ᒋᔅᒐᔨᑕᑯᑕᒐᐅᓐ 1:7 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁷ ᐃᑕᐱᒄ ᒪ᙮ ᐸᒋ ᑎᑯᓯᓄᐤ ᑭᔅᑯᐅᓂᔅᑯᒡ ᐊ ᐸᒋ ᔭᓯᑦ᙮ ᒥᓯᐛ ᐊᐛᔪᐛ ᒋᑭ ᐛᐱᒥᑯᐤ, ᐛᐛᒡ ᐊᓂᔭᔪᐛ ᑲ ᑕᐧᑭᒥᑯᑦ᙮ ᒥᓯᐛ ᐊ ᐃᑎᔅᑲᓇᓯᔨᒋ ᐊᐛᔪᐛ ᒋᑭ ᒥᔅᑎ ᒪᔪᐛ ᐛᐱᒥᑯᒐ᙮ ᒐᔅᑎᓇᔅ ᒋᑭ ᐃᔅᐱᔪᐤ ᐅ᙮ ᐊᒥᓐ᙮

ᒋᔅᒐᔨᑕᑯᑕᒐᐅᓐ 1:7 Iomraidhean Croise

ᑎᐱᑦ ᐅᓂᑭᒧᐅᓇ 22:16

ᐛᔅ ᐊᑎᒧᒡ ᓂᒋ ᐛᔅᑲᔅᑲᑯᒡ; ᑲ ᒪᒧᐎᔨᑐᒡ ᐅᒥᒋᑥᐅᒡ ᓂ ᐛᔅᑲᑲᐳᐅᔅᑕᑯᒡ: ᒋ ᑕᐧᑲᑎᒧᒡ ᓂᑎᒋᔭ ᑭᔭ ᓂᓯᑕ᙮

ᑎᐱᑦ ᐅᓂᑭᒧᐅᓇ 68:1

ᐊᑯᔅ ᒋᑭ ᐱᓯᑯᐤ ᒋᓴᒪᓂᑐᐤ, ᐊᑯᔅ ᑲ ᐛᐧᑲᑎᑯᑦ ᒋᑭ ᐛᓯᔄᐛᑎᓴᐛᑭᓂᐎᔪᐛ; ᐊᑯᔅ ᑭᔭ ᑲ ᐛᐧᑲᑎᑯᑦ ᒋᑭ ᒋᑎᓯᒥᑯᐤ᙮

ᑎᐱᑦ ᐅᓂᑭᒧᐅᓇ 97:2

ᑭᔅᑯᐅᓇ ᑭᔭ ᐅᑲᔅᑕᐅᓂᔪᐤ ᐛᔅᑲᔅᑲᑯᐤ: ᑯᐃᔅᑯᑕᑎᓯᐅᓂᒡ ᑭᔭ ᑎᐸᔅᑯᓂᒐᐅᓂᒡ ᐊᔨᑎᔅᑕᔪᐤ ᐅᒋᓴᐅᒋᒪᐤ ᑕᑎᐳᐛᑭᓐ᙮

ᒪᑎᔪᐤ 16:27

ᐛᔅ ᐃᔪᐤ ᐅᑯᓯᓴᓇ ᒋᑭ ᑎᑯᓯᓂᔪᐛ ᐅᑕᐎᒪᐛ ᐅᒋᔅᑕᔨᑕᑯᓱᐅᓂᔨᒡ ᑭᔭ ᐊᓐᒋᓇ ᐊ ᐸᒋ ᐎᒐᐅᑯᔨᒋ, ᑭᔭ ᒐ ᑎᐸᐊᒧᐛᑦ ᒥᓯᐛ ᐊᐛᔪᐛ ᑕᓐ ᑲ ᐃᓯ ᐃᑐᑎᒥᔨᒋ᙮

ᒪᑎᔪᐤ 16:28

ᒋ ᐎᑎᒪᑎᓇᐛᐤ, ᑕᑈ ᐊ ᑕᒡ ᐅᑕ ᐊᐛᓐᒋ ᐊᔅᒄ ᒐ ᐱᒪᑎᓯᒡ ᐃᔅᐱ ᐅᑎᒋᐱᔨᒐ ᒐ ᑎᑯᓯᓂᔨᒋ ᐃᔪᐤ ᐅᑯᓯᓴᓇ ᒐ ᐸᒋ ᒋᓴᐅᒋᒪᐎᔨᒋ᙮”

ᒪᑎᔪᐤ 24:30

“ᐊᑯ ᒪᒃ ᒐ ᓄᑯᓂᔨᒡ ᐊᓐᑕ ᒋᓯᑯᒡ ᓴᔅ ᐊ ᐸᒋ ᑎᑯᓯᐧᒃ ᐃᔪᐤ ᐅᑯᓯᓴᓐ᙮ ᒥᓯᐛ ᐊ ᐃᑎᔅᑲᓇᓯᒡ ᐊᐛᓐᒋ ᐅᑕ ᐊᔅᒋᒡ ᑲ ᑕᒡ ᒋᑭ ᒪᐅᒡ᙮ ᒋᑭ ᐛᐱᒪᐅᒡ ᒪᒃ ᐃᔪᐤ ᐅᑯᓯᓴᓇ ᐊ ᐸᒋ ᔭᓯᔨᒋ ᑭᔅᑯᐅᓂᔅᑯᒡ, ᓇᔅᒡ ᐊ ᓄᑯᓂᔨᒡ ᐅᓱᐧᑲᑎᓯᐅᓐ ᑭᔭ ᐅᒋᔅᑕᔨᑕᑯᓱᐅᓐ᙮

ᒪᑎᔪᐤ 25:31

“ᐊᓐᑕ ᒪᒃ ᓂᑲᓐ ᐃᔅᐱ ᐃᔪᐤ ᐅᑯᓯᓴᓐ ᑎᑯᓯᓐᒐ ᓇᔅᒡ ᐊ ᒋᔅᑕᔨᑕᑯᓯᑦ ᑭᔭ ᐊ ᓱᒐᔨᑕᑯᓯᑦ ᒥᓯᐛ ᐊᓐᒋᓇ ᐊ ᐸᒋ ᐎᒐᐛᑦ, ᐊᑯ ᒐ ᐊᐱᑦ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ ᐊᓐᑕ ᒐᒋ ᐅᒋ ᑎᐸᔅᑯᓇᑦ ᐊᐛᔪᐛ᙮

ᒪᑎᔪᐤ 26:64

ᒋᓴᔅ ᒋ ᐃᑕᐤ, “ᐊᐅᑯᓐ ᐊ ᐃᔅᒋᔄᔨᓐ᙮ ᒥᒄ ᒪᒃ ᒋ ᐎᑎᒪᑎᓇᐛᐤ ᒋᑭ ᐛᐱᒪᐛᐤ ᐃᔪᐤ ᐅᑯᓯᓴᓐ ᐊ ᐊᐱᑦ ᐊᓐᑕ ᑲ ᓱᐧᑲᑎᓯᔨᒋ ᐅᒥᔪᓂᔨᒡ ᐃᑕᒐ ᐊ ᑕᔨᒋ᙮ ᑭᔭ ᒋᑭ ᐛᐱᒪᐛᐤ ᐸᒋ ᑎᑯᓯᓂᒐ ᒋᒋᒋᓯᒄ ᑭᔅᑯᐅᓂᔅᑯᒡ ᐊ ᐅᒋ ᓄᑯᓯᑦ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 13:26

“ᐊᑯ ᒪᒃ ᒐ ᐛᐱᒪᑭᓄᐅᑦ ᐃᔪᐤ ᐅᑯᓯᓴᓐ ᐊ ᐸᒋ ᔭᓯᑦ ᑭᔅᑯᐅᓂᔅᑯᒡ, ᓇᔅᒡ ᐊ ᓄᑯᓂᔨᒡ ᐅᓱᐧᑲᑎᓯᐅᓐ ᑭᔭ ᐅᒋᔅᑕᔨᑕᑯᓱᐅᓐ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 14:62

ᒋᓴᔅ ᒪᒃ ᒋ ᐃᑕᐤ, “ᓂᐦᐃ, ᐊᐅᒄ ᓂᔾ᙮ ᒋᑭ ᐛᐱᒪᐛᐤ ᒪᒃ ᐃᔪᐤ ᐅᑯᓯᓴᓐ ᐊ ᐊᐱᑦ ᐅᒥᔪᓂᔨᒡ ᐃᑕᒐ ᑲ ᓱᐧᑲᑎᓯᔨᒋ ᑭᔭ ᒋᑭ ᐛᐱᒪᐛᐤ ᒋᒋᒋᓯᒄ ᑭᔅᑯᐅᓂᔅᑯᒡ ᐸᒋ ᑎᑯᓯᓐᒐ᙮”

ᓗᒃ 21:27

ᐊᑯ ᒪᒃ ᒐ ᐛᐱᒪᑭᓄᐅᑦ ᐃᔪᐤ ᐅᑯᓯᓴᓐ ᐊ ᐸᒋ ᔭᓯᑦ ᑭᔅᑯᐅᓂᔅᑯᒡ, ᓇᔅᒡ ᐊ ᓄᑯᓂᔨᒡ ᐅᓱᐧᑲᑎᓯᐅᓐ ᑭᔭ ᐅᒋᔅᑕᔨᑕᑯᓱᐅᓐ᙮

ᒠᓐ 19:34

ᐸᐃᒄ ᒪᒃ ᐊᓐ ᐊᓯᒪᑭᓂᔅ ᒋ ᑕᐧᑭᒪᐤ ᐊᓂᔭ ᒋᓴᓴ ᐊᓐᑕ ᐅᔅᐱᑲᔨᒡ᙮ ᑎᐛᒡ ᒂ ᐅᒋ ᐎᐎᑯᔨᒡ ᐅᒥᐧᑯᔪᐤ ᑭᔭ ᓂᐱᔪᐤ ᐊᓐᑕ ᐅᒡ᙮

ᒠᓐ 19:37

ᑭᔭ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᒋᑭ ᑭᓄᐛᐱᒪᐅᒡ ᐊᓂᔭ ᑲ ᑕᐧᑭᒪᒡ᙮

1 ᑕᓴᓗᓂᔭᓇ 1:10

ᑭᔭ ᐊ ᐊᓱᐛᐱᒪᑯ ᒋᓴᒪᓂᑐᐛ ᐅᑯᓯᔪᐛ ᒥᓐ ᑲᐤ ᒐᒋ ᑎᑯᓯᓂᔨᒋ ᒋᒋᒋᓯᑯᒡ ᐅᒋ᙮ ᐊᔪᐅᒄ ᐅᔭ ᐅᑯᓴ ᑲ ᐅᓂᔅᑲᓇᑦ ᓂᐳᐅᓂᒡ ᐅᒋ᙮ ᐊᐅᒄ ᒪᒃ ᐅ ᒋᓴᔅ ᑲ ᐱᒪᒋᐃᑕᐧᒄ ᒐ ᐊᑲ ᒋ ᐛᐛᓯᐃᑎᑕᐧᑯ ᒋᓴᒪᓂᑐᐛ ᑎᐸᔅᑯᓂᒐᐅ ᒋᓯᑲᔨᒐ᙮

1 ᑕᓴᓗᓂᔭᓇ 4:17

ᐊᑯ ᒪᒃ ᒋᔭᓄᐤ ᐊᔅᒄ ᒐ ᐱᒪᑎᓯᔭᐧᒄ ᐅᑕ ᐊᔅᒋᒡ ᒐ ᐅᐱᔭᐧᒄ ᒐᒋ ᓂᒋᐊᐧᑯᒡ ᐊᓐᑕ ᑭᔅᑯᐅᓂᔅᑯᒡ ᐅᒡ ᓂᔅᑎᒻ ᑲ ᐅᐱᔨᒡ᙮ ᐊᑯ ᒪᒃ ᐅᑎᐸᔨᒋᒐᐤ ᒪᒧᐤ ᒐ ᐃᓯ ᓂᒋᐊᐧᒄ ᐊᓐᑕ ᒧᓴ ᒋᓯᑯᒡ᙮ ᐅᑎᐸᔨᒋᒐᐤ ᒪᒃ ᐊ ᑕᑦ ᐊᑯᑕ ᑲᒋᒡ ᒐ ᑕᔭᐧᒄ᙮

ᐃᑉᕈᐛ 10:29

ᐊᑐᐎᔅ ᒪᒃ ᒋᑭ ᐃᑕᔨᑕᑯᓂᔪᐤ ᐊᓐ ᐊᐛᓐ ᐃᔭᐱᒡ ᑲ ᒥᒋᑐᑕᐧᒃ ᐊᑎ ᐊ ᒋᔅᒐᔨᑕᐧᒃ ᐊᑲ ᑯᐃᔅᒄ ᐃᑎᑦ᙮ ᐅᔭ ᐊ ᐃᑎᑦ ᒪᔭᔨᒪᐤ ᒋᓴᒪᓂᑐᐛ ᐅᑯᓯᔪᐛ᙮ ᒪᔭᔨᑎᒺᐤ ᐅᒥᐧᑯᔪᐤ ᑲ ᓯᒋᓂᑲᑕᔨᒡ ᒋᐱᔭᑎᑯᒡ ᑲ ᓂᐸᐊᑭᓄᔨᒋ᙮ ᒪᔭᔨᑎᒻ ᐊᓂᔭ ᑲ ᐅᔅᑲᔨᒡ ᓂᔅᑯᒧᐅᓂᔪᐤ ᐊᓂᔭ ᒋᓴᒪᓂᑐᐛ ᑲ ᐅᓯᑎᒧᐛᔨᒋ ᐅᑦ ᐃᔨᒥᔪᐛ᙮ ᐊᓐ ᐊᐛᓐ ᐅᔭ ᑲ ᐃᑎᑦ ᒪᔭᔨᒪᐤ ᑭᔭ ᑲ ᐸᔭᒋᓯᔨᒋ ᐊᒐᒂ ᐊᓐ ᑲ ᒋᔅᒐᔨᑎᒥᐃᑕᐧᒄ ᒋᓴᒪᓂᑐᐛ ᐅᓱᐛᔨᒋᒐᐅᓂᔪᐤ᙮ ᐅ ᐊᐛᓐ ᐃᓯᓇᑯᓂᔪᐤ ᑕᑈ ᒐᒋ ᐛᐛᓯᐊᑭᓄᐅᑦ᙮

ᐃᑉᕈᐛ 6:6

ᒐ ᒋᐛᑲᐳᔅᑎᒧᐛᒂ ᒪᒃ ᐅᒡ ᐃᔪᒡ ᒥᓯᐛ ᑲ ᐃᓯ ᒋᔅᒐᔨᑎᒥᐊᑭᓄᐎᒡ ᒋᐸ ᐃᓯ ᑕᑈᑎᒧᒡ ᓇᒪ ᒥᓐ ᒋᑭ ᒋ ᐃᑐᑐᐛᑭᓄᐎᒡ ᒐᒋ ᒥᑕᒋᔨᐛᔨᑕᒡ ᐅᒥᒋᑥᐅᓄᐛᐛ᙮ ᐊᑐᐛᔨᒪᐅᒡ ᒋᓴᒪᓂᑐᐛ ᐅᑯᓯᔪᐛ᙮ ᒧᓯᓇᐤ ᒧᓴ ᒪᔭᔨᒪᐅᒡ ᒋᓴᓴ ᑭᔭ ᒧᔭᒻ ᒥᓐ ᐊ ᒋᔅᑕᔎᑕᒡ ᒋᐱᔭᑎᑯᒡ ᐃᓯᓇᑯᓂᔪᐤ ᐊᓂᔭ ᐊ ᐃᑕᑎᓯᒡ᙮

1 ᒠᓐ 3:2

ᓂᐧᑲᓂᓯᑐᒄ ᑲ ᓴᒋᐃᑎᑯᒡ, ᒋ ᐅᑦ ᐊᐛᓯᒥᑕᑯᓄᐤ ᒋᓴᒪᓂᑐᐤ ᐊᓄᒡ, ᒥᒄ ᒪᒃ ᐊᔅᒄ ᓇᒪ ᓄᑯᓐ ᑕᓐ ᒐ ᐃᑕᔨᑕᑯᓯᔭᐧᒄ, ᒥᒄ ᒋ ᒋᔅᒐᔨᑕᓇᓄᐤ ᐃᔅᐱ ᑎᑯᓯᒐ ᒧᔭᒻ ᐎᔾ ᐊ ᐃᑕᔨᑕᑯᓯᑦ ᐊᐅᑯᓐ ᒐ ᐃᑕᔨᑕᑯᓯᔭᐧᒄ᙮ ᐛᔅ ᒋᑭ ᐛᐱᒪᓄᐤ ᑕᓐ ᐊᓐ ᐊ ᐃᑕᔨᑕᑯᓯᑦ᙮

ᒍᑦ 1:14

ᐃᓄᒃ, ᐊᓐ ᓂᔄᐅᑕᒡ ᑲ ᑕᑦ ᐊᑕᒪ ᐊ ᑕᔨᒋ ᐊᒋ ᐅᒋ ᐊᓂᔅᒐ ᐱᒪᑎᓯᑦ, ᓴᔅ ᐊᓐᑕ ᐛᔅᑭᒡ ᓂᑲᓐ ᒋ ᐊᔨᒧᒪᐤ ᐅᔭ᙮ ᒋ ᐃᑕᐤ, “ᐃᑕᐱᒄ ᒪ᙮ ᐅᑎᐸᔨᒋᒐᐤ ᒥᒐᑥᐤ ᒐᓯᐱᔪᐤ ᐅᐸᔭᒋ ᐊᓐᒋᓂᒪ ᒋᑭ ᐸᒋ ᐎᒐᐛᐤ

ᒋᔅᒐᔨᑕᑯᑕᒐᐅᓐ 22:20

ᐊᓐ ᒪᒃ ᐊᐛᓐ ᑲ ᐎᑕᐧᒃ ᐊ ᑕᑈᒥᑭᓂᔨᒡ ᒥᓯᐛ ᐅᔭ ᑲ ᐃᓯ ᐎᑕᑭᓄᔨᒋ ᐃᔅᒋᔄᐤ, “ᒐᔅᑎᓇᔅ ᓴᔅ ᐎᐱᒡ ᒥᓐ ᓂᑭ ᑎᑯᓯᓐ᙮” ᐊᒥᓐ, ᐅᑎᐸᔨᒋᒐᐤ ᒋᓴᔅ, ᐊᔅᑎᒻ᙮

ᒋᔅᒐᔨᑕᑯᑕᒐᐅᓐ 22:4

ᐛᒋᒡ ᒋᑭ ᐛᐸᑎᒥᔪᐛ ᐅᑕᔅᑎᒥᐧᒄ᙮ ᐅᑦ ᐃᓯᓂᐧᑲᓱᐅᓐ ᒋᑭ ᒥᓯᓇᑕᔪᐤ ᐅᔅᑲᑎᑯᐎᒡ᙮