ᑎᐱᑦ ᐅᓂᑭᒧᐅᓇ 74:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᐅ ᒋᓴᒪᓂᑐᐤ, ᑕᓇᒡ ᐛᒋ ᒋᒋᐛ ᐛᐱᓂᔭᒡ ? ᑕᓐ ᐊᓂᔨᒡ ᐛᒡ ᐊᒂᐱᑕᔅᑲᑯᒡ ᒪᔭᑕᓂᓯᒡ ᑲ ᑭᓄᐛᔨᒥᑐᐛᐤ ᒋᒋᔄᓯᐅᓂᔪᐤ ?

ᑎᐱᑦ ᐅᓂᑭᒧᐅᓇ 74:1 Iomraidhean Croise

ᑎᐱᑦ ᐅᓂᑭᒧᐅᓇ 10:1

ᒐᒂᓐ ᐛᔪᐤ ᐛᒋ ᓂᐳᔨᓐ, ᐅ ᑎᐸᔨᒋᒐᓱᐤ ? ᒐᒂᓐ ᐛᒋ ᑲᓱᔨᓐ ᒪᒂᒡ ᐊ ᐊᔨᒥᐅᒋᓯᑲᒋ ?

ᑎᐱᑦ ᐅᓂᑭᒧᐅᓇ 100:3

ᒋᔅᒐᔨᒥᐧᒄ ᑎᐸᔨᒋᒐᓱᐤ ᐎᔾ ᐊᐅᒄ ᒐᓴᒪᓂᑐᐅᑦ: ᐎᔾ ᐊᐅᒄ ᑲ ᐅᓯᐃᑕᐧᒄ, ᓇᒪᔭᐤ ᒋᔭᓄᐤ; ᒋᑦ ᐅᑦ ᐃᔨᒥᑕᑯᓄᐤ ᑭᔭ ᒋᑦ ᐅᒪᔭᑕᓂᓯᒥᑕᑭᓄᐤ ᑲᓄᐛᔨᒥᑕᐧᒄ᙮

ᑎᐱᑦ ᐅᓂᑭᒧᐅᓇ 18:8

ᐅᑕᔨᑯᒥᒡ ᒋ ᐅᑕᐸᑕᔪᐤ, ᑭᔭ ᐃᔅᑯᑕᔪᐤ ᐅᑐᓂᒡ ᐅᒋ ᒋ ᓂᓱᐅᓇᒋᐃᐛᒪᑭᓂᔪᐤ: ᑲᒋᑕᐛ ᒋ ᐃᔎᓯᑲᑕᐛ ᐊᓂᔭᔪᐤ ᐅᒡ᙮

ᑎᐱᑦ ᐅᓂᑭᒧᐅᓇ 42:11

ᑕᓇᒡ ᐛᒋ ᑯᐸᑕᐃᒧᔨᓐ, ᐅ ᓂᑦ ᐊᒐᐧᒄ ? ᑕᓇᒡ ᐛᒋ ᑭᔭ ᒥᑯᔅᑲᑕᔨᑎᒥᐃᑯᐅᔨᓐ ? ᐊᔅᐸᔨᒧᑐᑐᐤ ᒋᓴᒪᓂᑐᐤ; ᐛᔅ ᐃᔭᐱᒡ ᓂᑭ ᒪᒥᒋᒪᐤ, ᑲ ᐅᒋ ᒥᔪᐊᔭᔭᓐ, ᑭᔭ ᓂᒋᓴᒪᓂᑐᒻ᙮

ᑎᐱᑦ ᐅᓂᑭᒧᐅᓇ 42:9

ᓂᑭ ᐃᑕᐤ ᒋᓴᒪᓂᑐᐤ ᓂᒋᔅᑕᐱᔅᑯᒻ, “ᑕᓇᒡ ᐛᒋ ᒋ ᐛᐱᓂᔨᓐ ? ᑕᓇᒡ ᐛᒋ ᓂᓇᐧᑲᒋᒧᔭᓐ ᐊ ᐊᔨᒥᐃᑦ ᑲᐛᐧᑲᓯᑦ ?”

ᑎᐱᑦ ᐅᓂᑭᒧᐅᓇ 44:9

ᒪᒃ ᔅᒋ ᐛᐱᓂᓇᓐ, ᑭᔭ ᔅᒋ ᐛᓇᐃᑕᒥᐃᓇᓐ; ᓇᒪ ᑭᔭ ᒋ ᐎᒐᐛᐅᒡ ᓂ ᑲᒪᓯᒐᒥᓇᓐᒡ᙮

ᑎᐱᑦ ᐅᓂᑭᒧᐅᓇ 50:1

ᑲ ᓱᐧᑲᑎᓯᑦ ᒋᓴᒪᓂᑐᐤ, ᑎᐸᔨᒋᒐᓱᐤ ᐅᑦ, ᒋ ᐃᔨᒧᐤ, ᑭᔭ ᒋ ᑕᑈᑎᒻ ᐊᔅᒋᔪᐤ ᑲ ᐅᒋ ᓴᑲᔅᑐᐛᔨᒋ ᐱᓯᒺ ᐊ ᐃᓯ ᐸᒋᓯᒧᔨᒋ ᐃᔅᐱᔅ᙮

ᑎᐱᑦ ᐅᓂᑭᒧᐅᓇ 60:1

ᐅ ᒋᓴᒪᓂᑐᐤ, ᒋ ᒋᐛᐱᓂᓇᓐ, ᔅᒋ ᐛᓴᔄᐱᓂᓇᓐ; ᔅᒋ ᓇᔭᑐᐛᔨᑕᓐ; ᐅ ᒋᐛ ᒂᔅᒋᑲᐳᐅᔅᑐᐅᓇᓐ᙮

ᑎᐱᑦ ᐅᓂᑭᒧᐅᓇ 60:10

ᓇᒪ ᐊ ᒋᔾ, ᐅ ᒋᓴᒪᓂᑐᐤ, ᑲᒋ ᐛᐱᓂᔭᒡ ? ᒋᔾ ᒪᒃ, ᐅ ᒋᓴᒪᓂᑐᐤ, ᐊᑲ ᐛᒡ ᐎᒐᐅᑥᐤ ᓂᓂᑐᐱᔪᐅ-ᐃᔨᒥᓇᓐᒡ ?

ᑎᐱᑦ ᐅᓂᑭᒧᐅᓇ 77:7

“ᑎᐸᔨᒋᒐᓱᐤ ᐊ ᑲᒋᒡ ᒋᑭ ᐛᐱᓄᐛᐤ ? ᓇᒪ ᓂᑕ ᐊ ᒥᓐ ᒋᑭ ᒋᓴᐛᑐᑕᒐᐤ ?

ᑎᐱᑦ ᐅᓂᑭᒧᐅᓇ 77:8

ᒋᒋᐛ ᐊ ᒋᑐᑕᒪᑭᓂᔪᐤ ᐅᓱᐛᔨᒋᒐᐅᓐ ? ᒋᒋᐛ ᐊ ᓇᒪ ᓂᑕ ᒋᑭ ᒋ ᐊᐱᑎᓂᔪᐤ ᐅᑦ ᐊᓱᑎᒪᒐᐅᓐ ?

ᑎᐱᑦ ᐅᓂᑭᒧᐅᓇ 78:1

ᓂᑐᑎᒧᒄ, ᐅ ᓂᑦ ᐃᔨᒥᑐᒄ, ᓂᐎᓱᐛᐅᓐ: ᐱᓯᒋᑎᒧᒄ ᑲ ᐃᔭᓐ᙮

ᑎᐱᑦ ᐅᓂᑭᒧᐅᓇ 79:13

ᓂᔭᓐ ᒪᒃ ᒋᑦ ᐃᔨᒥᒡ ᑭᔭ ᒋᒪᔭᑕᓂᓯᒥᒡ ᒋᑭ ᓂᓇᔅᑯᒥᑎᓇᓐ ᑲᒋᒡ: ᓂᑭ ᐛᐸᑎᔭᓇᓐᒡ ᒋ ᒪᒥᒋᒥᑯᓯᐅᓂᔪᐤ ᒥᓯᐛ ᒐ ᐊᑎ ᐊᔭᓂᔅᒐ ᐱᒪᑎᓯᒡ᙮

ᑎᐱᑦ ᐅᓂᑭᒧᐅᓇ 79:5

ᑕᓐ ᐃᔅᐱᔅ ᐊᔅᒄ, ᑎᐸᔨᒋᒐᓱᐤ ? ᑲᒋᒡ ᐊ ᒋᑭ ᒋᔄᓯᓐ ? ᒋᑦ ᐅᑕᔨᑎᒧᐅᓐ ᐊ ᒋᑭ ᐃᔎᓯᒐᒥᑭᓐ ᒧᔭᒻ ᐃᔅᑯᑕᐤ ?

ᑎᐱᑦ ᐅᓂᑭᒧᐅᓇ 80:5

ᒋᑦ ᐊᓯᒪᐅᒡ ᐅᒋᑯᐛᐳᐤ ᐸᒂᓯᑭᓇ; ᑭᔭ ᒥᔅᑎ ᒋ ᒥᓇᐊᐅᒡ ᒪᑐᓇᐳᔪᐤ᙮

ᑎᐱᑦ ᐅᓂᑭᒧᐅᓇ 85:6

ᓇᒪ ᐊ ᒥᓐ ᒋᑭ ᒥᓏᒋᐃᓇᓐ; ᒋᑦ ᐃᔨᒥᒡ ᒐᒋ ᒧᒐᔨᑕᒡ ᒋᔾ ᐅᒋ ?

ᑎᐱᑦ ᐅᓂᑭᒧᐅᓇ 95:7

ᐛᔅ ᐎᔾ ᐊᐅᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ; ᒋᔭᓄᐤ ᒪᒃ ᒋ ᐅᑦ ᐃᔨᒥᑐᑕᑯᓄᐤ ᐊᓯᒥᑕᐧᒄ, ᑭᔭ ᒍᒪᔭᑕᓂᓯᒥᑐᑕᑯᓄᐤ ᑲᓄᐛᔨᒥᑕᐧᒄ᙮ ᐊᓄᒡ ᒐᓯᑲᒡ, ᐛᐸᑐᐛᒂ ᑲ ᐃᔨᑦ᙮

ᐊᒃᓱᑕᔅ 32:11

ᒥᒄ ᒧᓱᔅ ᒋ ᓂᑐᑎᒧᐛᐤ ᐅᒋᓴᒪᓂᑐᒪ ᑎᐸᔨᒋᒐᓯᐛ ᐊ ᐃᑕᑦ, “ᐅᑎᐸᔨᒋᒐᐤ, ᒐᒂᓐ ᒋᐸ ᐅᒋ ᒋᔄᐱᔅᑐᐛᐅᒡ ᒋᑦ ᐃᔨᒥᒡ, ᐊᓐᒡ ᐃᒋᑉᑎᒡ ᑲ ᐅᒋ ᐎᐎᑕᐃᑥᐤ ᒋᓱᐧᑲᑎᓯᐅᓂᒡ ᐅᒡ ?

ᓗᒃ 12:32

“ᐊᑲᐎᔾ ᓴᒋᓯᒄ, ᐊᑎ ᐊᑲ ᒥᒐᑎᔭᒄ, ᐛᔅ ᒍᑕᐎᐛᐤ ᒋᒋᒋᓯᑯᒡ ᐊ ᑕᑦ ᓇᔅᒡ ᑕᑈ ᓇᐊᔨᑎᒥᐃᑯᐤ ᒐᒋ ᒥᔨᑕᒄ ᐅᒋᓴᐅᒋᒪᐅᓐ᙮