ᒋᔅᒐᔨᑕᑯᑕᒐᐅᓐ 1:13 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹³ ᒪᒂᒡ ᒪᒃ ᐊᓂᔭᔪᐛ ᐛᔅᑕᓂᐱᒪᑭᓇᑎᒂ ᐊ ᑎᒂᒋ, ᐊᑯᑕ ᑲ ᐛᐱᒥᒃ ᐊᐛᓐ ᒧᔭᒻ ᐃᔪᐤ ᐅᑯᓯᓴᓐ ᐊ ᐃᓯᓇᑯᓯᑦ᙮ ᐊᓐ ᒪᒃ ᐊᐛᓐ ᒋ ᒋᔅᑭᒻ ᐊᑯᐱᔪᐤ ᐊᓐᑕ ᐃᔅ ᐅᓯᑎᒡ ᐊ ᐃᔎᑭᓂᔨᒡ᙮ ᑭᔭ ᒋ ᐱᒂᑕᐅᐤ ᐅᔅᑲᔅᒋᑭᓂᒡ ᐊ ᐎᔄᐅᓱᓇᔭᐸᑭᓂᔨᒡ ᐅᐱᒂᑕᐅᓐ᙮

ᒋᔅᒐᔨᑕᑯᑕᒐᐅᓐ 1:13 Iomraidhean Croise

ᐊᒃᓱᑕᔅ 39:5

ᑭᔭ ᐱᒂᑕᐅᓐ ᐸᐃᑯᑕᐤ ᒋᑭ ᐅᒋ ᐅᓯᑕᑭᓄᐤ ᑭᔭ ᒐ ᐊᓂᔅᑯᑎᓐ ᐊᓐᑕ ᐊᔅᐱᒋᑯᓇᐅᓂᒡ ᐊ ᐸᐃᒂᒡ ᒐᒋ ᐃᓯᓇᒂᒡ, ᒧᔭᒻ ᑎᐸᔨᒋᒐᓱᐤ ᑲ ᐃᑎᓱᒪᑦ ᒧᓱᓴ᙮

ᐃᑉᕈᐛ 4:15

ᐛᔅ ᐊᓐ ᒋᒋᓴᐊᔭᒥᐊᐅᒋᒪᒥᓄᐤ ᒋᔅᑎᒪᒐᔨᒥᑯᓄᐤ᙮ ᓇᔅᒡ ᒋ ᒋᔅᒐᔨᒥᑯᓄᐤ ᐊᑲ ᓇᔅᒡ ᓱᒋᑲᐳᐅᔭᐧᒄ ᐃᔅᐱ ᐊ ᑯᒂᒋᐃᑯᔭᐧᑯ ᒐᒋ ᒥᒋᑐᑎᒪᐧᒄ᙮ ᐛᔅ ᑭᔭ ᐎᔾ ᒋ ᑯᒂᒋᐊᑭᓄᐤ ᒐᒋ ᒥᒋᑐᑕᐧᒄ ᒧᔭᒻ ᒋᔭᓄᐤ ᐊ ᐃᑐᑕᑯᐅᔭᐧᒄ, ᒥᒄ ᒪᒃ ᐎᔾ ᓇᒪ ᐅᒋ ᒥᒋᑐᑎᒻ᙮

ᒋᔅᒐᔨᑕᑯᑕᒐᐅᓐ 14:14

ᒥᓐ ᒂ ᐃᑕᐱᔭᓐ, ᐊᑯ ᒂ ᐛᐱᒥᒃ ᐊ ᐛᐱᓯᑦ ᑭᔅᑯᐅᓂᔅᒄ᙮ ᓂᒋ ᐛᐱᒪᐤ ᒪᒃ ᐊᐛᓐ ᐊ ᑕᑎᐱᑦ ᐊᓂᔭᔪᐛ ᑭᔅᑯᐅᓂᔎ ᒧᔭᒻ ᐃᔪᐤ ᐅᑯᓯᓴᓇ ᐊ ᐃᓯᓇᑯᓯᑦ᙮ ᐊ ᐎᔄᐅᓱᓇᔭᐱᔅᑯᔨᒡ ᒋᓴᐅᒋᒪᐅᑯᓂᔎᐅᓂᔪᐤ ᒋ ᒋᔅᑭᒻ ᐊᓐ ᐊᐛᓐ᙮ ᐊ ᑲᓴᔨᒡ ᒥᔅᑯᓯᐅ-ᒧᐧᑯᒪᓂᔪᐤ ᒋ ᑕᐧᑯᓂᒻ᙮

ᒋᔅᒐᔨᑕᑯᑕᒐᐅᓐ 15:6

ᐊᑯ ᐊᓐᒡ ᓂᔄᐅᑕᒡ ᐊᓐᒋᓐᒡ ᑲ ᐸᑕᒡ ᑕᓐ ᒐ ᐃᓯ ᓂᓇᐧᑲᑕᔨᒧᓇᓄᐎᒡ, ᒂ ᐅᒋ ᐎᐎᒡ ᐊᓂᔭ ᒋᓴᐊᔭᒥᐊᐅᒋᐛᐱᔪᐤ᙮ ᒋ ᐛᐸᔅᐱᓱᐅᒡ ᒪᒃ ᐊ ᐛᓯᐧᑯᔅᑕᔨᒋ ᐅᑦ ᐊᐱᒋᑕᐅᓄᐛᐛ ᐊᔅᐱᔅ ᐸᔭᐧᑭᓂᔨᒋ, ᐊᑯ ᐊᓐᑕ ᐅᔅᑲᔅᒋᑭᓂᐛᒡ ᒋ ᒪᑯᐱᓱᒡ ᒐᒂᔪᐤ ᒧᔭᒻ ᐊ ᐎᔄᐅᓱᓇᔭᐱᔅᑯᓂᔨᒡ ᐱᒂᑕᐅᓂᔪᐤ ᐊ ᐃᓯᓇᑯᓂᔨᒡ᙮

ᒋᔅᒐᔨᑕᑯᑕᒐᐅᓐ 2:1

“ᐊᐅᒄ ᐅ ᐃᑎᓯᓇᐊᒧᐤ ᐊᓐ ᐊᓐᒋᓐ ᑲ ᓂᓇᑭᑐᐛᔨᒪᑦ ᐅᒪᒧᐊᔭᒥᐊᐛ ᐊᓐᑕ ᐃᐱᓴᔅ ᐊ ᑕᔨᒋ, ᐊᐅᒄ ᐅᔭ ᐊ ᐃᔅᒋᔄᑦ ᐊᓐ ᑲ ᑕᐧᑯᓇᑦ ᓂᔄᐅᑕᒡ ᐅᒐᑭᑕᒂ ᐅᒥᔪᐅᓂᒡ, ᐊᓐ ᑲ ᐱᐸᒧᑕᑦ ᐊᓐᑕ ᓂᔄᐅᑕᒡ ᑲ ᐎᔄᐅᓱᓇᔭᐱᔅᑯᔨᒋ ᐛᔅᑕᓂᐱᒪᑭᓇᑎᒂ ᐊ ᑎᑯᓂᔨᒋ᙮