ᑎᐱᑦ ᐅᓂᑭᒧᐅᓇ 96:4 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴ ᐛᔅ ᑎᐸᔨᒋᒐᓱᐤ ᒋᔅᑎᓯᐤ, ᓇᔅᒡ ᑭᔭ ᐃᑕᔨᑕᑯᓱᐤ ᒐᒋ ᒪᒥᒋᒪᑭᓄᐅᑦ; ᐊᐛᓯᑕ ᒋᑭ ᓇᓂᒋᔅᑐᐛᑭᓄᐎᐱᓐ ᐃᔅᐱᔅ ᒥᓯᐛ ᒥᓂᑐᐛ᙮

ᑎᐱᑦ ᐅᓂᑭᒧᐅᓇ 96:4 Iomraidhean Croise

ᑎᐱᑦ ᐅᓂᑭᒧᐅᓇ 145:3

ᒋᔅᑎᓯᐤ ᑎᐸᔨᒋᒐᓱᐤ, ᑭᔭ ᐃᑕᔨᑕᑯᓱᐤ ᓇᔅᒡ ᒐᒋ ᒪᒥᒋᒪᑭᓄᐅᑦ; ᑭᔭ ᐅᒋᔅᑎᓯᐅᓐ ᓇᒪ ᑕᐱ ᒋᔅᒐᔨᑕᑯᓂᔪᐤ᙮

ᑎᐱᑦ ᐅᓂᑭᒧᐅᓇ 150:2

ᒪᒥᒋᒥᐧᒄ ᐅᓱᐧᑲᑎᓯᐅ-ᐃᑐᐅᓇ ᐅᒡ: ᒪᒥᒋᒥᐧᒄ ᐊ ᐃᓯ ᒥᔪ ᒋᔅᑎᓯᑦ᙮

ᑎᐱᑦ ᐅᓂᑭᒧᐅᓇ 18:3

ᓂᑭ ᑕᑈᑕᐤ ᑎᐸᔨᒋᒐᓱᐤ ᑲ ᑕᑈᐅᒐᔨᑕᑯᓯᑦ ᒐᒋ ᒪᒥᒋᒪᑭᓄᐅᑦ: ᐊᑯ ᒪᒃ ᒐ ᐱᒪᒋᐃᑯᐅᔭᓐ ᐊᓐᒡ ᑲ ᐛᐧᑲᓯᒡ ᐅᒡ᙮

ᑎᐱᑦ ᐅᓂᑭᒧᐅᓇ 48:1

ᒋᔅᑎᓯᐤ ᑎᐸᔨᒋᒐᓱᐤ, ᓇᔅᒡ ᒪᒃ ᒐᒋ ᒪᒥᒋᒪᑭᓄᐅᑦ, ᐅᑕᓇᒥᒡ ᒋ ᒋᓴᒪᓂᑐᒥᓄᐤ, ᐅᐸᔭᒋ-ᐱᔅᑯᑎᓇᒥᒡ᙮

ᑎᐱᑦ ᐅᓂᑭᒧᐅᓇ 66:3

ᐃᑎᐧᒄ ᒋᓴᒪᓂᑐᐤ, “ᑕᑈ ᒋ ᑯᔅᑕᑎᑯᓯᓐ ᒋᑦ ᐊᑐᔅᒐᐅᓂᒡ ! ᐊᔅᐱᔅ ᒋᔅᑕᔨᑕᒂᒡ ᒋᑭᔅᒋᐅᓐ ᐊᓐᒡ ᑲ ᐛᐧᑲᑎᔅᒡ ᒋᑭ ᐅᒋ ᐱᑎᐱᔅᑕᒂᒡ᙮

ᑎᐱᑦ ᐅᓂᑭᒧᐅᓇ 66:5

ᐸᒋ ᐛᐸᑎᒺᐧᒄ ᐅᑦ ᐊᑐᔅᒐᐅᓇ ᒋᓴᒪᓂᑐᐤ: ᑯᔅᑕᑎᑯᓯᐤ ᐊ ᐃᑐᑐᐛᑦ ᐃᔪᐛ ᐅᑦ ᐊᐛᓯᒥᓯᔪᐛ᙮

ᑎᐱᑦ ᐅᓂᑭᒧᐅᓇ 76:7

ᒋᔾ, ᒋᔾ ᐅᑦ, ᒋᑭ ᓇᓂᒋᔅᑕᑯᐅᓐ: ᐊᐛᓐ ᒪᒃ ᒐᒋ ᐅᑎᔅᑲᐎᑲᐳᐅᔅᑕᔅᒃ ᐃᔅᐱ ᐊ ᒋᔄᓯᔨᓐ᙮

ᑎᐱᑦ ᐅᓂᑭᒧᐅᓇ 86:10

ᐛᔅ ᒋ ᒋᔅᑎᓯᓐ, ᑭᔭ ᒋ ᒪᒥᔅᑲᒡ ᐊᐃᑎᓐ: ᒋᔾ ᒥᒄ ᒋ ᒋᓴᒪᓂᑐᐅᓐ᙮

ᑎᐱᑦ ᐅᓂᑭᒧᐅᓇ 89:7

ᒋᓴᒪᓂᑐᐤ ᓇᔅᒡ ᒋᑭ ᓇᓂᒋᔅᑕᑯᐤ ᑲ ᒪᐅᒋᐃᑐᔨᒋ ᐅᐸᔭᒋᓱᐛ, ᑭᔭ ᒋᑭ ᒋᔅᑕᔨᒥᑯᐤ ᒥᓯᐛ ᑲ ᐛᔅᑲᔅᑲᑯᑦ᙮

ᑎᐱᑦ ᐅᓂᑭᒧᐅᓇ 95:3

ᐛᔅ ᑎᐸᔨᒋᒐᓱᐤ ᒋᒋ ᒋᓴᒪᓂᑐᐅ, ᑭᔭ ᒥᓯᐛ ᐊᑎᓯᒡ ᒥᓂᑐᐅᒡ, ᐎᔾ ᒪᐅᒡ ᒋᓴᐅᒋᒪᐅᐤ᙮

ᐊᒃᓱᑕᔅ 18:11

ᓴᔅ ᓂᒋ ᒋᔅᒐᔨᑕᓐ ᑎᐸᔨᒋᒐᓱᐤ ᐊᑐᐎᔅ ᐎᔾ ᐊᓱᐧᑲᑎᓯᑦ ᐃᔅᐱᔅ ᑯᑎᑭᒡ ᒥᓂᑐᐅᒡ᙮ ᒋ ᐃᑐᑎᒻ ᐅᔭ ᐃᔅᐱ ᐃᒋᑉᑦ ᐃᔪᒡ ᑲ ᐱᐛᔨᒪᒡ ᐃᔅᕋᐃᓪ ᐃᔪᐛ᙮”

ᓗᒃ 12:5

ᒋ ᐸᒋ ᐎᑎᒪᑎᓇᐛᐤ ᐊᐛᓐ ᐊᓐ ᐊᐅᒄ ᒋᐸ ᑯᔅᑕᐛᐤ᙮ ᒋᓴᒪᓂᑐᐤ ᐊᐅᒄ ᐊ ᐃᑕᔨᑕᑯᓯᑦ ᒐᒋ ᑯᔅᑕᒄ ᐛᔅ ᐎᔾ ᐊᔭᐤ ᑎᐸᔨᒋᒐᐅᓂᔪᐤ ᒐᒋ ᐃᓯ ᐛᐱᓇᑕᒄ ᒥᒋ ᐃᔅᑯᑕᒡ ᐃᔅᐱ ᓂᐱᔭᒂ᙮ ᓂᐦᐃ, ᓂᑐᑐᐅᒄ ᐊᐅᒄ ᐅ ᑕᑈ ᒋᓴᒪᓂᑐᐤ ᒋᐸ ᑯᔅᑕᐛᐤ᙮”

ᒋᔅᒐᔨᑕᑯᑕᒐᐅᓐ 15:4

ᐅᑎᐸᔨᒋᒐᐤ, ᐊᐛᓐ ᒐ ᐊᑲ ᓂᓇᒋᔅᑕᔅᒃ ᑭᔭ ᒐ ᐊᑲ ᒋᔅᑕᑐᑕᐧᒃ ᒋᑦ ᐃᓯᓂᐧᑲᓱᐅᓂᔪᐤ ? ᐛᔅ ᒥᒄ ᒋᔾ ᒋ ᐸᔭᒋᓯᓐ᙮ ᒥᓯᐛ ᐊᐛᓐᒋ ᐊ ᐃᑎᔅᑲᓇᓯᒡ ᒋᑭ ᐸᒋ ᓄᒋᔅᑕᑯᒡ ᐛᔅ ᔅᒋ ᐛᐸᑎᔨᐛᓐ ᐊᔅᐱᔅ ᑯᐃᔅᒄ ᐃᑎᔨᓐ᙮” ᐊᐅᒄ ᐅᔭ ᑲ ᐃᑕᐊᒪᓱᒡ ᐊ ᓂᑭᒧᒡ᙮