ᒋᔅᒐᔨᑕᑯᑕᒐᐅᓐ 12:7 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁷ ᒋ ᓂᑐᐱᔨᓇᓄᐤ ᒪᒃ ᐊᓐᑕ ᒋᒋᒋᓯᑯᒡ᙮ ᒪᐃᑲᓪ ᑭᔭ ᐊᓂᔭ ᐅᑦ ᐊᓐᒋᓂᒪ ᒋ ᒪᓯᐊᐅᒡ ᐊᓂᔭ ᒥᔅᑎ ᒥᓐᑐᓴ ᑭᔭ ᐊᓂᔭᔪᐛ ᐅᑦ ᐊᓐᒋᓂᒥᔪᐛ᙮

ᒋᔅᒐᔨᑕᑯᑕᒐᐅᓐ 12:7 Iomraidhean Croise

ᑎᐱᑦ ᐅᓂᑭᒧᐅᓇ 78:49

ᒋ ᐛᐱᓂᒧᐛᐤ ᐊᔅᐱᔅ ᐊᒂᑎᓯᒥᑭᓂᔨᒡ ᐅᒋᔄᓯᐅᓐ, ᐅᑦ ᐊᐧᑯᔪᐛᓱᐅᓐ, ᑭᔭ ᐅᔭᔅᑕᔨᑎᒧᐅᓐ, ᑭᔭ ᐅᒥᑯᔅᑲᑕᔨᑎᒧᐅᓐ, ᒥᒋ ᐊᓐᒋᓇ ᐊ ᐃᑎᓴᐊᒧᐛᑦ᙮

ᒪᑎᔪᐤ 13:41

ᐃᔪᐤ ᐅᑯᓯᓴᓐ ᒋᑭ ᐃᑎᓴᐛᐤ ᐅᑦ ᐊᓐᒋᓂᒪ ᒐᒋ ᓇᒋ ᒪᒧᓴᒋᓂᒐᔨᒋ ᐊᓐᑕ ᐅᒋᓴᐅᒋᒪᐅᓂᔨᒡ ᐅᒡ ᐊᓂᔭ ᑲ ᐃᑐᑐᐛᔨᒋ ᑯᑎᑲ ᐊᐛᔪᐛ ᒐᒋ ᒥᒋᑐᑎᒥᔨᒋ ᑭᔭ ᒥᓯᐛ ᐊᓂᔭ ᐊᐛᔪᐛ ᑲ ᒥᒋᐱᒪᑎᓯᔨᒋ᙮

ᒪᑎᔪᐤ 16:27

ᐛᔅ ᐃᔪᐤ ᐅᑯᓯᓴᓇ ᒋᑭ ᑎᑯᓯᓂᔪᐛ ᐅᑕᐎᒪᐛ ᐅᒋᔅᑕᔨᑕᑯᓱᐅᓂᔨᒡ ᑭᔭ ᐊᓐᒋᓇ ᐊ ᐸᒋ ᐎᒐᐅᑯᔨᒋ, ᑭᔭ ᒐ ᑎᐸᐊᒧᐛᑦ ᒥᓯᐛ ᐊᐛᔪᐛ ᑕᓐ ᑲ ᐃᓯ ᐃᑐᑎᒥᔨᒋ᙮

ᒪᑎᔪᐤ 24:31

ᐃᔅᐱ ᒪᒃ ᐸᑕᒂᒐ ᑲ ᒋᔄᐛᒥᑲᒡ ᐳᑕᒋᑭᓐ ᐊᑯ ᒐ ᐃᑎᓴᐛᑦ ᒋᓴᒪᓂᑐᐤ ᐅᑦ ᐊᓐᒋᓂᒪ ᒐᒋ ᒪᒧᓇᔨᒋ ᐊᓂᔭ ᐊᐛᔪᐛ ᑲ ᐅᑎᓇᑦ ᓇᐅᐎᔨᒡ ᐊ ᐅᑎᓂᔨᒡ ᑲ ᐅᒋᔨᒋ᙮ ᓇᔅᒡ ᐊ ᐃᔎᔭᔨᒡ ᐊᔅᒋᔪᐤ ᐊᓐᑕ ᒪᒃ ᑭᔭ ᓇᔅᒡ ᐊ ᐃᔎᔨᒡ ᒋᒋᒋᓯᑯᔪᐤ ᒋᑭ ᐅᑎᓇᔪᐛ᙮”

ᒪᑎᔪᐤ 25:41

ᐊᑯ ᒐ ᐃᑕᑦ ᐊᓂᔭᔪᐛ ᐅᓂᔅᐸᒋᐅᓂᒡ ᑲ ᑕᔨᒋ ᐊᓂᔭ ᑲ ᒥᒐᑎᓯᔨᒋ, ‘ᐊᐅᓯᒄ ᓇᑕ ᒋᔨᐛᐤ ᒋᓴᒪᓂᑐᐤ ᒐ ᐛᐛᓯᐃᑕᒄ ᐊᓐᑕ ᐃᔅ ᑲᒋᒡ ᒥᒋ ᐃᔅᑯᑕᒡ ᐊᓂᔭᔪᐤ ᑲ ᐃᓯ ᐊᔭᔅᑯᔅᑎᒧᐛᑭᓄᔨᒋ ᒥᒋᒥᓂᑐᐛ ᑭᔭ ᐅᑦ ᐊᐱᒋᐊᑭᓂᔪᐛ᙮

ᒪᑎᔪᐤ 26:53

ᓇᒪᐎᔾ ᐊ ᒋ ᒋᔅᒐᔨᑕᓇᐛᐤ ᓂ ᐸᒋ ᓂᑐᑎᒧᐛᐤ ᓄᑕᐎᔾ ᒐᒋ ᓇᑕᒧᐅᑦ, ᑎᐛᒡ ᒪᒃ ᒋᐸ ᒋ ᐸᒋ ᐃᑎᓴᐛᐤ ᐅᔅᑕ ᒥᒐᑥᐤ ᒐᓯᐱᔪᐤ ᐊᓐᒋᓇ ᒐᒋ ᐸᒋ ᓇᑕᒧᔨᒋ ?

2 ᑯᕆᓐᑎᔭᓇ 12:7

ᓇᔅᒡ ᑕᑈ ᒋ ᒥᔅᑲᑕᔨᑕᑯᓂᔪᐤ ᑕᓐ ᑲ ᐃᓯ ᐛᐸᑎᔨᑦ ᐅᑎᐸᔨᒋᒐᐤ᙮ ᐊᑲ ᒪᒃ ᒐᒋ ᒋᔅᑕᔨᒧᔭᓐ ᑕᓐ ᑲ ᐃᓯ ᒪᒥᔅᑲᒡ ᐛᐸᑎᔨᑦ ᐅᑎᐸᔨᒋᒐᐤ ᓂᒋ ᐸᒋ ᒥᔨᒄ ᒐᒂᔪᐤ ᐊ ᐅᔅᑐᔅᑲᑯᐅᒡ ᓂᔭᒡ ᒧᔭᒻ ᑲ ᑲᐛᒡ ᓂᐱᓯᔭᑎᒄ ᐊ ᐃᓯ ᑲᐅᔅᑲᑯᑦ ᐊᐛᓐ ᐎᔭᒡ᙮ ᒥᒋᒥᓂᑐᐤ ᒋ ᐱᔅᑎᓇᑭᓄᐤ ᒐᒋ ᐸᒋ ᒥᑯᔅᑲᑎᔅᑯᐅᑦ ᐊᑲ ᒥᔅᑎ ᒐᒋ ᐃᑕᔨᒥᓱᔭᓐ᙮

ᐃᐱᓯᔭᓇ 6:12

ᐛᔅ ᑕᐸ ᐃᔪᒡ ᒋᒪᓯᐊᓄᐅᒡ᙮ ᒥᒋ ᐊᒐᐧᑯᒡ ᑲ ᑎᐸᔨᒋᒐᒡ ᒋᒪᓯᐊᓄᐅᒡ ᑭᔭ ᐊᓐᒡ ᓇᔅᒡ ᑲ ᓱᒐᔨᑕᑯᓯᒡ ᑭᔭ ᐊᓐᒡ ᑲ ᓂᑲᓂᔅᑲᒡ ᐅᓂᑎᐱᔅᒋᓯᐅᓂᔪᐤ ᐅᑕ ᐊᔅᒋᒡ ᐊ ᑎᑯᓂᔨᒡ᙮ ᒋᒪᓯᐊᓄᐅᒡ ᑭᔭ ᐊᓐᒡ ᒥᒐᑦ ᒥᒋ ᐊᒐᐧᑯᒡ ᐊᓐᑕ ᐃᔅᐱᒥᒡ ᐊ ᑕᒡ᙮

2 ᑕᓴᓗᓂᔭᓇ 1:7

ᐊᑯ ᒋᔨᐛᐤ ᑲ ᓂᓇᐧᑲᑕᔨᒧᔭᒄ ᒋᑭ ᐃᑐᑕᑯᐛᐤ ᒋᓴᒪᓂᑐᐤ ᒐᒋ ᐳᓂ ᓂᓇᐧᑲᑕᔨᒺᒄ ᑭᔭ ᓂᔭᓐ ᐊᐅᑯᓐ ᒐ ᐃᓯ ᐎᒋᐃᑯᐅᔭᒡ᙮ ᐃᔅᐱ ᐸᒋ ᓄᑯᓯᒐ ᐅᑎᐸᔨᒋᒐᐤ ᒋᓴᔅ ᐊᓐᑕ ᒋᒋᒋᓯᑯᒡ ᐅᒡ ᐊ ᐸᒋ ᐎᒐᐛᑦ ᐅᑦ ᐊᓐᒋᓂᒪ ᑲ ᓱᐧᑲᑎᓯᔨᒋ ᐊᑯᑕ ᒐ ᐃᑐᑕᐧᒃ ᐅᔭ᙮

ᐃᑉᕈᐛ 2:10

ᒋ ᐃᓯᓇᑯᓂᑯᐱᓇ ᑕᑈ ᒐᒋ ᓂᓇᐧᑲᒋᐊᑭᓄᐅᑦ ᒋᓴᔅ, ᐛᔅ ᐊᓂᔭ ᐊᒋ ᓂᓇᐧᑲᑕᔨᒧᑦ ᐊᑯᑕ ᑲ ᐅᒋ ᑐᑕᑯᑦ ᒋᓴᒪᓂᑐᐛ ᓇᔅᒡ ᒐᒋ ᒋᔅᑕᔨᑕᑯᓯᑦ ᒐᒋ ᐛᐸᔨᑎᒪᒐᑦ᙮ ᒋᓴᒪᓂᑐᐤ, ᐊᓐ ᒥᓯᐛ ᒐᒂᔪᐤ ᑲ ᐅᓯᑕᑦ ᑭᔭ ᑲ ᐃᑐᑕᐧᒃ ᒧᔅ ᒐᒋ ᑎᑯᓂᔨᒋ, ᒋ ᐱᔅᑎᓇᐤ ᒋᓴᓴ ᒐᒋ ᓂᓇᐧᑲᒋᐊᑭᓄᔨᒋ ᐛᔅ ᒋ ᓂᑐᐛᔨᒪᐤ ᐅᑯᓴ ᑲ ᒥᒐᑎᔨᒋ ᒐᒋ ᒋᔅᒐᔨᑎᒥᔨᒋ ᑕᓐ ᐊ ᐃᑕᔨᑕᑯᓂᔨᒡ ᐅᒋᔅᑕᔨᑕᑯᓱᐅᓐ᙮ ᒋᓴᔅ ᐊᐅᒄ ᐎᔭᐸᑎᔭᑦ ᐊᐛᔪᐛ ᑕᓐᑕ ᒐᒋ ᐅᒋ ᐱᒪᒋᐅᔨᒋ᙮

2 ᐱᑕᕐ 2:4

ᑕᐸ ᐃᔭᐱᒡ ᐅᒋ ᒥᓇᒋᐊᐤ ᒋᓴᒪᓂᑐᐤ ᐊᓂᔭ ᐊᓐᒋᓇ ᑲ ᐅᓂᑐᑎᒥᔨᒋ, ᐃᔭᐱᒡ ᒥᒋ ᐃᔅᑯᑕᒡ ᒋ ᐃᑎᓴᐛᐤ᙮ ᐊᑯᑕ ᒪᒃ ᐊᓐᑕ ᒪᒂᒡ ᐊ ᑕᔨᒋ᙮ ᒪᒋᒂᐱᔅᑲᐛᑭᓄᐅᔪᐛ ᐊᓐᑕ ᐊ ᐅᑲᔅᑕᔭᔨᒡ᙮ ᐊᑯᑕ ᒪᒃ ᐊᓐᑕ ᒐ ᑕᔨᒋ ᒐ ᐃᔅᐱᔅ ᐊᑲ ᐅᑎᒋᐱᔨᒡ ᐊᓐᑕ ᒐ ᑎᐸᔅᑯᓇᑭᓄᔨᒋ᙮

ᒍᑦ 1:9

ᓇᒪ ᐛᐛᒡ ᐊᓐ ᑲ ᓂᑲᓇᔨᑕᑯᓯᑦ ᐊᓐᒋᓐ ᒪᐃᑲᓪ ᑲ ᐃᓯᓂᐧᑲᓱᑦ, ᐅᒋ ᐃᑕᔨᑎᒻ ᐎᔾ ᒐᒋ ᓱᒐᔨᒧᑐᐛᑦ ᒥᒋᒥᓂᑐᐛ ᒐᒋ ᒪᔭᔨᒪᑦ᙮ ᒥᒄ ᒋ ᐃᑕᐤ, “ᐅᑎᐸᔨᒋᒐᐤ ᒋᑭ ᒋᑕᐊᒪᒄ᙮” ᐊᔪᐅᒄ ᐅᔭ ᑲ ᐃᑕᑦ ᐃᔅᐱ ᑲ ᐊᔭᔅᑕᒥᑐᒡ ᒥᒋᒥᓂᑐᐛ ᒧᓱᓴ ᐎᔭᔪᐤ ᐅᒡ᙮

ᒋᔅᒐᔨᑕᑯᑕᒐᐅᓐ 12:8

ᒥᒄ ᒪᒃ ᒋ ᐅᓂᑕᐅᒡ ᐊᓐ ᒥᔅᑎ ᒥᓐᑐᔅ ᑭᔭ ᐊᓂᔭᔪᐛ ᐅᑦ ᐊᓐᒋᓂᒪ᙮ ᐊᑯ ᒪᒃ ᓇᒪ ᐅᒋ ᑎᑯᓂᔪᐤ ᐊᓐᑕ ᒐ ᑕᒡ ᐊᓐᑕ ᒋᒋᒋᓯᑯᒡ᙮

ᒋᔅᒐᔨᑕᑯᑕᒐᐅᓐ 12:9

ᐊᑯ ᒂ ᓂᒋᐛᐱᓇᑭᓄᐅᑦ ᐊᓐ ᒥᔅᑎ ᒥᓐᑐᔅ ᒋᒋᒋᓯᑯᒡ ᐅᒡ᙮ ᐊᐅᒄ ᒪᒃ ᐊᓐ ᒋᓇᐱᒄ ᐛᔅᑭᒡ ᐊᓐᑕ ᑲ ᑕᑦ, ᒥᒋᒥᓂᑐᐤ ᒪᒃ ᓴᑎᓐ ᑲ ᐃᓯᓂᐧᑲᑕᑭᓄᐅᑦ᙮ ᐊᐅᒄ ᐅ ᑲᒋ ᐎᔭᓯᐊᑦ ᒥᓯᐛ ᐊᐛᔪᐛ ᐅᑕ ᐊᔅᒋᒡ᙮ ᐊᓐᑕ ᒪᒃ ᐊᔅᒋᒡ ᒋ ᐃᓯ ᐛᐱᓇᑭᓄᐤ ᑭᔭ ᒥᓯᐛ ᐊᓂᔭ ᐅᑦ ᐊᓐᒋᓂᒪ᙮

ᒋᔅᒐᔨᑕᑯᑕᒐᐅᓐ 13:7

ᒋ ᐱᔅᑎᓇᑭᓄᐤ ᒐᒋ ᒪᓯᐊᑦ ᑲ ᑕᑈᑎᒥᔨᒋ ᑭᔭ ᒐᒋ ᓴᒂᐊᑦ᙮ ᒋ ᒥᔭᑭᓄᐤ ᑎᐸᔨᒐᐅᓂᔪᐤ ᒐᒋ ᐅᒋᒪᐅᑐᑐᐛᑦ ᒥᓯᐛ ᐊ ᐃᑎᔅᑲᓇᓯᔨᒋ ᐊᐛᔪᐛ ᑭᔭ ᒥᓯᐛ ᓂᓇᐧᑯᐤ ᐊ ᐃᓯ ᐃᔨᒥᔨᒋ ᑭᔭ ᒥᓯᐛ ᐊ ᐃᓯ ᒪᒧᑕᐅᓯᔨᒋ᙮

ᒋᔅᒐᔨᑕᑯᑕᒐᐅᓐ 20:2

ᐊᑯ ᒂ ᒪᑯᓇᑦ ᐊᓂᔭᔪᐛ ᒥᔅᑎ ᒥᓐᑐᓴ᙮ ᐊᐅᒄ ᐅ ᒋᓴ ᒋᓇᐱᒄ ᒥᒋᒥᓂᑐᐤ ᑭᔭ ᓴᑎᓐ ᑲ ᐃᓯᓂᐧᑲᓱᑦ᙮ ᐊᑯ ᐊᓐ ᐊᓐᒋᓐ ᒂ ᒪᑯᐱᑕᑦ ᐊᓂᔭᔪᐛ ᒥᔅᑎ ᒥᓐᑐᓴ᙮ ᐸᐃᒂᐤ ᒐᓯᐱᔪᐛ ᐱᐳᓇ ᒪᒃ ᒋᑭ ᐃᔅᐱᔅ ᒪᑯᐱᓱᔪᐛ᙮