᐊᓐᒡ ᐊᔅᒋᒡ ᐊ ᑕᒡ ᒋ ᒪᒥᔅᑲᑕᔨᒪᐅᒡ ᐊᓂᔭ ᒥᒋ ᐊᐛᓯᓴ ᑭᔭ ᒋ ᓇᓴᐛᐅᒡ᙮

ᒋᔅᒐᔨᑕᑯᑕᒐᐅᓐ 13:3 Iomraidhean Croise

ᓗᒃ 2:1

ᒪᒂᒡ ᒪᒃ ᓯᓴᕐ ᐊᑲᔅᑕᔅ ᐊᒋ ᒋᓴᐅᒋᒪᐅᑦ, ᒋ ᐃᑎᓱᐛᐤ ᒥᓯᐛ ᐃᔪᐛ ᐊᓐᑕ ᕈᒻ ᐊᔅᒋᒡ ᑲ ᑕᔨᒋ ᒐᒋ ᑎᐱᒋᒪᑭᓄᔨᒋ ᑭᔭ ᒐᒋ ᒥᓯᓇᐛᑭᓄᔨᒋ᙮

ᒠᓐ 12:19

ᐊᑯ ᐊᓐᒡ ᐸᕆᓯᔨᒡ ᑲ ᐃᔅᒋᔄᒡ, “ᓇᒪ ᔅᒋ ᐃᑐᑐᐛᓄᐤ ᒐ ᐊᑲ ᒋ ᓇᓴᐅᑯᑦ ᐊᐛᔪᐛ, ᑭᓄᐛᐱᒪᒄ ᒪ, ᒥᓯᐛ ᐊᐛᔪᐛ ᐎᔾ ᓇᓴᐅᑯᐤ᙮”

ᐊᑈᔅᑕᓇᒡ 8:13

ᐊᓐ ᒪᒃ ᓴᐃᒥᓐ ᑲ ᒪᒥᑕᐛᑎᓯᑦ ᒋ ᑕᑈᑎᒻ ᑭᔭ ᐎᔾ ᑭᔭ ᒋ ᓯᑲᐃᑐᐛᑭᓄᐤ᙮ ᐊᑯ ᒪᒃ ᒧᔅ ᑲᒋ ᐱᐸᐎᒐᐛᑦ ᐊᓂᔭ ᐱᓕᐸ, ᒋ ᒥᔅᑲᑕᔨᑎᒻ ᑭᔭ ᑕᓐ ᑲ ᐃᓯ ᒪᒥᔅᑲᒡ ᐛᐸᑕᐧᒃ᙮

ᒋᔅᒐᔨᑕᑯᑕᒐᐅᓐ 13:12

ᐅ ᒪᒃ ᑯᑎᒃ ᒥᒋ ᐊᐛᓯᔅ ᒥᔅᑎ ᒋ ᒥᔨᑯᐤ ᑎᐸᔨᒋᒐᐅᓂᔪᐤ ᐊᓂᔭᔪᐛ ᓂᔅᑎᒻ ᒥᒋ ᐊᐛᓯᓴ, ᐊ ᐅᒋᒪᐅᑦ ᒐᒋ ᐃᑕᐱᒋᐃᑯᑦ ᐊᓐᑕ ᐊ ᑕᔨᒋ᙮ ᐊᑯ ᒂ ᐊᔨᐧᑭᒥᐊᑦ ᒥᓯᐛ ᐊᐛᔪᐛ ᐊᓐᑕ ᐊᔅᒋᒡ ᑲ ᐱᒪᑎᓯᔨᒋ ᒐᒋ ᐊᔭᒥᐊᔅᑐᐛᔨᒋ ᐊᓂᔭ ᓂᔅᑎᒻ ᑲ ᑕᔨᒋ ᒥᒋ ᐊᐛᓯᓴ, ᐊᓂᔭᔪᐛ ᒥᒋ ᐊᐛᓯᓴ ᒋᒋᐛ ᑲ ᒥᓱᐛᑭᓂᐧᑲᑕᑭᓄᐎᒂᓂ ᐅᔅᑎᒂᓂᔨᒡ ᑭᔭ ᑲ ᒥᓏᒋᑕᑭᓄᔨᒋ᙮

ᒋᔅᒐᔨᑕᑯᑕᒐᐅᓐ 13:14

ᐊᓐᒡ ᒪᒃ ᐊᐛᓐᒋ ᐊᓐᑕ ᐊᔅᒋᒡ ᐊ ᑕᒡ ᒋ ᐎᔭᓯᐃᑯᐅᒡ ᐅᔭ ᑲ ᐃᓯ ᐱᔅᑎᓇᑭᓄᔨᒋ ᐅᔭ ᒥᒋ ᐊᐛᓯᓴ ᒐᒋ ᒪᒥᔅᑲᒡ ᑎᔨᒋ ᐊ ᑭᓄᐛᐱᒥᑯᔨᒋ ᐊᓂᔭ ᑯᑎᑲ ᒥᒋ ᐊᐛᓯᓴ᙮ ᐊᓐᒡ ᐊᐛᓐᒋ ᐊᔅᒋᒡ ᑲ ᑕᒡ ᒋ ᐃᑎᑯᐅᒡ ᐊᓂᔭ ᓂᓱ ᐊ ᑕᔨᒋ ᒥᒋ ᐊᐛᓯᓴ ᒐᒋ ᐅᓯᐊᒡ ᒥᓂᑐᐧᑲᓇ ᐊ ᒋᔅᑕᔨᑕᑯᐊᒡ ᐊᓂᔭ ᒥᒋ ᐊᐛᓯᓴ ᒋᒋᐛ ᑲ ᒥᓱᐛᑭᓂᐧᑲᑎᑯᔨᒋ ᓂᑐᐱᔪᐅ-ᒧᐧᑯᒪᓂᔪᐤ ᒥᒄ ᒪᒃ ᐃᔭᐱᒡ ᐊᒋ ᐱᒪᑎᓯᔨᒋ᙮

ᒋᔅᒐᔨᑕᑯᑕᒐᐅᓐ 17:10

ᐱᑕᑕᒡ ᐊᓐᒡ ᒋᓴᐅᒋᒪᐅᒡ ᓴᔅ ᓇᒪ ᑕᐅᒡ᙮ ᐸᐃᒄ ᒪᒂᒡ ᒋᓴᐅᒋᒪᐤ᙮ ᐊᑯ ᐊᓐ ᑯᑎᒃ ᒋᓴᐅᒋᒪᐤ ᐊᔅᒄ ᓇᒪ ᓄᑯᐃᓱᐤ᙮ ᐃᔅᐱᔅ ᓄᑯᓯᒐ ᒥᒄ ᐛᐃᐱᔅᒋᔅ ᒋᑭ ᒋᓴᐅᒋᒪᐤ᙮

ᒋᔅᒐᔨᑕᑯᑕᒐᐅᓐ 17:11

ᐊᓐ ᒪᒃ ᒥᒋ ᐊᐛᓯᔅ ᓂᔅᑎᒻ ᑲ ᐱᒪᑎᓯᑦ, ᒥᒄ ᒪᒃ ᐊᑲ ᓴᔅ ᐱᒪᑎᓯᑦ, ᐊᐅᒄ ᐊᓐ ᔭᓇᐤ ᐊ ᑕᑦ ᒋᓴᐅᒋᒪᐤ ᑭᔭ ᐊᐅᒄ ᐸᐃᒄ ᐊᓐᒡ ᓂᔄᐅᑕᒡ ᑲ ᐃᑕᑎᓯᒡ ᒋᓴᐅᒋᒪᐅᒡ᙮ ᒋᓴᒪᓂᑐᐛ ᒋᑭ ᓂᓱᐅᓇᒋᐃᑯᐤ ᐅ ᒥᒋ ᐊᐛᓯᔅ᙮”

ᒋᔅᒐᔨᑕᑯᑕᒐᐅᓐ 17:13

ᒥᓯᐛ ᒪᒃ ᐅᒡ ᐸᐃᑯᔪᐤ ᐊ ᐃᑕᑎᓯᒡ ᒋᓴᐅᒋᒪᐅᒡ ᐸᐃᑯᓄᒡ ᒋᑭ ᐃᑕᔨᑎᒧᒡ ᐊᓂᔭ ᑕᓐ ᐛ ᐃᑎᒡ᙮ ᒥᓯᐛ ᒪᒃ ᑕᓐ ᐊ ᐃᓯ ᐊᔭᒡ ᓱᐧᑲᑎᓯᐅᓂᔪᐤ ᑭᔭ ᑎᐸᔨᒋᒐᐅᓂᔪᐤ ᐊᓂᔭᔪᐛ ᒥᒋ ᐊᐛᓯᓴ ᒋᑭ ᒥᔭᐅᒡ᙮

ᒋᔅᒐᔨᑕᑯᑕᒐᐅᓐ 17:17

ᐛᔅ ᒋᓴᒪᓂᑐᐛ ᒋ ᐃᑐᑕᑯᒡ ᐅᑕᐃᐛᒡ ᒐᒋ ᐅᒋ ᐃᑕᔨᑕᒡ ᒐᒋ ᐃᑐᑎᒺᒡ ᑕᓐ ᐊ ᐃᓯ ᓂᑐᐛᔨᑎᒥᔨᒋ ᒐᒋ ᐃᑐᑕᑭᓄᐎᒡ᙮ ᐊᑯ ᒪᒃ ᐸᐃᑯᓄᒡ ᑲ ᐃᑕᔨᑎᒥᐃᑯᒡ ᒐ ᒥᔭᒡ ᐊᓂᔭᔪᐛ ᒥᒋ ᐊᐛᓯᓴ ᑕᓐ ᐊ ᐃᓯ ᐊᔭᒡ ᒐᒋ ᐅᒋᒪᐅᒡ᙮ ᒋᑭ ᐱᔅᑕᔨᒥᑎᓱᔅᑐᐛᐅᒡ ᒪᒃ ᐸᑐᔅ ᒥᓯᐛ ᒋ ᑎᐱᐱᔨᒐ ᑕᓐ ᑲ ᐃᓯ ᓂᑲᓐ ᐎᑎᒥᔨᒋ ᒋᓴᒪᓂᑐᐛ ᒐ ᐃᔅᐱᔨᒡ᙮

ᒋᔅᒐᔨᑕᑯᑕᒐᐅᓐ 17:6

ᓂᒋ ᐛᐱᒪᐤ ᒪᒃ ᐊᓐ ᐃᔎᐤ ᐊ ᒥᔪᐧᑭᓱᑦ ᐊᒋ ᒥᓄᐛᑦ ᐅᒥᐧᑯᔪᐤ ᑲ ᑕᑈᑎᒥᔨᒋ ᑭᔭ ᐅᒥᐧᑯᔪᐤ ᐊᓂᔭᔪᐛ ᑲ ᓂᐸᐊᑭᓄᐃᑯᐱᓇᓂ ᐊ ᑕᑈᔭᔨᒪᔨᒋ ᒋᓴᓴ᙮ ᐃᔅᐱ ᒪᒃ ᑲ ᐛᐱᒥᒃ ᓇᔅᒡ ᓂᒋ ᒥᔅᑲᓯᓄᐛᐤ᙮

ᒋᔅᒐᔨᑕᑯᑕᒐᐅᓐ 17:8

ᐊᓐ ᒥᒋ ᐊᐛᓯᔅ ᑲ ᐛᐱᒥᑦ, ᒋ ᐱᒪᑎᓯᐤ ᐸᐃᒂᐤ ᒥᒄ ᒪᒃ ᓇᒪ ᓴᔅ ᐱᒪᑎᓯᐤ᙮ ᐊᓐᑕ ᐊᓂᔭ ᑲ ᒥᔅᑎ ᐱᑯᓇᔭᔨᒡ ᒋᑭ ᐅᒋ ᓄᑯᐃᓱᐤ ᑭᔭ ᒐ ᓂᓱᐅᓇᒋᐊᑭᓄᐅᑦ᙮ ᐊᓐᒡ ᒪᒃ ᐊᐛᓐᒋ ᐅᑕ ᐊᔅᒋᒡ ᑲ ᐱᒪᑎᓯᒡ ᐊᑲ ᒥᓯᓇᑕᔨᒡ ᐅᑦ ᐃᓯᓂᐧᑲᓱᐅᓄᐛᐛ ᐊᓐᑕ ᒥᓯᓇᐃᑭᓂᒡ ᐊᓐᑕ ᑲ ᒥᓯᓇᐛᑭᓄᔨᒋ ᐊᐛᔪᐛ ᒐ ᐊᔭᔨᒋ ᑲᒋᒡ ᐱᒪᑎᓯᐅᓂᔪᐤ ᐊᔅᒄ ᐊᑲ ᐅᒋ ᑎᑯᓂᔨᒡ ᐅᔭ ᐊᔅᒋᔪᐤ, ᒋᑭ ᒥᔅᑲᓯᓄᐛᐅᒡ ᐛᐱᒪᑥᐛ ᐊᓂᔭᔪᐛ ᒥᒋ ᐊᐛᓯᓴ᙮ ᐛᔅ ᒋ ᐱᒪᑎᓯᔪᐛ ᒥᒄ ᒪᒃ ᓇᒪ ᓴᔅ ᐱᒪᑎᓯᔪᐛ᙮ ᑲᐤ ᒪᒃ ᒋᑭ ᐅᒋ ᓄᑯᓯᔪᐛ ᐊ ᐱᒪᑎᓯᔨᒋ᙮”