ᒋᔅᒐᔨᑕᑯᑕᒐᐅᓐ 12:9 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁹ ᐊᑯ ᒂ ᓂᒋᐛᐱᓇᑭᓄᐅᑦ ᐊᓐ ᒥᔅᑎ ᒥᓐᑐᔅ ᒋᒋᒋᓯᑯᒡ ᐅᒡ᙮ ᐊᐅᒄ ᒪᒃ ᐊᓐ ᒋᓇᐱᒄ ᐛᔅᑭᒡ ᐊᓐᑕ ᑲ ᑕᑦ, ᒥᒋᒥᓂᑐᐤ ᒪᒃ ᓴᑎᓐ ᑲ ᐃᓯᓂᐧᑲᑕᑭᓄᐅᑦ᙮ ᐊᐅᒄ ᐅ ᑲᒋ ᐎᔭᓯᐊᑦ ᒥᓯᐛ ᐊᐛᔪᐛ ᐅᑕ ᐊᔅᒋᒡ᙮ ᐊᓐᑕ ᒪᒃ ᐊᔅᒋᒡ ᒋ ᐃᓯ ᐛᐱᓇᑭᓄᐤ ᑭᔭ ᒥᓯᐛ ᐊᓂᔭ ᐅᑦ ᐊᓐᒋᓂᒪ᙮

ᒋᔅᒐᔨᑕᑯᑕᒐᐅᓐ 12:9 Iomraidhean Croise

ᒐᓂᓯᔅ 3:1

ᐊᑎᓯᑦ ᒥᓯᐛ ᐊᐛᓯᔅ ᒋᓴᒪᓂᑐᐤ ᑲ ᐅᓯᐊᑦ, ᒋᓇᐱᒄ ᒥᒄ ᒋ ᐅᒋ ᑭᔅᒋᑕᐤ ᐊ ᐎᔭᓯᒪᑦ ᐊᐛᔪᐛ, ᐃᔅᐱᔅ ᑯᑎᒂ ᐊᐛᓯᓴ, ᐸᐃᒂᐤ ᒋ ᓇᑕᐤ ᐃᔎᐛ ᐊᑯ ᐊᑕᑦ, “ᑕᑈ ᐊ ᒋ ᐃᔅᒋᔄᐤ ᒋᓴᒪᓂᑐᐤ ᒐ ᐊᑲ ᒋ ᒥᒋᔭᒄ ᒥᓂᓴ ᒥᔅᑎᑯᒡ ᐅᒡ ᐅᑕ ᓂᑕᐅᒋᑕᑭᓂᒡ ?”

ᒐᓂᓯᔅ 3:13

ᐊᑯ ᑎᐸᔨᒋᒐᓱᐤ ᒋᓴᒪᓂᑐᐤ ᐊᑕᑦ ᐊᓂᔭ ᐃᔎᐛ, “ᒐᒂᓐ ᐅ ᐛᒋ ᐃᑐᑎᒥᓐ ?” ᐃᔎᐤ ᐃᑕᐤ ᒋᓴᒪᓂᑐᐛ, “ᒋᓇᐱᒄ ᐊᓐ ᓂᒋ ᐎᔭᓯᒥᒄ ᐊᑯ ᑭᑈ ᒪᒍᐅᒡ᙮”

ᑎᐱᑦ ᐅᓂᑭᒧᐅᓇ 109:6

ᑐᑐᐛᐤ ᒐᒋ ᑎᐸᔨᒥᑯᑦ ᒥᒋ ᐃᔪᐛ, ᐊᑯᔅ ᑭᔭ ᓴᐃᑕᓇ ᒋᑭ ᓂᐳᐎᔪᐛ ᐅᒥᔪᐅᓂᒡ᙮

ᒪᑎᔪᐤ 13:39

ᐊᓐ ᒪᒃ ᐊᐛᓐ ᑲ ᐛᐧᑲᑕᑦ ᐊᓂᔭ ᑲ ᓂᑕᐅᒋᑕᔨᒋ ᐊᓐ ᑲ ᐛᐛᐱᓇᐧᒃ ᒥᒋ ᓱᒥᓇ ᐊᓐᑕ ᓂᑕᐅᒋᑕᑭᓐ ᐊᔅᒋᒡ ᐊᐅᒄ ᐊᓐ ᒥᒋᒥᓂᑐᐤ᙮ ᐊᓐ ᒪᒃ ᒐ ᐅᑎᒋᐱᔨᒡ ᒐᒋ ᒪᒧᓴᒋᓂᑭᓄᐅᒋ ᐊᓂᔭ ᓂᑕᐅᒋᑕᑭᓇ ᐊᐅᒄ ᐊᓐ ᒐ ᐃᔎᐱᔨᒡ ᐊᔅᒋᔾ᙮ ᐊᓐᒡ ᒪᒃ ᑲ ᒪᒧᓴᒋᓇᒡ ᐊᓂᔭ ᓂᑕᐅᒋᑕᑭᓇ ᑲ ᐃᔅᒋᔄᔭᓐ, ᐊᐅᑯᓐᒡ ᐊᓐᒡ ᐊᓐᒋᓐᒡ᙮”

ᒪᑎᔪᐤ 24:24

ᒋᑭ ᑕᐅᒡ ᐊᐛᓐᒋ ᐊ ᐎᔭᓯᐃᐛᒡ ᐊ ᐃᔅᒋᔄᒡ ᓂᔾ ᙭᙮ ᒋᑭ ᑕᐅᒡ ᑭᔭ ᒥᒋ ᐅᒋᔅᒋᐛᐃᒐᓱᒡ᙮ ᐊᐅᑯᓐᒡ ᒪᒃ ᐅᒡ ᓂᓇᐧᑯᐤ ᒪᒥᔅᑲᒡ ᐛᐸᑎᔨᐛᐅᓇ ᒐ ᐛᐸᑎᔨᐛᒡ ᑭᔭ ᒋᑭ ᐃᑐᑎᒧᒡ ᐊ ᒪᒥᔅᑲᑕᔨᑕᑯᓂᔨᒋ ᒐᒂᔪᐛ᙮ ᐊᑯᑕ ᒪᒃ ᒐ ᐅᒋ ᐎᔭᓯᐊᒡ ᐊᐛᔪᐛ ᓂᑎᒥᒄ ᒐᒋ ᐃᓯ ᑕᑈᑎᒥᔨᒋ᙮ ᐊᓂᔭᔪᐛ ᒪᒃ ᒋᓴᒪᓂᑐᐛ ᑲ ᐅᑎᓇᔨᒋ ᐊᐛᔪᐛ ᐊᐅᑯᓂ ᐊᓂᔭᔪᐛ ᒐ ᐎ ᐎᔭᓯᐊᒡ᙮

ᒪᑎᔪᐤ 25:41

ᐊᑯ ᒐ ᐃᑕᑦ ᐊᓂᔭᔪᐛ ᐅᓂᔅᐸᒋᐅᓂᒡ ᑲ ᑕᔨᒋ ᐊᓂᔭ ᑲ ᒥᒐᑎᓯᔨᒋ, ‘ᐊᐅᓯᒄ ᓇᑕ ᒋᔨᐛᐤ ᒋᓴᒪᓂᑐᐤ ᒐ ᐛᐛᓯᐃᑕᒄ ᐊᓐᑕ ᐃᔅ ᑲᒋᒡ ᒥᒋ ᐃᔅᑯᑕᒡ ᐊᓂᔭᔪᐤ ᑲ ᐃᓯ ᐊᔭᔅᑯᔅᑎᒧᐛᑭᓄᔨᒋ ᒥᒋᒥᓂᑐᐛ ᑭᔭ ᐅᑦ ᐊᐱᒋᐊᑭᓂᔪᐛ᙮

ᒪᑎᔪᐤ 4:1

ᐊᑯ ᒋᓴᔅ ᒂ ᐃᑐᑕᐃᑯᑦ ᑲ ᐸᔭᒋᓯᔨᒋ ᐊᒐᒂ ᐊᓐᑕ ᐸᐧᑯᑎᔅᑭᒥᑲᒡ ᒐᒋ ᑯᒂᒋᐃᑯᑦ ᒥᒋᒥᓂᑐᐛ᙮

ᒪᑎᔪᐤ 4:10

ᒥᒄ ᒪᒃ ᒋᓴᔅ ᒋ ᐃᓯ ᐎᑎᒧᐛᐤ ᐊ ᐃᑕᑦ, “ᒋᔾ ᒥᒋᒥᓂᑐᐤ, ᒪᒋ ᐃᒐᑕ ᓇᑕ᙮ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᒥᒄ ᐅᑎᐸᔨᒋᒐᐤ ᒋᒋᓴᒪᓂᑐᒧᐛᐤ ᐊᔭᒥᐊᔅᑐᐛᐧᒄ ᑭᔭ ᒥᒄ ᐎᔾ ᐊᑐᔅᑯᐛᐧᒄ᙮”

ᒪᑎᔪᐤ 4:5

ᐊᑯ ᒥᒋᒥᓂᑐᐤ ᐊᑐᑕᐊᑦ ᒋᓴᓴ ᐊᓐᑕ ᒋᕈᓯᓕᒥᒡ, ᐊᑯ ᒂ ᓴᑭᒋᐛᑕᐊᑦ ᐊᓐᑕ ᒪᐅᒡ ᐊ ᐃᔅᐸᓇᔨᒡ ᒋᓴᐊᔭᒥᐊᐅᒋᐛᐱᔪᐤ᙮

ᒪᑎᔪᐤ 4:8

ᐊᑯ ᒥᓐ ᒂ ᐎ ᑯᒂᒋᐊᑦ ᒥᒋᒥᓂᑐᐤ ᐊᓂᔭ ᒋᓴᓴ, ᒂ ᐃᑐᑕᐊᑦ ᐊᓐᑕ ᓇᔅᒡ ᐊ ᐃᔅᐸᓇᔨᒡ ᐱᔅᑯᑎᓇᔪᐤ, ᒂ ᐛᐸᑎᔭᑦ ᒥᓯᐛ ᒋᓴᐅᒋᒪᐅᓇ ᑲ ᑎᑯᓂᔨᒋ ᐅᑕ ᐊᔅᒋᒡ ᑭᔭ ᑕᓐ ᐊ ᐃᓯ ᑎᑯᓂᔨᒋ ᐛᔪᑎᓯᐅᓇ᙮

ᓗᒃ 10:18

ᐊᑯ ᒋᓴᔅ ᒂ ᐃᑕᑦ, “ᓂᒋ ᐛᐱᒪᐤ ᒥᒋᒥᓂᑐᐤ ᐊ ᐅᒋ ᐸᒋᓯᐧᒃ ᒋᒋᒋᓯᑯᒡ, ᒧᔭᒻ ᑕᑈ ᐊ ᐛᔅᑕᐱᔨᒡ ᐊᐅᑯᓐ ᑲ ᐃᓯᓇᑯᓯᑦ᙮

ᓗᒃ 13:16

ᐊᑯ ᒪᒃ ᐅ ᒍᐤ ᐃᔎᐤ ᔭᓇᐤ ᑕᑐᓴᑉ ᐱᐳᓇ ᒋᑦ ᐃᔅᐱᔅ ᒪᑯᐱᑎᑯᐤ ᒥᒋᒥᓂᑐᐛ, ᓇᒪᐎᔾ ᐊ ᐃᓯᓇᑯᓂᔪᐤ ᒐᒋ ᐊᐱᐧᑯᓇᑭᓄᐅᑦ ᐊᑎ ᐊ ᒍᐤ ᐊᔭᒥᐊᐅᒋᓯᑲᔨᒡ ?”

ᓗᒃ 22:3

ᐊᑯ ᒪᒃ ᐊᓂᔭᔪᐛ ᐸᐃᒄ ᑲ ᓂᓱᓴᐳᔨᒋ ᐅᒋᔅᒋᓄᐊᒧᐛᑭᓇ ᒋᓴᔅ, ᒍᑎᔅ ᐃᔅᑲᕆᔭᑦ ᑲ ᐃᓯᓂᐧᑲᓱᔨᒋ ᒋ ᐱᒋᔅᑲᑯᔪᐛ ᒥᒋᒥᓂᑐᐛ᙮

ᓗᒃ 22:31

ᐊᑯ ᒪᒃ ᒋᓴᔅ ᑲ ᒂᔅᒋᑲᐳᔅᑐᐛᑦ ᓴᐃᒥᓐ ᐱᑕᕋ ᒂ ᐃᑕᑦ, “ᓴᐃᒥᓐ, ᓴᐃᒥᓐ, ᒥᒋᒥᓂᑐᐤ ᓇᔅᒡ ᒋ ᐎ ᑎᐸᔨᒧᒄ᙮ ᒋ ᑯᒂᑕᔨᒧᐤ ᒐᒋ ᑯᒂᒋᐃᔅᒃ ᒧᔭᒻ ᐊ ᓴᐳᐱᔨᐃᔅᒃ ᒐᒋ ᐃᑐᑕᔅᒃ᙮ ᒋ ᐎ ᐃᑐᑕᒄ ᑕᐱᔅᑯᓐ ᑲᒋ ᐃᑐᑐᐛᑦ ᑲᓂᑕᐅᒐᐊᔨᒋ ᐸᒂᓯᑭᓇ ᐊ ᓴᐳᐱᔨᐊᑦ᙮

ᓗᒃ 8:12

ᐊᓐ ᓂᑕᐅᒋᑕᑭᓐ ᐊᓐᑕ ᐅᐱᒪᔅᑭᓄᐤ ᑲ ᐸᒋᓯᐧᒃ ᒧᔭᒻ ᐊᐅᒄ ᐊ ᐃᓯᓇᑯᓯᒡ ᐊᓐᒡ ᑲ ᐸᑕᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮ ᒥᒋᒥᓂᑐᐛ ᑕᑯᓯᓂᔨᒋ ᒪᔅᑭᒥᑯᒡ ᐊᓂᔭ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᑕᓐ ᐊᓂᔭᔪᐛ ᑲ ᐃᓯ ᐸᑕᒡ ᐊ ᐃᑕᔨᒥᑯᒡ ᒐ ᐊᑲ ᒋ ᑕᑈᑕᒡ ᑭᔭ ᒐ ᐊᑲ ᒋ ᐱᒪᒋᐅᒡ᙮

ᒠᓐ 12:31

ᐊᓄᒡ ᐅᑎᒋᐱᔪᐤ ᒐᒋ ᑎᐸᔅᑯᓇᑭᓄᐎᒡ ᐊᐛᓐᒋ ᐅᑕ ᐊᔅᒋᒡ ᑲ ᑕᒡ ᑭᔭ ᐊᓄᒡ ᐊᑯ ᐛᑎᒋᐱᔨᒡ ᒐᒋ ᐃᔅᐱᓯᐊᑭᓄᐅᑦ ᒥᒋᒥᓂᑐᐤ, ᐊᓐ ᑲ ᑎᐸᔨᒐᑦ ᐅᑕ ᐊᔅᒋᒡ᙮

ᒠᓐ 14:30

ᓇᒪ ᓴᔅ ᓇᔅᒡ ᓇᐅᔅ ᒋᑭ ᒋ ᐃᔨᒥᐃᑎᓇᐛᐤ, ᐛᔅ ᒥᒋᒥᓂᑐᐤ, ᐊᓐ ᑲ ᑎᐸᔨᒋᒐᑦ ᐅᑕ ᐊᔅᒋᒡ ᓴᔅ ᐸᒋ ᑎᑯᓯᓄᐤ᙮ ᒥᒄ ᒪᒃ ᓇᒪ ᓇᔅᒡ ᓂᑭ ᒋ ᐅᒋᒪᐧᑲᑎᒄ᙮

ᒠᓐ 16:11

ᐎᓂᐱᔪᒡ ᑕᓐ ᐊ ᐃᓯ ᑭᓄᐛᐸᑕᒡ ᒋᓴᒪᓂᑐᐛ ᐅᑎᐸᔅᑯᓂᒐᐅᓂᔪᐤ ᐛᔅ ᒥᒋᒥᓂᑐᐤ ᓴᔅ ᒋ ᑎᐸᔅᑯᓂᑯᐤ ᒋᓴᒪᓂᑐᐛ᙮”

ᒠᓐ 8:44

ᒥᒋᒥᓂᑐᐤ ᐊᐅᒄ ᐛᑕᐎᔭᒄ, ᐊᓂᔭ ᐊ ᐃᓯ ᓂᑐᐛᔨᒥᑕᒄ ᒐᒋ ᐃᓯ ᒥᒋᑐᑎᒺᒄ ᐊᐅᑯᓐ ᒥᒄ ᐛ ᐃᑐᑎᒪᒄ᙮ ᒧᔅ ᒋ ᓂᐸᐃᐛᐤ ᑲ ᐃᔅᐱᔅ ᑎᑯᓂᔨᒡ ᐅᔭ ᐊᔅᒋᔪᐤ᙮ ᓇᒪ ᓂᑕ ᐅᒋ ᓂᑐᐛᔨᑎᒻ ᑯᐃᔅᒄ ᒐᒋ ᐃᓯ ᐎᑕᑭᓄᐎᒡ ᒐᒂᔪᐤ ᐛᔅ ᓇᒪ ᓇᔅᒡ ᑎᑯᓂᔪᐤ ᑕᑈᐅᓂᔪᐤ ᐊᓐᑕ ᐊ ᑕᑦ᙮ ᒧᔅ ᑭᑭᒋᔭᐤ ᐛᔅ ᐊᐅᑯᓐ ᒋᒋᐛ ᐊ ᐃᑕᑎᓯᑦ, ᐊᐅᒄ ᒪᒃ ᐊᓐ ᑕᑈ ᐛᐅᑕᐎᑐᑕᑯᑦ ᐊᓂᔭᔪᐛ ᑲ ᑭᑭᒋᔭᔨᒋ᙮

ᐊᑈᔅᑕᓇᒡ 26:18

ᒋᑦ ᐃᑎᓴᐅᑎᓐ ᐊᓐᑕ ᐊ ᑕᒡ ᒐᒋ ᓂᔅᑐᑎᒥᐃᑥᐤ ᑕᓐ ᐊ ᐃᓯᓇᑯᓂᔨᒋ ᐅᐱᒪᑎᓯᐅᓄᐛᐛ᙮ ᒋᔅᒐᔨᑕᒂᐛ ᒪᒃ ᐊᑯ ᒐ ᓂᑭᑕᒡ ᐅᓂᑎᐱᔅᒋᓯᐅᓂᔪᐤ ᐊᑯ ᐛᔅᑕᐅᓂᔪᐤ ᒐ ᓇᑕᒡ᙮ ᑭᔭ ᒐ ᓂᑭᑕᒺᒡ ᒥᒋᒥᓂᑐᐛ ᐅᓱᐧᑲᑎᓯᐅᓂᔪᐤ ᐃᔭᐱᒡ ᒋᓴᒪᓂᑐᐛ ᐅᓱᐧᑲᑎᓯᐅᓂᔪᐤ ᒐᒋ ᓇᑎᒺᒡ᙮ ᐊᑯ ᒪᒃ ᑕᑈᔭᔨᒥᑥᐛ ᒐ ᐛᐸᔨᑎᒧᐛᑭᓄᐎᒡ ᐅᒥᒋᑥᐅᓄᐛᐛ᙮ ᐊᑯ ᒪᒃ ᒐ ᒥᓯᓇᓱᒡ ᑭᔭ ᐎᔨᐛᐤ ᐊᓐᑕ ᒪᓯᓇᓱᐎᒋ ᒋᓴᒪᓂᑐᐛ ᐅᑦ ᐃᔨᒥᔪᐛ ᐊᓂᔭᔪᐛ ᑲ ᐅᑎᓇᔨᒋ᙮’ ”

ᐊᑈᔅᑕᓇᒡ 5:3

ᐊᑯ ᐱᑕᕐ ᒂ ᐃᑕᑦ, “ᐊᓇᓇᔭᔅ, ᒐᒂᓐ ᐛᒋ ᐱᔅᑎᓂᑦ ᒥᒋᒥᓂᑐᐤ ᒐᒋ ᐱᒐᑦ ᒋᑕᐃᒡ, ᒐᒋ ᐃᑐᑕᔅᒃ ᒐᒋ ᑭᑭᒋᔭᒥᑦ ᑲ ᐸᔭᒋᓯᑦ ᐊᒐᐧᒄ, ᒋᒧᑦ ᐊ ᑭᓄᐛᔨᑎᒪᓱᔨᓐ ᐱᔅᒐ ᐊᓐ ᓱᓇᔭᐤ ᑕᓐ ᑲ ᐃᔅᐱᔅ ᑲᓂᔪᐅᔨᓐ ᑲ ᐊᑕᐛᔨᓐ ᐊᓐ ᑲ ᐃᓯ ᑎᐱᔨᐛᐅᓯᔨᓐ ?

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 16:18

ᓇᒪᐎᔾ ᒋᑎᐸᔨᒋᒐᓯᒥᓄᐛ ᙭ᑕ ᐊᑐᔅᑯᐛᐅᒡ ᐅᒡ ᐅᔭ ᐊ ᐃᑎᒡ, ᒥᒄ ᑕᓐ ᐊᓂᔭᔪᐛ ᒐᒂᔪᐛ ᒐᒋ ᒥᒋᒡ ᒪᒃ ᑕᓐ ᐊᓂᔭᔪᐛ ᒐ ᐊᑲ ᒋ ᒥᒋᒡ ᐊᐅᑯᓂ ᒪᑯᔅᑲᑕᔨᑎᒥᐃᑯᒡ᙮ ᓇᔅᒡ ᑕᑈ ᒥᔪᑕᑯᓱᐅᒡ ᑕᓐ ᐊ ᐃᓯ ᐃᔨᒥᒡ ᑭᔭ ᓂᑎᒥᒄ ᐃᑐᐅᒡ ᐊᓂᔭ ᐊ ᒥᔽᒋᒪᒡ ᐊᐛᔪᐛ᙮ ᐊᑯᑕ ᒪᒃ ᐛᒋ ᐎᔭᓯᒪᒡ ᐊᓂᔭᔪᐛ ᓇᔅᒡ ᑲ ᐛᒋᐱᔨᒡ ᒐᒋ ᐎᔭᓯᒪᑭᓄᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 16:20

ᐊᑯ ᒪᒃ ᒋᓴᒪᓂᑐᐤ ᐊᓐ ᑲ ᒥᔨᑕᒄ ᒋᔭᒪᔨᑎᒧᐅᓂᔪᐤ ᓴᔅ ᐎᐱᒡ ᓇᔅᒡ ᒋᑭ ᐱᑯᔅᑯᐛᐤ ᒥᒋᒥᓂᑐᐛ ᑭᔭ ᒋᑭ ᐃᑐᑕᑯᐛᐤ ᒐᒋ ᓴᐧᑯᒋᐃᒪᑯᐤ᙮ ᓂ ᓂᑐᑎᒪᓐ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᒧᔅ ᒐᒋ ᒥᔪᑐᑎᒪᑕᒄ᙮

2 ᑯᕆᓐᑎᔭᓇ 11:14

ᓇᒪ ᒪᒃ ᒋᐸ ᐅᒋ ᒥᔅᑲᑕᔨᑎᒥᐃᑯᓇᓄᐤ ᐅ ᐛᔅ ᐛᐛᒡ ᒥᒋᒥᓂᑐᐤ ᒧᔭᒻ ᐊ ᐛᔅᑐᐛᑦ ᐊᓐᒋᓐ ᒋᑭ ᒋ ᐃᓯᓇᑯᐃᓱᐤ᙮

2 ᑯᕆᓐᑎᔭᓇ 11:3

ᓂ ᑯᔅᐱᓇᑕᔨᑕᓐ ᒐᒋ ᐎᔭᓯᐃᑯᐅᔭᒄ, ᒧᔭᒻ ᑕᓐ ᑲ ᐃᓯ ᐎᔭᓯᐃᑯᑦ ᐃᑉ ᒋᓇᐱᒂ ᐊᒋ ᑭᑭᒋᔭᒥᑯᑦ, ᓂ ᑯᔅᐱᓇᑕᔨᑕᓐ ᒐᒃ ᒐ ᐊᑲ ᒋ ᐃᑕᔨᒪᒄ ᙭ ᑕᓐ ᐊ ᐃᑕᔨᒪᒄ ᐊᓄᒡ, ᓇᔅᒡ ᒋ ᐊᑎ ᐃᓯ ᓇᓴᐛᐛᐤ ᑭᔭ ᒥᒄ ᐎᔾ ᒋ ᓂᓇᑭᑐᐛᔨᒪᐛᐤ᙮

2 ᑯᕆᓐᑎᔭᓇ 12:7

ᓇᔅᒡ ᑕᑈ ᒋ ᒥᔅᑲᑕᔨᑕᑯᓂᔪᐤ ᑕᓐ ᑲ ᐃᓯ ᐛᐸᑎᔨᑦ ᐅᑎᐸᔨᒋᒐᐤ᙮ ᐊᑲ ᒪᒃ ᒐᒋ ᒋᔅᑕᔨᒧᔭᓐ ᑕᓐ ᑲ ᐃᓯ ᒪᒥᔅᑲᒡ ᐛᐸᑎᔨᑦ ᐅᑎᐸᔨᒋᒐᐤ ᓂᒋ ᐸᒋ ᒥᔨᒄ ᒐᒂᔪᐤ ᐊ ᐅᔅᑐᔅᑲᑯᐅᒡ ᓂᔭᒡ ᒧᔭᒻ ᑲ ᑲᐛᒡ ᓂᐱᓯᔭᑎᒄ ᐊ ᐃᓯ ᑲᐅᔅᑲᑯᑦ ᐊᐛᓐ ᐎᔭᒡ᙮ ᒥᒋᒥᓂᑐᐤ ᒋ ᐱᔅᑎᓇᑭᓄᐤ ᒐᒋ ᐸᒋ ᒥᑯᔅᑲᑎᔅᑯᐅᑦ ᐊᑲ ᒥᔅᑎ ᒐᒋ ᐃᑕᔨᒥᓱᔭᓐ᙮

2 ᑯᕆᓐᑎᔭᓇ 2:11

ᐅ ᒪᒃ ᒋᑦ ᐃᑎᓇᓄᐤ ᒐ ᐊᑲ ᒋ ᐎᔭᓯᐃᑕᐧᒄ ᒥᒋᒥᓂᑐᐤ᙮ ᐛᔅ ᒋ ᒋᔅᒐᔨᒪᓄᐤ ᑕᓐ ᐛ ᐃᑎᑦ᙮

2 ᑯᕆᓐᑎᔭᓇ 4:4

ᓇᒪ ᑕᑈᑎᒧᒡ ᐛᔅ ᑕᔪᐛ ᐊᓂᔭᔪᐛ ᑲ ᒥᒋᒥᓂᑐᔨᒋ ᑲ ᐅᒋᒪᐧᑲᑎᒥᔨᒋ ᐅᔭ ᐊᔅᒋᔪᐤ᙮ ᐊᐅᑯᓂ ᒪᒃ ᐊᓂᔭᔪᐛ ᐊ ᐃᑐᑕᑯᒡ ᒐ ᐊᑲ ᒋ ᐛᐸᑕᒡ ᐊᓂᔭ ᐛᔅᑕᐅᓂᔪᐤ ᐊᓐᑕ ᒐᒋ ᐅᒋ ᐱᒪᒋᐅᒡ᙮ ᓇᒪ ᒋ ᓂᔅᑐᑎᒧᒡ ᐊᓂᔭ ᒥᔽᒋᒧᐅᓂᔪᐤ ᐊᓐᑕ ᐛᒋ ᐛᐸᑎᔨᑯᐅᔭᐧᒄ ᒋᓴᔅ ᙭ ᐅᒋᔅᑕᔨᑕᑯᓱᐅᓐ᙮ ᐛᔅ ᒧᔭᒻ ᐊ ᐃᓯ ᒋᔅᑕᔨᑕᑯᓯᑦ ᒋᓴᒪᓂᑐᐤ ᐊᐅᑯᓐ ᒧᔭᒻ ᐊ ᐃᓯ ᒋᔅᑕᔨᑕᑯᓯᑦ ᒋᓴᔅ᙮

ᐃᐱᓯᔭᓇ 4:14

ᐊᑯ ᒪᒃ ᓇᒪ ᒋᑭ ᐅᒋ ᐊᐛᓯᐅᐛᔨᑕᑯᓯᓇᓄᐤ᙮ ᒧᔭᒻ ᐊ ᐱᐸᒧᐛᐸᐅᑯᔭᐧᒄ ᑕᓐ ᐊ ᐃᓯ ᒋᔅᑯᑎᒪᒐᒡ ᑲ ᐎᔭᓯᐃᐛᒡ ᒐᒋ ᐃᓯᓇᑯᓯᔭᐧᒄ, ᐊᐅᒄ ᐊᓐᒡ ᐅᒡ ᑲ ᐃᑐᑐᐛᒡ ᐊᐛᔪᐛ ᒐᒋ ᒥᒋᑐᑎᒥᔨᒋ ᓂᓇᐧᑯᐤ ᐊ ᐃᓯ ᐎᔭᓴᐊᒡ᙮

2 ᑕᓴᓗᓂᔭᓇ 2:3

ᐃᔭᒂᒥᒄ ᐊᑲ ᓇᔅᒡ ᒐᒋ ᐎᔭᓯᐃᑕᑯᒡ ᐊᐛᓐᒋ᙮ ᐊᔅᒄ ᐊᑲ ᐅᑎᒋᐱᔨᒐ ᐊᓐ ᐊ ᒋᓯᑲᒡ ᒥᒐᑦ ᐊᐛᓐᒋ ᒪᔅᑕᔾ ᒋᑭ ᓱᒐᔨᒧᑐᐛᐅᒡ ᒋᓴᒪᓂᑐᐛ᙮ ᑭᔭ ᒋᑭ ᓄᑯᐊᑭᓄᐤ ᐊᓐ ᐊᐛᓐ ᑲ ᒪᔭᑎᓯᑦ ᐊᑲ ᓇᔅᒡ ᑲ ᐊᐱᑕᔨᑎᒺᑦ ᒋᓴᒪᓂᑐᐛ ᐅᐎᓱᐛᐅᓂᔪᐤ, ᐊᔪᐅᒄ ᐅᔭ ᒋᓴᒪᓂᑐᐤ ᐊᓐᑕ ᒥᒋ ᐃᔅᑯᑕᒡ ᒐ ᐃᑎᓴᐛᑦ ᒐᒋ ᓂᓱᐅᓇᑎᓯᔨᒋ᙮

1 ᑎᒧᑎ 2:14

ᑭᔭ ᓇᒪᐎᔾ ᐊᑕᒻ ᓂᔅᑎᒻ ᐅᒋ ᐎᔭᓯᒪᑭᓄᐤ᙮ ᐊᓐ ᐃᔎᐤ ᐊᐅᒄ ᑲ ᐎᔭᓯᒪᑭᓄᐅᑦ ᑭᔭ ᒂ ᐊᑎ ᒥᒋᑐᑕᐧᒃ ᐊᑲ ᐅᒋ ᓂᓇᐃᑐᐛᑦ ᒋᓴᒪᓂᑐᐛ᙮

2 ᑎᒧᑎ 3:13

ᐊᑯ ᐊᓐᒡ ᑲ ᒥᒐᑎᓯᒡ ᑭᔭ ᐊᓐᒡ ᓂᑎᒥᒄ ᑲ ᐃᓯ ᒋᔅᑯᑎᒪᒐᒡ ᐊᔭᔅᒃ ᐊᑐᐎᔅ ᒋᑭ ᐃᑕᔨᑕᑯᓱᐅᒡ, ᐊ ᐎᔭᓯᒪᒡ ᐊᐛᔪᐛ ᑭᔭ ᐎᔨᐛᐤ ᐊ ᐎᔭᓯᒪᑭᓄᐎᒡ᙮

ᐃᑉᕈᐛ 2:14

ᐃᔪᐛ ᐊᓂᔭᔪᐛ ᑲ ᐃᑕᑦ ᐊᓂᔭ ᑲ ᐃᔅᒋᔄᑦ ᓂᑦ ᐊᐛᓯᒥᒡ᙮ ᒋᓴᔅ ᑭᔭ ᐎᔾ ᒋᒋᐛ ᓇᔅᒡ ᐃᔪᐛ ᒋ ᐃᓯᓇᑯᓱᐤ ᑭᔭ ᓇᔅᒡ ᐃᔪᐛ ᒋ ᐃᑕᔨᑕᑯᓱᐤ᙮ ᐊᐅᒄ ᐅᔭ ᐃᔪᐛ ᐛᒋ ᑕᑦ ᒐᒋ ᓂᐱᑦ, ᒐᒋ ᐅᒋ ᓴᐧᑯᒋᐊᑦ ᒥᒋᒥᓂᑐᐛ, ᐊᓂᔭ ᑲ ᑎᐸᔨᑎᒥᔨᒋ ᓂᐳᐅᓂᔪᐤ᙮

1 ᐱᑕᕐ 5:8

ᒧᔅ ᐃᔭᒂᒥᔅᑐᐛᐧᒄ ᒥᒋᒥᓂᑐᐤ, ᐊᓐ ᒧᔅ ᑲ ᐎ ᓇᓂᑐ ᒥᒋᐱᔨᑕᒄ, ᐛᔅ ᒧᔭᒻ ᒥᓯᐱᓱᐤ ᒧᔅ ᑲ ᐱᐸᒧᑕᑦ ᐊ ᐱᐸᓇᒧᑦ ᐊ ᓇᓂᑐᐤ ᒥᒋᓱᑦ ᐊᐅᑯᓐ ᐊ ᐃᓯᓇᑯᓯᑦ᙮ ᒥᒋᒥᓂᑐᐤ ᒧᔅ ᓇᓂᑐᐛᔨᒪᐤ ᐊᐛᔪᐛ ᒐᒋ ᓂᓱᐅᓇᒋᐊᑦ᙮

1 ᒠᓐ 5:19

ᒋ ᒋᔅᒐᔨᑕᓇᓄᐤ ᒋᓴᒪᓂᑐᐤ ᐊ ᐅᑦ ᐊᐛᓯᒥᑐᑕᑕᐧᒄ᙮ ᒥᓯᐛ ᐊᓐᒡ ᐅᑕ ᐊᔅᒋᒡ ᐊ ᑕᒡ ᑎᐸᔨᒥᑯᐅᒡ ᒥᒋᒥᓂᑐᐛ᙮

ᒍᑦ 1:9

ᓇᒪ ᐛᐛᒡ ᐊᓐ ᑲ ᓂᑲᓇᔨᑕᑯᓯᑦ ᐊᓐᒋᓐ ᒪᐃᑲᓪ ᑲ ᐃᓯᓂᐧᑲᓱᑦ, ᐅᒋ ᐃᑕᔨᑎᒻ ᐎᔾ ᒐᒋ ᓱᒐᔨᒧᑐᐛᑦ ᒥᒋᒥᓂᑐᐛ ᒐᒋ ᒪᔭᔨᒪᑦ᙮ ᒥᒄ ᒋ ᐃᑕᐤ, “ᐅᑎᐸᔨᒋᒐᐤ ᒋᑭ ᒋᑕᐊᒪᒄ᙮” ᐊᔪᐅᒄ ᐅᔭ ᑲ ᐃᑕᑦ ᐃᔅᐱ ᑲ ᐊᔭᔅᑕᒥᑐᒡ ᒥᒋᒥᓂᑐᐛ ᒧᓱᓴ ᐎᔭᔪᐤ ᐅᒡ᙮

ᒋᔅᒐᔨᑕᑯᑕᒐᐅᓐ 12:12

ᒥᔽᔨᑎᒧᒄ ᒪᒃ ᒥᓯᐛ ᒋᔨᐛᐤ ᒋᒋᒋᓯᑯᒡ ᐊ ᑕᔭᒄ᙮ ᐊᑯ ᒋᔨᐛᐤ ᐊᔅᒋᔾ ᑭᔭ ᐎᓂᐸᑯᒡ, ᒋᑭ ᐊᒂᒡ ᒥᒋᐱᔨᓇᐛᐤ ᐛᔅ ᐊᑯᑕ ᐊᓐᑕ ᐊ ᑕᔭᒄ ᑲ ᐃᑐᑕᑦ ᒥᒋᒥᓂᑐᐤ᙮ ᐊᔪᐛᒡ ᒪᒃ ᒋᔄᓱᐤ ᐛᔅ ᒋᔅᒐᔨᑎᒻ ᓴᔅ ᐊ ᑕᒂᔨᒡ ᐅᑎᐸᐃᑭᓐ᙮”

ᒋᔅᒐᔨᑕᑯᑕᒐᐅᓐ 12:3

ᒥᓐ ᑯᑎᒡ ᒋᔅᒋᓄᐛᐸᑎᔨᐛᐅᓐ ᒋ ᐅᒋ ᓄᑯᓐ ᐊᓐᑕ ᒋᒋᒋᓯᑯᒡ᙮ ᓂᒋ ᐛᐱᒪᐤ ᒥᔅᑎ ᒥᓐᑐᔅ ᐊ ᒥᐧᑯᓯᑦ ᓂᔄᐅᑕᒡ ᐊ ᐃᑕᑎᓂᔨᒋ ᐅᔅᑎᒂᓇ ᑭᔭ ᐸᐃᑯᔪᐤ ᐊ ᐃᑕᑎᓂᔨᒋ ᐅᑦ ᐊᔅᑭᓇ᙮ ᒥᓯᐛ ᒪᒃ ᐊ ᐃᑕᑎᓂᔨᒋ ᐊᓂᔭ ᐅᔅᑎᒂᓇ ᒋᓴᐅᒋᒪᐅᑯᓂᔎᐅᓂᔪᐤ ᒋ ᒋᔅᑭᒻ᙮

ᒋᔅᒐᔨᑕᑯᑕᒐᐅᓐ 12:7

ᒋ ᓂᑐᐱᔨᓇᓄᐤ ᒪᒃ ᐊᓐᑕ ᒋᒋᒋᓯᑯᒡ᙮ ᒪᐃᑲᓪ ᑭᔭ ᐊᓂᔭ ᐅᑦ ᐊᓐᒋᓂᒪ ᒋ ᒪᓯᐊᐅᒡ ᐊᓂᔭ ᒥᔅᑎ ᒥᓐᑐᓴ ᑭᔭ ᐊᓂᔭᔪᐛ ᐅᑦ ᐊᓐᒋᓂᒥᔪᐛ᙮

ᒋᔅᒐᔨᑕᑯᑕᒐᐅᓐ 12:8

ᒥᒄ ᒪᒃ ᒋ ᐅᓂᑕᐅᒡ ᐊᓐ ᒥᔅᑎ ᒥᓐᑐᔅ ᑭᔭ ᐊᓂᔭᔪᐛ ᐅᑦ ᐊᓐᒋᓂᒪ᙮ ᐊᑯ ᒪᒃ ᓇᒪ ᐅᒋ ᑎᑯᓂᔪᐤ ᐊᓐᑕ ᒐ ᑕᒡ ᐊᓐᑕ ᒋᒋᒋᓯᑯᒡ᙮

ᒋᔅᒐᔨᑕᑯᑕᒐᐅᓐ 13:14

ᐊᓐᒡ ᒪᒃ ᐊᐛᓐᒋ ᐊᓐᑕ ᐊᔅᒋᒡ ᐊ ᑕᒡ ᒋ ᐎᔭᓯᐃᑯᐅᒡ ᐅᔭ ᑲ ᐃᓯ ᐱᔅᑎᓇᑭᓄᔨᒋ ᐅᔭ ᒥᒋ ᐊᐛᓯᓴ ᒐᒋ ᒪᒥᔅᑲᒡ ᑎᔨᒋ ᐊ ᑭᓄᐛᐱᒥᑯᔨᒋ ᐊᓂᔭ ᑯᑎᑲ ᒥᒋ ᐊᐛᓯᓴ᙮ ᐊᓐᒡ ᐊᐛᓐᒋ ᐊᔅᒋᒡ ᑲ ᑕᒡ ᒋ ᐃᑎᑯᐅᒡ ᐊᓂᔭ ᓂᓱ ᐊ ᑕᔨᒋ ᒥᒋ ᐊᐛᓯᓴ ᒐᒋ ᐅᓯᐊᒡ ᒥᓂᑐᐧᑲᓇ ᐊ ᒋᔅᑕᔨᑕᑯᐊᒡ ᐊᓂᔭ ᒥᒋ ᐊᐛᓯᓴ ᒋᒋᐛ ᑲ ᒥᓱᐛᑭᓂᐧᑲᑎᑯᔨᒋ ᓂᑐᐱᔪᐅ-ᒧᐧᑯᒪᓂᔪᐤ ᒥᒄ ᒪᒃ ᐃᔭᐱᒡ ᐊᒋ ᐱᒪᑎᓯᔨᒋ᙮

ᒋᔅᒐᔨᑕᑯᑕᒐᐅᓐ 16:14

ᐛᔅ ᐊᐅᑯᓐᒡ ᐅᒡ ᒥᒋ ᐊᒐᐧᑯᒡ ᒪᒥᔅᑲᒡ ᑲ ᐃᑎᒡ᙮ ᒥᓯᐛ ᐊ ᑕᑎᓯᔨᒡ ᒋᓴᐅᒋᒪᐛ ᐅᑕ ᐊᔅᒋᒡ ᒪᒧᓇᐅᒡ ᒐᒋ ᐸᒋ ᒪᓯᒐᔨᒋ ᐅᑎᒋᐱᔨᒐ ᐊᓂᔭ ᒋᓴᒪᓂᑐᐛ ᒪᐅᒡ ᑲ ᓱᐧᑲᑎᓯᔨᒋ ᑲ ᒋᔅᑕᔨᑕᑯᓂᔨᒡ ᐅᒋᓯᑲᒥᔪᐤ᙮

ᒋᔅᒐᔨᑕᑯᑕᒐᐅᓐ 18:2

ᐊᑯ ᒂ ᐃᔅᒋᔄᑦ ᐅ ᐊᓐᒋᓐ ᐊ ᒋᔄᐛᑦ, “ᓂᓱᐅᓇᒋᑕᑭᓄᐤ ! ᓂᓱᐅᓇᒋᑕᑭᓄᐤ ᐸᐱᓗᓐ ᐊᓐ ᑲ ᒋᔅᑕᔨᑕᒂᒡ ᐅᑕᓇᐤ ᓇᔅᒡ ᓂᓱᐅᓇᒋᑕᑭᓄᐤ᙮ ᐊᑯᑕ ᐊᑯ ᐛᒋᒡ ᒥᓯᐛ ᐊ ᐃᓯᓇᑯᓯᒡ ᒥᒋ ᐊᒐᐧᑯᒡ ᓇᔅᒡ ᐊ ᒪᔭᑎᓯᒡ ᑭᔭ ᐊ ᐎᓇᔨᑕᑯᓯᒡ᙮ ᐊᑯᑕ ᑭᔭ ᐊᑯ ᐛᒋᑦ ᒥᓯᐛ ᐊ ᐃᓯᓇᑯᓯᑦ ᑲ ᐎᓇᔨᑕᑯᓯᑦ ᑭᔭ ᐊᑲ ᒧᐛᑭᓄᐅᑦ ᐱᔭᓱᐤ᙮

ᒋᔅᒐᔨᑕᑯᑕᒐᐅᓐ 18:23

ᓇᒪ ᓂᑕ ᒥᓐ ᒋᑭ ᐅᒋ ᓄᑯᓱᐅᒡ ᐛᔅᑕᓂᐱᒪᑭᓐᒡ ᐊ ᐛᔅᑐᐛᒡ ᐊᓐᑕ ᐊ ᑕᔨᓐ᙮ ᓇᒪ ᓂᑕ ᒥᓐ ᒋᑭ ᐅᒋ ᐸᑕᑯᓱᐅᒡ ᐊ ᒧᒋᒐᔨᑕᒡ ᐅᔅᒋᓂᒋᓱᐅᒡ ᑭᔭ ᐅᔅᒋᓂᔎᐅᒡ᙮ ᐊᓐᒡ ᓂᓇᐧᑯᐤ ᒐᒂᔪᐛ ᑲ ᐊᑕᐛᒡ ᐊᓐᑕ ᐊ ᑕᔨᓐ, ᐊᐅᑯᓐᒡ ᒪᐅᒡ ᑲ ᒋᔅᑕᔨᑕᑯᓯᒡ ᐊᐛᓐᒋ ᐅᑕ ᐊᔅᒋᒡ᙮ ᐊᓐᒡ ᐊᐛᓐᒋ ᐊᓐᑕ ᑲ ᐎᒋᒡ ᒥᓯᐛ ᐊᐛᔪᐛ ᐅᑕ ᐊᔅᒋᒡ ᒋ ᐎᔭᓯᐊᐅᒡ ᐅᒪᒥᑕᐛᑎᓯᐅᓄᐛᐤ ᐊ ᐊᐱᒋᑕᒡ᙮”

ᒋᔅᒐᔨᑕᑯᑕᒐᐅᓐ 19:20

ᐊᑯ ᒂ ᒪᑯᓇᑭᓄᐅᑦ ᐊᓐ ᒥᒋ ᐊᐛᓯᔅ ᑭᔭ ᐊᓐ ᒥᒋ ᐅᒋᔅᒋᐛᐃᒐᓱᐤ᙮ ᐊᐅᒄ ᐅ ᒥᒋ ᐅᒋᔅᒋᐛᐃᒐᓱᐤ ᑲ ᒪᒥᔅᑲᒡ ᐃᑎᑦ ᐅᑎᔅᑯᐤ ᐊᓂᔭᔪᐛ ᒥᒋ ᐊᐛᓯᓴ ᐊ ᑕᔨᒋ᙮ ᐊᑯᑕ ᑲ ᐅᒋ ᐎᔭᓯᐊᑦ ᐊᓂᔭᔪᐛ ᐊᐛᔪᐛ ᑲ ᐅᑎᓂᒥᔨᒋ ᐊᓂᔭᔪᐛ ᒥᒋ ᐊᐛᓯᓴ ᐅᒋᔅᒋᓄᐛᒋᐃᐛᐅᓂᔪᐤ ᑭᔭ ᑲ ᐊᔭᒥᐊᔅᑐᐛᔨᒋ ᐊᓂᔭ ᒥᓂᑐᐧᑲᓇ ᒧᔭᒻ ᐊᓂᔭᔪᐛ ᒥᒋ ᐊᐛᓯᓴ ᐊ ᐃᓯᓇᑯᓯᔨᒋ ᑲ ᐃᓯᐊᑭᓄᔨᒋ᙮ ᑕᐱᔅᑯᓐ ᐊᓐ ᒥᒋ ᐊᐛᓯᔅ ᑭᔭ ᐊᓐ ᒥᒋ ᐅᒋᔅᒋᐛᐃᒐᓱᐤ ᐊᐱᒪᑎᓯᒡ ᒋ ᐃᓯ ᐛᐱᓇᑭᓄᐎᒡ ᐊᓐᑕ ᒥᒋ ᐃᔅᑯᑕᐤ ᓴᑲᐃᑭᓂᒡ ᐊᓐᑕ ᐊ ᐃᔎᑕᔨᒡ ᐊ ᐎᔄᐛᐸᑕᔨᒡ ᒐᒂᔪᐤ ᓇᔅᒡ ᐊ ᐎᓂᒪᔅᑕᔨᒡ᙮

ᒋᔅᒐᔨᑕᑯᑕᒐᐅᓐ 2:13

ᓂ ᒋᔅᒐᔨᑕᓐ ᐊᓐᑕ ᐛᒋᔭᒄ, ᐊᓐᑕ ᐊ ᐅᒋᒪᐅᑦ ᒥᒋᒥᓂᑐᐤ᙮ ᐊᑎ ᒪᒃ ᐊᓐᑕ ᐊ ᐎᒋᔭᒄ ᐃᔭᐱᒡ, ᓇᒪ ᒋ ᐳᓂᓇᐛᐤ ᐊ ᑕᑈᔭᔨᒥᔭᒄ᙮ ᓇᒪ ᒋ ᐅᒋ ᒋᐛᑲᐳᔅᑐᓇᐛᐤ ᐊᑎ ᐊᓐᑕ ᒪᒂᒡ ᑲ ᓂᐸᐊᑭᓄᐅᑦ ᐊᓂᔭ ᑲ ᓇᓴᐅᑦ ᐊᓐᑎᐸᔅ, ᐊᓐ ᑯᐃᔅᒄ ᑲᒋ ᐃᓯ ᑎᐸᒋᒥᑦ᙮ ᐊᓐᑕ ᐛᒋᔭᒄ, ᐊᑯᑕ ᑲ ᓂᐸᐊᑭᓄᐅᑦ, ᐊᓐᑕ ᒥᒋᒥᓂᑐᐤ ᐛᒋᑦ᙮

ᒋᔅᒐᔨᑕᑯᑕᒐᐅᓐ 2:24

ᒥᓯᐛ ᒪᒃ ᒋᔨᐛᐤ ᑕᔭᑕᐃᕋ ᐊ ᑕᔭᒄ ᐊᑲ ᐊᐱᑕᔨᑎᒪᒄ ᐅ ᑲ ᐃᓯ ᒥᒋ ᒋᔅᑯᑎᒪᒐᓄᒡ, ᒋᔨᐛᐤ ᐊᑲ ᒋᔅᒐᔨᑎᒺᒄ ᒥᒋᒥᓂᑐᐤ ᐅᒋᒧᒡ ᐃᑐᐅᓇ, ᓇᒪ ᒋ ᓂᑐᐛᔨᑎᒪᑎᓇᐛᐤ ᑯᑎᒡ ᒐᒂᓐ ᒐᒋ ᐃᑐᑎᒪᒄ,

ᒋᔅᒐᔨᑕᑯᑕᒐᐅᓐ 2:9

ᓂ ᒋᔅᒐᔨᑕᓐ ᑕᓐ ᐊ ᐃᓯ ᓂᓇᐧᑲᑕᔨᒧᐃᑯᔭᒄ᙮ ᓂ ᒋᔅᒐᔨᑕᓐ ᐊ ᒋᔅᑎᒪᑎᓯᔭᒄ ᒥᒄ ᒪᒃ ᐃᔭᐱᒡ ᒋ ᐛᔪᑎᓯᓇᐛᐤ᙮ ᓂ ᒋᔅᒐᔨᑕᓐ ᑕᓐ ᐊᔅᐱᔅ ᒥᒋ ᐊᔨᒧᒥᑕᑯᒡ ᐊᓐᒡ ᒍᐤ ᓂᑦ ᐃᑎᔅᑲᓇᓯᓇᓐ ᑲ ᐃᔅᒋᔄᒡ, ᐊᑲ ᒪᒃ ᒍᐤ ᐃᑎᔅᑲᓇᓯᒡ᙮ ᒥᒋᒥᓂᑐᐤ ᐊ ᑕᔨᒋ ᐅᒋᐅᒡ ᐊᓐᒡ᙮

ᒋᔅᒐᔨᑕᑯᑕᒐᐅᓐ 20:10

ᐊᑯ ᒪᒃ ᒥᒋᒥᓂᑐᐤ, ᐊᓐ ᑲ ᐎᔭᓯᒪᑦ ᐅᔭ ᐊᐛᔪᐛ, ᑲ ᑲᔅᑎᓇᑭᓄᐅᑦ, ᐊᑯ ᐊᓐᑕ ᒥᒋ ᐃᔅᑯᑕᐤ ᓴᑲᐃᑭᓂᒡ ᑲ ᐃᓯ ᐛᐱᓇᑭᓄᐅᑦ ᐊᓐᑕ ᐊ ᐃᔎᑕᔨᒡ ᒐᒂᔪᐤ ᐊ ᐎᔄᐛᐸᑕᔨᒡ ᓇᔅᒡ ᐊ ᐎᓂᒪᔅᑕᔨᒡ᙮ ᐊᑯᑕ ᓴᔅ ᑲ ᐃᓯ ᐛᐱᓇᑭᓄᔨᒋ ᐊᓂᔭ ᒥᒋ ᐊᐛᓯᓴ ᑭᔭ ᐊᓂᔭ ᒥᒋ ᐅᒋᔅᒋᐛᐃᒐᓱᐛ᙮ ᑲᒋᒡ ᒪᒃ ᒋᑭ ᐎᓯᒐᔨᑎᒧᒡ ᐊ ᒋᓯᑲᔨᒡ ᑭᔭ ᐊ ᑎᐱᔅᑲᔨᒡ᙮

ᒋᔅᒐᔨᑕᑯᑕᒐᐅᓐ 20:8

ᒋᑭ ᐎᔭᓯᒪᐤ ᒪᒃ ᒥᓯᐛ ᐊ ᐃᑎᔅᑲᓇᓯᔨᒋ ᐊᐛᔪᐛ ᐅᑕ ᐊᔅᒋᒡ᙮ ᐊᐅᒄ ᐅᔭ ᒥᓯᐛ ᐊ ᐃᑎᔅᑲᓇᓯᔨᒋ ᐊᐛᔪᐛ ᑯᒃ ᑭᔭ ᒪᑯᒃ ᑲ ᐃᓯᓂᐧᑲᑕᑭᓄᔨᒋ᙮ ᒋᑭ ᒪᒧᓇᐤ ᒐᒋ ᒪᓯᒐᔨᒋ᙮ ᒥᔅᑎ ᒥᒐᑎᔪᐛ ᒪᓯᒐᓱᐛ᙮ ᒧᔭᒻ ᐃᔭᑲᐤ ᓯᓱᒡ ᐊᓐᑕ ᐎᓂᐸᑯᒡ ᐊ ᐃᔅᐱᔅ ᐛᔪᒋᒥᒐᓂᔨᒋ ᐊᑯᓐ ᐊ ᐃᔅᐱᔅ ᒥᒐᑎᔨᒋ᙮

ᒋᔅᒐᔨᑕᑯᑕᒐᐅᓐ 3:9

ᓂᑭ ᐃᑐᑐᐛᐅᒡ ᒐᒋ ᐅᒋᒋᐧᑯᓂᐱᔪᐅᒡ ᐊ ᒋᔅᑕᔨᒥᑕᑯᒡ ᐊᓐᒡ ᒥᒋᒥᓂᑐᐛ ᐊ ᑕᔨᒋ ᑲ ᐃᓯ ᐎᒋᐃᐛᒡ, ᐊᓐᒡ ᑲ ᑭᑭᒋᔭᒡ ᐊ ᐃᔅᒋᔄᒡ, ᒍᐤ ᐃᔪᒡ ᓂᔭᓐ, ᒋᓴᒪᓂᑐᐤ ᐅᑦ ᐃᔨᒪ᙮ ᒋᑭ ᒋᔅᒐᔨᑎᒧᒡ ᒪᒃ ᐊ ᓴᒋᐃᑎᑯᒡ᙮

ᒋᔅᒐᔨᑕᑯᑕᒐᐅᓐ 9:1

ᐊᑯ ᒥᓐ ᑯᑎᒃ ᐊᓐᒋᓐ ᒂ ᐳᑕᑕᐧᒃ ᐅᐳᑕᒋᑭᓐ᙮ ᐊᐅᒄ ᐊᑯ ᐱᑕᑕᒡ ᐊᓐᒋᓐᒡ ᑲ ᐳᑕᑕᒡ ᐅᐳᑕᒋᑭᓄᐛᐛ᙮ ᐊᑯ ᒂ ᐛᐱᒥᒃ ᐅᒐᑭᑕᐧᒄ ᐊᔅᒋᒡ ᐊᒋ ᐃᓯ ᐸᒋᓯᓂᒂ ᒋᓯᑯᒡ ᐅᒡ᙮ ᒋ ᒥᔭᑭᓄᐤ ᐊᐸᐃᑭᓂᔪᐤ ᒐᒋ ᓴᓇᐧᒃ ᐊᓂᔭ ᑲ ᒥᔅᑎ ᐱᑯᓇᔭᔨᒡ ᐊᓐᑕ ᐃᔅ ᑕᒥᒡ ᐊᔅᒋᒡ᙮

ᒋᔅᒐᔨᑕᑯᑕᒐᐅᓐ 9:20

ᐊᓐᒡ ᒪᒃ ᐊᐛᓐᒋ ᐊᑲ ᐅᒋ ᓂᓱᐅᓇᒋᐃᑯᒡ ᑲ ᓂᓱᐅᓇᒋᐃᐛᒥᑭᓂᔨᒋ ᒐᒂᔪᐛ, ᓇᒪ ᐃᔭᐱᒡ ᐅᒋ ᒥᑕᒋᔨᐛᔨᑎᒧᒡ ᑭᔭ ᓇᒪ ᐅᒋ ᐳᓂᐅᒡ ᑕᓐ ᑲ ᐃᓯ ᒥᒋᑐᑕᒡ᙮ ᓇᒪ ᐅᒋ ᒂᔅᑲᑎᓯᐅᒡ ᑭᔭ ᓇᒪ ᐅᒋ ᐳᓂᐅᒡ ᐊ ᐊᔭᒥᐊᔅᑐᐛᒡ ᒥᒋ ᐊᒐᒂ ᑭᔭ ᐊᓂᔭ ᒥᓂᑐᐧᑲᓇ ᑲ ᐎᔄᐅᓱᓇᔭᐱᔅᑯᔨᒋ, ᑲ ᐛᓴᔭᐱᒋᓯᔨᒋ, ᑭᔭ ᑲ ᐎᔄᐛᐱᔅᒋᓯᔨᒋ ᑲ ᐃᓯᓇᑯᓯᔨᒋ, ᑭᔭ ᐊᓂᔭ ᑲ ᐊᓯᓂᐅᔨᒋ, ᑭᔭ ᐊᓂᔭ ᑲ ᒥᔅᑎᑯᔨᒋ᙮ ᓇᒪ ᐅᒋ ᒥᑕᒋᔨᐛᔨᑎᒧᒡ ᑭᔭ ᓇᒪ ᐅᒋ ᐳᓂᐅᒡ ᐊ ᐊᔭᒥᐊᔅᑐᐛᒡ ᐊᓂᔭᔪᐛ ᒥᓂᑐᐧᑲᓇ ᐊᑲ ᐛᐸᑎᒥᔨᒋ ᑭᔭ ᐊᑲ ᐸᑎᒥᔨᒋ ᑭᔭ ᐊᑲ ᐱᒧᑕᔨᒋ᙮