ᒋᔅᒐᔨᑕᑯᑕᒐᐅᓐ 11:12 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹² ᐊᑯ ᐊᓐᒡ ᑲ ᓂᓯᒡ ᒂ ᐸᑐᐛᒡ ᐊᐛᔪᐛ ᐊ ᐃᔨᒥᐃᑯᒡ ᒋᒋᒋᓯᑯᒡ ᐅᒡ᙮ ᒋ ᐃᑎᑯᐅᒡ ᐊ ᒋᔄᐛᔨᒋ, “ᐊᔅᑎᒧᒄ ᐅᑕ ᐃᔅᐱᒥᒡ᙮” ᐊᑯ ᒪᒂᒡ ᐊ ᑭᓄᐛᐱᒥᑯᒡ ᐊᓂᔭ ᑲ ᐛᐧᑲᑎᑯᒡ, ᑭᔅᑯᐅᓂᔅᑯᒡ ᒋ ᐅᐱᔪᒡ ᒋᒋᒋᓯᑯᒡ ᐃᔅ᙮

ᒋᔅᒐᔨᑕᑯᑕᒐᐅᓐ 11:12 Iomraidhean Croise

ᑎᐱᑦ ᐅᓂᑭᒧᐅᓇ 112:10

ᐅᒥᒋᑥᐤ ᒋᑭ ᐛᐸᑎᒻ, ᑭᔭ ᒋᑭ ᒥᑕᒋᔨᐛᓱᐤ; ᒋᑭ ᒪᑥᔭᐱᑕᓯᓐ, ᑭᔭ ᒋᑭ ᑎᒋᐱᔪᐤ; ᐅᐱᑯᓴᔨᒧᐅᓐ ᐅᒥᒋᑥᐤ ᒋᑭ ᓂᓱᐅᓇᑎᓂᔪᐤ᙮

ᑎᐱᑦ ᐅᓂᑭᒧᐅᓇ 15:1

ᑎᐸᔨᒋᒐᓱᐤ, ᐊᐛᓐ ᒐ ᑕᑦ ᒋ ᐸᔭᒋ ᐊᔭᒥᐊᐅᒋᐛᐱᒡ ? ᐊᐛᓐ ᒐ ᐎᒋᑦ ᒋ ᐸᔭᒋ ᐱᔅᑯᑎᓇᒥᒡ ?

ᑎᐱᑦ ᐅᓂᑭᒧᐅᓇ 24:3

ᐊᐛᓐ ᒐ ᓴᑭᒋᐛᐛᑦ ᐅᐱᔅᑯᑎᓇᒥᔨᒡ ᑎᐸᔨᒋᒐᓱᐛ ? ᐊᐛᓐ ᑭᔭ ᒐ ᓂᐳᐅᑦ ᐅᐸᔭᒋ-ᒥᒋᐛᐱᒥᔨᒡ ?

ᑎᐱᑦ ᐅᓂᑭᒧᐅᓇ 86:17

ᐛᐸᑎᔨ ᑲ ᒥᔽᓯᒡ ᒋᔅᒋᓄᐛᒋᒋᑭᓐ; ᐊᓐᒡ ᑲ ᐛᐧᑲᓯᒡ ᒐᒋ ᐛᐸᑕᒡ, ᑭᔭ ᒐᒋ ᓯᓴᒂᔨᒧᒡ, ᐛᔅ ᒋᔾ, ᑎᐸᔨᒋᒐᓱᐤ, ᔅᒋ ᐎᒋᐃᓐ, ᑭᔭ ᔅᒋ ᒥᔽᔨᒧᐃᔨᓐ᙮

ᐊᒃᓱᑕᔅ 14:25

ᒋ ᒥᓂᐱᑎᒺᐤ ᒪᒃ ᐅᑎᑎᐱᑕᐸᓇᔎ ᑎᑎᐱᓂᑭᓂᔪᐛ, ᒐᒋ ᐅᒋ ᑯᓯᑯᐸᔨᒋ᙮ ᐊᑯ ᒪᒃ ᐊ ᐃᑕᒡ ᐃᒋᑉᑦ ᐃᔪᒡ, “ᐊᑯᔅ ᒋ ᑎᓯᒪᑕᐅᓐᒋ ᐃᔅᕋᐃᓪ ᐃᔪᒡ; ᐛᔅ ᑎᐸᔨᒋᒐᓱᐤ ᒋᒪᓯᒐᔅᑎᒧᐛᐤ ᐊ ᒪᓴᐊᑦ ᐃᒋᑉᑦ ᐃᔪᐛ᙮”

ᓗᒃ 16:23

ᒥᒋ ᐃᔅᑯᑕᒡ ᒪᒃ ᐊ ᑕᑦ ᓇᔅᒡ ᐊ ᐎᓯᑲᐧᑭᓱᑦ, ᒋ ᑎᔅᑎᓴᐳᐤ, ᒂ ᐛᐱᒪᑦ ᐊᑉᕋᐊᒪ ᐊ ᐊᔭᐅᓇᑯᓯᔨᒋ ᓚᓴᕋᓴ ᐊ ᐎᒋᑲᐳᔅᑐᐛᔨᒋ᙮

ᐊᑈᔅᑕᓇᒡ 1:9

ᐃᔅᐱ ᒋᓴᔅ ᐅᔭ ᑲ ᐃᑕᑦ ᐊᓂᔭᔪᐛ ᐊᑈᔅᑕᓇ ᒪᒂᒡ ᐊ ᑭᓄᐛᐱᒥᑯᑦ ᐃᔅᐱᒥᒡ ᒋ ᐃᓯ ᐅᐱᐱᔪᐤ᙮ ᑭᔅᑯᐅᓂᔎ ᒂ ᐊᑯᐛᐊᑯᑦ ᐊᑯ ᓇᒪ ᐅᒋ ᐛᐱᒥᑯᐤ᙮

1 ᑕᓴᓗᓂᔭᓇ 4:17

ᐊᑯ ᒪᒃ ᒋᔭᓄᐤ ᐊᔅᒄ ᒐ ᐱᒪᑎᓯᔭᐧᒄ ᐅᑕ ᐊᔅᒋᒡ ᒐ ᐅᐱᔭᐧᒄ ᒐᒋ ᓂᒋᐊᐧᑯᒡ ᐊᓐᑕ ᑭᔅᑯᐅᓂᔅᑯᒡ ᐅᒡ ᓂᔅᑎᒻ ᑲ ᐅᐱᔨᒡ᙮ ᐊᑯ ᒪᒃ ᐅᑎᐸᔨᒋᒐᐤ ᒪᒧᐤ ᒐ ᐃᓯ ᓂᒋᐊᐧᒄ ᐊᓐᑕ ᒧᓴ ᒋᓯᑯᒡ᙮ ᐅᑎᐸᔨᒋᒐᐤ ᒪᒃ ᐊ ᑕᑦ ᐊᑯᑕ ᑲᒋᒡ ᒐ ᑕᔭᐧᒄ᙮

ᒋᔅᒐᔨᑕᑯᑕᒐᐅᓐ 12:5

ᐊᑯ ᐊᓐ ᐃᔎᐤ ᒂ ᐊᐧᑯᓯᑦ, ᓇᐸᓴ ᒋ ᐊᔭᐛᐤ᙮ ᐊᐅᒄ ᒪᒃ ᐅ ᓇᔅᒡ ᒐ ᐅᒋᒪᐅᑐᑐᐛᔨᒋ ᒥᓯᐛ ᐊ ᐃᑎᔅᑲᓇᓯᔨᒋ ᐊᐛᔪᐛ ᐅᑕ ᐊᔅᒋᒡ᙮ ᐎᐱᒡ ᒪᒃ ᑲ ᐱᒪᑎᓯᑦ ᐊᓐ ᐊᐛᔅ, ᑎᐛᒡ ᒋᓴᒪᓂᑐᐛ ᐊ ᑕᔨᒋ ᒋ ᐃᓯ ᐅᑎᓇᑭᓄᐤ ᐊᓐᑕ ᐊ ᑎᑯᓂᔨᒡ ᒋᓴᒪᓂᑐᐤ ᐅᒋᓴᐅᒋᒪᐤ ᑕᑎᐳᐛᑭᓐ᙮

ᒋᔅᒐᔨᑕᑯᑕᒐᐅᓐ 3:21

ᐊᓐ ᐊᐛᓐ ᒐ ᓴᐧᑯᒋᑕᒂ ᑕᓐ ᒐ ᐃᓯ ᑯᒂᒋᐃᑯᑦ ᒥᒋ ᒐᒂᔪᐤ, ᓂᑭ ᒥᔭᐤ ᒐᒋ ᐎᑎᐱᒥᑦ ᓂᒋᓴᐅᒋᒪᐤ ᑕᑎᐳᐛᑭᓂᒡ᙮ ᒧᔭᒻ ᓂᔾ ᐊᒋ ᓴᐧᑯᒋᑕᔭᓐ ᒥᓯᐛ ᒥᒋ ᒐᒂᓐ, ᓄᑕᐎᔾ ᓂᒋ ᒥᔨᒄ ᒐᒋ ᐎᑎᐱᒥᒃ ᐅᒋᓴᐅᒋᒪᐤ ᑕᑎᐳᐛᑭᓂᒡ᙮”

ᒋᔅᒐᔨᑕᑯᑕᒐᐅᓐ 4:1

ᐃᔭᒡ ᒥᓐ ᓂᒋ ᐃᓯ ᐛᐸᑎᔨᑯᐅᓐ᙮ ᐃᔅᐱᒥᒡ ᐊ ᐃᑕᐱᔭᓐ ᓂᒋ ᐛᐱᒪᐤ ᔅᑐᐧᑭᓐ ᐊ ᐊᔪᑕᑯᒋᓂᑦ ᐊᓐᑕ ᒋᒋᒋᓯᑯᒡ᙮ ᐊᑯ ᑲ ᐸᒋ ᐃᔨᒥᐃᑦ ᒥᓐ ᐊᓐ ᐊᐛᓐ ᓴᔅ ᐊᓐᑕ ᐊᒋ ᐸᒋ ᐃᔨᒥᐃᑦ᙮ ᒧᔭᒻ ᐳᑕᒋᑭᓂᔪᐤ ᐊ ᒋᔄᐛᒥᑭᓂᔨᒡ ᐊ ᐃᑎᑕᑯᓂᔨᒡ, ᐊᑯᓐ ᐊ ᐃᑎᑕᑯᓂᔨᒡ ᐅᐸᑕᑯᓱᐅᓐ᙮ ᓂᒋ ᐃᑎᒄ, “ᐊᔅᑎᒻ ᐅᑕ᙮ ᒐ ᐛᐸᑎᔨᑕᓐ ᑕᓐ ᒥᓐ ᒐ ᐊᑎ ᐃᔅᐱᔨᒡ᙮”