16 ᐃᔅᐱ ᐅ ᒥᔭᒥᑐᓇᔨᑎᒪᓐ, ᐅᓴᒻ ᓂᒋ ᐊᐧᑯᐃᑯᓐ᙮
ᒋᑯᐃᔅᑯᑐᐅᓐ ᒧᔭᒻ ᒋᒋ ᐱᔅᑯᑎᓇᐛ ᐃᓯᓇᒂᓐ; ᒋᑎᐸᔅᑯᓂᒐᐅᓇ ᓇᔅᒡ ᐊᑎᒥᒡ: ᐅ ᑎᐸᔨᒋᒐᓱᐤ, ᒋ ᑭᓄᐛᔨᒪᐤ ᐃᔪᐤ ᑭᔭ ᐊᐛᓯᔅ᙮
“ᒐᔅᑎᓇᔅ ᒥᓯᐛ ᑕᑐᐤ ᐃᔪᐤ ᐱᒧᑕᐤ ᓂᑐᐎ ᐃᓯᓇᑯᓯᐅᓂᒡ: ᑕᑈ ᓂᑐᐎ ᒥᑯᔅᑲᑕᔨᑎᒥᐃᑎᓱᐅᒡ: ᒪᐛᓴᑯᓂᒻ ᐛᔪᑎᓯᐅᓇ, ᓇᒪ ᒪᒃ ᒋᔅᒐᔨᑎᒻ ᐊᐛᔪᐛ ᒐ ᐅᑎᓂᒥᔨᒋ᙮
ᒋ ᒪᔅᑭᓇᐤ ᐎᓂᐸᑯᒡ ᐱᒥᒧ, ᑭᔭ ᒋ ᐱᒧᑕᔅᑭᓄᐤ ᒋᒋ ᓂᐱᒡ, ᑭᔭ ᒋᑕᐧᑯᔅᒐᐅᓇ ᓇᒪᐎᔾ ᒋᔅᒐᔨᑕᑯᓇ᙮
ᑭᔅᑯᐅᓇ ᑭᔭ ᐅᑲᔅᑕᐅᓂᔪᐤ ᐛᔅᑲᔅᑲᑯᐤ: ᑯᐃᔅᑯᑕᑎᓯᐅᓂᒡ ᑭᔭ ᑎᐸᔅᑯᓂᒐᐅᓂᒡ ᐊᔨᑎᔅᑕᔪᐤ ᐅᒋᓴᐅᒋᒪᐤ ᑕᑎᐳᐛᑭᓐ᙮
ᓇᔅᒡ ᑕᑈ ᒥᔽᔨᑕᑯᓱᐤ ᒋᓴᒪᓂᑐᐤ᙮ ᑕᑈ ᑭᒐᑕᐛᔨᑎᒻ ᑭᔭ ᒥᓯᐛ ᒐᒂᔪᐤ ᒋᔅᒐᔨᑎᒻ᙮ ᐃᔅᐱ ᐎᔭᔨᑕᐧᒃ ᒐᒂᔪᐤ ᓇᒪ ᓇᔅᒡ ᐊᐛᔪᐛ ᒋ ᐎᑎᒥᔪᐛ ᒐᒂᔪᐤ ᐊᓐᑕ ᐛᒋ ᐃᓯ ᐎᔭᔨᑕᐧᒃ ᐊᓂᔭ ᒐᒂᔪᐤ᙮ ᓇᒪ ᐊᐛᔪᐛ ᒋ ᒥᔪ ᒋᔅᒐᔨᑎᒥᔪᐛ ᑕᓐ ᐊ ᐃᑎᑦ᙮
