ᑎᐱᑦ ᐅᓂᑭᒧᐅᓇ 71:16 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁶ ᓂᑭ ᐃᑐᑕᓐ ᐅᒥᔅᑯᐅᓯᐅᓂᒡ ᑎᐸᔨᒋᒐᓱᐤ ᒋᓴᒪᓂᑐᐤ: ᓂᑭ ᐊᔨᒧᑕᓐ ᒋᑯᐃᔅᑯᑕᑎᓯᐅᓐ, ᒋᔾ ᒥᒄ ᑎᐱᔨᐛ᙮

ᑎᐱᑦ ᐅᓂᑭᒧᐅᓇ 71:16 Iomraidhean Croise

ᑎᐱᑦ ᐅᓂᑭᒧᐅᓇ 106:2

ᐊᐛᓐ ᒐᒋ ᐎᑕᒺᑦ ᐅᓱᐧᑲᑎᓯᐅ-ᐃᑐᐅᓂᔪᐛ ᑎᐸᔨᒋᒐᓱᐛ ? ᐊᐛᓐ ᒐᒋ ᓄᑯᑕᐛᑦ ᒥᓯᐛ ᐅᒪᒥᒋᒥᑯᓯᐅᓂᔪᐤ ?

ᑎᐱᑦ ᐅᓂᑭᒧᐅᓇ 29:11

ᑎᐸᔨᒋᒐᓱᐤ ᒋᑭ ᒥᔭᐤ ᒥᔅᑯᐅᓯᐅᓂᔪᐤ ᐅᑦ ᐃᔨᒪ; ᑎᐸᔨᒋᒐᓱᐤ ᒋᑭ ᓱᐛᔨᒪᐤ ᐅᑦ ᐃᔨᒪ ᐊ ᒥᔭᑦ ᒋᔭᒪᔨᑎᒧᐅᓂᔪᐤ᙮

ᑎᐱᑦ ᐅᓂᑭᒧᐅᓇ 51:14

ᐎᐧᑯᒋᐃ ᑲ ᒥᐧᑯᐤ ᐅᓂᑐᑎᒧᐅᓐ ᐅᒡ, ᐅ ᒋᓴᒪᓂᑐᐤ, ᒋᔾ ᒋᓴᒪᓂᑐᐤ ᐛᒋᐱᔨᒡ ᓂᐱᒪᒋᐃᑯᓯᐅᓐ: ᑭᔭ ᓂᑕᔨᔨᒡ ᓂᑭ ᒋᔄᐛ ᓂᑭᒧᑕᓐ ᒋᑯᐃᔅᑯᑕᑎᓯᐅᓐ᙮

ᑎᐱᑦ ᐅᓂᑭᒧᐅᓇ 71:15

ᓂᑐᓂᒡ ᓂᑭ ᐅᒋ ᐛᐸᑎᔨᐛᓐ ᒋᑯᐃᔅᑯᑕᑎᓯᐅᓐ, ᑭᔭ ᒋᐱᒪᒋᐃᐛᐅᓐ ᐃᔅᑭᓐ ᒋᓯᑲᐛ; ᐛᔅ ᓇᒪ ᓂ ᒋᔅᒐᔨᑕᓐ ᑕᓐ ᐊᑕᑎᒋ᙮

ᑎᐱᑦ ᐅᓂᑭᒧᐅᓇ 71:19

ᒋᑯᐃᔅᑯᑕᑎᓯᐅᓐ ᑭᔭ, ᐅ ᒋᓴᒪᓂᑐᐤ, ᓇᔅᒡ ᐊ ᐃᔅᐸᔨᑕᒂᒡ, ᑲᒋ ᐃᑐᑎᒥᓐ ᒋᒋ ᒐᒂᓇ: ᐅ ᒋᓴᒪᓂᑐᐤ, ᐊᐛᓐ ᓇᔅᐱᑕᔅᒃ ?

ᑎᐱᑦ ᐅᓂᑭᒧᐅᓇ 71:2

ᐱᒪᒋᐃ ᒋᑯᐃᔅᑯᑕᑎᓯᐅᓂᒡ, ᑐᑐᐎ ᒐᒋ ᐅᓯᒧᔭᓐ: ᓂᑐᑐᐎ, ᑭᔭ ᐱᒪᒋᐃ᙮

ᑎᐱᑦ ᐅᓂᑭᒧᐅᓇ 71:24

ᓂᑕᔨᔾ ᑭᔭ ᒋᑭ ᐊᔨᒧᑎᒧᒥᑭᓐ ᒋᑯᐃᔅᑯᑕᑎᓯᐅᓐ ᒥᓯᐛ ᐃᔅᑭᓐ ᒋᓯᑲᐛ: ᐛᔅ ᐛᐛᓇᔨᑕᒪᐊᑭᓄᐅᒡ, ᐛᔅ ᓴᒂᔨᒧᐊᑭᓄᐅᒡ, ᐊᓐᒡ ᑲ ᐎ ᒥᒋᑐᑐᐅᒡ᙮

ᒪᑎᔪᐤ 6:33

ᐅᔅᑕ ᐃᑕᔨᑕᑯᓐ ᓂᔅᑎᒻ ᓱᒃ ᒐᒋ ᓇᓂᑐᐛᔨᑎᒺᒄ ᒋᓴᒪᓂᑐᐤ ᐅᒋᓴᐅᒋᒪᐅᓐ ᑭᔭ ᒐᒋ ᐃᑐᑎᒺᒄ ᑕᓐ ᐊ ᐃᓯ ᓂᑐᐛᔨᒥᑕᒄ ᒐ ᐃᑐᐛᒄ, ᐊᑯ ᒐ ᒥᔨᑕᒄ ᒥᓯᐛ ᑕᓐ ᐊ ᐃᓯ ᓄᑕᐱᔨᐛᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:17

ᐊᑯᑕ ᑭᔭ ᒥᔽᒋᒧᐅᓂᒡ ᐛᒋ ᒋᔅᒐᔨᑎᒥᐃᑯᔭᐧᒄ ᑕᓐᑕ ᐛᒋ ᑯᐃᔅᑯᓇᑯᐊᑦ ᒋᓴᒪᓂᑐᐤ ᐊᐛᔪᐛ ᐎᔾ ᐃᔅ ᐊ ᑕᑦ᙮ ᐊ ᑕᑈᔭᔨᒪᑦ ᐊᐛᓐ ᒋᓴᓴ ᐊᑯᑕ ᒥᒄ ᐛᒋ ᑯᐃᔅᑯᓇᑯᐊᑭᓄᐅᑦ ᒋᓴᒪᓂᑐᐛ ᐃᔅ ᐊ ᑕᔨᒋ᙮ ᑕᑈᑎᒧᐅᓂᔪᐤ ᐱᒪᒋᐃᑯᐤ ᐊᐛᓐ, ᑭᔭ ᐊᐅᒄ ᐅᔭ ᒐ ᒋᐛᑕᐃᑯᑦ᙮ ᒧᔭᒻ ᐊᑎᔅᑕᒡ ᒥᓯᓇᐃᑭᓂᒡ, ᐊᓐ ᑲ ᑯᐃᔅᑯᓇᑯᓯᑦ ᑕᑈᑎᒧᐅᓂᒡ ᐅᒡ ᐊᐅᒄ ᒐ ᐱᒪᑎᓯᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 10:3

ᐊᑲ ᐅᒋ ᒋᔅᒐᔨᑕᒡ ᑕᓐᑕ ᑯᐃᔅᑯᑕᑎᓯᐅᓂᒡ ᐛᒋ ᐃᓯ ᑭᓄᐛᐱᒥᑯᔨᒋ ᐊᐛᔪᐛ ᒋᓴᒪᓂᑐᐛ ᐊᑯ ᐎᔨᐛᐤ ᑎᐸᓐ ᑲ ᑯᒋᑕᒡ ᒐᒋ ᑯᐃᔅᑯᓇᑯᐃᓱᒡ ᒋᓴᒪᓂᑐᐛ ᐃᔅ ᐊ ᑕᔨᒋ᙮ ᐊᑯ ᒪᒃ ᓇᒪ ᐱᔅᑕᔨᒥᑎᓱᔅᑎᒧᒡ ᐊᓂᔭ ᑕᓐ ᑲ ᐃᑎᔅᑕᔨᒡ ᒋᓴᒪᓂᑐᐛ ᒐ ᐃᑎᔨᒋ ᐊᐛᔪᐛ ᐅᑯᐃᔅᑯᑕᑎᓯᐤ ᒐᒋ ᐃᓯ ᑭᓄᐛᐱᒪᑭᓄᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 3:21

ᐊᓄᒡ ᒪᒃ ᐊᑯ ᐊ ᓄᑯᑕᑦ ᒋᓴᒪᓂᑐᐤ ᑕᓐᑕ ᐛᒋ ᑯᐃᔅᑯᓇᑯᐊᑦ ᐊᐛᔪᐛ ᐎᔾ ᐃᔅ ᐊ ᑕᑦ᙮ ᓇᒪᔭᔪᐤ ᒪᒃ ᐎ ᐊ ᓂᓇᐃᑕᐧᒃ ᐊᐛᓐ ᑭᔭ ᐊ ᐃᑐᑕᐧᒃ ᐎᓱᐛᐅᓂᔪᐤ ᐛᒋ ᑯᐃᔅᑯᓇᑯᓯᑦ ᒋᓴᒪᓂᑐᐛ ᐃᔅ ᐊ ᑕᔨᒋ᙮ ᐎᓱᐛᐅᓂᒡ ᐊᑯᑕ ᐛᑕᒂᒡ ᑕᓐ ᒐ ᐃᑎᑦ ᐊᐛᓐ ᒐᒋ ᑯᐃᔅᑯᓇᑯᓯᑦ ᒋᓴᒪᓂᑐᐛ ᐃᔅ ᐊ ᑕᔨᒋ᙮ ᐊᓂᔭᐧᑲ ᒪᒃ ᐅᒋᔅᒋᐛᐃᒐᓱᒡ ᐊᔪᐅᒄ ᐅᔭ ᑲ ᐃᓯ ᐎᑕᒡ ᑭᔭ ᐎᔨᐛᐤ᙮

ᐃᐱᓯᔭᓇ 3:16

ᐊᓂᔭ ᐊ ᐛᔪᐅᒡ ᐊᔭᑦ ᒋᓴᒪᓂᑐᐤ ᐊᓐᑕ ᒋᒋᒋᓯᑯᒡ ᑕᓐ ᒐᒋ ᐃᓯ ᓱᐛᔨᒪᑦ ᐊᐛᔪᐛ ᓇᓂᑐᑎᒧᐛᐤ ᒐᒋ ᒥᔨᑕᒄ ᒥᔅᑯᓯᐅᓂᔪᐤ ᐅᑦ ᐊᒐᒂ ᐊ ᑕᔨᒋ ᐊ ᐅᒋᐱᔨᒡ᙮ ᐛᔅ ᒋᓴᒪᓂᑐᐤ ᐅᑦ ᐊᒐᒂ ᐊᐅᒄ ᒐᒋ ᐃᑐᑕᑕᒄ ᒐᒋ ᓱᒋᑲᐳᐅᐛᒄ᙮

ᐃᐱᓯᔭᓇ 6:10

ᐊᐅᒄ ᒪᔅᑕᔾ ᒐ ᐃᑎᑎᑯᒡ ᒐᒂᓐ, ᓂᐧᑲᓂᓯᑐᒄ᙮ ᐊᓐᑕ ᐅᑎᐸᔨᒋᒐᐤ ᐅᓱᐧᑲᑎᓯᐅᓂᒡ ᑭᔭ ᐅᒥᔅᑯᓯᐅᓂᒡ ᐊᑯᑕ ᐎ ᐃᓯ ᐊᔨᒋᑲᐳᐅᒄ᙮

ᐱᓕᐱᔭᓇ 3:9

ᑭᔭ ᑕᑈ ᐎᔾ ᐊ ᑕᑦ ᒐᒋ ᐃᓯ ᑎᐸᔨᑕᑯᓯᔭᓐ᙮ ᓇᒪ ᐊᔅᒄ ᓂᑦ ᐃᑕᔨᑕᓐ ᐊ ᑯᐃᔅᑯᑕᑎᓯᔭᓐ ᒥᒄ ᐊᓐ ᐊ ᓂᓇᐃᑎᒪᓐ ᐎᓱᐛᐅᓐ᙮ ᐛᔅ ᐊ ᑕᑈᔭᔨᒥᒃ ᙭ ᐊᐅᑯᓐ ᐊᓐ ᐊ ᑯᐃᔅᑯᑕᑎᓯᐃᑯᔭᓐ᙮ ᐊᐅᑯᐤ ᑯᐃᔅᑯᑕᑎᓯᐅᓐ ᒋᓴᒪᓂᑐᐤ ᐊ ᑕᑦ ᑲ ᐅᒋᐱᔨᒡ᙮ ᒥᒄ ᑕᑈᑎᒧᐅᓂᒡ ᐅᒋ ᐊᔭᐤ ᐊᐛᓐ ᐅᔭ ᑯᐃᔅᑯᑕᑎᓯᐅᓂᔪᐤ᙮

ᐱᓕᐱᔭᓇ 4:13

ᑕᓐ ᒥᒄ ᒐ ᐃᔅᐱᔪᐛᓇ ᒥᓯᐛ ᓂᑭ ᒋ ᓴᐳᔅᑲᓐ ᐛᔅ ᙭ ᓂ ᒥᔨᒄ ᓱᐧᑲᑎᓯᐅᓂᔪᐤ᙮

2 ᑕᓴᓗᓂᔭᓇ 1:6

ᒋᓴᒪᓂᑐᐤ ᑯᐃᔅᒄ ᐃᑐᐤ᙮ ᒋᑭ ᐃᑐᑐᐛᐤ ᒐᒋ ᓂᓇᐧᑲᑕᔨᒧᔨᒋ ᐊᓂᔭ ᐊᐛᔪᐛ ᑲ ᓂᓇᐧᑲᑕᔨᒧᐃᑕᑯ᙮

2 ᑎᒧᑎ 2:1

ᒋᔾ, ᓂᑯᓯᐧᑲᐅᓐ ᑎᒧᑎ, ᓱᒃ ᐎ ᓱᐧᑲᑎᓯ ᙭ ᒋᓴᔅ ᐅᒋᓴᐛᑎᓯᐅᓂᒡ ᐅᒡ᙮