ᑎᐱᑦ ᐅᓂᑭᒧᐅᓇ 71:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᒋᔾ, ᐅ ᑎᐸᔨᒋᒐᓱᐤ, ᒋ ᒪᒥᓯᑐᑕᑎᓐ: ᐊᑲ ᐎ ᓂᑕ ᓇᐊᔨᒥ ᒐᒋ ᓴᒂᔨᒧᐃᑯᐅᔭᓐ᙮

ᑎᐱᑦ ᐅᓂᑭᒧᐅᓇ 71:1 Iomraidhean Croise

ᑎᐱᑦ ᐅᓂᑭᒧᐅᓇ 125:1

ᐊᓐᒡ ᑲ ᒪᒥᓯᑐᑐᐛᒡ ᑎᐸᔨᒋᒐᓱᐛ ᒋᑭ ᓂᔅᐱᑎᒧᒡ ᓴᐃᔭᓐ ᐱᔅᑯᑎᓇᔪᐤ, ᒐ ᐊᑲ ᒋ ᐊᒋᐸᔨᑕᑭᓄᐅᒡ, ᒪᒃ ᑲᒋᒡ ᑲ ᑎᑯᓂᔨᒡ᙮

ᑎᐱᑦ ᐅᓂᑭᒧᐅᓇ 146:5

ᒥᔽᔨᒧᐤ ᐊᓐ ᑲ ᐎᒋᐃᑯᑦ ᒐᑭᐸ ᐅᒋᓴᒪᓂᑐᒥᔪᐛ, ᑲ ᐊᔅᐸᔨᒧᑐᑐᐛᑦ ᑲ ᑎᐸᔨᒋᒐᔨᒋ ᐅᒋᓴᒪᓂᑐᒪ;

ᑎᐱᑦ ᐅᓂᑭᒧᐅᓇ 22:5

ᔅᒋ ᒧᔎᑎᑯᒡ, ᐊᑯ ᑲ ᐱᒪᒋᐊᑭᓄᐅᒡ: ᔅᒋ ᒪᒥᓯᑐᑎᑯᒡ, ᐊᑯ ᓇᒪ ᐅᒋ ᓴᒂᔨᒧᐅᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 9:33

ᐊᐅᒄ ᐊ ᐊᔨᒧᑕᒡ ᒋᓴᒪᓂᑐᐤ ᐅᒥᓯᓂᐃᑭᓂᒡ ᐊᓐᑕ ᑲ ᐃᑎᔅᑕᒡ, ᐃᑕᐱᒄ ᒪ, ᓂ ᐱᔅᑎᓇᐤ ᓴᐃᔭᓂᒡ ᐊᓯᓂᔾ ᒐ ᐱᓱᓯᒧᐛᑦ᙮ ᒥᒐᐱᔅᒋᓱᐤ ᐅ ᐊᓯᓂᔾ, ᒋᑭ ᐸᒋᓯᓂᔪᐛ ᒪᒃ ᐊᓂᔭᔪᐛ ᐊᐛᔪᐛ ᒐ ᐱᓱᔅᑲᑯᑦ᙮ ᐊᓐ ᒪᒃ ᐊᐛᓐ ᒐ ᑕᑈᔭᔨᒪᒂ ᓇᒪ ᓂᑕ ᒋᑭ ᐅᒋ ᐃᑕᔨᑎᒻ ᓴᒐᔾ ᐊ ᑕᑈᔭᔨᒪᑦ᙮

1 ᐱᑕᕐ 2:6

ᐛᔅ ᐃᑎᔅᑕᔪᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᓂᔾ ᓂᒋ ᐅᑎᓇᐤ ᐊᓐ ᓇᔅᒡ ᒋᒋᐛ ᑲ ᐃᑕᔨᑕᑯᓯᑦ ᐊᓯᓂᔾ᙮ ᐊᐅᒄ ᒪᒃ ᐅ ᐊᓯᓂᔾ ᐃᔭᐱᒋᐃᒃ ᐊ ᐎᔨᑲᐳᐅᑕᐅᒡ ᓂᒋᔪᐤ ᐊᓐᑕ ᓴᐃᔭᓂᒡ᙮ ᐊᓐ ᒪᒃ ᐊᐛᓐ ᒐ ᑕᑈᔭᔨᒪᒂ ᐅᔭ ᑲ ᐅᑎᓂᒥᒋ, ᓇᒪ ᓂᑕ ᒋᑭ ᐅᒋ ᒥᑕᒋᔨᐛᔨᑎᒻ ᐊ ᑕᑈᔭᔨᒪᑦ᙮