ᒋᔅᒐᔨᑕᑯᑕᒐᐅᓐ 10:5 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁵ ᐊᑯ ᐊᓐ ᐊᓐᒋᓐ ᓂᐱᑕ ᐊᓐᑕ ᐎᓂᐸᑯᒡ ᑭᔭ ᓂᐱᑕ ᐊᔅᒋᒡ ᑲ ᐃᓯ ᑕᐧᑯᔅᒐᑦ ᑲ ᐅᐱᓂᔅᒐᐱᔨᑕᑦ ᐅᒥᔪᓂᑎᒋᔾ ᒋᒋᒋᓯᑯᒡ ᐃᔅ᙮

ᒋᔅᒐᔨᑕᑯᑕᒐᐅᓐ 10:5 Iomraidhean Croise

ᒐᓂᓯᔅ 14:22

ᒥᒄ ᐊᑉᕋᒻ ᒋ ᐃᑕᐤ, “ᓂᒋ ᐅᐱᑐᐛᐤ ᓂᑎᒋᔪᐤ ᑎᐸᔨᒋᒐᓱᐤ ᒋᓴᒪᓂᑐᐤ ᒪᐅᒡ ᐃᔅᐱᒥᒡ, ᑲ ᐅᓯᑕᑦ ᒋᒋᒋᓯᑯᔪᐤ ᑭᔭ ᐊᔅᒋᔪᐤ ᑭᔭ ᓂᒋ ᑐᑕᓐ ᑕᑈᐅᓐ,

ᑎᐱᑦ ᐅᓂᑭᒧᐅᓇ 146:5

ᒥᔽᔨᒧᐤ ᐊᓐ ᑲ ᐎᒋᐃᑯᑦ ᒐᑭᐸ ᐅᒋᓴᒪᓂᑐᒥᔪᐛ, ᑲ ᐊᔅᐸᔨᒧᑐᑐᐛᑦ ᑲ ᑎᐸᔨᒋᒐᔨᒋ ᐅᒋᓴᒪᓂᑐᒪ;

ᐊᒃᓱᑕᔅ 20:11

ᐛᔅ ᐊᓱᑕᒡ ᑕᑐᐤ ᒋᓯᑲᐛ ᒋ ᐃᔅᐱᔅ ᐅᓯᑕᑕᑯᐱᓐ ᑎᐸᔨᒋᒐᓱᐤ ᒋᒋᒋᓯᑯᔪᐤ ᑭᔭ ᐊᔅᒋᔪᐤ, ᐎᓂᐸᑯᔪᐤ ᑭᔭ ᒥᓯᐛ ᒐᒂᔪᐤ ᐊᓐᑕ ᐊ ᑎᑯᓂᔨᒡ, ᒋ ᐊᔽᓯᑕᑯᐱᓐ ᒪᒃ ᓂᔄᐅᑕᒡ ᐊ ᒋᓯᑲᔨᒡ; ᐊᔪᐅᒄ ᐛᒋ ᒥᔪ ᐃᑐᑎᒥᑯᐱᓇ ᑎᐸᔨᒋᒐᓱᐤ ᐊᓂᔭᔪᐤ ᓂᔄᐅᑕᒡ ᐊ ᒋᓯᑲᔨᒡ, ᑭᔭ ᐛᒋ ᐸᔭᒋ ᒋᓯᑲᒐᑕᒧᑯᐱᓇ᙮

ᐊᒃᓱᑕᔅ 6:8

ᒋᑭ ᐃᑐᑕᔨᑎᓇᐛᐤ ᐊᓐᑕ ᐊᔅᒋᒡ ᑲ ᒋᒋ ᐊᓱᑎᒧᐅᒂᐤ ᐊᑉᕋᐊᒻ, ᐊᐃᓯᒃ, ᑭᔭ ᒐᑭᑉ᙮ ᒋᔨᐛᐤ ᒋᑭ ᑎᐱᔨᐛᐅᓯᓇᐛᐤ ᐅ ᐊᔅᒋᔾ, ᓂᔾ ᐅ ᑎᐸᔨᒋᒐᓱᐤ᙮’ ”

ᐊᑈᔅᑕᓇᒡ 14:15

“ᓇᐸᑐᒄ ᐊᑲᐎᔾ ᐃᑐᑎᒧᒄ ᐅ, ᓇᐸᐅᒡ ᐛᔅ ᐊᓐ ᑭᔭ ᓂᔭᓐ ᒧᔭᒻ ᒋᔨᐛᐤ ᐊ ᐃᑕᔨᑕᑯᓯᔭᒄ ᐊᐅᑯᓐ ᐊ ᐃᑕᔨᑕᑯᓯᔭᒡ᙮ ᒋ ᐎ ᐎᑎᒪᑎᓇᓐ ᒥᔽᒋᒧᐅᓐ ᒐᒋ ᐅᒋ ᐳᓂᐊᑯᒡ ᐊ ᐊᔭᒥᐊᔅᑎᐛᑯᒡ ᐊᓐᒡ ᓂᑎᒥᒄ ᒥᓂᑐᐧᑲᓐᒡ᙮ ᒥᔅᑯᒡ ᐊᓐᑕ ᒋᓴᒪᓂᑐᐤ ᑲ ᐱᒪᑎᓯᑦ ᐊ ᑕᑦ ᒐᒋ ᐃᓯ ᐊᔭᒥᐊᔭᒄ, ᐊᓐ ᑲ ᐅᓯᑕᑦ ᒋᒋᒋᓯᑯᔪᐤ, ᐊᔅᒋᔪᐤ, ᐎᓂᐸᑯᔪᐤ ᑭᔭ ᒥᓯᐛ ᒐᒂᔪᐤ ᐊᓐᑕ ᑲ ᐃᓯ ᐱᒪᑎᓯᒥᑭᓂᔨᒡ᙮

ᐊᑈᔅᑕᓇᒡ 17:23

ᐊ ᐱᒧᑕᔭᓐ ᐊᓐᑕ ᒋᐅᑕᓇᒧᐛᒡ, ᓂᒋ ᐛᐸᑕᓐ ᐊᓐᑕ ᐊᔭᒥᐊᔭᒄ᙮ ᓂᒋ ᐛᐸᑕᓐ ᓂᓇᐧᑯᐤ ᐊ ᐃᓯᓇᒂᒋ ᐊᓐᑕ ᑲᒋ ᐊᔭᒥᐊᔭᒄ᙮ ᐊᑯ ᒂ ᐛᐸᑎᒪᓐ ᐸᐃᒄ ᐊᓐᑕ ᑲ ᐊᔭᒥᐊᔭᒄ ᐊ ᒥᓯᓇᑕᒡ ᐊᑎᔅᑕᒡ, ‘ᐊᑯᑕ ᐅᑕ ᒐ ᐊᔭᒥᐊᔅᑐᐛᑭᓄᐅᑦ ᒋᓴᒪᓂᑐᐤ ᐊᓐ ᐊᔅᒄ ᐊᑲ ᒋᔅᒐᔨᑕᑯᓯᑦ᙮’ ᐊᑯ ᒪᒃ ᐛ ᐊᔨᒧᑎᒪᑎᑯᒡ ᒋᓴᒪᓂᑐᐤ ᐊᓐ ᐛ ᐊᔭᒥᐊᔅᑐᐛᒄ ᐊᑎ ᒪᒃ ᐊᑲ ᒋᔅᒐᔨᒪᒄ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:20

ᐊᑎ ᐊᑲ ᐅᒋ ᒋ ᐛᐱᒪᑭᓄᐅᑦ ᒋᓴᒪᓂᑐᐤ, ᒥᓯᐛ ᑕᓐ ᑲ ᐃᓯ ᑕᑦ ᐅᔭ ᐊᔅᒋᔪᐤ ᐊᑯᑕ ᒐᒋ ᐅᒋ ᐱᔭᑭᔅᒡ ᓂᔅᑐᐅᓂᒺᒡ ᐊᐛᓐᒋ ᐅᑲᒋᒐ ᓱᐧᑲᑎᓯᐅᓂᔪᐤ ᑭᔭ ᐊᑯᑕ ᒐᒋ ᐅᒋ ᒋᔅᒐᔨᒪᒡ ᑕᑈ ᐊ ᒋᓴᒪᓂᑐᐎᔨᒋ᙮ ᓇᒪ ᒪᒃ ᒋᑭ ᒋ ᑕᐤ ᐊᐛᓐ ᐊᑲ ᒋᔅᒐᔨᑕᐧᒃ ᐊ ᑕᔨᒋ ᒋᓴᒪᓂᑐᐛ᙮

ᐃᑉᕈᐛ 6:13

ᒪᒥᑐᓇᔨᒪᐧᒄ ᒪ ᒋᓴᒪᓂᑐᐤ ᐊ ᐃᔅᐱᔅ ᒋᔅᑕᔨᑕᑯᓯᑦ᙮ ᐎᔾ ᑎᐱᔨᐛ ᐅᑦ ᐃᓯᓂᐧᑲᓱᐅᓐ ᒋ ᐊᐱᒋᑕᐤ ᐊ ᐃᔅᒋᔄᑦ ᒐᔅᑎᓇᔅ ᒐ ᐊᑲ ᓂᑕ ᐅᒋ ᐊᑎᔅᑕᐛᑦ ᑕᓐ ᑲ ᐃᓯ ᒐᔅᑎᓄᒡ ᐃᑕᑦ ᐊᑉᕋᐊᒪ ᒐ ᐃᑐᑎᒧᐛᑦ᙮ ᓇᒪ ᑯᑎᑲ ᐊᐛᔪᐛ ᐅᒋ ᐎᐊᐤ ᒐᒋ ᐛᐸᑎᔭᑦ ᐊᑉᕋᐊᒪ ᐊ ᑕᑈᑦ ᑕᓐ ᑲ ᐃᔅᒋᔄᑦ, ᐛᔅ ᑕᐸ ᑕᐤ ᑯᑎᒃ ᐊᐛᓐ ᐊᔅᐱᔅ ᒋᔅᑕᔨᑕᑯᓯᑦ ᐊᔅᐱᔅ ᒋᔅᑕᔨᑕᑯᓯᑦ ᐎᔾ ᒋᓴᒪᓂᑐᐤ᙮

ᒋᔅᒐᔨᑕᑯᑕᒐᐅᓐ 1:18

ᐊᐅᒄ ᓂᔾ ᑲ ᐱᒪᑎᓯᑦ᙮ ᓂᒋ ᓂᐱᓐ, ᒥᒄ ᒪᒃ ᐊᓄᒡ ᑲᒋᒡ ᓂ ᐱᒪᑎᓯᓐ᙮ ᓂᔾ ᓄᒋᒪᐧᑲᑕᓐ ᓂᐳᐅᓐ ᑭᔭ ᓂᔾ ᓄᒋᒪᐅᓐ ᐊᓐᑕ ᐊ ᑕᒡ ᐊᓐᒡ ᑲ ᓂᐱᒡ᙮”

ᒋᔅᒐᔨᑕᑯᑕᒐᐅᓐ 10:2

ᒋ ᑕᐧᑯᓂᒻ ᒥᓯᓇᐃᑭᓂᓯᔪᐤ ᐅᑎᒋᒡ᙮ ᐊᒋ ᑎᑎᐸᔭᒋᓂᑭᓄᐎᒡ᙮ ᐊᑯ ᐊᓂᔭ ᐅᒥᔪᐅᓂᒡ ᐅᓯᑦ ᐊᓐᑕ ᐃᑕᒐ ᐎᓂᐸᑯᒡ ᒋ ᐃᓯ ᑕᐧᑯᔅᒐᐤ, ᐊᑯ ᐊᓂᔭ ᐅᓂᔅᐸᒋᐅ ᐅᓯᑦ ᐊᔅᒋᒡ ᒋ ᐃᓯ ᑕᐧᑯᔅᒐᐤ᙮

ᒋᔅᒐᔨᑕᑯᑕᒐᐅᓐ 14:7

ᒋ ᐃᔅᒋᔄᐤ ᐊᓐ ᐊᓐᒋᓐ ᐊ ᒋᔄᐛᑦ, “ᒪᒥᒋᒪᐧᒄ ᒋᓴᒪᓂᑐᐤ ᑭᔭ ᒋᔅᑕᔨᒪᐧᒄ᙮ ᐛᔅ ᓴᔅ ᐅᑎᒋᐱᔪᐤ ᐊᓐᑕ ᒐ ᑎᐸᔅᑯᓇᑦ ᒥᓯᐛ ᐊᐛᔪᐛ᙮ ᐊᔭᒥᐊᔅᑐᐛᐧᒄ ᐊᓐ ᑲ ᐅᓯᑕᑦ ᒋᒋᒋᓯᑯᔪᐤ, ᐊᔅᒋᔪᐤ, ᐎᓂᐸᑯᔪᐤ ᑭᔭ ᒥᓯᐛ ᐊ ᐅᒋ ᒧᔅᒋᒍᐅᓂᔨᒡ ᓂᐱᔪᐤ᙮”

ᒋᔅᒐᔨᑕᑯᑕᒐᐅᓐ 16:17

ᐊᑯ ᐊᓐ ᓂᔄᐅᑕᒡ ᐊ ᑕᑦ ᐊᓐᒋᓐ, ᒂ ᑯᑎᐱᓇᐧᒃ ᐊᓂᔭ ᐅᐎᔭᑭᓐ ᐊᓐᑕ ᒧᓴ ᒋᓯᑯᒡ ᐃᔅ᙮ ᒋ ᐅᒋ ᐃᔨᒧᐤ ᒪᒃ ᐊᐛᓐ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ ᐱᑎᑭᒥᒡ ᒋᓴᐊᔭᒥᐊᐅᒋᐛᐱᒡ ᐊ ᑎᑯᓂᔨᒡ ᐊ ᐅᒋ ᐸᑕᑯᓯᑦ᙮ ᒋ ᒋᔄᐛᐤ ᐊ ᐃᔅᒋᔄᑦ, “ᓴᔅ ᒪᒃ ᒋᔅᑕᑭᓄᐤ᙮”

ᒋᔅᒐᔨᑕᑯᑕᒐᐅᓐ 4:11

“ᒋᔾ ᓂᑎᐸᔨᒋᒐᓯᒥᓇᓐ ᑭᔭ ᓂᒋᓴᒪᓂᑐᒥᓇᓐ ᑲ ᐊᑐᔅᑲᑕᒡ ᒋ ᒋᔅᑕᔨᑕᑯᓯᓐ ᒐᒋ ᒋᔅᑕᔨᑕᑯᐃᑯᔨᓐ ᑭᔭ ᒐᒋ ᒋᔅᑕᒋᒥᑯᔨᓐ ᑭᔭ ᒐᒋ ᒪᒥᒋᒥᑯᔨᓐ ᐊᔅᐱᔅ ᓱᐧᑲᑎᓯᔨᓐ᙮ ᐛᔅ ᒋᔾ ᒥᓯᐛ ᒐᒂᓐ ᔅᒋ ᐅᓯᑕᓐ᙮ ᒋᔾ ᔅᒋ ᐃᑕᔨᑕᓐ ᒐᒋ ᑎᒂᒡ ᒥᓯᐛ ᒐᒂᓐ ᐊ ᑎᒂᒡ ᑭᔭ ᒥᓯᐛ ᑲ ᐅᓯᑕᔨᓐ᙮”

ᒋᔅᒐᔨᑕᑯᑕᒐᐅᓐ 4:9

ᐃᔅᐱ ᒪᒃ ᓇᑭᒧᒡ ᐊᓐᒡ ᓇᐤ ᑲ ᐱᒪᑎᓯᒡ ᐊᐛᓐᒋ ᐊ ᒋᔅᑕᔨᑕᑯᐊᒡ, ᐊ ᒋᔅᑕᒋᒪᒡ ᑭᔭ ᐊ ᓂᓇᔅᑯᒪᒡ ᐊᓂᔭᔪᐛ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ ᑲ ᐊᐱᔨᒋ, ᐊᓂᔭ ᑲᒋᒡ ᐸᒪᑎᓯᔨᒋ,