ᒋᔅᒐᔨᑕᑯᑕᒐᐅᓐ 12:10 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁰ ᐊᑯ ᒪᒃ ᑲ ᐸᑐᐅᒃ ᐊᐛᓐ ᐊ ᒋᔄᐛᑦ ᐊᓐᑕ ᒋᒋᒋᓯᑯᒡ ᐊ ᐃᔨᒥᑦ᙮ ᒋ ᐃᔅᒋᔄᐤ, “ᐊᑯ ᒪᒃ ᐎᔭᐸᑎᒪᒡ ᒋᓴᒪᓂᑐᐤ ᒐ ᐱᒪᒋᐊᑦ ᐅᑦ ᐃᔨᒪ᙮ ᒋ ᐛᐸᑎᔨᐛᐤ ᑕᓐ ᐊᔅᐱᔅ ᓱᒐᔨᑕᑯᓯᑦ ᒐᒋ ᒋᓴᐅᒋᒪᐅᑦ ᑭᔭ ᓂ ᐛᐸᑎᒺᓇᓐ ᑕᓐ ᐊ ᐃᓯ ᑎᑯᓂᔨᒡ ᒐᒋ ᑎᐸᔨᒋᒐᔨᒋ ᐊᓂᔭᔪᐛ ᙭ᑕ ᑲ ᐸᒋ ᐃᑎᓴᐛᑦ᙮ ᐛᔅ ᐊᓐ ᐊ ᒋᓯᑲᔨᒡ ᑭᔭ ᐊ ᑎᐱᔅᑲᔨᒡ ᒧᔅ ᑲ ᒪᒥᓯᒪᑦ ᒋᓴᒪᓂᑐᐛ ᐅᑦ ᐃᔨᒥᔪᐛ ᐅᑎᔅᑯᐤ ᒋᓴᒪᓂᑐᐛ ᐊ ᑕᔨᒋ ᓴᔅ ᒋ ᓂᒋᐛᐱᓇᑭᓄᐤ᙮

ᒋᔅᒐᔨᑕᑯᑕᒐᐅᓐ 12:10 Iomraidhean Croise

ᑎᐱᑦ ᐅᓂᑭᒧᐅᓇ 22:28

ᐛᔅ ᐅᒋᒪᐅᓂᔪᐤ ᑎᐸᔨᒋᒐᓱᐤ ᑎᐱᔨᐛᐅᓯᐤ: ᐎᔾ ᒪᒃ ᑎᐸᔨᒪᐤ ᒥᓯᐛ ᑲ ᑕᑐᔅᑲᓇᓯᔨᒋ ᐃᔪᐛ᙮

ᑎᐱᑦ ᐅᓂᑭᒧᐅᓇ 45:6

ᒋᒋᓴᐅᒋᒪᐤ ᑕᑎᐳᐛᑭᓐ, ᐅ ᒋᓴᒪᓂᑐᐤ, ᑲᒋᒡ ᑭᔭ ᑲᒋᒡ ᑎᒂᓐ: ᒋᒋᓴᐅᒋᒪᐛᑎᑯᒻ ᑯᐃᔅᒄ ᒋᓴᐅᒋᒪᐛᑎᒄ᙮

ᒪᑎᔪᐤ 26:64

ᒋᓴᔅ ᒋ ᐃᑕᐤ, “ᐊᐅᑯᓐ ᐊ ᐃᔅᒋᔄᔨᓐ᙮ ᒥᒄ ᒪᒃ ᒋ ᐎᑎᒪᑎᓇᐛᐤ ᒋᑭ ᐛᐱᒪᐛᐤ ᐃᔪᐤ ᐅᑯᓯᓴᓐ ᐊ ᐊᐱᑦ ᐊᓐᑕ ᑲ ᓱᐧᑲᑎᓯᔨᒋ ᐅᒥᔪᓂᔨᒡ ᐃᑕᒐ ᐊ ᑕᔨᒋ᙮ ᑭᔭ ᒋᑭ ᐛᐱᒪᐛᐤ ᐸᒋ ᑎᑯᓯᓂᒐ ᒋᒋᒋᓯᒄ ᑭᔅᑯᐅᓂᔅᑯᒡ ᐊ ᐅᒋ ᓄᑯᓯᑦ᙮”

ᒪᑎᔪᐤ 28:18

ᐊᑯ ᒂ ᓇᑎᑯᒡ ᒋᓴᓴ ᒂ ᐃᑎᑯᒡ, “ᓂᒋ ᒥᔨᑯᐅᓐ ᓂᔾ ᓇᔅᒡ ᒐᒋ ᐅᒋᒪᐧᑲᑎᒪᓐ ᒋᒋᒋᓯᒄ ᑭᔭ ᐊᔅᒋᔾ᙮

ᒪᑎᔪᐤ 6:10

ᒋᒋᓴᐅᒋᒪᐅᓐ ᒋᑭ ᐎ ᐅᑎᒋᐱᔪᐤ, ᒋᑦ ᐃᑕᔨᑎᒧᐅᓐ ᒋᑭ ᐎ ᐃᑐᑕᑭᓄᐤ ᐅᑕ ᐊᔅᒋᒡ ᒧᔭᒻ ᒋᒋᒋᓯᑯᒡ᙮

ᓗᒃ 11:2

ᒋᓴᔅ ᒋ ᐃᑕᐤ, “ᒪᐅ ᒐ ᐃᓯ ᐊᔭᒥᐊᔭᒄ, ‘ᓄᑕᐎᓇᓐ, ᒋᒋᒋᓯᑯᒡ ᐊ ᑕᔨᓐ, ᓂᑦ ᐊᔭᒥᐊᓇᓐ ᒋᑦ ᐃᓯᓂᐧᑲᓱᐅᓐ ᐊ ᐸᔭᒋᓯᒥᑲᒡ ᒐᒋ ᒋᔅᑕᔨᑕᑯᑕᑭᓄᐅᒡ᙮ ᒋᒋᓴᐅᒋᒪᐅᓐ ᒋᑭ ᐎ ᐅᑎᒋᐱᔪᐤ᙮ ᒋᑦ ᐃᑕᔨᑎᒧᐅᓐ ᒋᑭ ᐎ ᐃᑐᑕᑭᓄᐤ ᐅᑕ ᐊᔅᒋᒡ, ᒧᔭᒻ ᒋᒋᒋᓯᑯᒡ᙮

ᓗᒃ 22:31

ᐊᑯ ᒪᒃ ᒋᓴᔅ ᑲ ᒂᔅᒋᑲᐳᔅᑐᐛᑦ ᓴᐃᒥᓐ ᐱᑕᕋ ᒂ ᐃᑕᑦ, “ᓴᐃᒥᓐ, ᓴᐃᒥᓐ, ᒥᒋᒥᓂᑐᐤ ᓇᔅᒡ ᒋ ᐎ ᑎᐸᔨᒧᒄ᙮ ᒋ ᑯᒂᑕᔨᒧᐤ ᒐᒋ ᑯᒂᒋᐃᔅᒃ ᒧᔭᒻ ᐊ ᓴᐳᐱᔨᐃᔅᒃ ᒐᒋ ᐃᑐᑕᔅᒃ᙮ ᒋ ᐎ ᐃᑐᑕᒄ ᑕᐱᔅᑯᓐ ᑲᒋ ᐃᑐᑐᐛᑦ ᑲᓂᑕᐅᒐᐊᔨᒋ ᐸᒂᓯᑭᓇ ᐊ ᓴᐳᐱᔨᐊᑦ᙮

1 ᑯᕆᓐᑎᔭᓇ 5:4

ᐅᑎᐸᔨᒋᒐᐤ ᒋᓴᔅ ᐊᒋ ᐸᒋ ᒥᔨᑦ ᒐᒋ ᐃᓯ ᐎᔭᔨᑎᒧᒡ᙮ ᒪᒧᐎᔭᒂ ᒐ ᐊᔭᒥᐊᔭᒄ, ᒧᔭᒻ ᐊᓐᑕ ᐊ ᑕᔭᒄ ᐊ ᑕᔭᓐ ᒋᑭ ᐃᑕᔨᑕᑯᓐ ᑭᔭ ᐅᑎᐸᔨᒋᒐᐤ ᒋᓴᔅ ᐅᓱᐧᑲᑎᓯᐅᓐ ᒋᑭ ᑎᑯᓂᔪᐤ᙮

2 ᑯᕆᓐᑎᔭᓇ 12:9

ᐊᑯ ᒂ ᐸᒋ ᐃᓯᑦ, “ᓂᒋᓴᐛᑎᓯᐅᓐ ᒥᒄ ᒋ ᓂᑐᐛᔨᑕᓐ ᐛᔅ ᐊᓐᑕ ᒪᒂᒡ ᐊᑲ ᓴᐱᓯᔨᓐ ᐊᑯᑕ ᒪᐅᒡ ᐊ ᓱᒐᔨᑕᒂᒡ ᓂᓱᐧᑲᑎᓯᐅᓐ᙮” ᐊᐅᒄ ᐅᔭ ᑲ ᐃᓯᑦ᙮ ᐊᑯ ᒪᒃ ᒧᔅ ᐸᒋ ᒥᔨᒐ ᙭ ᐅᔭ ᓱᐧᑲᑎᓯᐅᓂᔪᐤ, ᑭᑈ ᒐ ᒥᔽᔨᑎᒪᓐ ᐊ ᐎᑎᒪᓐ ᑕᓐ ᐊᔅᐱᔅ ᐊᑲ ᓴᐱᓯᔭᓐ᙮

ᑕᐃᑕᔅ 2:3

ᑭᔭ ᐎᑎᒧᐅᒡ ᒋᓴᐃᔎᓯᒡ ᐅᐱᒪᑎᓯᐅᓄᐛᒡ ᒋᐸ ᓄᑯᓂᔪᐤ ᒋᓴᒪᓂᑐᐛ ᐊ ᐱᒪᑎᓯᔅᑐᐛᒡ᙮ ᓇᒪ ᒋᐸ ᐅᒋ ᐱᐸᒪᒋᒪᐅᒡ ᐊᐛᔪᐛ ᒐᒋ ᒥᒐᒋᒪᒡ, ᓇᒪ ᑭᔭ ᒋᐸ ᐅᒋ ᐎᒋᐸᐅᒡ,

1 ᐱᑕᕐ 5:8

ᒧᔅ ᐃᔭᒂᒥᔅᑐᐛᐧᒄ ᒥᒋᒥᓂᑐᐤ, ᐊᓐ ᒧᔅ ᑲ ᐎ ᓇᓂᑐ ᒥᒋᐱᔨᑕᒄ, ᐛᔅ ᒧᔭᒻ ᒥᓯᐱᓱᐤ ᒧᔅ ᑲ ᐱᐸᒧᑕᑦ ᐊ ᐱᐸᓇᒧᑦ ᐊ ᓇᓂᑐᐤ ᒥᒋᓱᑦ ᐊᐅᑯᓐ ᐊ ᐃᓯᓇᑯᓯᑦ᙮ ᒥᒋᒥᓂᑐᐤ ᒧᔅ ᓇᓂᑐᐛᔨᒪᐤ ᐊᐛᔪᐛ ᒐᒋ ᓂᓱᐅᓇᒋᐊᑦ᙮

ᒋᔅᒐᔨᑕᑯᑕᒐᐅᓐ 11:15

ᐊᑯ ᒥᓐ ᑯᑎᒃ ᐊᓐᒋᓐ ᒂ ᐳᑕᑕᐧᒃ ᐅᐳᑕᒋᑭᓐ᙮ ᐊᐅᒄ ᐅ ᓂᔄᐅᑕᒡ ᐊ ᑕᑦ ᐊᓐᒋᓐ᙮ ᓂᒋ ᐸᑐᐛᐅᒡ ᒪᒃ ᐊᐛᓐᒋ ᐊ ᒋᔄᐛᒡ, ᐊᓐᑕ ᒋᒋᒋᓯᑯᒡ ᐊ ᐃᔨᒥᒡ ᐊ ᐃᔅᒋᔄᒡ, “ᐊᐅᑯᐤ ᐛᑎᓂᒪᓱᑦ ᒋᑎᐸᔨᒋᒐᓯᒥᓄᐤ ᑭᔭ ᐊᓂᔭᔪᐛ ᑲ ᐸᒋ ᐃᑎᓴᐛᑦ ᒐᒋ ᐅᒋᒪᐅᔨᒋ ᐅᑕ ᐊᔅᒋᒡ᙮ ᐎᔾ ᒪᒃ ᐅᑎᐸᔨᒋᒐᐤ ᒋᑭ ᐅᒋᒪᐤ ᑲᒋᒡ ᑭᔭ ᑲᒋᒡ᙮”

ᒋᔅᒐᔨᑕᑯᑕᒐᐅᓐ 2:26

ᐊᓐᒡ ᒐ ᓴᐧᑯᒋᑕᐛᒂ ᑕᓐ ᒐ ᐃᓯ ᑯᒂᒋᐃᑯᒡ ᒥᒋ ᒐᒂᔪᐤ ᑭᔭ ᒐ ᐊᑲ ᓂᑕ ᐳᓂᐛᒂ ᐊ ᐃᑐᑕᒡ ᓂᔾ ᐊ ᐃᓯ ᓂᑐᐛᔨᒥᒂᐤ ᒐᒋ ᐃᑎᒡ ᒐ ᐃᔅᐱᔅ ᐊᑲ ᑎᑯᓯᓄᒡ, ᓂᑭ ᒥᔭᐅᒡ ᒐᒋ ᐅᒋᒪᐅᑐᑐᐛᒡ ᓂᓇᐧᑯᐤ ᐊ ᐃᑎᔅᑲᓇᓯᔨᒋ ᐊᐛᔪᐛ᙮

ᒋᔅᒐᔨᑕᑯᑕᒐᐅᓐ 7:10

ᒋ ᐃᑕᐅᒡ ᒪᒃ ᐊ ᒋᔄᐛᒡ, “ᒋᓴᒪᓂᑐᐤ ᐊᓐ ᑲ ᐊᐱᑦ ᒋᓴᐅᒋᒪᐤ ᑕᑎᐳᐛᑭᓂᒡ ᑭᔭ ᐊᓐ ᒪᔭᑕᓂᔅ, ᐊᑯᑕ ᐛᒋᐱᔨᒡ ᐱᒪᒋᐃᐛᐅᓐ᙮”