ᒋᔅᒐᔨᑕᑯᑕᒐᐅᓐ 13:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᐊᓐ ᒪᒃ ᒥᔅᑎ ᒥᓐᑐᔅ ᐊᓐᑕ ᓯᓱᒡ ᐎᓂᐸᑯᒡ ᒋ ᓂᐳᐅᐤ᙮ ᐊᑯ ᒂ ᐛᐱᒥᒃ ᒥᒋ ᐊᐛᓯᔅ ᐊᓐᑕ ᐎᓂᐸᑯᒡ ᐊ ᐅᒋ ᓄᑯᓯᒡ᙮ ᓂᔄᐅᑕᒡ ᒋ ᐃᑕᑎᓂᔪᐤ ᐅᔅᑎᒂᓇ ᑭᔭ ᐸᐃᑯᔪᐤ ᒋ ᐃᑕᑎᓯᔪᐛ ᐅᑦ ᐊᔅᑭᓇ᙮ ᒋᓴᐅᒋᒪᐅᑯᓂᔎᐅᓂᔪᐤ ᒋ ᐊᑯᑕᔪᐛ ᐸᐸᐃᒄ ᐊᓐᑕ ᐊᓂᔭᔪᐛ ᐅᑦ ᐊᔅᑭᓇ᙮ ᐸᐸᐃᒄ ᒪᒃ ᐊᓂᔭᔪᐛ ᐅᔅᑎᒂᓇ ᒋ ᒥᓯᓇᑕᔪᐛ ᐊᓐᑕ ᐃᓯᓂᐧᑲᓱᐅᓇ ᐊ ᐸᔅᑕᒥᑯᔨᒋ ᒋᓴᒪᓂᑐᐛ ᐊ ᐃᑎᑕᑯᓂᔨᒋ᙮

ᒋᔅᒐᔨᑕᑯᑕᒐᐅᓐ 13:1 Iomraidhean Croise

ᒋᔅᒐᔨᑕᑯᑕᒐᐅᓐ 11:7

ᐃᔅᐱ ᒪᒃ ᒋ ᐃᓯ ᐛᐎᑕᒂᐛ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ, ᐊᑯ ᐊᓂᔭᔪᐛ ᒥᒋ ᐊᐛᓯᓴ ᐊᓐᑕ ᑲ ᒥᔅᑎ ᐱᑯᓇᔭᔨᒡ ᑲ ᐅᒋ ᒧᔅᒋᐱᔨᒋ ᒐ ᒪᓯᐧᑲᑯᒡ᙮ ᒋᑭ ᓴᐧᑯᒋᐃᑯᐅᒡ ᒪᒃ, ᐊᑯ ᒐ ᓂᐸᐃᑯᒡ᙮

ᒋᔅᒐᔨᑕᑯᑕᒐᐅᓐ 12:3

ᒥᓐ ᑯᑎᒡ ᒋᔅᒋᓄᐛᐸᑎᔨᐛᐅᓐ ᒋ ᐅᒋ ᓄᑯᓐ ᐊᓐᑕ ᒋᒋᒋᓯᑯᒡ᙮ ᓂᒋ ᐛᐱᒪᐤ ᒥᔅᑎ ᒥᓐᑐᔅ ᐊ ᒥᐧᑯᓯᑦ ᓂᔄᐅᑕᒡ ᐊ ᐃᑕᑎᓂᔨᒋ ᐅᔅᑎᒂᓇ ᑭᔭ ᐸᐃᑯᔪᐤ ᐊ ᐃᑕᑎᓂᔨᒋ ᐅᑦ ᐊᔅᑭᓇ᙮ ᒥᓯᐛ ᒪᒃ ᐊ ᐃᑕᑎᓂᔨᒋ ᐊᓂᔭ ᐅᔅᑎᒂᓇ ᒋᓴᐅᒋᒪᐅᑯᓂᔎᐅᓂᔪᐤ ᒋ ᒋᔅᑭᒻ᙮

ᒋᔅᒐᔨᑕᑯᑕᒐᐅᓐ 13:11

ᐊᑯ ᒥᓐ ᑯᑎᒃ ᒥᒋ ᐊᐛᓯᔅ ᒂ ᐛᐱᒥᒃ ᐊᓐᑕ ᐊᔅᒋᒡ ᐊ ᐅᒋ ᒧᔅᒋᐱᔪᐅᑦ᙮ ᒋ ᓂᓯᓂᔪᐛ ᐅᑦ ᐊᔅᑭᓇ ᒧᔭᒻ ᒪᔭᑕᓂᔅ ᐅᑦ ᐊᔅᑭᓇ ᐊ ᐃᓯᓇᑯᓂᔨᒋ, ᐊᑯᓐ ᑲ ᐃᓯᓇᑯᓂᔨᒋ᙮ ᒧᔭᒻ ᒪᒃ ᒥᔅᑎ ᒥᓐᑐᔅ ᐊ ᒋᔅᑐᑦ ᐊᑯᓐ ᑲ ᐃᑎᑕᑯᓯᑦ ᐊ ᒋᔅᑐᑦ᙮

ᒋᔅᒐᔨᑕᑯᑕᒐᐅᓐ 13:14

ᐊᓐᒡ ᒪᒃ ᐊᐛᓐᒋ ᐊᓐᑕ ᐊᔅᒋᒡ ᐊ ᑕᒡ ᒋ ᐎᔭᓯᐃᑯᐅᒡ ᐅᔭ ᑲ ᐃᓯ ᐱᔅᑎᓇᑭᓄᔨᒋ ᐅᔭ ᒥᒋ ᐊᐛᓯᓴ ᒐᒋ ᒪᒥᔅᑲᒡ ᑎᔨᒋ ᐊ ᑭᓄᐛᐱᒥᑯᔨᒋ ᐊᓂᔭ ᑯᑎᑲ ᒥᒋ ᐊᐛᓯᓴ᙮ ᐊᓐᒡ ᐊᐛᓐᒋ ᐊᔅᒋᒡ ᑲ ᑕᒡ ᒋ ᐃᑎᑯᐅᒡ ᐊᓂᔭ ᓂᓱ ᐊ ᑕᔨᒋ ᒥᒋ ᐊᐛᓯᓴ ᒐᒋ ᐅᓯᐊᒡ ᒥᓂᑐᐧᑲᓇ ᐊ ᒋᔅᑕᔨᑕᑯᐊᒡ ᐊᓂᔭ ᒥᒋ ᐊᐛᓯᓴ ᒋᒋᐛ ᑲ ᒥᓱᐛᑭᓂᐧᑲᑎᑯᔨᒋ ᓂᑐᐱᔪᐅ-ᒧᐧᑯᒪᓂᔪᐤ ᒥᒄ ᒪᒃ ᐃᔭᐱᒡ ᐊᒋ ᐱᒪᑎᓯᔨᒋ᙮

ᒋᔅᒐᔨᑕᑯᑕᒐᐅᓐ 13:15

ᒋ ᐱᔅᑎᓇᑭᓄᐤ ᒪᒃ ᐅ ᒥᒋ ᐊᐛᓯᔅ ᒐᒋ ᐃᑐᑐᐛᑦ ᐊᓂᔭ ᒥᓂᑐᐧᑲᓐ ᒐᒋ ᐃᔪᐎᔨᒋ᙮ ᐊᑯ ᒪᒃ ᒂ ᐃᔨᒥᔨᒋ ᑭᔭ ᒋ ᐃᑐᑐᐛᔪᐛ ᐊᐛᔪᐛ ᐊᑲ ᐎ ᐊᔭᒥᐊᔅᑐᐛᔨᒋ ᐊᓂᔭᔪᐛ ᒥᓂᑐᐧᑲᓇ ᒐᒋ ᓂᐸᐊᑭᓄᔨᒋ᙮

ᒋᔅᒐᔨᑕᑯᑕᒐᐅᓐ 15:2

ᐊᑯ ᒂ ᐛᐸᑎᒪᓐ ᒐᒂᓐ ᒧᔭᒻ ᐎᓂᐸᒄ ᐊ ᓴᑈᔅᑕᓇᒂᒡ ᒧᔭᒻ ᓯᐳᐛᔅᑕᔨᑕᑭᓇᐱᔅᒄ ᐊ ᐃᓯᓇᒂᒡ ᐊ ᒪᒧᐱᔨᒡ ᐃᔅᑯᑕᐤ ᐊ ᑎᒂᒡ ᐊᓐᑕ᙮ ᑭᔭ ᓂᒋ ᐛᐱᒪᐅᒡ ᐊᓐᒡ ᐊᐛᓐᒋ ᑲ ᓴᐧᑯᐊᒡ ᐊᓂᔭᔪᐛ ᒥᒋ ᐊᐛᓯᓴ᙮ ᓇᒪ ᐅᒋ ᐊᔭᒥᐊᔅᑐᐛᐛᑯᐱᓇ ᐅᔭ ᒥᒋ ᐊᐛᓯᓴ ᑭᔭ ᐊᓂᔭ ᒥᓂᑐᐧᑲᓇ ᑭᔭ ᓇᒪ ᐅᒋ ᐅᑎᓂᒺᐛᑯᐱᓇ ᐊᓂᔭ ᐊᒋᑕᓱᐅᓂᔪᐤ ᐅᑦ ᐃᓯᓂᐧᑲᓱᐅᓂᔪᐤ ᐊ ᐃᑎᓯᓇᑕᔨᒡ᙮ ᒋ ᓂᐳᐅᒡ ᐊᓐᑕ ᓯᓱᒡ ᐊᓂᔭ ᓴᑲᐃᑭᓂᔪᐤ ᐊᔭᒥᐊᐤ ᒋᔍᐛᐱᒋᑭᓇ ᐊ ᑕᐧᑯᓇᒡ ᐊᓂᔭᔪᐛ ᒋᓴᒪᓂᑐᐛ ᑲ ᒥᔨᑯᒡ᙮

ᒋᔅᒐᔨᑕᑯᑕᒐᐅᓐ 16:13

ᓂᒋ ᐛᐱᒪᐅᒡ ᒪᒃ ᓂᔅᑐ ᒥᒋ ᐊᒐᐧᑯᒡ ᓇᔅᒡ ᐊ ᐎᓇᔨᑕᑯᓯᒡ, ᒧᔭᒻ ᐃᔨᑭᒡ ᐊ ᐃᓯᓇᑯᓯᒡ᙮ ᐸᐃᒄ ᐊᓐ ᐊᓂᔭᔪᐛ ᒥᔅᑎ ᒥᓐᑐᓴ ᐅᑐᓂᔨᒡ ᒋ ᐅᒋ ᐎᐎᐱᔪᐤ, ᐊᑯ ᑯᑎᒃ ᐊᓂᔭᔪᐛ ᒥᒋ ᐊᐛᓯᓴ ᐅᑐᓂᔨᒡ, ᐊᑯ ᐊᓐ ᓂᔅᑐ ᐊ ᑕᑦ ᐊᓂᔭᔪᐛ ᒥᒋ ᐅᒋᔅᒋᐛᐃᒐᓱᐛ ᐅᑐᓂᔨᒡ ᐊᑯᑕ ᑲ ᐅᒋ ᐎᐎᐱᔨᑦ᙮

ᒋᔅᒐᔨᑕᑯᑕᒐᐅᓐ 17:16

ᐊᓂᔭᔪᐛ ᒪᒃ ᐸᐃᑯᔪᐤ ᐊᔅᑭᓇ ᑲ ᐛᐸᑎᒥᓐ ᑭᔭ ᐊᓐ ᒥᒋ ᐊᐛᓯᔅ, ᒋᑭ ᐊᑎ ᐛᐧᑲᑕᐅᒡ ᐊᓂᔭᔪᐛ ᐃᔎᐛ ᑲ ᐱᓯᒂᑎᓯᔨᒋ᙮ ᒥᓯᐛ ᒋᑭ ᐅᑎᓂᒧᐛᐅᒡ ᑕᓐ ᐊ ᐃᓯ ᐊᔭᔨᒋ᙮ ᒐ ᐊᑎ ᒧᓴᔅᑭᑕᓇᒡ ᑭᔭ ᒋᑭ ᐊᑎ ᒧᐛᐅᒡ ᑭᔭ ᓇᔅᒡ ᒋᑭ ᓂᓱᐅᓇᒋᐊᐅᒡ ᐊ ᐃᔎᔄᒡ᙮

ᒋᔅᒐᔨᑕᑯᑕᒐᐅᓐ 17:3

ᐊᑯ ᑲ ᐸᔭᒋᓯᑦ ᐊᒐᐧᒄ ᑲ ᐸᒋ ᐱᒋᔅᑯᐅᑦ᙮ ᐊᑯ ᐊᓐ ᐊᓐᒋᓐ ᐊᓐᑕ ᐸᐧᑯᑎᔅᑭᒥᑲᒡ ᒂ ᐸᒋ ᐃᑐᑕᐃᑦ᙮ ᓂᒋ ᐛᐱᒪᐤ ᒪᒃ ᐊᓐᑕ ᐃᔎᐤ ᐊ ᑕᑎᐱᑦ ᒥᒋ ᐊᐛᓯᓴ ᐊ ᒥᐧᑯᓯᔨᒋ᙮ ᐅ ᒪᒃ ᒥᒋ ᐊᐛᓯᔅ ᐃᓯᓂᐧᑲᓱᐅᓂᔪᐤ ᐊ ᒪᔭᔨᒥᑯᔨᒋ ᒋᓴᒪᓂᑐᐛ ᒋ ᒥᓯᓇᑕᔪᐛ ᐊᓐᑕ ᐊ ᑕᑦ᙮ ᓂᔄᐅᑕᒡ ᒋ ᐃᑕᑎᓂᔪᐛ ᐅᔅᑎᒂᓇ᙮ ᒋ ᐸᐃᑯᔪᐛᓯᔪᐛ ᐅᑦ ᐊᔅᑭᓇ᙮

ᒋᔅᒐᔨᑕᑯᑕᒐᐅᓐ 17:5

ᐊᓐᑕ ᒪᒃ ᐅᔅᑲᑎᑯᒡ ᒋ ᒥᓯᓇᑕᔪᐤ ᐃᓯᓂᐧᑲᓱᐅᓂᔪᐤ ᐊᑲ ᒋᔅᒐᔨᑕᑯᓂᔨᒡ ᑕᓐ ᐊ ᐃᔅᒋᔄᐛᒥᑭᓂᔨᒡ᙮ ᒪᐅ ᑲ ᐃᑎᔅᑕᔨᒡ, “ᓂᔾ ᐸᐱᓗᓐ ᐊᓐ ᑲ ᒋᔅᑕᔨᑕᒂᒡ ᐅᑕᓇᐤ᙮ ᓂᔾ ᓄᑲᐎᒪᐅᑐᑕᑯᒡ ᐅᐱᓯᒂᑎᓯᔎᐅᒡ ᑭᔭ ᒥᓯᐛ ᐊᓐᒡ ᑲ ᒥᔽᔨᑕᒡ ᐊ ᒥᒋᑐᑕᒡ ᐅᑕ ᐊᔅᒋᒡ᙮”

ᒋᔅᒐᔨᑕᑯᑕᒐᐅᓐ 19:19

ᐊᑯ ᒂ ᐛᐱᒥᒃ ᐊᓐ ᒥᒋ ᐊᐛᓯᔅ ᑭᔭ ᒥᓯᐛ ᒋᓴᐅᒋᒪᐅᒡ ᐅᑕ ᐊᔅᒋᒡ ᐊ ᒪᒧᐎᒡ ᒐᒋ ᓂᑐᐱᔨᑐᐛᒡ ᐊᓂᔭᔪᐛ ᐊᓐᑕ ᑲ ᐛᐱᓯᔨᒋ ᑲᐸᐃᑭᔎᐛ ᑲ ᑕᑎᐱᔨᒋ ᑭᔭ ᐊᓂᔭᔪᐛ ᓂᑐᐱᔪᐅ-ᐃᔨᒥᔪᐛ᙮