ᒋᔅᒐᔨᑕᑯᑕᒐᐅᓐ 11:19 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁹ ᐊᑯ ᒋᓴᒪᓂᑐᐤ ᐅᒋᓴᐊᔭᒥᐊᐅᒋᐛᑉ ᒋᒋᒋᓯᑯᒡ ᐊ ᑎᑯᓂᔨᒡ ᒂ ᓴᓂᑭᓄᐎᒡ᙮ ᐊᓐᑕ ᒪᒃ ᐱᑎᑭᒥᒡ ᒋ ᓄᑯᓐ ᐊᓐ ᑲ ᐸᔭᒋᓯᒥᑲᒡ ᒥᔅᑎᑯᐅᑦ ᐊᓐᑕ ᑲ ᑎᑕᑭᓄᔨᒡ ᐊᓂᔭ ᓂᔅᑯᒧᐅᓂᔪᐤ ᒋᓴᒪᓂᑐᐤ ᑲ ᐅᓯᑎᒧᐛᑦ ᐅᑦ ᐃᔨᒪ᙮ ᐊᑯ ᑲ ᐅᔄᔅᑕᐱᔨᒡ ᑭᔭ ᓂᒥᔅᒍᐅᒡ ᒋ ᐸᑕᑯᓱᐅᒡ᙮ ᑭᔭ ᒋ ᑯᐃᐧᑯᓐ ᑭᔭ ᒋ ᒥᔅᑎ ᒥᔅᑯᒥᑕᓐ᙮

ᒋᔅᒐᔨᑕᑯᑕᒐᐅᓐ 11:19 Iomraidhean Croise

ᑎᐱᑦ ᐅᓂᑭᒧᐅᓇ 105:32

ᒋ ᒥᔭᐤ ᓴᓴᑭᓂᔪᐤ ᒥᔅᑯᒡ ᒋᒧᓂᔪᐤ, ᑭᔭ ᐊ ᐛᔭᑕᔨᒡ ᐃᔅᑯᑕᔪᐤ ᐅᑦ ᐊᔅᒋᔨᒡ᙮

ᑎᐱᑦ ᐅᓂᑭᒧᐅᓇ 18:12

ᐊ ᐛᓴᔭᔨᒡ ᑲ ᓂᑲᓂᐸᔨᔅᑕᑯᑦ ᐅᒋᔅᐸᑲᔅᑯᓂᒡ ᒋᓯᑯᒡ ᒋ ᐎᒪᐱᔪᐛ, ᓴᓴᑲᓯᓂᔭ ᑭᔭ ᐃᔅᑯᑕᐤ ᑲᔅᑕᐛ᙮

ᒋᔅᒐᔨᑕᑯᑕᒐᐅᓐ 11:13

ᐃᔅᐱ ᒪᒃ ᑲ ᐃᔅᐱᔨᒡ ᐅ, ᒋ ᒥᔅᑎ ᑯᐃᐧᑯᓐ᙮ ᐸᐃᒄ ᐊᓯᑯᒻ ᐸᐃᑯᔪᐤ ᒥᒋᐛᐸ ᐊᓐᑕ ᐊᓐ ᐅᑕᓇᒡ ᒋ ᓂᓱᐅᓇᑎᓇ᙮ ᓂᔄᐅᑕᒡ ᑕᑥᐤ ᒐᓯᐱᔪᐤ ᐊᐛᓐᒋ ᒋ ᓂᓱᐅᓇᑎᓯᐅᒡ ᐊᓂᔭ ᑲ ᒥᔅᑎ ᑯᐃᐧᑯᓂᔨᒡ᙮ ᐊᑯ ᐊᓐᒡ ᐊᐛᓐᒋ ᐊᔅᒄ ᐊ ᑕᒡ ᐊᔅᒋᒡ ᒋ ᒥᔅᑎ ᓴᒋᓱᐅᒡ᙮ ᒋ ᐃᔅᒋᔄᐅᒡ, ᑕᑈ ᓱᒐᔨᑕᑯᓯᔪᐤ ᒋᓴᒪᓂᑐᐤ ᒋᒋᒋᓯᑯᒡ ᐊ ᑕᑦ᙮

ᒋᔅᒐᔨᑕᑯᑕᒐᐅᓐ 11:15

ᐊᑯ ᒥᓐ ᑯᑎᒃ ᐊᓐᒋᓐ ᒂ ᐳᑕᑕᐧᒃ ᐅᐳᑕᒋᑭᓐ᙮ ᐊᐅᒄ ᐅ ᓂᔄᐅᑕᒡ ᐊ ᑕᑦ ᐊᓐᒋᓐ᙮ ᓂᒋ ᐸᑐᐛᐅᒡ ᒪᒃ ᐊᐛᓐᒋ ᐊ ᒋᔄᐛᒡ, ᐊᓐᑕ ᒋᒋᒋᓯᑯᒡ ᐊ ᐃᔨᒥᒡ ᐊ ᐃᔅᒋᔄᒡ, “ᐊᐅᑯᐤ ᐛᑎᓂᒪᓱᑦ ᒋᑎᐸᔨᒋᒐᓯᒥᓄᐤ ᑭᔭ ᐊᓂᔭᔪᐛ ᑲ ᐸᒋ ᐃᑎᓴᐛᑦ ᒐᒋ ᐅᒋᒪᐅᔨᒋ ᐅᑕ ᐊᔅᒋᒡ᙮ ᐎᔾ ᒪᒃ ᐅᑎᐸᔨᒋᒐᐤ ᒋᑭ ᐅᒋᒪᐤ ᑲᒋᒡ ᑭᔭ ᑲᒋᒡ᙮”

ᒋᔅᒐᔨᑕᑯᑕᒐᐅᓐ 12:1

ᐊᑯ ᒂ ᓄᒂᒡ ᓇᔅᒡ ᐊ ᒥᔅᑲᓯᓇᒂᒡ ᒋᔅᒋᓄᐛᐸᑎᔨᐛᐅᓐ ᐊᓐᑕ ᒋᒋᒋᓯᑯᒡ᙮ ᓂᒋ ᐛᐱᒪᐤ ᐃᔎᐤ, ᐱᓯᒺ ᐊ ᐅᑦ ᐊᑯᐱᑦ ᐊ ᐃᓯᓇᑯᓯᑦ ᑭᔭ ᑎᐱᔅᑲᐤ ᐱᓯᒺ ᓯᐸ ᐅᓯᑎᒡ ᐊ ᑕᔨᒋ᙮ ᒋᓴᐅᒋᒪᐅᑯᓂᔎᐅᓂᔪᐤ ᒋ ᒋᔅᑭᒻ ᓂᓱᓴᑉ ᐅᒐᑭᑕᒂ ᐊ ᒋᑭᒧᔨᒋ᙮

ᒋᔅᒐᔨᑕᑯᑕᒐᐅᓐ 16:1

ᐊᑯ ᑲ ᐸᑐᐅᒃ ᐊᐛᓐ ᐊᓐᑕ ᒋᓴᐊᔭᒥᐊᐅᒋᐛᐱᒡ ᐊ ᐅᒋ ᐸᑕᑯᓯᑦ ᐊ ᐃᔨᒥᑦ᙮ ᒋ ᒋᔄᐛᐤ ᐊᓐ ᐊᐛᓐ᙮ ᒋ ᐃᑕᐤ ᐊᓂᔭᔪᐛ ᓂᔄᐅᑕᒡ ᑲ ᑕᒡ ᐊᓐᒋᓐ, “ᒪᒋᒄ᙮ ᐊᓐᑕ ᐊᔅᒋᒡ ᐃᔅ ᑯᑎᐱᓂᒧᒄ ᐊᓂᔭ ᓂᔄᐅᑕᒡ ᑲ ᒧᑕᔭᒂᐤ ᐎᔭᑭᓇ ᐊᓐᑕ ᐊ ᑎᑯᓂᔨᒡ ᒋᓴᒪᓂᑐᐤ ᐅᑦ ᐊᐧᑯᔪᐛᓱᐅᓐ᙮”

ᒋᔅᒐᔨᑕᑯᑕᒐᐅᓐ 16:18

ᒋ ᐅᒋ ᐅᔄᔅᑕᐱᔪᐤ ᒪᒃ᙮ ᒋ ᐸᑕᑯᓂᔪᐛ ᐅᐸᑕᑯᓱᐅᓄᐛᐛ ᐊᐛᓐᒋ᙮ ᓂᒥᔅᒍᐅᒡ ᒋ ᐸᑕᑯᓱᐅᒡ᙮ ᑭᔭ ᒋ ᒥᔅᑎ ᑯᐃᐧᑯᓐ᙮ ᓇᒪ ᓂᑕ ᐅᒋ ᑎᑯᓐ ᐊ ᐃᑕᔨᑕᒂᒡ ᐊ ᑯᐃᒂᒡ ᑲ ᐃᔅᐱᔅ ᐸᒋ ᐱᒪᑎᓯᒡ ᐊᐛᓐᒋ᙮ ᐊᐅᒄ ᐅ ᒋᒋᐛ ᑲ ᑯᔅᑕᑎᒂᒡ ᐊ ᑯᐃᒂᒡ᙮

ᒋᔅᒐᔨᑕᑯᑕᒐᐅᓐ 16:21

ᐊᑯ ᒪᒃ ᑲ ᒥᔅᑎ ᒥᔅᑯᒥᐅᑎᒡ᙮ ᐊᓐᒡ ᒪᒃ ᒥᔅᑯᒥᔨᒡ ᑲ ᐸᐸᒋᓯᓂᒡ ᓴᓯᑲᓐ ᐸᐃᑯ ᒥᑕᓯᒥᑎᓄᐤ ᑎᐸᐸᑲᐃᑭᓇ ᒋ ᐃᔅᐱᔅ ᑯᓯᑯᑐᐅᒡ᙮ ᒋ ᐱᑎᑯᔅᑲᑯᐅᒡ ᒪᒃ ᐊᐛᓐᒋ ᐅᑕ ᐊᔅᒋᒡ ᐊᓂᔭᔪᐛ ᒥᔅᑯᒥᔭ ᒋᓯᑯᒡ ᑲ ᐅᒋ ᐸᒋᓯᓂᔨᒋ᙮ ᐊᓐᒡ ᒪᒃ ᐊᐛᓐᒋ ᒋ ᐸᔅᑕᒪᐅᒡ ᐊ ᐃᔅᐱᔅ ᒥᔅᑎ ᒋᔄᐃᑯᒡ ᒋᓴᒪᓂᑐᐛ ᑕᓐ ᑲ ᐃᓯ ᓂᓇᐧᑲᑕᔨᒧᐃᑯᒡ ᐊᓂᔭ ᐊ ᒋᐧᑭᐧᑯᐱᔨᒡ, ᐛᔅ ᓇᔅᒡ ᑕᑈ ᒋ ᓂᓇᐧᑲᑕᔨᒧᒡ ᒪᒂᒡ ᐅᔭ ᑲ ᐃᔅᐱᔨᒡ᙮

ᒋᔅᒐᔨᑕᑯᑕᒐᐅᓐ 19:11

ᐊᑯ ᒂ ᐛᐸᑎᒪᓐ ᒋᒋᒋᓯᒄ ᐊ ᔪᑕᐱᔨᒡ᙮ ᒋ ᐅᒋ ᓄᑯᓱᐤ ᒪᒃ ᑲᐸᐃᑭᔎᐤ ᐊ ᐛᐱᓯᑦ᙮ ᐊᓐ ᒪᒃ ᑲ ᑕᑎᐱᑦ ᐊᓂᔭᔪᐛ ᑲᐸᐃᑭᔎᐛ ᑲ ᑕᑈᐅᒐᔨᑕᑯᓯᑦ ᑭᔭ ᑲ ᑕᑈᑦ ᒋ ᐃᓯᓂᐧᑲᑕᑭᓄᐤ᙮ ᑯᐃᔅᑯᑕᑎᓯᐅᓂᒡ ᐃᓯ ᑎᐸᔅᑯᓂᒐᐤ ᑭᔭ ᑯᐃᔅᑯᑕᑎᓯᐅᓂᔪᐤ ᒪᓯᒐᔅᑎᒻ᙮

ᒋᔅᒐᔨᑕᑯᑕᒐᐅᓐ 4:1

ᐃᔭᒡ ᒥᓐ ᓂᒋ ᐃᓯ ᐛᐸᑎᔨᑯᐅᓐ᙮ ᐃᔅᐱᒥᒡ ᐊ ᐃᑕᐱᔭᓐ ᓂᒋ ᐛᐱᒪᐤ ᔅᑐᐧᑭᓐ ᐊ ᐊᔪᑕᑯᒋᓂᑦ ᐊᓐᑕ ᒋᒋᒋᓯᑯᒡ᙮ ᐊᑯ ᑲ ᐸᒋ ᐃᔨᒥᐃᑦ ᒥᓐ ᐊᓐ ᐊᐛᓐ ᓴᔅ ᐊᓐᑕ ᐊᒋ ᐸᒋ ᐃᔨᒥᐃᑦ᙮ ᒧᔭᒻ ᐳᑕᒋᑭᓂᔪᐤ ᐊ ᒋᔄᐛᒥᑭᓂᔨᒡ ᐊ ᐃᑎᑕᑯᓂᔨᒡ, ᐊᑯᓐ ᐊ ᐃᑎᑕᑯᓂᔨᒡ ᐅᐸᑕᑯᓱᐅᓐ᙮ ᓂᒋ ᐃᑎᒄ, “ᐊᔅᑎᒻ ᐅᑕ᙮ ᒐ ᐛᐸᑎᔨᑕᓐ ᑕᓐ ᒥᓐ ᒐ ᐊᑎ ᐃᔅᐱᔨᒡ᙮”

ᒋᔅᒐᔨᑕᑯᑕᒐᐅᓐ 4:5

ᐊᓐᑕ ᐅᒋᓴᐅᒋᒪᐤ ᑕᑎᐳᐛᑭᓂᒡ ᐊᓐ ᑲ ᐊᐱᑦ ᒋ ᐅᒋ ᐅᔄᔅᑕᐱᔪᐤ᙮ ᒋ ᐸᑕᑯᓇ ᐸᑕᑯᓱᐅᓇ ᑭᔭ ᒧᔭᒻ ᓂᒥᔅᒍᐅᒡ ᐊ ᐸᑕᑯᓯᒡ ᒋ ᐃᑎᑕᑯᓐ ᐊᓐᑕ ᐊ ᐊᐱᒡ ᐅᒡ᙮ ᐅᑎᔅᑯᐤ ᒪᒃ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ ᒋ ᑎᑯᓐ ᓂᔄᐅᑕᒡ ᐃᔅᑯᑕᐤ ᐛᔅᑕᓂᐱᒪᑭᓇ ᐊ ᐃᔅᑯᑕᐅᒋ᙮ ᐊᐅᑯᓐᒡ ᐅᒡ ᓂᔄᐅᑕᒡ ᐊᒐᐧᑯᒡ ᑲ ᐊᑐᔅᑯᐛᒡ ᒋᓴᒪᓂᑐᐛ᙮

ᒋᔅᒐᔨᑕᑯᑕᒐᐅᓐ 7:15

ᐊᐅᒄ ᒪᒃ, ᐅᔭ ᐛᒋ ᐅᑎᔅᑯᑲᐳᔅᑎᒺᒡ ᒋᓴᒪᓂᑐᐛ ᐅᒋᓴᐅᒋᒪᐤ ᑕᑎᐳᐛᑭᓂᔪᐤ ᑭᔭ ᐛᒋ ᒧᓯᓇᐤ ᐊᑐᔅᑯᐛᒡ ᐊᓐᑕ ᐅᒋᓴᐊᔭᒥᐊᐅᒋᐛᐱᒡ᙮ ᐊᓐ ᒪᒃ ᑲ ᐊᐱᑦ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ, ᒋᑭ ᐊᑯᓂᔅᑯᐛᐤ ᐊ ᒥᔪ ᑭᓄᐛᔨᒪᑦ᙮

ᒋᔅᒐᔨᑕᑯᑕᒐᐅᓐ 8:5

ᐊᑯ ᐊᓐ ᐊᓐᒋᓐ ᑲ ᓴᑭᔅᒋᓂᑕᑦ ᐊᓂᔭ ᑲ ᐎᔄᐅᓱᓇᔭᐱᔅᑲᔨᒡ ᐎᔭᑭᓂᔪᐤ ᐃᔅᑯᑕᔪᐤ ᐊ ᐊᔅᑕᑦ ᐊᓐᑕ ᐱᔅᑎᓂᒐᐅᓇᐱᔅᑯᒡ ᐊ ᐅᑎᓇᐧᒃ᙮ ᐊᑯ ᐊᓐᑕ ᐊᔅᒋᒡ ᑲ ᐃᓯ ᐛᐱᓇᐧᒃ ᐊᓂᔭ ᐃᔅᑯᑕᔪᐤ, ᑎᐛᒡ ᒪᒃ ᒋ ᐸᑕᑯᓱᐅᒡ ᓂᒥᔅᒍᐅᒡ ᑭᔭ ᒋ ᒥᔅᑎ ᐅᔄᔅᑕᐱᔪᐤ ᑭᔭ ᒋ ᑯᐃᐧᑯᓐ᙮

ᒋᔅᒐᔨᑕᑯᑕᒐᐅᓐ 8:7

ᐊᑯ ᐊᓐ ᓂᔅᑎᒻ ᐊ ᑕᑦ ᐊᓐᒋᓐ ᒂ ᐳᑕᑕᐧᒃ ᐅᐳᑕᒋᑭᓐ᙮ ᒋ ᒥᔅᑯᒥᔪᑕᓐ ᑭᔭ ᐃᔅᑯᑕᐤ ᒋ ᐸᒋᑎᓐ ᐊ ᒪᒧᐱᔨᒡ ᒥᐧᒄ ᐊᓐᑕ ᐊᔅᒋᒡ ᐊ ᐃᓯ ᐸᒋᑎᒡ᙮ ᒐᑲᑦ ᐊᐱᑐᐤ ᐊ ᐃᔅᐱᑎᔅᑭᒥᑲᒡ ᐊᔅᒋᔾ ᒋ ᐃᔎᑕᐤ᙮ ᒐᑲᑦ ᒪᒃ ᐊᐱᑐᐤ ᒋ ᐃᔅᐱᔅ ᐃᔎᓱᐅᒡ ᒥᔅᑎᑯᒡ᙮ ᒥᓯᐛ ᑭᔭ ᒥᔅᑯᓱᐛ ᒋ ᐃᔎᑕᐛ᙮