ᒋᔅᒐᔨᑕᑯᑕᒐᐅᓐ 1:8 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁸ “ᐊᐅᒄ ᓂᔾ ᓴᔅ ᑲ ᑕᔭᓐ ᐊᔅᒄ ᐊᑲ ᓇᔅᒡ ᒐᒂᓐ ᐅᒋ ᑎᒂᒡ, ᑭᔭ ᐊᐅᒄ ᓂᔾ ᐊᔅᒄ ᒐ ᑕᔭᓐ ᐃᔅᐱ ᒥᓯᐛ ᒐᒂᓐ ᒋᑎᐱᔨᒐ,” ᐊᐅᒄ ᐊ ᐃᔅᒋᔄᑦ ᒋᓴᒪᓂᑐᐤ ᐅᑎᐸᔨᒋᒐᐤ, ᐊᓐ ᒪᐅᒡ ᑲ ᓱᐧᑲᑎᓯᑦ, ᐊᓐ ᐊ ᑕᑦ ᐊᓄᒡ, ᐊᓐ ᒧᔅ ᑲ ᐸᒋ ᑕᑦ ᑭᔭ ᐊᓐ ᒐ ᑎᑯᓯᐧᒃ᙮

ᒋᔅᒐᔨᑕᑯᑕᒐᐅᓐ 1:8 Iomraidhean Croise

ᒐᓂᓯᔅ 17:1

ᐸᐃᑯᔅᑕᐤ ᑕᑐᔪᐤ ᐊᓱ ᐸᐃᑯᔅᑕᐤ ᒋ ᐃᑕᑐᐳᓇᓱᐤ ᐊᑉᕋᒻ ᒥᓐ ᑲ ᓄᑯᓯᔅᑕᑯᑦ ᑎᐸᔨᒋᒐᓱᐛ ᑭᔭ ᒂ ᐃᑎᑯᑦ, “ᓂᔾ ᐅ ᒋᓴᒪᓂᑐᐤ ᒥᓯᐛ ᐊ ᐃᓯ ᓱᐧᑲᑎᓯᑦ᙮ ᓂᑐᑐᐎᓇ ᑭᔭ ᓇᓂᑎᒻ ᑯᐃᔅᒄ ᐃᑐᑎᒥᓇ,

ᒐᓂᓯᔅ 28:3

ᒂ ᐃᑕᑦ ᐊᐃᓯᒃ, “ᑭᒪ ᒋᓴᒪᓂᑐᐤ ᐊᓐ ᒥᓯᐛ ᐊᓯ ᓱᐧᑲᑎᓯᑦ, ᐃᑐᑕᐧᒃ ᒐᒋ ᐃᔅᐱᔪᑦ ᒥᔪ ᒐᒂᓂᔪᐤ᙮ ᑭᒪ ᒥᒐᑦ ᐊᐛᓴ ᒥᔨᔅᒃ ᑭᔭ ᒥᒐᑎᒡ ᒋᑦ ᐊᓂᔅᑯᑕᐸᓐᒡ ᐊᑯ ᒪᒃ ᒐ ᒥᒐᑐᔅᑲᓇᓯᒡ᙮

ᒐᓂᓯᔅ 35:11

ᐊᑯ ᒋᓴᒪᓂᑐᐤ ᐊᑕᑦ, “ᓂᔾ ᐅ ᒋᓴᒪᓂᑐᐤ ᒥᓯᐛ ᐊᓯ ᓱᐧᑲᑎᓯᑦ, ᒐ ᐃᔭᐛᑯᒡ ᒥᒐᑦ ᐊᐛᓯᒡ᙮ ᒋᑭ ᒥᒐᑐᔅᑲᓇᓱᐅᒡ ᒋᑦ ᐊᐛᓯᒥᒡ ᑭᔭ ᐱᔅᒐ ᒋᑭ ᒋᓴᐅᒋᒪᐅᒡ ᒋᑦ ᐊᐛᓯᒥᒡ᙮

ᒐᓂᓯᔅ 43:14

ᑭᒪ ᒥᓯᐛ ᐊᓯ ᓱᐧᑲᑎᓯᑦ ᒋᓴᒪᓂᑐᐤ ᐃᑐᑐᐛᑦ ᐊᓂᔭ ᐃᔪᐛ ᒐᒋ ᒋᔅᑎᒪᒐᔨᒥᑎᑕᑯ ᐊᑯ ᒪᒃ ᒐᒋ ᐱᔅᑎᓂᒪᑕᒄ ᒋᓯᒧᐛᐛ ᐱᓐᒋᒥᓇ ᑭᔭ ᑯᑎᑲ ᒋᐧᑲᓂᓱᐛᐛ ᓯᒥᐅᓇ, ᒥᔅᑭᒥᑯᐅᔭᓇ ᓂᑦ ᐊᐛᓯᒥᒡ, ᓇᐧᑲᑕᔨᒧᐅᓐ ᓂ ᓴᑭᔅᒋᓇᔅᑲᑯᓐ᙮”

ᒐᓂᓯᔅ 48:3

ᒋ ᐛᒋᔭᒪᐤ ᒐᑭᑉ ᒍᓯᐸ ᑭᔭ ᒂ ᐃᑕᑦ, “ᓂᒋ ᓄᑯᓯᔅᑕᒄ ᒥᓯᐛ ᐊᓯ ᓱᐧᑲᑎᓯᑦ ᒋᓴᒪᓂᑐᐤ ᐊᓐᑕ ᓗᔅ ᑲᐃᓇᓐ ᐊᔅᒋᒡ, ᑭᔭ ᐊᑯᑕ ᑲ ᒥᔨᑦ ᐅᓱᐛᔨᒋᒐᐅᓐ᙮

ᒐᓂᓯᔅ 49:25

ᐊᐅᑯᓐ ᐊᓐ ᐊᔭᒥᐊᔅᑐᐅᒃ ᒋᓴᒪᓂᑐᐤ ᒐ ᐛᐎᒋᐃᔅᒃ᙮ ᒥᓯᐛ ᐊᓯ ᓱᐧᑲᑎᓯᑦ ᒋᓴᒪᓂᑐᐤ ᐊᓐ ᒐ ᓱᐛᔨᒥᔅᒃ, ᒐ ᒥᔨᔅᒃ ᓱᐛᔨᒋᒐᐅᓇ ᒋᒋᒋᓯᑯᒡ ᐅᒡ, ᓂᐱᔪᐤ ᒧᔅᒋᒍᐅᓇᐳᒡ ᐅᒡ ᐊᓐᑕ ᑕᒥᔅᑭᒥᑲᒡ ᐅᒡ, ᑭᔭ ᓱᐛᔨᒋᒐᐅᓇ ᒐᒋ ᒥᒐᑎᒡ ᒋᒥᒋᑎᐧᑯᒥᒡ ᑭᔭ ᒋᑦ ᐊᐛᓯᒥᒡ᙮

ᐊᒃᓱᑕᔅ 3:14

ᒋᓴᒪᓂᑐᐤ ᒋ ᐃᑕᐤ ᒧᓱᓴ, “ᓂᔾ ᐅ ᒧᔅ ᑲᒋᒡ ᒋᓴᒪᓂᑐᐤ᙮ ᒋᔭᒻ ᒐ ᐃᑎᑥᐤ, ‘ᓂᔾ ᓂᑦ ᐊᐎᓐ, ᓂᒋ ᐃᑎᓴᐅᒃ !’ ”

ᐊᒃᓱᑕᔅ 6:3

ᐃᔅᐱ ᑲ ᓄᑯᓯᔅᑐᐅᒂᐤ ᐊᑉᕋᐊᒻ, ᐊᐃᓯᒃ, ᑭᔭ ᒐᑭᑉ ᓂᒋ ᑎᑯᓯᓐ ᒧᔭᒻ ᒥᓯᐛ ᐊᓯ ᓱᐧᑲᑎᓯᑦ ᒋᓴᒪᓂᑐᐤ ᑭᔭ ᓇᒪ ᓂ ᐅᒋ ᐊᐱᒋᑕᓐ ᓂᑦ ᐃᓯᓂᐧᑲᓱᐅᓐ᙮

2 ᑯᕆᓐᑎᔭᓇ 6:18

ᒋᑭ ᐅᑕᐎᒪᐅᑐᑐᓇᐛᐤ᙮ ᓂᑯᓯᒡ ᑭᔭ ᓂᑕᓂᓯᒡ ᒋᑭ ᐃᓯ ᑭᓄᐛᐱᒥᑎᓇᐛᐤ,” ᐃᔅᒋᔄᐤ ᐅᑎᐸᔨᒋᒐᐤ ᐊᓐ ᒪᐅᒡ ᓯᔪᐧᑲᑎᓯᑦ᙮

ᒋᔅᒐᔨᑕᑯᑕᒐᐅᓐ 1:11

ᐊᐅᒄ ᒪᒃ ᐅᔭ ᑲ ᐃᔅᒋᔄᑦ, “ᒥᓯᓇᐊ ᑕᓐ ᒐ ᐃᓯ ᐛᐸᑎᒥᓐ ᐊᓄᒡ ᐊᑯ, ᒐ ᐃᑎᓴᐊᒧᐅᑥᐤ ᐊᓐᒡ ᒪᒧᐤ ᑲ ᐊᔭᒥᐊᐛᑎᓯᒡ ᐊᓐᑕ ᐊᓂᔭ ᓂᔄᐅᑕᒡ ᐊᔭᒥᐊᐅᒋᐛᐸ ᐃᐱᓴᔅ, ᓯᒥᕆᓇ, ᐸᕐᑲᒪᒻ, ᑕᔭᑕᐃᕋ, ᓴᕐᑎᔅ, ᐱᓚᑕᓪᐱᔭ ᑭᔭ ᓚᐅᑎᓯᔭ ᐊ ᑕᒡ᙮” ᐊᐅᒄ ᐅᔭ ᑲ ᐸᒋ ᐃᓯᑦ᙮

ᒋᔅᒐᔨᑕᑯᑕᒐᐅᓐ 1:17

ᐃᔅᐱ ᒪᒃ ᐎᔭᐱᒥᒃ, ᐅᓯᑎᒡ ᐊᓐᑕ ᓂᓯᒋ ᐸᒋᓯᓄᐛᓐ ᒧᔭᒻ ᐊ ᓂᐳᐅᒡ᙮ ᐅᒥᔪᐅᓐ ᐊ ᐊᐱᒋᑕᑦ ᓂᒋ ᐸᒋ ᑕᒋᓂᒄ ᐊᑯ ᒂ ᐃᓯᑦ, “ᐊᑲᐎᔾ ᑯᔅᑕᒋ᙮ ᐊᐅᒄ ᓂᔾ ᓂᔅᑎᒻ ᑲ ᑕᑦ ᑭᔭ ᒪᔅᑕᔾ ᒐ ᑕᑦ᙮

ᒋᔅᒐᔨᑕᑯᑕᒐᐅᓐ 1:4

ᓂᔾ ᒠᓐ, ᒋᔨᐛᐤ ᒪᒧᐤ ᑲ ᐊᔭᒥᐊᐛᑎᓯᒡ ᒋ ᒥᓯᓇᐊᒪᑎᓇᐛᐤ ᐊᓐᑕ ᑲ ᑕᔭᒄ ᐊᓂᔭᔪᐛ ᓂᔄᐅᑕᒡ ᐊᔭᒥᐊᐅᒋᐛᐸ ᐊᐃᓴ ᑲ ᐃᓯᓂᐧᑲᑕᒡ ᐊᔅᒋᔾ᙮ ᒋᓴᒪᓂᑐᐤ, ᐊᓐ ᐊᓄᒡ ᐊ ᑕᑦ ᑭᔭ ᒧᔅ ᑲ ᐸᒋ ᑕᑦ, ᑭᔭ ᐊᓐ ᒐ ᑎᑯᓯᐧᒃ, ᒋᑭ ᓱᐛᔨᒥᑯᐛᐤ ᑭᔭ ᒋᑭ ᒥᔨᑯᐛᐤ ᒋᔭᒪᔨᑎᒧᐅᓂᔪᐤ᙮ ᑭᔭ ᐊᓐᒡ ᓂᔄᐅᑕᒡ ᐊᒐᐧᑯᒡ ᐅᑎᔅᑯᐤ ᒋᓴᒪᓂᑐᐛ ᐅᒋᓴᐅᒋᒪᐤ ᑕᑎᐳᐛᑭᓂᔨᒡ ᐊ ᑕᒡ, ᒋᑭ ᓱᐛᔨᒥᑯᐛᐅᒡ ᑭᔭ ᒋᑭ ᒥᔨᑯᐛᐅᒡ ᒋᔭᒪᔨᑎᒧᐅᓂᔪᐤ᙮

ᒋᔅᒐᔨᑕᑯᑕᒐᐅᓐ 11:17

ᐊ ᐃᔅᒋᔄᒡ, “ᓂᑎᐸᔨᒋᒐᓯᒥᓇᓐ ᒋᓴᒪᓂᑐᐤ ᒪᐅᒡ ᑲ ᓱᐧᑲᑎᓯᔨᓐ, ᐊᓐ ᑲ ᑕᑦ ᑭᔭ ᒧᔅ ᑲ ᐸᒋ ᑕᑦ, ᒋ ᓂᓇᔅᑯᒥᑎᓇᓐ ᐊᒋ ᐊᐱᒋᑕᔨᓐ ᒋᓱᐧᑲᑎᓯᐅᓐ ᒋᔾ ᐊ ᑎᐸᔨᒋᒐᔨᓐ᙮

ᒋᔅᒐᔨᑕᑯᑕᒐᐅᓐ 15:3

ᒋ ᓂᑭᒧᐅᒡ ᒪᒃ ᒧᓱᓴ ᐅᓂᑭᒧᐅᓂᔪᐤ᙮ ᐊᐅᒄ ᐅ ᒧᓱᔅ ᒋᓴᒪᓂᑐᐛ ᑲ ᐅᑦ ᐊᐱᒋᐊᑭᓂᑐᑕᑯᑦ᙮ ᐅᔭ ᒪᒃ ᐅᓂᑭᒧᐅᓂᔪᐤ ᒋ ᓂᑭᒧᐅᒡ ᐊ ᒋᔅᑕᒋᒪᒡ ᒪᔭᑕᓂᓴ᙮ ᐊᐅᒄ ᐅᔭ ᑲ ᐃᓯ ᓂᑭᒧᒡ, “ᐅᑎᐸᔨᒋᒐᐤ ᒋᓴᒪᓂᑐᐤ ᒋᔾ ᒪᐅᒡ ᑲ ᓱᐧᑲᑎᓯᔨᓐ᙮ ᓇᔅᒡ ᑕᑈ ᒥᔽᔨᑕᑯᓐ ᑭᔭ ᒋᔅᑕᔨᑕᑯᓐ ᑕᓐ ᐊ ᐃᓯ ᐃᑐᑎᒥᓐ᙮ ᒋᔾ ᒋᒋᓴᐅᒋᒪᐅᑐᑐᐛᐅᒡ ᒥᓯᐛ ᐊ ᐃᑎᔅᑲᓇᓯᒡ ᐊᐛᓐᒋ, ᒧᔅ ᑯᐃᔅᒄ ᒋᑦ ᐃᑎᓐ ᑭᔭ ᒧᔅ ᑕᑈᒥᑭᓐ ᑕᓐ ᐊ ᐃᔅᒋᔄᔨᓐ᙮

ᒋᔅᒐᔨᑕᑯᑕᒐᐅᓐ 16:14

ᐛᔅ ᐊᐅᑯᓐᒡ ᐅᒡ ᒥᒋ ᐊᒐᐧᑯᒡ ᒪᒥᔅᑲᒡ ᑲ ᐃᑎᒡ᙮ ᒥᓯᐛ ᐊ ᑕᑎᓯᔨᒡ ᒋᓴᐅᒋᒪᐛ ᐅᑕ ᐊᔅᒋᒡ ᒪᒧᓇᐅᒡ ᒐᒋ ᐸᒋ ᒪᓯᒐᔨᒋ ᐅᑎᒋᐱᔨᒐ ᐊᓂᔭ ᒋᓴᒪᓂᑐᐛ ᒪᐅᒡ ᑲ ᓱᐧᑲᑎᓯᔨᒋ ᑲ ᒋᔅᑕᔨᑕᑯᓂᔨᒡ ᐅᒋᓯᑲᒥᔪᐤ᙮

ᒋᔅᒐᔨᑕᑯᑕᒐᐅᓐ 16:7

ᐊᑯ ᐊᓐᑕ ᐱᔅᑎᓂᒐᐅᓇᐱᔅᒄ ᐊ ᑎᒂᒡ, ᐊᑯᑕ ᒂ ᐅᒋ ᐸᑐᐅᒃ ᐊᐛᓐ ᐊ ᐃᔅᒋᔄᑦ, “ᐅᑎᐸᔨᒋᒐᐤ ᒋᓴᒪᓂᑐᐤ, ᒋᔾ ᒪᐅᒡ ᑲ ᓱᐧᑲᑎᓯᔨᓐ᙮ ᑕᑈ ᑯᐃᔅᒄ ᒋ ᐊᑎ ᐃᓯ ᑎᐸᔅᑯᓇᐅᒡ ᐊᐛᓐᒋ ᐊ ᑎᐸᔅᑯᓂᑥᐤ᙮ ᑕᑈ ᐃᑕᔨᑕᑯᓂᔪᐤ ᑭᔭ ᒐᒋ ᑎᐸᔅᑯᓂᑥᐤ᙮”

ᒋᔅᒐᔨᑕᑯᑕᒐᐅᓐ 19:15

ᐊ ᑲᓴᔨᒡ ᓂᑐᐱᔪᐅ-ᒧᐧᑯᒪᓂᔪᐤ ᐅᒋᐱᔪᐤ ᐅᑐᓂᒡ ᐊᓐ ᑲ ᑕᑎᐱᑦ ᑲᐸᐃᑭᔎᐛ᙮ ᐊᐅᒄ ᐅᔭ ᒐ ᐊᐱᒋᑕᑦ ᒐᒋ ᓴᒂᐊᑦ ᐊ ᐃᑎᔅᑲᓇᓯᔨᒋ ᐊᐛᔪᐛ᙮ ᓇᒪ ᒪᒃ ᒋᑭ ᐅᒋ ᒪᒥᓇᑎᓯᐤ ᐅᒋᒪᐅᒐ᙮ ᒋᑭ ᐛᐸᑎᔨᐛᐤ ᒋᓴᒪᓂᑐᐛ ᒪᐅᒡ ᓯᔪᐧᑲᑎᓯᔨᒋ ᐊ ᐃᓯ ᐊᒂᑕᔨᑕᑯᓂᔨᒡ ᐅᑦ ᐊᐧᑯᔪᐛᓱᐅᓂᔪᐤ᙮ ᒧᔭᒻ ᐊᓐᑕ ᒥᓂᓴ ᑲ ᒪᒥᒋᒥᓂᑲᓄᔨᒋ ᑲᒋ ᑎᒂᐃᑭᓄᔨᒋ ᓱᒥᓇᐳᔾ ᐊ ᐅᓯᑕᑭᓄᐅᒡ, ᐊᐅᑯᓐ ᒐ ᐃᑕᔨᑕᑯᓂᔨᒡ ᐃᔅᐱ ᐛᐛᓯᐊᒐ ᐊᐛᔪᐛ᙮

ᒋᔅᒐᔨᑕᑯᑕᒐᐅᓐ 19:6

ᐊᑯ ᒂ ᐸᑐᐅᒂᐤ ᐊ ᒥᒐᑐᐛᑕᒡ ᐊᐛᓐᒋ ᒧᔭᒻ ᓂᐱᔾ ᐊ ᒋᔄᐛᔭᒍᐅᒡ ᑭᔭ ᒧᔭᒻ ᓂᒥᔅᒍᐅᒡ ᐊ ᐸᑕᑯᓯᒡ ᐊ ᐃᑎᑕᑯᓯᒡ᙮ ᒋ ᐃᔅᒋᔄᐅᒡ, “ᐊᓕᓗᔭ, ᐅᑎᐸᔨᒋᒐᐤ ᒋᓴᒪᓂᑐᐤ ᒪᐅᒡ ᑲ ᓱᐧᑲᑎᓯᑦ ᐎᔾ ᑕᐸᔨᒋᒐᐤ᙮

ᒋᔅᒐᔨᑕᑯᑕᒐᐅᓐ 2:8

“ᐊᐅᒄ ᐅ ᐃᑎᓯᓇᐊᒧᐤ ᐊᓐ ᐊᓐᒋᓐ ᑲ ᓂᓇᑭᑐᐛᔨᒪᑦ ᐅᒪᒧᐊᔭᒥᐊᐛ ᐊᓐᑕ ᓯᒥᕆᓇ ᐊ ᑕᔨᒋ, ᐊᐅᒄ ᐅᔭ ᐊ ᐃᔅᒋᔄᑦ ᐊᓐ ᓂᔅᑎᒻ ᑲ ᑕᑦ ᑭᔭ ᒪᔅᑕᔾ ᒐ ᑕᑦ, ᐊᓐ ᑲ ᓂᐱᑦ ᑭᔭ ᑲᐤ ᑲ ᐅᓂᔅᑲᑦ᙮

ᒋᔅᒐᔨᑕᑯᑕᒐᐅᓐ 21:22

ᓇᒪ ᒪᒃ ᐎ ᓂ ᐅᒋ ᐛᐸᑕᓐ ᒋᓴᐊᔭᒥᐊᐅᒋᐛᑉ ᐊᓐᑕ᙮ ᐛᔅ ᐅᑎᐸᔨᒋᒐᐤ ᒋᓴᒪᓂᑐᐤ ᒪᐅᒡ ᓯᔪᐧᑲᑎᓯᑦ ᑭᔭ ᐊᓐ ᒪᔭᑕᓂᔅ ᒧᔅ ᑕᐅᒡ ᐊᓐᑕ ᐊᓂᔭ ᐅᑕᓇᔪᐤ᙮ ᓇᒪ ᒋᑭ ᐅᒋ ᓂᑐᐛᔨᑕᑯᓐ ᒐᒋ ᑎᒂᒡ ᐊᔭᒥᐊᐅᒋᐛᑉ ᐊᓐᑕ ᒐᒋ ᒪᒥᒋᒪᑭᓄᐎᒡ᙮

ᒋᔅᒐᔨᑕᑯᑕᒐᐅᓐ 21:6

ᐊᑯ ᒪᒃ ᒂ ᐃᔅᒋᔄᑦ, “ᓴᔅ ᒥᓯᐛ ᒐᒂᓐ ᓄᐅᔅᒋᑕᓐ᙮ ᐊᐅᒄ ᓂᔾ ᓴᔅ ᑲ ᑕᔭᓐ ᐊᔅᒄ ᐊᑲ ᓇᔅᒡ ᒐᒂᓐ ᐅᒋ ᑎᒂᒡ, ᑭᔭ ᐊᐅᒄ ᓂᔾ ᐊᔅᒄ ᒐ ᑕᔭᓐ ᐃᔅᐱ ᒥᓯᐛ ᒐᒂᓐ ᒋᑎᐱᔨᒐ᙮ ᐊᐅᒄ ᓂᔾ ᒥᓯᐛ ᒐᒂᔪᐤ ᑲ ᒋᒋᐱᔨᑕᑦ ᑭᔭ ᐊᐅᒄ ᓂᔾ ᒐ ᒋᔅᑕᔭᓐ ᒥᓯᐛ ᒐᒂᓐ᙮ ᐊᓐ ᐊᐛᓐ ᒐ ᓄᑕᔭᐸᒂᑦ ᓴᒐᔾ ᓂᑭ ᒥᓇᐊᐤ ᐊᓂᔭ ᓂᐱᔪᐤ ᐊᓐᑕ ᐊᓂᔭ ᐛᒋ ᒥᔭᑭᓄᐅᑦ ᐊᐛᓐ ᑲᒋᒡ ᐱᒪᑎᓯᐅᓂᔪᐤ ᑲ ᐅᒋ ᒧᔅᒋᒍᐅᓂᔨᒡ᙮

ᒋᔅᒐᔨᑕᑯᑕᒐᐅᓐ 22:13

ᐊᐅᒄ ᓂᔾ ᓴᔅ ᑲ ᑕᔭᓐ ᐊᔅᒄ ᐊᑲ ᓇᔅᒡ ᒐᒂᓐ ᐅᒋ ᑎᒂᒡ, ᑭᔭ ᐊᐅᒄ ᓂᔾ ᐊᔅᒄ ᒐ ᑕᔭᓐ ᐃᔅᐱ ᒥᓯᐛ ᒐᒂᓐ ᒋᑎᐱᔨᒐ᙮ ᐊᐅᒄ ᓂᔾ ᓂᔅᑎᒻ ᑲ ᑕᔭᓐ, ᑭᔭ ᐊᐅᒄ ᓂᔾ ᒪᔅᑕᔾ ᒐ ᑕᔭᓐ᙮ ᐊᐅᒄ ᓂᔾ ᒥᓯᐛ ᒐᒂᔪᐤ ᑲ ᒋᒋᐱᔨᑕᑦ, ᑭᔭ ᐊᐅᒄ ᓂᔾ ᒐ ᒋᔅᑕᔭᓐ ᒥᓯᐛ ᒐᒂᓐ᙮

ᒋᔅᒐᔨᑕᑯᑕᒐᐅᓐ 4:8

ᒥᓯᐛ ᒪᒃ ᐊ ᓇᐅᒡ ᐊᓱᑕᒡ ᐃᑕᑎᓂᔪᐛ ᐅᑎᑎᑭᓄᐛᐛ᙮ ᒥᓯᐛ ᐊ ᐃᔅᐱᑎᒡ ᑎᑯᓂᔪᐛ ᐅᔅᒋᓯᑯᐛᐛ, ᐛᐛᒡ ᓯᐸ ᐅᑎᑎᑯᓂᐛᒡ ᑎᑯᓂᔪᐛ᙮ ᓇᒪ ᒪᒃ ᒋᐱᑐᐛᐅᒡ ᐊ ᓂᑭᒧᒡ ᐊ ᑎᐱᔅᑲᔨᒡ ᑭᔭ ᐊ ᒋᓯᑲᔨᒡ, ᐊ ᐃᔅᒋᔄᒡ, “ᐸᔭᒋᓯᐤ, ᐸᔭᒋᓯᐤ, ᐸᔭᒋᓯᐤ ᐅᑎᐸᔨᒋᒐᐤ ᒋᓴᒪᓂᑐᐤ ᒪᐅᒡ ᑲ ᓱᐧᑲᑎᓯᑦ, ᐊᓐ ᒧᔅ ᑲ ᐸᒋ ᑕᑦ, ᐊᓐ ᐊᓄᒡ ᐊ ᑕᑦ, ᑭᔭ ᐊᓐ ᒐ ᑎᑯᓯᐧᒃ᙮”