ᒋᔅᒐᔨᑕᑯᑕᒐᐅᓐ 13:2 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

² ᐊᓐ ᒪᒃ ᒥᒋ ᐊᐛᓯᔅ ᓄᓴ ᒥᔅᑎᐱᓱᐤ ᒋ ᐃᓯᓇᑯᓱᐤ᙮ ᐅᓯᑕ ᒧᔭᒻ ᒋᓴᔭᒄ ᒥᓯᑕ ᒋ ᐃᓯᓇᑯᓂᔪᐛ᙮ ᐅᑐᓐ ᒧᔭᒻ ᒥᓯᐱᓱᐤ ᒥᑐᓂᔪᐤ ᒋ ᐃᓯᓇᑯᓂᔪᐤ᙮ ᐊᑯ ᐊᓐ ᒥᔅᑎ ᒥᓐᑐᔅ ᒂ ᒥᔭᑦ ᐊᓂᔭᔪᐛ ᒥᒋ ᐊᐛᓯᓴ ᐎᔾ ᑎᐱᔨᐛ ᐅᒥᔅᑯᓯᐅᓐ ᑭᔭ ᐎᔾ ᑎᐱᔨᐛ ᐅᑎᐸᔨᒋᒐᐅᓐ᙮ ᒋ ᒥᔭᐤ ᒐᒋ ᐊᐱᔨᒋ ᐊᓐᑕ ᐅᒋᓴᐅᒋᒪᐤ ᑕᑎᐳᐛᑭᓂᒡ᙮

ᒋᔅᒐᔨᑕᑯᑕᒐᐅᓐ 13:2 Iomraidhean Croise

ᑎᐱᑦ ᐅᓂᑭᒧᐅᓇ 22:21

ᐱᒪᒋᐃ ᒥᓯᐱᓱᐤ ᐅᑐᓂᒡ ᐅᒋ: ᐛᔅ ᔅᒋ ᐸᑐᐅᓐ ᐅᑦ ᐊᔅᑭᓂᒡ ᐅᐸᔭᑯᑕᔅᑭᓇᐤ ᐅᒋ᙮

2 ᑎᒧᑎ 4:17

ᒥᒄ ᒪᒃ ᐅᑎᐸᔨᒋᒐᐤ ᓂᒋ ᐎᒋᑲᐳᐅᔅᑕᒄ ᑭᔭ ᐎᔾ ᓂᒋ ᒥᔨᒄ ᓱᐧᑲᑎᓯᐅᓂᔪᐤ᙮ ᒋ ᐃᔅᐱᔪᐤ ᒪᒃ ᐃᔭᐱᒡ ᓇᔅᒡ ᒐᒋ ᐛᐎᑎᒧᒡ ᐅᔭ ᒥᔽᒋᒧᐅᓂᔪᐤ ᑭᔭ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᒐᒋ ᐅᒋ ᐸᑕᒡ, ᑭᔭ ᓂᒋ ᐎᐧᑯᒋᐃᑯᐅᓐ ᒐ ᐊᑲ ᒋ ᒧᐅᑦ ᒥᓯᐱᓱᐤ᙮

1 ᐱᑕᕐ 5:8

ᒧᔅ ᐃᔭᒂᒥᔅᑐᐛᐧᒄ ᒥᒋᒥᓂᑐᐤ, ᐊᓐ ᒧᔅ ᑲ ᐎ ᓇᓂᑐ ᒥᒋᐱᔨᑕᒄ, ᐛᔅ ᒧᔭᒻ ᒥᓯᐱᓱᐤ ᒧᔅ ᑲ ᐱᐸᒧᑕᑦ ᐊ ᐱᐸᓇᒧᑦ ᐊ ᓇᓂᑐᐤ ᒥᒋᓱᑦ ᐊᐅᑯᓐ ᐊ ᐃᓯᓇᑯᓯᑦ᙮ ᒥᒋᒥᓂᑐᐤ ᒧᔅ ᓇᓂᑐᐛᔨᒪᐤ ᐊᐛᔪᐛ ᒐᒋ ᓂᓱᐅᓇᒋᐊᑦ᙮

ᒋᔅᒐᔨᑕᑯᑕᒐᐅᓐ 12:13

ᐃᔅᐱ ᒪᒃ ᒐᔅᒐᔨᑕᐧᒃ ᐊᓐ ᒥᔅᑎ ᒥᓐᑐᔅ ᐊᓐᑕ ᐊᔅᒋᒡ ᐊᒋ ᐃᓯ ᓂᒋᐛᐱᓇᑭᓄᐅᑦ, ᐊᑯ ᒂ ᒋᒋ ᐱᐸᓇᓴᐛᑦ ᐊᓂᔭ ᐃᔎᐛ ᑲ ᓇᐸᓯᐎᔨᒋ ᐅᑦ ᐊᐛᓯᒥᔪᐛ᙮

ᒋᔅᒐᔨᑕᑯᑕᒐᐅᓐ 12:15

ᐊᑯ ᐊᓐ ᒥᔅᑎ ᒥᓐᑐᔅ ᒂ ᓴᓇᐧᒃ ᐅᑐᓐ᙮ ᓂᐱᔪᐤ ᑲ ᐅᒋᒍᐅᓂᔨᒡ ᐊᓐᑕ ᐅᑐᓂᒡ ᐅᒡ ᒧᔭᒻ ᓯᐱᔭ ᐊ ᐃᑕᒍᓂᔨᒋ᙮ ᐊᐅᒄ ᐅᔭ ᐊ ᐎ ᐛᐸᐳᔭᑦ ᐊᓂᔭᔪᐛ ᐃᔎᐛ ᐊᓂᔭ ᐊ ᐃᓯ ᐛᔪᑕᒍᓂᔨᒡ ᓂᐱᔪᐤ ᐅᒡ᙮

ᒋᔅᒐᔨᑕᑯᑕᒐᐅᓐ 12:9

ᐊᑯ ᒂ ᓂᒋᐛᐱᓇᑭᓄᐅᑦ ᐊᓐ ᒥᔅᑎ ᒥᓐᑐᔅ ᒋᒋᒋᓯᑯᒡ ᐅᒡ᙮ ᐊᐅᒄ ᒪᒃ ᐊᓐ ᒋᓇᐱᒄ ᐛᔅᑭᒡ ᐊᓐᑕ ᑲ ᑕᑦ, ᒥᒋᒥᓂᑐᐤ ᒪᒃ ᓴᑎᓐ ᑲ ᐃᓯᓂᐧᑲᑕᑭᓄᐅᑦ᙮ ᐊᐅᒄ ᐅ ᑲᒋ ᐎᔭᓯᐊᑦ ᒥᓯᐛ ᐊᐛᔪᐛ ᐅᑕ ᐊᔅᒋᒡ᙮ ᐊᓐᑕ ᒪᒃ ᐊᔅᒋᒡ ᒋ ᐃᓯ ᐛᐱᓇᑭᓄᐤ ᑭᔭ ᒥᓯᐛ ᐊᓂᔭ ᐅᑦ ᐊᓐᒋᓂᒪ᙮

ᒋᔅᒐᔨᑕᑯᑕᒐᐅᓐ 13:12

ᐅ ᒪᒃ ᑯᑎᒃ ᒥᒋ ᐊᐛᓯᔅ ᒥᔅᑎ ᒋ ᒥᔨᑯᐤ ᑎᐸᔨᒋᒐᐅᓂᔪᐤ ᐊᓂᔭᔪᐛ ᓂᔅᑎᒻ ᒥᒋ ᐊᐛᓯᓴ, ᐊ ᐅᒋᒪᐅᑦ ᒐᒋ ᐃᑕᐱᒋᐃᑯᑦ ᐊᓐᑕ ᐊ ᑕᔨᒋ᙮ ᐊᑯ ᒂ ᐊᔨᐧᑭᒥᐊᑦ ᒥᓯᐛ ᐊᐛᔪᐛ ᐊᓐᑕ ᐊᔅᒋᒡ ᑲ ᐱᒪᑎᓯᔨᒋ ᒐᒋ ᐊᔭᒥᐊᔅᑐᐛᔨᒋ ᐊᓂᔭ ᓂᔅᑎᒻ ᑲ ᑕᔨᒋ ᒥᒋ ᐊᐛᓯᓴ, ᐊᓂᔭᔪᐛ ᒥᒋ ᐊᐛᓯᓴ ᒋᒋᐛ ᑲ ᒥᓱᐛᑭᓂᐧᑲᑕᑭᓄᐎᒂᓂ ᐅᔅᑎᒂᓂᔨᒡ ᑭᔭ ᑲ ᒥᓏᒋᑕᑭᓄᔨᒋ᙮

ᒋᔅᒐᔨᑕᑯᑕᒐᐅᓐ 13:4

ᒥᒐᑦ ᐊᐛᓐᒋ ᒋ ᐊᔭᒥᐊᔅᑐᐛᐅᒡ ᐊᓂᔭ ᒥᔅᑎ ᒥᓐᑐᓴ ᐊᓂᔭ ᐊᒋ ᒥᔨᑯᔨᒋ ᑎᐸᔨᒋᒐᐅᓂᔪᐤ ᒥᒋ ᐊᐛᓯᓴ᙮ ᑭᔭ ᐊᓂᔭᔪᐛ ᒥᒋ ᐊᐛᓯᓴ ᒋ ᐊᔭᒥᐊᔅᑐᐛᐅᒡ, ᐊ ᐃᔅᒋᔄᒡ, “ᐊᐛᓐ ᐊ ᐃᑕᔨᑕᑯᓯᑦ ᑕᓐ ᐊ ᐃᑕᔨᑕᑯᓯᔨᒋ ᐅᔭ ᒥᒋ ᐊᐛᓯᓴ ? ᐊᐛᓐ ᑲᔅᒋᐅᑦ ᒐᒋ ᒪᓯᐊᑦ ?”

ᒋᔅᒐᔨᑕᑯᑕᒐᐅᓐ 16:10

ᐊᑯ ᐊᓐ ᐱᑕᑕᒡ ᐊ ᑕᑦ ᐊᓐᒋᓐ, ᒂ ᑯᑎᐱᓇᐧᒃ ᐅᐎᔭᑭᓐ ᐊᓐᑕ ᐃᔅ ᐊᓂᔭ ᒥᒋ ᐊᐛᓯᓴ ᐅᒋᓴᐅᒋᒪᐤ ᑕᑎᐳᐛᑭᓂᔨᒡ᙮ ᒋ ᑎᐱᔅᒋᐱᔪᐤ ᒪᒃ ᐊᓐᑕ ᐊᓐ ᒥᒋ ᐊᐛᓯᔅ ᐅᒋᒪᐤ ᐅᑦ ᐊᔅᒋᒡ᙮ ᒋ ᒪᒪᒂᑎᒧᒡ ᐊᐛᓐᒋ ᐅᑕᔨᔪᐛᐛ ᐊᔅᐱᔅ ᐎᓯᒐᔨᑕᒡ

ᒋᔅᒐᔨᑕᑯᑕᒐᐅᓐ 17:12

“ᐊᓂᔭᔪᐛ ᒪᒃ ᐸᐃᑯᔪᐤ ᑲ ᐃᑕᑎᓂᔨᒋ ᐅᑦ ᐊᔅᑭᓇ ᐊᓐ ᒥᒋ ᐊᐛᓯᔅ, ᐎᑎᒪᒐᒥᑭᓂᔪᐤ ᐸᐃᑯᔪᐤ ᒐ ᑕᑎᓯᔨᒋ ᒋᓴᐅᒋᒪᐛ ᐊᔅᒄ ᒐ ᒋᓴᐅᒋᒪᐎᔨᒋ᙮ ᒋ ᐱᔅᑎᓇᑭᓄᐎᒡ ᑭᔭ ᐎᔨᐛᐤ ᒥᒄ ᐛᐃᐱᔅᒋᔅ ᒐᒋ ᒋᓴᐅᒋᒪᐅᒡ ᐅᒡ ᒋᓴᐅᒋᒪᐅᒡ ᒪᒂᒡ ᒋᓴᐅᒋᒪᐎᔨᒐᓂ ᐊᓂᔭ ᒥᒋ ᐊᐛᓯᓴ᙮

ᒋᔅᒐᔨᑕᑯᑕᒐᐅᓐ 19:20

ᐊᑯ ᒂ ᒪᑯᓇᑭᓄᐅᑦ ᐊᓐ ᒥᒋ ᐊᐛᓯᔅ ᑭᔭ ᐊᓐ ᒥᒋ ᐅᒋᔅᒋᐛᐃᒐᓱᐤ᙮ ᐊᐅᒄ ᐅ ᒥᒋ ᐅᒋᔅᒋᐛᐃᒐᓱᐤ ᑲ ᒪᒥᔅᑲᒡ ᐃᑎᑦ ᐅᑎᔅᑯᐤ ᐊᓂᔭᔪᐛ ᒥᒋ ᐊᐛᓯᓴ ᐊ ᑕᔨᒋ᙮ ᐊᑯᑕ ᑲ ᐅᒋ ᐎᔭᓯᐊᑦ ᐊᓂᔭᔪᐛ ᐊᐛᔪᐛ ᑲ ᐅᑎᓂᒥᔨᒋ ᐊᓂᔭᔪᐛ ᒥᒋ ᐊᐛᓯᓴ ᐅᒋᔅᒋᓄᐛᒋᐃᐛᐅᓂᔪᐤ ᑭᔭ ᑲ ᐊᔭᒥᐊᔅᑐᐛᔨᒋ ᐊᓂᔭ ᒥᓂᑐᐧᑲᓇ ᒧᔭᒻ ᐊᓂᔭᔪᐛ ᒥᒋ ᐊᐛᓯᓴ ᐊ ᐃᓯᓇᑯᓯᔨᒋ ᑲ ᐃᓯᐊᑭᓄᔨᒋ᙮ ᑕᐱᔅᑯᓐ ᐊᓐ ᒥᒋ ᐊᐛᓯᔅ ᑭᔭ ᐊᓐ ᒥᒋ ᐅᒋᔅᒋᐛᐃᒐᓱᐤ ᐊᐱᒪᑎᓯᒡ ᒋ ᐃᓯ ᐛᐱᓇᑭᓄᐎᒡ ᐊᓐᑕ ᒥᒋ ᐃᔅᑯᑕᐤ ᓴᑲᐃᑭᓂᒡ ᐊᓐᑕ ᐊ ᐃᔎᑕᔨᒡ ᐊ ᐎᔄᐛᐸᑕᔨᒡ ᒐᒂᔪᐤ ᓇᔅᒡ ᐊ ᐎᓂᒪᔅᑕᔨᒡ᙮

ᒋᔅᒐᔨᑕᑯᑕᒐᐅᓐ 2:13

ᓂ ᒋᔅᒐᔨᑕᓐ ᐊᓐᑕ ᐛᒋᔭᒄ, ᐊᓐᑕ ᐊ ᐅᒋᒪᐅᑦ ᒥᒋᒥᓂᑐᐤ᙮ ᐊᑎ ᒪᒃ ᐊᓐᑕ ᐊ ᐎᒋᔭᒄ ᐃᔭᐱᒡ, ᓇᒪ ᒋ ᐳᓂᓇᐛᐤ ᐊ ᑕᑈᔭᔨᒥᔭᒄ᙮ ᓇᒪ ᒋ ᐅᒋ ᒋᐛᑲᐳᔅᑐᓇᐛᐤ ᐊᑎ ᐊᓐᑕ ᒪᒂᒡ ᑲ ᓂᐸᐊᑭᓄᐅᑦ ᐊᓂᔭ ᑲ ᓇᓴᐅᑦ ᐊᓐᑎᐸᔅ, ᐊᓐ ᑯᐃᔅᒄ ᑲᒋ ᐃᓯ ᑎᐸᒋᒥᑦ᙮ ᐊᓐᑕ ᐛᒋᔭᒄ, ᐊᑯᑕ ᑲ ᓂᐸᐊᑭᓄᐅᑦ, ᐊᓐᑕ ᒥᒋᒥᓂᑐᐤ ᐛᒋᑦ᙮

ᒋᔅᒐᔨᑕᑯᑕᒐᐅᓐ 20:2

ᐊᑯ ᒂ ᒪᑯᓇᑦ ᐊᓂᔭᔪᐛ ᒥᔅᑎ ᒥᓐᑐᓴ᙮ ᐊᐅᒄ ᐅ ᒋᓴ ᒋᓇᐱᒄ ᒥᒋᒥᓂᑐᐤ ᑭᔭ ᓴᑎᓐ ᑲ ᐃᓯᓂᐧᑲᓱᑦ᙮ ᐊᑯ ᐊᓐ ᐊᓐᒋᓐ ᒂ ᒪᑯᐱᑕᑦ ᐊᓂᔭᔪᐛ ᒥᔅᑎ ᒥᓐᑐᓴ᙮ ᐸᐃᒂᐤ ᒐᓯᐱᔪᐛ ᐱᐳᓇ ᒪᒃ ᒋᑭ ᐃᔅᐱᔅ ᒪᑯᐱᓱᔪᐛ᙮