ᒋᔅᒐᔨᑕᑯᑕᒐᐅᓐ 11:3 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³ ᒪᒂᒡ ᒪᒃ ᐊᓂᔭᔪᐛ ᐊ ᒋᓯᑲᒋ, ᓂᑭ ᐃᑎᓴᐛᐅᒡ ᓂᓱ ᐊᐛᓐᒋ ᒐ ᐅᑦ ᐊᐱᒋᐊᑭᓂᔭᓐ ᒐᒋ ᒋᔅᒋᐛᐃᒐᒡ᙮ ᑲᐛᑭᓐ ᐱᒍᐎᔭᓂᓯᔪᐤ ᐊ ᒋᔅᑲᒡ᙮ ᐸᐃᒂᐤ ᒐᓯᐱᔪᐤ ᐊᓱ ᓂᓱ ᒥᑕᓯᒥᑎᓄᐤ ᐊᓱ ᐊᓱᑕᒡ ᑕᑐᔪᐛ ᒋᓯᑲᐛ ᐊᐅᑯᓐ ᒐ ᐃᔅᐱᔅ ᐛᐎᑕᒡ ᑕᓐ ᒐ ᐃᔅᐱᔅ ᒥᔨᒂᐤ ᒐᒋ ᐃᓯ ᐊᔨᒧᑕᒡ᙮ ᐊᐅᑯᓐ ᐊ ᑕᑎᒋ ᐊ ᒋᓯᑲᔨᒋ ᓇᐎᔪᐤ ᐊᓱ ᓂᓱ ᐱᓯᒺ᙮

ᒋᔅᒐᔨᑕᑯᑕᒐᐅᓐ 11:3 Iomraidhean Croise

ᒐᓂᓯᔅ 37:34

ᒋ ᐱᑯᐱᑎᒻ ᐅᑦ ᐊᐱᒋᑕᐅᓇ ᐊᑯᐸᑕᔨᑕᐧᒃ᙮ ᒂ ᐳᔅᑯᐛᑦ ᐊ ᐎᐱᓯᔨᒋ ᒥᔅᑐᓱᔭᓇ ᐊᓂᔭ ᑈᔅᑯᐛᒡ ᐃᔪᒡ ᐳᓂᐱᒪᑎᓯᔨᒋ ᐊᐛᔪᐛ᙮ ᓇᒪ ᐅᒋ ᐳᓂᔪᐤ ᐊ ᓇᐧᑲᑕᔨᑕᐧᒃ ᐛᔅ ᑲ ᐃᓯᓇᑯᓯᔨᒋ ᒍᓯᐸ᙮

ᑎᐱᑦ ᐅᓂᑭᒧᐅᓇ 69:11

ᓂᒋ ᑐᑕᓐ ᓱᒐᒋᓐ; ᓂᒋ ᐊᑕᔪᐧᑲᓂᐎᒂᒡ ᒪᒃ᙮

ᒪᑎᔪᐤ 11:21

“ᒋᔨᐛᐤ ᑲ ᑕᔭᒄ ᐊᓐᑕ ᐅᑕᓇᒡ ᑯᕋᓯᓐ ᑲ ᐃᓯᓂᐧᑲᑕᒡ ᐊᔪᐛᒡ ᒋᑭ ᒥᒋᐱᔨᓇᐛᐤ, ᑭᔭ ᒋᔨᐛᐤ ᐸᑦᓴᐃᑕ ᑲ ᑕᔭᒄ ᐊᐅᑯᓐ ᒧᔭᒻ ᒐ ᐃᓯ ᒥᒋᐱᔭᒄ ᑭᔭ ᒋᔨᐛᐤ᙮ ᐛᔅ ᐊᓂᔭ ᒪᒥᔅᑲᒡ ᒐᒂᔪᐛ ᑲ ᐃᓯ ᐃᑐᑎᒪᑯᐅᔭᒄ ᒋ ᐃᑐᑕᑭᓄᐎᒂᓂ ᐊᓐᑕ ᐛᔅᑭᒡ ᑕᐃᕋ ᑭᔭ ᓴᐃᑐᓐ ᑲ ᐃᓯᓂᐧᑲᑕᒋ ᐅᑕᓇᐛ, ᓴᔅ ᐛᔅᑭᒡ ᒋᐸ ᒂᔅᑲᑎᓱᐅᒡ ᐎᔨᐛᐤ ᐊᓐᒡ ᐃᔪᒡ᙮ ᐊᑯ ᒪᒃ ᐊ ᐎ ᓄᑯᑕᒡ ᐊᔅᐱᔅ ᒥᑕᒋᔨᐛᓯᒡ ᐅᒥᒋᑥᐅᓄᐛᐛ ᒋᐸ ᐱᔎᔭᑭᐳᐅᒡ ᐊ ᑲᐛᑭᓂᔨᒋ ᐊᐱᒋᑕᐅᓇ, ᐊᓐᑕ ᒪᒃ ᐃᔎᔅᒐᒡ ᒋᐸ ᐊᐳᐅᒡ᙮

ᒪᑎᔪᐤ 18:16

ᐊᑲ ᒪᒃ ᓂᑐᑕᔅᒐ ᐊᑯ ᒥᓐ ᑯᑎᒃ ᐊᐛᓐ ᑭᔭ ᒪᒃ ᓂᓱ ᐊᐛᓐᒋ ᒐ ᐎᓴᒥᑥᐤ ᒐᒋ ᐎᒐᐅᔅᒡ ᒐᒋ ᐸᑕᔅᒡ ᑕᓐ ᐊ ᐃᓯ ᐃᔨᒥᐃᒥᑎ, ᐊᑯ ᑭᔭ ᐎᔨᐛᐤ ᒐᒋ ᐃᔨᒪᐊᒡ᙮ ᐛᔅ ᒥᓯᐛ ᑕᓐ ᐊᑎᔅᑕᒡ ᐊᓐᑕ ᒥᓯᓇᐃᑭᓂᒡ ᒥᓯᐛ ᒐᒂᓐ ᐊᑯᓐ ᒐ ᐃᓯᓇᒂᒡ ᑕᓐ ᐊᓂᔭ ᑲ ᐃᔅᒋᔄᒡ ᐊᓐᒡ ᓂᓱ ᑭᔭ ᒪᒃ ᓂᔅᑐ ᑲ ᐎᓴᒪᑭᓄᐎᒡ ᒐᒋ ᓂᑐᑐᐛᒡ᙮

ᓗᒃ 10:13

ᐊᑯ ᒋᓴᔅ ᒂ ᐃᔅᒋᔄᑦ, “ᒋᔨᐛᐤ ᐊ ᑕᔭᒄ ᐊᓐᑕ ᐅᑕᓇᒡ ᑯᕋᓯᓐ ᑲ ᐃᓯᓂᐧᑲᑕᒡ ᐊᔪᐛᒃ ᒋᑭ ᒥᒋᐱᔨᓇᐛᐤ, ᑭᔭ ᐊᓐᑕ ᐸᑦᓴᐃᑕᒡ ᐊ ᑕᒡ ᐊᐅᑯᓐ ᒧᔭᒻ ᒐ ᐃᔅᐱᔨᒡ᙮ ᐛᔅ ᐊᓂᔭᔪᐛ ᒪᒥᔅᑲᒡ ᒐᒂᔪᐤ ᑲ ᐃᑐᑎᒪᑯᐅᔭᒄ ᒋ ᐃᑐᑕᑭᓄᐛᑯᐱᓇᓂ ᐊᓐᑕ ᐛᔅᑭᒡ ᑕᐃᕋ ᑭᔭ ᓴᐃᑐᓐ ᑲ ᐃᓯᓂᐧᑲᑕᑲᒋ ᐅᑕᓇᐛ ᓴᔅ ᐛᔅᑭᒡ ᒋᐸ ᒂᔅᑲᑎᓱᐅᒡ ᐎᔨᐛᐤ ᐊᓐᒡ ᐃᔪᒡ᙮ ᐊᑯ ᒪᒃ ᐊ ᓄᑯᑕᒡ ᐊ ᐃᔅᐱᔅ ᒥᑕᒋᔨᐛᓯᒡ ᐅᒥᒋᑥᐅᓄᐛᐛ ᒋᐸ ᐱᔎᔭᑭᐳᐅᒡ ᐊ ᑲᐛᑭᓂᔨᒋ ᐊᐱᒋᑕᐅᓇ, ᐊᓐᑕ ᒪᒃ ᐃᔎᔅᒐᒡ ᒋᐸ ᐊᐳᐅᒡ᙮

ᓗᒃ 24:48

ᒋᔨᐛᐤ ᒪᒃ ᔅᒋ ᐛᐸᑕᓇᐛᐤ ᑕᓐ ᑲ ᐃᔅᐱᔨᒡ, ᒐᒋ ᐎᑎᒧᐛᑯᒡ ᑯᑎᑭᒡ ᐊᐛᓐᒋ᙮

ᒠᓐ 15:27

ᑭᔭ ᒋᔨᐛᐤ ᒪᒃ ᒋᑭ ᐊᔨᒧᒥᓇᐛᐤ ᐛᔅ ᐊᓐᑕ ᐅᔅᑭᒡ ᑲ ᐅᒋ ᒋᒋ ᒋᔅᑯᑎᒪᒐᔭᓐ ᐊᑯᑕ ᓴᔅ ᑲ ᐅᒋ ᐛᐎᒐᐎᔭᒄ᙮”

ᒠᓐ 3:27

ᒠᓐ ᒪᒃ ᒋ ᐃᓯ ᐎᑎᒧᐛᐤ ᐊ ᐃᑕᑦ, “ᓇᒪ ᐊᐛᓐ ᒋᑭ ᒋ ᐃᑐᑎᒻ ᒐᒂᔪᐤ ᐸᑐᔅ ᒋᓴᒪᓂᑐᐛ ᐃᑕᔨᒥᑯᒐ ᒐᒋ ᐃᑐᑕᐧᒃ᙮

ᐊᑈᔅᑕᓇᒡ 1:8

ᒋᑭ ᓴᑭᔅᒋᓇᔅᑲᑯᓇᐛᐤ ᓱᐧᑲᑎᓯᐅᓐ, ᐃᔅᐱ ᑲ ᐸᔭᒋᓯᑦ ᐊᒐᐧᒄ ᒋ ᐅᑎᑎᑕᒂ᙮ ᐊᑯ ᒪᒃ ᒐ ᐱᐸᒪᒋᒥᔭᒄ ᐊᓐᑕ ᒋᕈᓯᓕᒥᒡ, ᒥᓯᐛ ᒍᑎᔭ ᐊᔅᒋᒡ, ᓴᒪᕆᔭᐃᒡ ᑭᔭ ᒥᓯᐛ ᐊ ᐃᔅᐱᑎᔅᑭᒥᑲᒡ ᐊᔅᒋᔾ᙮”

ᐊᑈᔅᑕᓇᒡ 13:31

ᒥᒐᑐᐤ ᒋᓯᑲᐛ ᒪᒃ ᒋ ᐛᐱᒥᑯᐤ ᐊᓂᔭᔪᐛ ᐊᐛᔪᐛ ᑲᓕᓕᒡ ᑲᒋ ᐅᒋ ᐸᒋ ᐎᒐᐅᑯᔨᒋ ᒋᕈᓯᓕᒥᒡ ᐃᔅᐱᔅ᙮ ᒋ ᐎᑎᒧᐛᔪᐛ ᒪᒃ ᐃᔅᕋᐃᓪ ᐃᔪᐛ ᒥᓐ ᐊ ᐱᒪᑎᓯᑦ᙮”

ᐊᑈᔅᑕᓇᒡ 2:32

ᐊᑯ ᐱᑕᕐ ᒥᓐ ᒂ ᐊᑎ ᐃᔅᒋᔄᑦ, “ᒋᓴᒪᓂᑐᐤ ᒋ ᐅᓂᔅᑲᓇᐤ ᐅᔭ ᒋᓴᓴ ᓂᐳᐅᓂᒡ ᐅᒡ᙮ ᓂ ᒋᔅᒐᔨᑕᓇᓐ ᐅ ᐛᔅ ᓂᒋ ᐛᐱᒪᓇᓐ᙮”

ᐊᑈᔅᑕᓇᒡ 3:15

ᑭᔭ ᔅᒋ ᐃᑐᑐᐛᐛᐤ ᒋᓴᔅ ᒐᒋ ᓂᐸᐊᑭᓄᐅᑦ ᐊᓐ ᑲ ᒥᔭᑦ ᐊᐛᔪᐤ ᐱᒪᑎᓯᐅᓂᔪᐤ᙮ ᒥᒄ ᒪᒃ ᒋᓴᒪᓂᑐᐤ ᒋ ᐃᑐᑐᐛᐤ ᒥᓐ ᑲᐤ ᒐᒋ ᐱᒪᑎᓯᔨᒋ᙮ ᐛᔅ ᓂᒋ ᐛᐱᒥᓇᓐ ᒥᓐ ᑲᐤ ᑲ ᐅᓂᔅᑲᑦ ᒋᓴᔅ᙮ ᓂ ᒋᔅᒐᔨᑕᓇᓐ ᒪᒃ ᐊ ᑕᑈᒥᑲᒡ ᐅ᙮

1 ᑯᕆᓐᑎᔭᓇ 12:28

ᑕᔪᐛ ᒪᒃ ᐅᒪᒧᐊᔭᒥᐊᐛ ᒋᓴᒪᓂᑐᐤ ᐊᒋ ᐅᑎᓇᑦ ᑕᓐ ᒐ ᐃᑕᐱᑎᓯᔨᒋ᙮ ᐊᓂᔭᔪᐛ ᓂᔅᑎᒻ ᑲ ᐅᑎᓇᑦ ᐊᐅᒄ ᐅᔭ ᐊᑈᔅᑕᓇ ᐊᑯ ᒥᓐ ᐅᒋᔅᒋᐛᐃᒐᓱᐛ, ᐊᑯ ᒥᓐ ᒋᔅᑯᑎᒪᒐᓱᐛ, ᑭᔭ ᐊᐛᔪᐛ ᒪᒥᔅᑲᒡ ᒐᒂᔪᐤ ᒐ ᐃᑐᑎᒥᔨᒋ᙮ ᒋ ᐅᑎᓇᐤ ᑭᔭ ᐊᐛᔪᐛ ᒐ ᒥᓏᒋᐃᐛᔨᒋ, ᑭᔭ ᐊᓂᔭᔪᐛ ᓂᓇᐧᑯᐤ ᒐ ᐃᓯ ᐎᒋᐊᔨᒋ ᐊᐛᔪᐛ᙮ ᒋ ᐅᑎᓇᐤ ᑭᔭ ᐊᐛᔪᐛ ᐊ ᐛᐎᐱᔨᑕᔨᒋ ᒐᒂᔪᐤ ᒐ ᐃᑕᐱᑎᓯᔨᒋ, ᑭᔭ ᐊᐛᔪᐛ ᒐ ᒂᔅᒋᐃᔨᒥᔨᒋ᙮

2 ᑯᕆᓐᑎᔭᓇ 13:1

ᐊᐅᒄ ᓂᔍᐤ ᒐ ᒧᐱᔅᑕᑎᑯᒡ᙮ ᒐ ᐎ ᒋᔅᒋᓯᔭᒄ ᐛᔅ ᒧᔭᒻ ᐊᑕᒂ ᐊᐛᓐ ᐊ ᑎᑯᓂᔨᒡ ᑕᓐ ᐛ ᐃᓯ ᒪᒥᓯᒪᑦ ᐊᐛᔪᐛ ᒐᒂᔪᐤ ᔭᐃᑕᔾ ᓂᓱ ᒪᒃ ᓂᔅᑐ ᐊᐛᓐᒋ ᐊᒋ ᑕᒡ ᐊᓐᑕ ᐊᓂᔭ ᐛᒋᐱᔨᒡ ᐊ ᒪᒥᓯᒧᐛᓄᐎᒡ ᒋᑭ ᑕᐅᒡ ᒐᒋ ᑎᐸᒋᒧᒡ᙮

ᐃᐱᓯᔭᓇ 4:11

ᒋ ᐅᑎᓇᐤ ᒪᒃ ᐊᐛᔪᐛ ᒐᒋ ᐛᐎᒋᐊᔨᒋ ᐊᓂᔭ ᑲ ᑕᑈᑎᒥᔨᒋ ᐊᔪᑯᓂ ᒪᒃ ᐅᔭ ᐊᑈᔅᑕᓇ ᑭᔭ ᐅᒋᔅᒋᐛᐃᒐᓱᐛ ᑭᔭ ᐊᓂᔭ ᑲ ᐱᐸᐛᐎᑎᒥᔨᒋ ᒥᔽᒋᒧᐅᓂᔪᐤ ᑭᔭ ᐊᔭᒥᐊᐅᒋᒪᐛ ᑭᔭ ᑲ ᒋᔅᑯᑎᒪᒐᔨᒋ᙮

ᒋᔅᒐᔨᑕᑯᑕᒐᐅᓐ 1:5

ᒋᓴᔅ ᙭ ᑭᔭ, ᐊᓐ ᒧᔅ ᑯᐃᔅᒄ ᑲ ᐎᑕᐧᒃ ᐊ ᑎᐸᒋᒪᑦ ᒋᓴᒪᓂᑐᐛ, ᓂ ᐱᑯᓴᔨᒪᐤ ᒐᒋ ᓱᐛᔨᒥᑕᒄ ᑭᔭ ᒐᒋ ᒥᔨᑕᒄ ᒋᔭᒪᔨᑎᒧᐅᓂᔪᐤ᙮ ᐎᔾ ᒋᓴᔅ ᙭ ᒪᐅᒡ ᓂᔅᑎᒻ ᒋ ᐅᓂᔅᑲᓇᑭᓄᐤ ᓂᐳᐅᓂᒡ ᐅᒋ ᑲᒋᒡ ᒐᒋ ᐱᒪᑎᓯᑦ᙮ ᐎᔾ ᒋᓴᐅᒋᒪᐅᐤ ᒥᓯᐛ ᒋᓴᐅᒋᒪᐛ ᐅᑕ ᐊᔅᒋᒡ᙮ ᒋᓴᒋᐃᑯᓄᐤ ᑭᔭ ᒋ ᐱᔅᑎᓂᓱᐤ ᒐᒋ ᓂᐸᐊᑭᓄᐅᑦ ᒋᔭᓄᐤ ᐅᒋ ᒐ ᐊᑲ ᒋ ᑎᐸᔨᒥᑯᔭᐧᒄ ᒋᒥᒋᑥᐅᓄᐛ᙮

ᒋᔅᒐᔨᑕᑯᑕᒐᐅᓐ 11:2

ᒥᒄ ᐊᑲᐎᔾ ᑎᐸᐊ ᐊᓐᑕ ᐱᑐᔎᒡ ᐛᔅᑲ ᐊᓐ ᒋᓴᐊᔭᒥᐊᐅᒋᐛᑉ᙮ ᐊᑲᐎᔾ ᑎᐸᐊ ᐛᔅ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᒋ ᒥᔭᑭᓄᐎᒡ ᐊᓂᔭ᙮ ᐊᐅᑯᓐᒡ ᐅᒡ ᒐ ᑕᑕᐧᑯᔅᑲᑕᒡ ᐊᓂᔭ ᐅᑕᓇᔪᐤ ᑲ ᐸᔭᒋᓯᒥᑭᓂᔨᒡ ᓇᐎᔪᐤ ᐊᓱ ᓂᓱ ᐱᓯᒺ ᐃᔅᐱᔅ᙮”

ᒋᔅᒐᔨᑕᑯᑕᒐᐅᓐ 11:6

ᒪᒂᒡ ᒪᒃ ᐊᓂᔭ ᒐ ᐃᔅᐱᔅ ᒋᔅᒋᐛᐃᒐᒡ, ᒋᑭ ᐊᔭᐅᒡ ᑎᐸᔨᒋᒐᐅᓂᔪᐤ ᒐᒋ ᐃᑐᑕᒡ ᒐ ᐊᑲ ᒋ ᒋᒧᓂᔨᒡ᙮ ᒋᑭ ᒥᔭᑭᓄᐎᒡ ᑭᔭ ᒥᓯᐛ ᐊ ᐃᓯ ᑎᑯᓂᔨᒡ ᓂᐱᔪᐤ ᒐᒋ ᑎᐸᔨᑕᒡ ᑭᔭ ᒐ ᐃᑐᑕᒡ ᐊᓂᔭ ᓂᐱᔪᐤ ᒥᐧᑯᒡ ᒐᒋ ᐃᓯᓇᑯᓂᔨᒡ᙮ ᒥᒄ ᐛ ᐃᔅᐱᔅ ᐃᑐᑕᒡ ᒋᑭ ᒋ ᐃᑐᑎᒧᒡ ᓂᓇᐧᑯᐤ ᐃᑕᔅᐱᓇᐅᓂᔪᐤ ᒐᒋ ᑎᑯᓂᔨᒡ ᐊᔅᒋᒡ᙮

ᒋᔅᒐᔨᑕᑯᑕᒐᐅᓐ 12:6

ᐊᑯ ᐊᓐ ᐃᔎᐤ ᐊᓐᑕ ᐸᐧᑯᑎᔅᑭᒥᑲᒡ ᐊᑯᑕ ᑲ ᐃᑎᓯᒧᑦ, ᐊᓐᑕ ᑲ ᐊᔭᔅᑯᔅᑎᒪᑯᑦ ᒋᓴᒪᓂᑐᐛ ᒐ ᑕᑦ᙮ ᐊᑯᑕ ᒪᒃ ᐊᓐᑕ ᒐ ᑭᓄᐛᔨᒪᑭᓄᐅᑦ ᐸᐃᒂᐤ ᒐᓯᐱᔪᐤ ᐊᓱ ᓂᓱ ᒥᑕᓯᒥᑎᓄᐤ ᐊᓱ ᐊᓱᑕᒡ ᑕᑐᔪᐛ ᒋᓯᑲᐛ ᐃᔅᐱᔅ᙮

ᒋᔅᒐᔨᑕᑯᑕᒐᐅᓐ 13:5

ᐊᓐ ᒪᒃ ᒥᒋ ᐊᐛᓯᔅ ᒋ ᐱᔅᑎᓇᑭᓄᐤ ᓇᔅᒡ ᒐᒋ ᒪᒥᒋᒧᑦ ᑭᔭ ᒐᒋ ᐸᔅᑕᒪᑦ ᒋᓴᒪᓂᑐᐛ᙮ ᒋ ᐱᔅᑎᓇᑭᓄᐤ ᑭᔭ ᒐᒋ ᑎᐸᔨᒋᒐᑦ ᓇᐎᔪᐤ ᐊᓱ ᓂᓱ ᐱᓯᒺ ᐃᔅᐱᔅ᙮

ᒋᔅᒐᔨᑕᑯᑕᒐᐅᓐ 19:10

ᓂᒋ ᐅᒋᒋᐧᑯᓂᐱᔪᐅᓐ ᒪᒃ ᒐᒋ ᐊᔭᒥᐊᔅᑐᐅᒃ ᐅ ᐊᓐᒋᓐ᙮ ᒥᒄ ᒪᒃ ᓂᒋ ᐃᑎᒄ, “ᐊᑲᐎᔾ ᐊᓐ ᐃᑎᔾ᙮ ᐛᔅ ᑭᔭ ᓂᔾ ᓂᑦ ᐊᑐᔅᑯᐛᐤ ᒋᓴᒪᓂᑐᐤ ᒧᔭᒻ ᒋᔾ ᑭᔭ ᒋᐧᑲᓂᓯᒡ ᐊ ᐃᑎᔭᒄ, ᒥᓯᐛ ᐊᓐᒡ ᑯᐃᔅᒄ ᑲ ᐃᓯ ᐛᐎᑕᒡ ᐊᓂᔭ ᑕᑈᐅᓂᔪᐤ ᒋᓴᓴ ᑲ ᐛᐸᑎᔨᐛᔨᒋ᙮ ᒋᓴᒪᓂᑐᐤ ᐊᐅᒄ ᐊᔭᒥᐊᔅᑐᐤ᙮” ᐛᔅ ᐊᓂᔭ ᑕᑈᐅᓂᔪᐤ ᒋᓴᔅ ᑲ ᐸᒋ ᐛᐸᑎᔨᐛᑦ, ᐊᐅᒄ ᐊᓂᔭ ᑲ ᓱᒐᔨᑕᑯᐃᑯᒡ ᐊᓐᒡ ᐅᒋᔅᒋᐛᐃᒐᓱᒡ ᑕᓐ ᑲ ᐃᓯ ᐃᔨᒥᒡ᙮

ᒋᔅᒐᔨᑕᑯᑕᒐᐅᓐ 20:4

ᐊᑯ ᒥᓐ ᑯᑎᒡ ᒐᒂᓐ ᒂ ᐛᐸᑎᔨᑯᔭᓐ᙮ ᒋᓴᐅᒋᒪᐤ ᑕᑎᐳᐛᑭᓇ ᓂᒋ ᐛᐸᑕᓐ᙮ ᒋ ᑕᐅᒡ ᒪᒃ ᐊᓐᒡ ᑲ ᐊᐱᒡ ᐊᓂᔭᔪᐛ ᒋᓴᐅᒋᒪᐤ ᑕᑎᐳᐛᑭᓇ᙮ ᒋ ᒥᔭᑭᓄᐎᒡ ᐅᒡ ᒐᒋ ᑎᐸᔅᑯᓂᒐᒡ᙮ ᐊᑯ ᒂ ᐛᐱᒥᒂᐤ ᐊᓐᒡ ᐊᒐᐧᑯᒡ ᑲ ᒋᒥᒂᐛᑭᓄᐛᑯᐱᓇ ᐊᓂᔭ ᐅᒋ ᐊᒋ ᑎᐸᒋᒪᒡ ᒋᓴᓴ ᑕᓐ ᑲ ᐃᑎᔨᒋ ᑭᔭ ᐊᒋ ᐛᐎᑎᒺᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮ ᓇᒪ ᐅᒋ ᐊᔭᒥᐊᔅᑐᐛᐛᑯᐱᓇ ᐎᔨᐛᐤ ᐊᓂᔭᔪᐛ ᒥᒋ ᐊᐛᓯᓴ ᒪᒃ ᐊᓂᔭᔪᐛ ᒥᓂᑐᐧᑲᓇ ᒧᔭᒻ ᐊᓐ ᒥᒋ ᐊᐛᓯᔅ ᐊ ᐃᓯᓇᑯᓯᑦ ᑲ ᐃᓯᐊᑭᓄᔨᒋ᙮ ᓇᒪ ᑭᔭ ᐅᒋ ᐊᔭᐛᐅᒡ ᐊᓂᔭ ᐅᒋᔅᒋᓄᐛᒋᒋᑭᓂᔪᐤ ᐅᔅᑲᑎᑯᐛᒡ ᒪᒃ ᐅᒥᔪᓄᐛᒡ᙮ ᑲᐤ ᒋ ᐱᒪᑎᓯᐅᒡ ᐅᒡ, ᐊᑯ ᑲ ᑕᑎᐱᒡ ᐊᓂᔭᔪᐛ ᒋᓴᐅᒋᒪᐤ ᑕᑎᐳᐛᑭᓇ᙮ ᒋ ᐎᒋ ᒋᓴᐅᒋᒪᐅᒪᐅᒡ ᒪᒃ ᒋᓴᓴ ᐸᐃᒂᐤ ᒐᓯᐱᔪᐛ ᐱᐳᓇ ᐃᔅᐱᔅ᙮