ᒋᔅᒐᔨᑕᑯᑕᒐᐅᓐ 11:6 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁶ ᒪᒂᒡ ᒪᒃ ᐊᓂᔭ ᒐ ᐃᔅᐱᔅ ᒋᔅᒋᐛᐃᒐᒡ, ᒋᑭ ᐊᔭᐅᒡ ᑎᐸᔨᒋᒐᐅᓂᔪᐤ ᒐᒋ ᐃᑐᑕᒡ ᒐ ᐊᑲ ᒋ ᒋᒧᓂᔨᒡ᙮ ᒋᑭ ᒥᔭᑭᓄᐎᒡ ᑭᔭ ᒥᓯᐛ ᐊ ᐃᓯ ᑎᑯᓂᔨᒡ ᓂᐱᔪᐤ ᒐᒋ ᑎᐸᔨᑕᒡ ᑭᔭ ᒐ ᐃᑐᑕᒡ ᐊᓂᔭ ᓂᐱᔪᐤ ᒥᐧᑯᒡ ᒐᒋ ᐃᓯᓇᑯᓂᔨᒡ᙮ ᒥᒄ ᐛ ᐃᔅᐱᔅ ᐃᑐᑕᒡ ᒋᑭ ᒋ ᐃᑐᑎᒧᒡ ᓂᓇᐧᑯᐤ ᐃᑕᔅᐱᓇᐅᓂᔪᐤ ᒐᒋ ᑎᑯᓂᔨᒡ ᐊᔅᒋᒡ᙮

ᒋᔅᒐᔨᑕᑯᑕᒐᐅᓐ 11:6 Iomraidhean Croise

ᓗᒃ 4:25

ᓂᑐᑎᒧᒄ ᒪ᙮ ᑕᑈᒥᑭᓐ ᐅ ᒐ ᐃᓯ ᐎᑎᒪᑎᑯᒡ᙮ ᒪᒂᒡ ᐊᓂᔭ ᐃᓚᐃᒐ ᑲ ᐱᒪᑎᓯᑦ ᒋ ᐱᒥᐱᔪᐤ ᐊ ᑯᐅᐧᑭᑕᓄᐅᒡ ᐊᓐᑕ ᐃᔅᕋᐃᓪ ᐊᔅᒋᒡ ᐊᑲ ᐅᒋ ᒋᒺᒡ ᓂᔅᑐᐳᓇ ᒪᒃ ᐳᔅᒄ ᐃᔅᐱᔅ᙮ ᒋ ᑕᐅᒡ ᒪᒃ ᐊᓐᑕ ᒥᒐᑦ ᐃᔎᐅᒡ ᐊ ᐸᐃᑯᓯᒡ᙮ ᓇᒪ ᒪᒃ ᐅᒋ ᐃᑎᓴᐛᑭᓄᐤ ᐃᓚᐃᒐ ᐛᐛᒡ ᐸᐃᒄ ᒐᒋ ᓂᑐᐛᐱᒪᑦ ᐅᔭ ᐃᔎᐛ ᒐᒋ ᐎᒋᐊᑦ᙮

ᒋᔅᒐᔨᑕᑯᑕᒐᐅᓐ 11:3

ᒪᒂᒡ ᒪᒃ ᐊᓂᔭᔪᐛ ᐊ ᒋᓯᑲᒋ, ᓂᑭ ᐃᑎᓴᐛᐅᒡ ᓂᓱ ᐊᐛᓐᒋ ᒐ ᐅᑦ ᐊᐱᒋᐊᑭᓂᔭᓐ ᒐᒋ ᒋᔅᒋᐛᐃᒐᒡ᙮ ᑲᐛᑭᓐ ᐱᒍᐎᔭᓂᓯᔪᐤ ᐊ ᒋᔅᑲᒡ᙮ ᐸᐃᒂᐤ ᒐᓯᐱᔪᐤ ᐊᓱ ᓂᓱ ᒥᑕᓯᒥᑎᓄᐤ ᐊᓱ ᐊᓱᑕᒡ ᑕᑐᔪᐛ ᒋᓯᑲᐛ ᐊᐅᑯᓐ ᒐ ᐃᔅᐱᔅ ᐛᐎᑕᒡ ᑕᓐ ᒐ ᐃᔅᐱᔅ ᒥᔨᒂᐤ ᒐᒋ ᐃᓯ ᐊᔨᒧᑕᒡ᙮ ᐊᐅᑯᓐ ᐊ ᑕᑎᒋ ᐊ ᒋᓯᑲᔨᒋ ᓇᐎᔪᐤ ᐊᓱ ᓂᓱ ᐱᓯᒺ᙮

ᒋᔅᒐᔨᑕᑯᑕᒐᐅᓐ 16:3

ᐊᑯ ᒥᓐ ᑯᑎᒃ ᐊᓐᒋᓐ ᒂ ᑯᑎᐱᓇᐧᒃ ᐅᐎᔭᑭᓐ᙮ ᐊᓐᑕ ᐎᓂᐸᑯᒡ ᐊᑯᑕ ᑲ ᐃᓯ ᑯᑎᐱᓇᐧᒃ᙮ ᐊᑯ ᐊᓐ ᓂᐱᔾ ᑲ ᐊᑎ ᓱᐎᐧᑲᑭᒥᒡ ᒧᔭᒻ ᐅᒥᐧᒄ ᐊᐛᓐ ᐊ ᓂᐱᑦ ᐊᑯᓐ ᑲ ᐃᓯᓇᒂᒡ᙮ ᒥᓯᐛ ᒪᒃ ᒐᒂᓐ ᐊᓐᑕ ᐎᓂᐸᑯᒡ ᑲ ᑎᒂᒡ ᒋ ᓂᐱᒥᑭᓐ᙮

ᒋᔅᒐᔨᑕᑯᑕᒐᐅᓐ 16:4

ᐊᑯ ᐊᓐ ᓂᔅᑐ ᐊ ᑕᑦ ᐊᓐᒋᓐ ᒂ ᑯᑎᐱᓇᐧᒃ ᐅᐎᔭᑭᓐ ᐊᓐᑕ ᐊ ᑎᑯᓂᔨᒋ ᓯᐱᔭ ᑭᔭ ᐊᓐᑕ ᐛᒋ ᒧᔅᒋᒍᐅᓂᔨᒡ ᓂᐱᔪᐤ᙮ ᒥᓯᐛ ᒪᒃ ᒋ ᐊᑎ ᓱᐎᐧᑲᑭᒥᔪᐤ ᐊᓂᔭ ᓂᐱᔪᐤ᙮

ᒋᔅᒐᔨᑕᑯᑕᒐᐅᓐ 8:8

ᐊᑯ ᒥᓐ ᑯᑎᒃ ᐊᓐᒋᓐ ᒂ ᐳᑕᑕᐧᒃ ᐅᐳᑕᒋᑭᓐ᙮ ᒧᔭᒻ ᒥᔅᑎ ᐱᔅᑯᑎᓇᐤ ᐊ ᐃᔅᑯᑕᐅᒡ ᒋ ᐃᓯᓇᑯᓐ ᒐᒂᓐ ᐎᓂᐸᑯᒡ ᐊ ᐃᓯ ᐛᐱᓇᑭᓄᐅᒡ᙮ ᒐᑲᑦ ᒪᒃ ᐊᐱᑐᐤ ᐊᓐ ᐎᓂᐸᒄ ᒋ ᐊᑎ ᓱᐎᐧᑲᐤ᙮