ᒋᔅᒐᔨᑕᑯᑕᒐᐅᓐ 12:17 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁷ ᐊᑯ ᐊᓐ ᒥᔅᑎ ᒥᓐᑐᔅ ᒂ ᒥᔅᑎ ᒋᔄᐃᑯᑦ ᐊᓂᔭ ᐃᔎᐛ᙮ ᐊᑯ ᒂ ᓂᑐᐱᔨᑐᐅᒪᑦ ᐊᓂᔭᔪᐛ ᐅᑦ ᐊᓂᔅᒐ ᐅᑦ ᐊᐛᓯᒥᔪᐛ, ᐊᓂᔭ ᒥᓯᐛ ᑲ ᓂᓇᐃᑐᐛᔨᒋ ᒋᓴᒪᓂᑐᐛ, ᐊᓂᔭᔪᐛ ᑲ ᐛᐎᑎᒥᔨᒋ ᑕᓐ ᑲ ᐸᒋ ᐃᑎᔨᒋ ᒋᓴᓴ ᑲ ᐸᒋ ᑎᑯᓯᓂᔨᒋ᙮

ᒋᔅᒐᔨᑕᑯᑕᒐᐅᓐ 12:17 Iomraidhean Croise

ᒐᓂᓯᔅ 3:15

ᓂᑭ ᑐᑕᓐ ᒋᔾ ᑭᔭ ᐃᔎᐤ ᒐᒋ ᐛᐧᑲᑎᑐᔭᒄ, ᑭᔭ ᒋᑦ ᐊᐛᓯᒥᒡ ᑭᔭ ᐎᔾ ᐅᑦ ᐊᐛᓯᒪ ᒋᑭ ᐛᐧᑲᑎᑐᐅᒡ᙮ ᒥᔅᑲᔎᐛ ᒋᑭ ᐅᑕᒥᔅᑎᒂᓇᐅᑯᒡ᙮ ᑭᔭ ᒋᔾ ᒥᔅᑯᐅᑥᐛ ᒋᑭ ᒪᒂᑎᒺᓐ ᐅᑐᑎᓄᐛᐛ᙮”

ᒪᑎᔪᐤ 28:20

ᑭᔭ ᒐ ᒋᔅᑯᑎᒧᐛᑯᒡ ᒐᒋ ᓂᓇᐃᑕᒡ ᒥᓯᐛ ᑕᓐ ᑲ ᐃᑎᓱᒥᑎᑯᒡ᙮ ᒧᔅ ᒪᒃ ᒋᑭ ᐎᒐᐅᑎᓇᐛᐤ ᐱᐃᒻ ᐊᑎ ᐃᔎᐱᔨᒐ ᐊᔅᒋᔾ᙮”

ᒠᓐ 8:44

ᒥᒋᒥᓂᑐᐤ ᐊᐅᒄ ᐛᑕᐎᔭᒄ, ᐊᓂᔭ ᐊ ᐃᓯ ᓂᑐᐛᔨᒥᑕᒄ ᒐᒋ ᐃᓯ ᒥᒋᑐᑎᒺᒄ ᐊᐅᑯᓐ ᒥᒄ ᐛ ᐃᑐᑎᒪᒄ᙮ ᒧᔅ ᒋ ᓂᐸᐃᐛᐤ ᑲ ᐃᔅᐱᔅ ᑎᑯᓂᔨᒡ ᐅᔭ ᐊᔅᒋᔪᐤ᙮ ᓇᒪ ᓂᑕ ᐅᒋ ᓂᑐᐛᔨᑎᒻ ᑯᐃᔅᒄ ᒐᒋ ᐃᓯ ᐎᑕᑭᓄᐎᒡ ᒐᒂᔪᐤ ᐛᔅ ᓇᒪ ᓇᔅᒡ ᑎᑯᓂᔪᐤ ᑕᑈᐅᓂᔪᐤ ᐊᓐᑕ ᐊ ᑕᑦ᙮ ᒧᔅ ᑭᑭᒋᔭᐤ ᐛᔅ ᐊᐅᑯᓐ ᒋᒋᐛ ᐊ ᐃᑕᑎᓯᑦ, ᐊᐅᒄ ᒪᒃ ᐊᓐ ᑕᑈ ᐛᐅᑕᐎᑐᑕᑯᑦ ᐊᓂᔭᔪᐛ ᑲ ᑭᑭᒋᔭᔨᒋ᙮

1 ᑯᕆᓐᑎᔭᓇ 2:1

ᓂᐧᑲᓂᓯᑐᒄ, ᐅᔅᑭᒡ ᑲ ᑎᑯᓯᓂᔭᓐ ᐊᓐᑕ ᐊ ᑕᔭᒄ, ᑲ ᐎᑎᒪᑎᑯᒡ ᒪᒃ ᒋᓴᒪᓂᑐᐤ ᐅᑦ ᐃᔨᒧᐅᓐ ᓇᒪ ᓂ ᐅᒋ ᐃᓯ ᐃᔨᒥᓐ ᓇᔅᒡ ᒐᒋ ᐃᑈᐧᑲᑕᑯᓯᔭᓐ ᒪᒃ ᒐᒋ ᐃᑎᑕᑯᓯᔭᓐ ᒧᔭᒻ ᓇᔅᒡ ᐊ ᑭᒐᑕᐛᔨᑎᒪᓐ᙮

1 ᐱᑕᕐ 5:8

ᒧᔅ ᐃᔭᒂᒥᔅᑐᐛᐧᒄ ᒥᒋᒥᓂᑐᐤ, ᐊᓐ ᒧᔅ ᑲ ᐎ ᓇᓂᑐ ᒥᒋᐱᔨᑕᒄ, ᐛᔅ ᒧᔭᒻ ᒥᓯᐱᓱᐤ ᒧᔅ ᑲ ᐱᐸᒧᑕᑦ ᐊ ᐱᐸᓇᒧᑦ ᐊ ᓇᓂᑐᐤ ᒥᒋᓱᑦ ᐊᐅᑯᓐ ᐊ ᐃᓯᓇᑯᓯᑦ᙮ ᒥᒋᒥᓂᑐᐤ ᒧᔅ ᓇᓂᑐᐛᔨᒪᐤ ᐊᐛᔪᐛ ᒐᒋ ᓂᓱᐅᓇᒋᐊᑦ᙮

1 ᒠᓐ 2:3

ᐃᑐᑎᒪᒂ ᐊ ᐃᑎᓱᒥᑕᐧᒄ ᒋᓴᒪᓂᑐᐤ ᐊᑯᑕ ᒐ ᐅᒋ ᓄᒂᒡ ᑕᑈ ᐊ ᒋᔅᒐᔨᒪᐧᒄ᙮

1 ᒠᓐ 5:10

ᐊᐛᓐ ᑕᑈ ᐊ ᑕᑈᔭᔨᒪᑦ ᒋᓴᒪᓂᑐᐛ ᐅᑯᓯᔪᐛ, ᐅᑎᓂᒻ ᑭᔭ ᒥᒋᒥᓂᒻ ᐅᔭ ᑎᐸᒋᒧᐅᓂᔪᐤ᙮ ᐊᐛᓐ ᒪᒃ ᐊᑲ ᑕᑈᑐᐛᑦ ᑕᓐ ᐊ ᐃᑕᒋᒧᔨᒋ ᒋᓴᒪᓂᑐᐛ, ᐃᔅᒋᔄᐤ ᐊ ᑭᑭᒋᔭᔨᒋ, ᐛᔅ ᓇᒪ ᑕᑈᑎᒻ ᑕᓐ ᑲ ᐃᑕᒋᒪᔨᒋ ᒋᓴᒪᓂᑐᐛ ᐊᓂᔭᔪᐛ ᐅᑯᓯᔪᐛ᙮

1 ᒠᓐ 5:2

ᐊᑯᑕ ᐛᒋ ᒋᔅᒐᔨᑎᒪᐧᒄ ᐊ ᓴᒋᐃᒪᐧᑯ ᒋᓴᒪᓂᑐᐤ ᐅᑦ ᐊᐛᓯᒪ ᐊ ᓴᒋᐊᐧᒄ ᒋᓴᒪᓂᑐᐤ ᑭᔭ ᐊ ᐃᑐᑎᒺᐧᒄ ᐊ ᐃᑎᓱᒥᑕᐧᒄ᙮

ᒋᔅᒐᔨᑕᑯᑕᒐᐅᓐ 1:2

ᒥᓯᐛ ᒪᒃ ᓂᒋ ᒥᓯᓇᐊᓐ ᑕᓐ ᑲ ᐃᓯ ᐛᐸᑎᔨᑯᔭᓐ᙮ ᐊᓐ ᒪᒃ ᑲ ᐃᓯ ᒥᓯᓇᐊᒪᓐ, ᑕᑈ ᒋᓴᒪᓂᑐᐤ ᐅᑦ ᐃᔨᒧᐅᓐ ᐊᓂᔭ᙮ ᒋᓴᔅ ᒋ ᓄᑯᑕᐤ ᑕᑈ ᐊ ᑕᑈᒥᑭᓂᔨᒡ᙮

ᒋᔅᒐᔨᑕᑯᑕᒐᐅᓐ 1:9

ᐊᐅᒄ ᓂᔾ ᒋᐧᑲᓂᓱᐛᐤ ᒠᓐ᙮ ᒥᓯᐛ ᒋ ᐎᐧᑲᓂᓯᓂᑐᓇᓄᐤ ᒋᓴᔅ ᐊ ᑕᑦ ᐃᔅ᙮ ᒐ ᓂᓇᐧᑲᑕᔨᒧᐃᑯᔭᐧᒄ ᐊᓐ ᐅᒋ ᐊ ᓇᓴᐛᐧᒄ ᒋᓴᔅ, ᒥᒄ ᒪᒃ ᒪᒧᐤ ᒋ ᐎ ᓯᐱᔪᐛᓯᓇᓄᐤ ᑕᓐᑕ ᐊᓐᑕ ᓇᒋᔅᑭᒪᐧᒄ ᒪᓐ ᐊ ᐊᔨᒪᒡ ᒐᒂᓐ᙮ ᓂᒋ ᒪᑯᓂᑯᐅᓐ, ᐊᑯ ᐊᓐᑕ ᐊᓐ ᒥᓂᔅᑎᒄ ᐸᑦᒧᔅ ᑲ ᐃᓯᓂᐧᑲᑕᒡ ᑲ ᑎᔨᑯᔭᓐ ᐊᓐ ᐅᒋ ᐊᒋ ᐛᐎᑎᒪᓐ ᒋᓴᒪᓂᑐᐤ ᐅᑦ ᐃᔨᒧᐅᓐ ᑭᔭ ᐊᒋ ᑎᐸᒋᒥᒃ ᒋᓴᔅ ᑕᓐ ᑲ ᐃᑎᑦ᙮

ᒋᔅᒐᔨᑕᑯᑕᒐᐅᓐ 11:7

ᐃᔅᐱ ᒪᒃ ᒋ ᐃᓯ ᐛᐎᑕᒂᐛ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ, ᐊᑯ ᐊᓂᔭᔪᐛ ᒥᒋ ᐊᐛᓯᓴ ᐊᓐᑕ ᑲ ᒥᔅᑎ ᐱᑯᓇᔭᔨᒡ ᑲ ᐅᒋ ᒧᔅᒋᐱᔨᒋ ᒐ ᒪᓯᐧᑲᑯᒡ᙮ ᒋᑭ ᓴᐧᑯᒋᐃᑯᐅᒡ ᒪᒃ, ᐊᑯ ᒐ ᓂᐸᐃᑯᒡ᙮

ᒋᔅᒐᔨᑕᑯᑕᒐᐅᓐ 12:16

ᐊᔅᒋᔾ ᒪᒃ ᒋ ᐎᒋᐊᐤ ᐊᓂᔭ ᐃᔎᐛ᙮ ᒋ ᑕᐅᑎᒥᑭᓐ ᐊᔅᒋᔾ, ᐊᑯ ᒂ ᐊᑯᒋᐱᔨᑕᒥᑲᒡ ᐊᓐ ᓂᐱᔾ ᒥᔅᑎ ᒥᓐᑐᔅ ᑲ ᐊᐳᐧᑯᑕᑕᐧᒃ᙮

ᒋᔅᒐᔨᑕᑯᑕᒐᐅᓐ 13:7

ᒋ ᐱᔅᑎᓇᑭᓄᐤ ᒐᒋ ᒪᓯᐊᑦ ᑲ ᑕᑈᑎᒥᔨᒋ ᑭᔭ ᒐᒋ ᓴᒂᐊᑦ᙮ ᒋ ᒥᔭᑭᓄᐤ ᑎᐸᔨᒐᐅᓂᔪᐤ ᒐᒋ ᐅᒋᒪᐅᑐᑐᐛᑦ ᒥᓯᐛ ᐊ ᐃᑎᔅᑲᓇᓯᔨᒋ ᐊᐛᔪᐛ ᑭᔭ ᒥᓯᐛ ᓂᓇᐧᑯᐤ ᐊ ᐃᓯ ᐃᔨᒥᔨᒋ ᑭᔭ ᒥᓯᐛ ᐊ ᐃᓯ ᒪᒧᑕᐅᓯᔨᒋ᙮

ᒋᔅᒐᔨᑕᑯᑕᒐᐅᓐ 14:12

ᐊᑯᑕ ᐅ ᐛᒋ ᓂᑐᐛᔨᑕᑯᓯᒡ ᑲ ᑕᑈᑕᒡ, ᐊᓐᒡ ᑲ ᓂᓇᐃᑎᒺᒡ ᐅᐎᓱᐛᐅᓂᔪᐤ ᑭᔭ ᐊᑲ ᐳᓂᒡ ᐊ ᑕᑈᔭᔨᒪᒡ ᒋᓴᓴ ᒐ ᐊᑲ ᒋ ᓄᑎ ᐳᓂᒡ ᐅᔭ ᐊ ᐃᑎᒡ᙮

ᒋᔅᒐᔨᑕᑯᑕᒐᐅᓐ 17:14

ᐅᒡ ᒪᒃ ᐸᐃᑯᔪᐤ ᒋᓴᐅᒋᒪᐅᒡ ᑭᔭ ᐊᓐ ᒥᒋ ᐊᐛᓯᔅ, ᒋᑭ ᓂᑐᐱᔨᑐᐛᐅᒡ ᐊᓂᔭᔪᐛ ᒪᔭᑕᓂᓴ᙮ ᒥᒄ ᒪᒃ ᒋᑭ ᓴᑯᐃᑯᐅᒡ ᐊᓂᔭᔪᐛ ᒪᔭᑕᓂᓴ ᑭᔭ ᐊᓂᔭᔪᐛ ᑲ ᓇᓴᐅᑯᔨᒋ᙮ ᐛᔅ ᐎᔾ ᐊᓐ ᒪᔭᑕᓂᔅ ᒋᒋᐛ ᒋᔅᑕᔨᑕᑯᓱᐤ ᐊ ᑕᑎᓯᔨᒋ ᒥᓯᐛ ᐅᑎᐸᔨᒋᒐᐛ ᑭᔭ ᐎᔾ ᒋᒋᐛ ᓱᒐᔨᑕᑯᓱᐤ ᐊ ᑕᑎᓯᔨᒋ ᒥᓯᐛ ᒋᓴᐅᒋᒪᐛ᙮ ᐊᓂᔭᔪᐛ ᒪᒃ ᑲ ᓇᓴᐅᑯᑦ, ᐊᐅᑯᓂ ᐎᔾ ᐛᒋᒡ ᑲ ᑕᑈᑕᑦ ᑭᔭ ᑲ ᐅᑎᓇᑦ ᒐᒋ ᐅᑦ ᐃᔨᒥᑦ ᑭᔭ ᐊᐅᑯᓂ ᐊᓂᔭᔪᐛ ᑯᐃᔅᒄ ᑲ ᐃᑎᔨᒋ ᐊ ᓇᓴᐅᑯᑦ᙮”

ᒋᔅᒐᔨᑕᑯᑕᒐᐅᓐ 17:6

ᓂᒋ ᐛᐱᒪᐤ ᒪᒃ ᐊᓐ ᐃᔎᐤ ᐊ ᒥᔪᐧᑭᓱᑦ ᐊᒋ ᒥᓄᐛᑦ ᐅᒥᐧᑯᔪᐤ ᑲ ᑕᑈᑎᒥᔨᒋ ᑭᔭ ᐅᒥᐧᑯᔪᐤ ᐊᓂᔭᔪᐛ ᑲ ᓂᐸᐊᑭᓄᐃᑯᐱᓇᓂ ᐊ ᑕᑈᔭᔨᒪᔨᒋ ᒋᓴᓴ᙮ ᐃᔅᐱ ᒪᒃ ᑲ ᐛᐱᒥᒃ ᓇᔅᒡ ᓂᒋ ᒥᔅᑲᓯᓄᐛᐤ᙮

ᒋᔅᒐᔨᑕᑯᑕᒐᐅᓐ 18:20

ᒋᔨᐛᐤ ᒋᒋᒋᓯᑯᒡ ᐊ ᑕᔭᒄ, ᒥᔽᔨᑎᒧᒄ ᐊᒋ ᓂᓱᐅᓇᒋᑕᑭᓄᐅᒡ ᐊᓐ ᐅᑕᓇᐤ᙮ ᒋᔨᐛᐤ ᑲ ᑕᑈᑎᒪᒄ, ᑭᔭ ᒋᔨᐛᐤ ᐊᑈᔅᑕᓇᒡ, ᑭᔭ ᒋᔨᐛᐤ ᑲ ᐅᒋᔅᒋᐛᐃᒐᓱᐅᔭᒄ, ᒥᔽᔨᑎᒧᒄ᙮ ᐛᔅ ᒋᓴᒪᓂᑐᐤ ᒋ ᑎᐸᔅᑯᓇᐤ ᐊᓂᔭᔪᐛ ᐊᓐᑕ ᑲ ᑕᔨᒋ ᑕᓐ ᑲ ᐃᑐᑕᑕᑯᒡ᙮”

ᒋᔅᒐᔨᑕᑯᑕᒐᐅᓐ 19:10

ᓂᒋ ᐅᒋᒋᐧᑯᓂᐱᔪᐅᓐ ᒪᒃ ᒐᒋ ᐊᔭᒥᐊᔅᑐᐅᒃ ᐅ ᐊᓐᒋᓐ᙮ ᒥᒄ ᒪᒃ ᓂᒋ ᐃᑎᒄ, “ᐊᑲᐎᔾ ᐊᓐ ᐃᑎᔾ᙮ ᐛᔅ ᑭᔭ ᓂᔾ ᓂᑦ ᐊᑐᔅᑯᐛᐤ ᒋᓴᒪᓂᑐᐤ ᒧᔭᒻ ᒋᔾ ᑭᔭ ᒋᐧᑲᓂᓯᒡ ᐊ ᐃᑎᔭᒄ, ᒥᓯᐛ ᐊᓐᒡ ᑯᐃᔅᒄ ᑲ ᐃᓯ ᐛᐎᑕᒡ ᐊᓂᔭ ᑕᑈᐅᓂᔪᐤ ᒋᓴᓴ ᑲ ᐛᐸᑎᔨᐛᔨᒋ᙮ ᒋᓴᒪᓂᑐᐤ ᐊᐅᒄ ᐊᔭᒥᐊᔅᑐᐤ᙮” ᐛᔅ ᐊᓂᔭ ᑕᑈᐅᓂᔪᐤ ᒋᓴᔅ ᑲ ᐸᒋ ᐛᐸᑎᔨᐛᑦ, ᐊᐅᒄ ᐊᓂᔭ ᑲ ᓱᒐᔨᑕᑯᐃᑯᒡ ᐊᓐᒡ ᐅᒋᔅᒋᐛᐃᒐᓱᒡ ᑕᓐ ᑲ ᐃᓯ ᐃᔨᒥᒡ᙮

ᒋᔅᒐᔨᑕᑯᑕᒐᐅᓐ 19:19

ᐊᑯ ᒂ ᐛᐱᒥᒃ ᐊᓐ ᒥᒋ ᐊᐛᓯᔅ ᑭᔭ ᒥᓯᐛ ᒋᓴᐅᒋᒪᐅᒡ ᐅᑕ ᐊᔅᒋᒡ ᐊ ᒪᒧᐎᒡ ᒐᒋ ᓂᑐᐱᔨᑐᐛᒡ ᐊᓂᔭᔪᐛ ᐊᓐᑕ ᑲ ᐛᐱᓯᔨᒋ ᑲᐸᐃᑭᔎᐛ ᑲ ᑕᑎᐱᔨᒋ ᑭᔭ ᐊᓂᔭᔪᐛ ᓂᑐᐱᔪᐅ-ᐃᔨᒥᔪᐛ᙮

ᒋᔅᒐᔨᑕᑯᑕᒐᐅᓐ 20:4

ᐊᑯ ᒥᓐ ᑯᑎᒡ ᒐᒂᓐ ᒂ ᐛᐸᑎᔨᑯᔭᓐ᙮ ᒋᓴᐅᒋᒪᐤ ᑕᑎᐳᐛᑭᓇ ᓂᒋ ᐛᐸᑕᓐ᙮ ᒋ ᑕᐅᒡ ᒪᒃ ᐊᓐᒡ ᑲ ᐊᐱᒡ ᐊᓂᔭᔪᐛ ᒋᓴᐅᒋᒪᐤ ᑕᑎᐳᐛᑭᓇ᙮ ᒋ ᒥᔭᑭᓄᐎᒡ ᐅᒡ ᒐᒋ ᑎᐸᔅᑯᓂᒐᒡ᙮ ᐊᑯ ᒂ ᐛᐱᒥᒂᐤ ᐊᓐᒡ ᐊᒐᐧᑯᒡ ᑲ ᒋᒥᒂᐛᑭᓄᐛᑯᐱᓇ ᐊᓂᔭ ᐅᒋ ᐊᒋ ᑎᐸᒋᒪᒡ ᒋᓴᓴ ᑕᓐ ᑲ ᐃᑎᔨᒋ ᑭᔭ ᐊᒋ ᐛᐎᑎᒺᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮ ᓇᒪ ᐅᒋ ᐊᔭᒥᐊᔅᑐᐛᐛᑯᐱᓇ ᐎᔨᐛᐤ ᐊᓂᔭᔪᐛ ᒥᒋ ᐊᐛᓯᓴ ᒪᒃ ᐊᓂᔭᔪᐛ ᒥᓂᑐᐧᑲᓇ ᒧᔭᒻ ᐊᓐ ᒥᒋ ᐊᐛᓯᔅ ᐊ ᐃᓯᓇᑯᓯᑦ ᑲ ᐃᓯᐊᑭᓄᔨᒋ᙮ ᓇᒪ ᑭᔭ ᐅᒋ ᐊᔭᐛᐅᒡ ᐊᓂᔭ ᐅᒋᔅᒋᓄᐛᒋᒋᑭᓂᔪᐤ ᐅᔅᑲᑎᑯᐛᒡ ᒪᒃ ᐅᒥᔪᓄᐛᒡ᙮ ᑲᐤ ᒋ ᐱᒪᑎᓯᐅᒡ ᐅᒡ, ᐊᑯ ᑲ ᑕᑎᐱᒡ ᐊᓂᔭᔪᐛ ᒋᓴᐅᒋᒪᐤ ᑕᑎᐳᐛᑭᓇ᙮ ᒋ ᐎᒋ ᒋᓴᐅᒋᒪᐅᒪᐅᒡ ᒪᒃ ᒋᓴᓴ ᐸᐃᒂᐤ ᒐᓯᐱᔪᐛ ᐱᐳᓇ ᐃᔅᐱᔅ᙮

ᒋᔅᒐᔨᑕᑯᑕᒐᐅᓐ 22:14

ᑕᑈ ᒋᑭ ᓱᐛᔨᑕᑯᓱᐅᒡ ᐊᓐᒡ ᑲ ᐸᔭᒋᑕᒡ ᐅᑦ ᐊᐱᒋᑕᐅᓄᐛᐛ᙮ ᐊᐅᑯᓐᒡ ᐅᒡ ᒐ ᑕᑈᐅᒐᔨᑕᑯᓯᒡ ᒐᒋ ᐱᒐᒡ ᐊᓂᔭ ᐅᑕᓇᔪᐤ ᑭᔭ ᒐᒋ ᐅᑎᓂᒪᓱᒡ ᒥᓂᓴ ᐊᓐᑕ ᐅᒋ ᐊᓂᔭᔪᐛ ᒥᔅᑎᒂ ᐊᓐᑕ ᐛᒋ ᐊᔭᔨᒋ ᐊᐛᔪᐛ ᐱᒪᑎᓯᐅᓂᔪᐤ᙮

ᒋᔅᒐᔨᑕᑯᑕᒐᐅᓐ 6:9

ᐊᑯ ᐊᓐ ᒪᔭᑕᓂᔅ ᒂ ᓴᓇᐧᒃ ᒥᓐ ᑯᑎᒋᔪᐤ ᒋᔅᑕᐸᓱᐤ ᐱᓯᑯᐃᑭᓂᔪᐤ᙮ ᐊᐅᒄ ᐊᑯ ᐱᑕᑕᒡ ᑲ ᓴᓇᐧᒃ᙮ ᐃᔅᐱ ᒪᒃ ᑲ ᓴᓇᐧᒃ ᐊᓂᔭ ᒋᔅᑕᐸᓱᐤ ᐱᓯᑯᐃᑭᓂᔪᐤ ᐊᑯ ᒂ ᐛᐱᒥᒋ ᐅᑦ ᐊᒐᐧᑯᐛᐛ ᐊᓐᒡ ᑲ ᓂᐸᐊᑭᓄᐎᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᐊᒋ ᑕᑈᑎᒺᒡ ᑭᔭ ᐊᒋ ᐛᐎᑕᒡ ᑕᓐ ᐊ ᐃᓯ ᑕᑈᑕᒡ᙮ ᐊᓐᑕ ᐱᔅᑎᓂᒐᐤ ᒥᒋᓱᐛᑭᓇᑎᑯᒡ ᐊᓐᑕ ᑲᒋ ᒪᒥᒋᒪᑭᓄᔨᒋ ᒋᓴᒪᓂᑐᐛ, ᐊᓐᑕ ᒪᒃ ᓂᑕᒡ ᐊᑯᑕ ᒂ ᐛᐱᒥᒡ ᐅᑦ ᐊᒐᐧᑯᐛᐛ ᐅᒡ᙮