ᒋᔅᒐᔨᑕᑯᑕᒐᐅᓐ 12:15 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁵ ᐊᑯ ᐊᓐ ᒥᔅᑎ ᒥᓐᑐᔅ ᒂ ᓴᓇᐧᒃ ᐅᑐᓐ᙮ ᓂᐱᔪᐤ ᑲ ᐅᒋᒍᐅᓂᔨᒡ ᐊᓐᑕ ᐅᑐᓂᒡ ᐅᒡ ᒧᔭᒻ ᓯᐱᔭ ᐊ ᐃᑕᒍᓂᔨᒋ᙮ ᐊᐅᒄ ᐅᔭ ᐊ ᐎ ᐛᐸᐳᔭᑦ ᐊᓂᔭᔪᐛ ᐃᔎᐛ ᐊᓂᔭ ᐊ ᐃᓯ ᐛᔪᑕᒍᓂᔨᒡ ᓂᐱᔪᐤ ᐅᒡ᙮

ᒋᔅᒐᔨᑕᑯᑕᒐᐅᓐ 12:15 Iomraidhean Croise

ᒐᓂᓯᔅ 3:1

ᐊᑎᓯᑦ ᒥᓯᐛ ᐊᐛᓯᔅ ᒋᓴᒪᓂᑐᐤ ᑲ ᐅᓯᐊᑦ, ᒋᓇᐱᒄ ᒥᒄ ᒋ ᐅᒋ ᑭᔅᒋᑕᐤ ᐊ ᐎᔭᓯᒪᑦ ᐊᐛᔪᐛ, ᐃᔅᐱᔅ ᑯᑎᒂ ᐊᐛᓯᓴ, ᐸᐃᒂᐤ ᒋ ᓇᑕᐤ ᐃᔎᐛ ᐊᑯ ᐊᑕᑦ, “ᑕᑈ ᐊ ᒋ ᐃᔅᒋᔄᐤ ᒋᓴᒪᓂᑐᐤ ᒐ ᐊᑲ ᒋ ᒥᒋᔭᒄ ᒥᓂᓴ ᒥᔅᑎᑯᒡ ᐅᒡ ᐅᑕ ᓂᑕᐅᒋᑕᑭᓂᒡ ?”

ᑎᐱᑦ ᐅᓂᑭᒧᐅᓇ 18:4

ᐊ ᐃᓯ ᐊᔨᒥᐃᐛᒡ ᓂᐳᐅᓂᒡ ᓂᒋ ᐛᔅᑲᔅᑲᑯᓐ, ᑭᔭ ᑲ ᒥᒐᑎᒡ ᐊᑲ ᒥᔽᔨᑕᑯᓯᒡ ᐃᔪᒡ ᓂᒋ ᓴᒋᐃᑯᒡ᙮

ᑎᐱᑦ ᐅᓂᑭᒧᐅᓇ 65:7

ᑲ ᒋᐱᑐᐛᒥᑲᑕᑦ ᐎᓂᐸᑯᔪᐤ, ᐊ ᒪᑥᔭᓂᔨᒡ, ᑭᔭ ᐊ ᒋᑕᔎᑯᓯᔨᒋ ᐃᔪᐛ᙮

2 ᑯᕆᓐᑎᔭᓇ 11:3

ᓂ ᑯᔅᐱᓇᑕᔨᑕᓐ ᒐᒋ ᐎᔭᓯᐃᑯᐅᔭᒄ, ᒧᔭᒻ ᑕᓐ ᑲ ᐃᓯ ᐎᔭᓯᐃᑯᑦ ᐃᑉ ᒋᓇᐱᒂ ᐊᒋ ᑭᑭᒋᔭᒥᑯᑦ, ᓂ ᑯᔅᐱᓇᑕᔨᑕᓐ ᒐᒃ ᒐ ᐊᑲ ᒋ ᐃᑕᔨᒪᒄ ᙭ ᑕᓐ ᐊ ᐃᑕᔨᒪᒄ ᐊᓄᒡ, ᓇᔅᒡ ᒋ ᐊᑎ ᐃᓯ ᓇᓴᐛᐛᐤ ᑭᔭ ᒥᒄ ᐎᔾ ᒋ ᓂᓇᑭᑐᐛᔨᒪᐛᐤ᙮

ᒋᔅᒐᔨᑕᑯᑕᒐᐅᓐ 12:16

ᐊᔅᒋᔾ ᒪᒃ ᒋ ᐎᒋᐊᐤ ᐊᓂᔭ ᐃᔎᐛ᙮ ᒋ ᑕᐅᑎᒥᑭᓐ ᐊᔅᒋᔾ, ᐊᑯ ᒂ ᐊᑯᒋᐱᔨᑕᒥᑲᒡ ᐊᓐ ᓂᐱᔾ ᒥᔅᑎ ᒥᓐᑐᔅ ᑲ ᐊᐳᐧᑯᑕᑕᐧᒃ᙮

ᒋᔅᒐᔨᑕᑯᑕᒐᐅᓐ 12:9

ᐊᑯ ᒂ ᓂᒋᐛᐱᓇᑭᓄᐅᑦ ᐊᓐ ᒥᔅᑎ ᒥᓐᑐᔅ ᒋᒋᒋᓯᑯᒡ ᐅᒡ᙮ ᐊᐅᒄ ᒪᒃ ᐊᓐ ᒋᓇᐱᒄ ᐛᔅᑭᒡ ᐊᓐᑕ ᑲ ᑕᑦ, ᒥᒋᒥᓂᑐᐤ ᒪᒃ ᓴᑎᓐ ᑲ ᐃᓯᓂᐧᑲᑕᑭᓄᐅᑦ᙮ ᐊᐅᒄ ᐅ ᑲᒋ ᐎᔭᓯᐊᑦ ᒥᓯᐛ ᐊᐛᔪᐛ ᐅᑕ ᐊᔅᒋᒡ᙮ ᐊᓐᑕ ᒪᒃ ᐊᔅᒋᒡ ᒋ ᐃᓯ ᐛᐱᓇᑭᓄᐤ ᑭᔭ ᒥᓯᐛ ᐊᓂᔭ ᐅᑦ ᐊᓐᒋᓂᒪ᙮

ᒋᔅᒐᔨᑕᑯᑕᒐᐅᓐ 17:15

ᐊᑯ ᒂ ᐃᓯᑦ ᐊᓐ ᐊᓐᒋᓐ, “ᐊᓂᔭᔪᐛ ᓯᐱᔭ ᑲ ᐛᐸᑎᒥᓐ ᐊᓐᑕ ᑲ ᐊᐱᑦ ᐊᓐ ᐃᔎᐤ, ᐃᔪᒡ ᐛᔅ ᐊᓐ ᐊᓐᒡ, ᐊ ᒥᒐᑎᒡ ᐊᐛᓐᒋ, ᓂᓇᐧᑯᐤ ᐊ ᐃᑎᔅᑲᓇᓯᒡ, ᑭᔭ ᓂᓇᐧᑯᐤ ᐊ ᐃᓯ ᐃᔨᒥᒡ᙮

ᒋᔅᒐᔨᑕᑯᑕᒐᐅᓐ 20:2

ᐊᑯ ᒂ ᒪᑯᓇᑦ ᐊᓂᔭᔪᐛ ᒥᔅᑎ ᒥᓐᑐᓴ᙮ ᐊᐅᒄ ᐅ ᒋᓴ ᒋᓇᐱᒄ ᒥᒋᒥᓂᑐᐤ ᑭᔭ ᓴᑎᓐ ᑲ ᐃᓯᓂᐧᑲᓱᑦ᙮ ᐊᑯ ᐊᓐ ᐊᓐᒋᓐ ᒂ ᒪᑯᐱᑕᑦ ᐊᓂᔭᔪᐛ ᒥᔅᑎ ᒥᓐᑐᓴ᙮ ᐸᐃᒂᐤ ᒐᓯᐱᔪᐛ ᐱᐳᓇ ᒪᒃ ᒋᑭ ᐃᔅᐱᔅ ᒪᑯᐱᓱᔪᐛ᙮