ᑎᐱᑦ ᐅᓂᑭᒧᐅᓇ 7:8 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁸ ᑎᐸᔨᒋᒐᓱᐤ ᒋᑭ ᑎᐸᔅᑯᓇᐤ ᐃᔪᐛ: ᑎᐸᔅᑯᓂ ᐅ ᑎᐸᔨᒋᒐᓱᐤ, ᐊ ᐃᓯ ᑯᐃᔅᑯᑕᑎᓯᔭᓐ, ᑭᔭ ᐊ ᐃᑎᔅᑕᒡ ᑯᐃᔅᑯᑐᐅᓐ ᑲ ᐱᒋᔅᑲᑯᔭᓐ᙮

ᑎᐱᑦ ᐅᓂᑭᒧᐅᓇ 7:8 Iomraidhean Croise

ᒐᓂᓯᔅ 18:25

ᓂ ᒋᔅᒐᔨᑕᓐ ᒐ ᐊᑲ ᓂᓱᐅᓇᒋᐃᑥᐤ ᑲ ᑯᐃᔅᑯᑕᑎᓯᒡ ᐃᔪᒡ ᐊᓯᒡ ᐊᓐᒡ ᑲ ᒥᒐᑎᓯᒡ ᐃᔪᒡ᙮ ᒋᔾ ᐅ ᐅᑎᐸᔅᑯᓂᒐᐤ ᐅᑕ ᒥᓯᐛ ᐊᔅᒋᒡ ᑭᔭ ᒋᑦ ᐃᑐᑕᓐ ᒐᒂᓐ ᐊ ᒥᔽᒡ᙮”

ᒐᓂᓯᔅ 31:53

ᑭᒪ ᐊᑉᕋᐊᒻ ᐅᒋᓴᒪᓂᑐᒪ ᑭᔭ ᓇᐃᐅᕐ ᐅᒋᓴᒪᓂᑐᒪ ᑐᑕᑕᐧᒄ ᔭᐃᑕᔾ ᒐᒋ ᑭᓄᐛᔨᑎᒪᐧᒄ ᑲ ᐃᓯ ᓂᔅᑯᒥᑐᔭᐧᒄ᙮” ᐊᑯ ᐊᓂᔭ ᐅᑕᐎᔭ ᐊᐃᓯᑲ ᒋᓴᒪᓂᑐᐛ ᑲ ᐊᔭᒥᐊᔅᑐᐛᔨᒋ ᐅᑦ ᐃᓯᓂᐧᑲᓱᓂᔨᒡ ᐅᒡ, ᒋ ᐊᓱᑎᒪᒐᐤ ᒐᑭᑉ ᒐᒋ ᑭᓄᐛᔨᑕᐧᒃ ᐅᒋᓴᓂᔅᑯᒧᐅᓐ᙮

ᑎᐱᑦ ᐅᓂᑭᒧᐅᓇ 11:4

ᑎᐸᔨᒋᒐᓱᐤ ᑕᐤ ᐅᐸᔭᒋ-ᐊᔭᒥᐊᐅᒋᐛᐱᒡ, ᑎᐸᔨᒋᒐᓱᐤ ᐅᒋᓴᐅᒋᒪᐤ ᑕᑎᐳᐛᑭᓐ ᒋᒋᒋᓯᑯᒡ ᑎᒂᓂᔪᐤ: ᐛᐱᒪᐤ, ᓂᓇᐧᑲᒋᐃᒪᐤ ᐃᔪᐛ ᐅᑦ ᐊᐛᓯᒥᓯᔨᐛ᙮

ᑎᐱᑦ ᐅᓂᑭᒧᐅᓇ 25:21

ᐊᑯᔅ ᑯᐃᔅᑯᑐᐅᓐ ᑭᔭ ᒥᔪᐃᑐᐅᓐ ᓂᑭ ᑭᓄᐛᔨᒥᑯᓐ; ᐛᔅ ᒋᑦ ᐊᔅᐸᔨᒧᑐᑕᑎᓐ᙮

ᑎᐱᑦ ᐅᓂᑭᒧᐅᓇ 26:1

ᑎᐸᔅᑯᓂ, ᐅ ᑎᐸᔨᒋᒐᓱᐤ; ᐛᔅ ᓂᒋ ᐱᒧᑕᓐ ᓂᑯᐃᔅᑯᐃᑐᐅᓂᒡ: ᓂᒋ ᒪᒥᓯᑐᑐᐛᐤ ᑎᐸᔨᒋᒐᓱᐤ ᑭᔭ; ᐊᐅᒄ ᐅᒋ ᓇᒪᐎᔾ ᓂᑭ ᐊᓴᐱᔨᓐ᙮

ᑎᐱᑦ ᐅᓂᑭᒧᐅᓇ 26:11

ᒪᒃ ᓂᔾ, ᓂᑭ ᐱᒧᑕᓐ ᓂᑯᐃᔅᑯᑐᐅᓂᒡ; ᐱᒪᒋᐃ, ᑭᔭ ᒋᔅᑎᒪᒐᔨᒥ᙮

ᑎᐱᑦ ᐅᓂᑭᒧᐅᓇ 41:12

ᓂᔾ ᒪᒃ, ᒋ ᓯᑐᓐ ᓂᑯᐃᔅᑯᑐᐅᓂᒡ, ᑭᔭ ᒋ ᓇᐊᐱᔨᓐ ᐅᑎᔅᑯᐤ ᒋᑕᔅᑎᒥᐧᒄ ᑲᒋᒡ᙮

ᑎᐱᑦ ᐅᓂᑭᒧᐅᓇ 43:1

ᑎᐸᔅᑯᓂ, ᐅ ᒋᓴᒪᓂᑐᐤ ᑭᔭ ᓇᑎᒧᐎ ᐊᑲ ᒋᓴᒪᓂᑐᐛᑎᓯᒡ ᐊ ᐃᑎᔅᑲᓇᓯᒡ ᐃᔪᒡ ᐅᒡ: ᐅ ᐎᐧᑯᒋᐃ ᑭᑭᒋᔭᓯᐤ ᑭᔭ ᑲ ᒥᒋ ᐃᑎᑦ ᐃᔪᐤ ᐅᒡ᙮

ᑎᐱᑦ ᐅᓂᑭᒧᐅᓇ 78:72

ᒋ ᐊᓴᒪᐤ ᒪᒃ ᑲ ᐃᓯ ᑯᐃᔅᑯᑕᐊᑦ: ᑭᔭ ᒋ ᒋᔅᒋᓄᑕᐊᐤ ᑲ ᐃᓯ ᑭᒐᑕᐅᑐᑕᐧᒃ ᐅᑎᒋᒡ᙮

ᑎᐱᑦ ᐅᓂᑭᒧᐅᓇ 82:1

ᒋᓴᒪᓂᑐᐤ ᓂᐳᐤ ᐅᒪᐛᒋᐃᑐᐅᓂᔨᒡ ᑲ ᓱᐧᑲᑎᓯᔨᒋ, ᑎᐸᔅᑯᓇᐤ ᒥᓂᑐᐛ᙮

ᑎᐱᑦ ᐅᓂᑭᒧᐅᓇ 9:8

ᑭᔭ ᒋᑭ ᑎᐸᔅᑯᓂᒻ ᐊᔅᒋᔪᐤ ᑯᐃᔅᑯᑕᑎᓯᐅᓂᒡ, ᒋᑭ ᑎᐸᔅᑯᓇᐤ ᐃᔪᐛ ᑯᐃᔅᑯᑐᐅᓂᒡ᙮

ᑎᐱᑦ ᐅᓂᑭᒧᐅᓇ 96:13

ᐅᑎᔅᑯᐤ ᑎᐸᔨᒋᒐᓱᐛ; ᐛᔅ ᐸᒋ ᐃᑐᑕᐤ, ᐛᔅ ᐸᒋ ᐃᑐᑕᐤ ᒐᒋ ᑎᐸᔅᑯᓇᐧᒃ ᐊᔅᒋᔪᐤ; ᒋᑭ ᑎᐸᔅᑯᓂᒻ ᐊᔅᒋᔪᐤ ᑯᐃᔅᑯᑕᑎᓯᐅᓂᒡ, ᑭᔭ ᐃᔪᐛ ᑕᑈᐅᓂᒡ᙮

ᑎᐱᑦ ᐅᓂᑭᒧᐅᓇ 98:9

ᐅᑎᔅᑯᐤ ᑎᐸᔨᒋᒐᓱᐛ; ᐛᔅ ᒋᑭ ᐸᒋ ᑎᑯᓯᓂᔪᐛ ᒐ ᑎᐸᔅᑯᓂᒥᔨᒋ ᐊᔅᒋᔪᐤ: ᑯᐃᔅᒄ ᒋᑭ ᐃᓯ ᑎᐸᔅᑯᓇᐤ ᒥᓯᑕᔅᑭᒥᒡ ᐊ ᑕᔨᒋ, ᒋᒡ ᑭᔭ ᒥᓯᐛ ᐃᓯ ᐃᔪᐛ ᑯᐃᔅᑯᑐᑕᒐᐅᓂᒡ᙮

ᐊᑈᔅᑕᓇᒡ 17:31

ᐛᔅ ᒋᓴᒪᓂᑐᐤ ᒋ ᐎᔭᔨᑎᒻ ᐊᓂᔭ ᐊ ᒋᓯᑲᔨᒡ ᒥᓯᐛ ᐊᐛᔪᐛ ᐅᑕ ᐊᔅᒋᒡ ᑯᐃᔅᒄ ᒐ ᐃᓯ ᑎᐸᔅᑯᓇᑭᓄᔨᒋ᙮ ᒋᓴᒪᓂᑐᐤ ᒪᒃ ᒋ ᐎᔭᔨᒪᐤ ᐸᐃᒄ ᓇᐸᐛ ᒐ ᐃᓯ ᑎᐸᔅᑯᓂᒐᔨᒋ, ᒋ ᐛᐸᑎᔭᐤ ᒪᒃ ᒥᓯᐛ ᐊᐛᔪᐛ ᐊᐅᑯᓐ ᐅᔭ ᓇᐸᐛ ᑲ ᐅᑎᓇᑦ ᒐᒋ ᑎᐸᔅᑯᓂᒐᔨᒋ, ᐊᒋ ᐅᓂᔅᑲᓇᑦ ᓂᐳᐅᓂᒡ ᐅᒡ᙮”

2 ᑯᕆᓐᑎᔭᓇ 1:12

ᒪᐅ ᒪᒃ ᐊ ᐃᓯ ᐊᔅᐸᔨᒧᔭᒡ, ᓇᔅᒡ ᓂᒐᔅᑎᓇᐅᓇᓐ ᒧᔅ ᑯᐃᔅᒄ ᐊᒋ ᑎᔭᒡ ᑕᓐᑕ ᒥᒄ ᑲ ᐊᑎ ᑕᔭᒡ, ᐊᑐᐎᔅ ᒪᒃ ᒪᒂᒡ ᐊᓐᑕ ᐊ ᑕᔭᒄ ᑲ ᑕᔭᒡ᙮ ᑭᔭ ᒧᔅ ᐊᒋ ᑕᑈᐅᒐᔨᑕᑯᓯᔭᒡ᙮ ᒋᓴᒪᓂᑐᐤ ᓂᒋ ᒥᔨᑯᓇᓐ ᐅᓱᐛᔨᒋᒐᐅᓐ ᐅ ᒐᒋ ᑎᔭᒡ᙮ ᓇᒪ ᓂᔭᓐ ᓂᑭᒐᑕᐛᔨᑎᒧᐅᓇᒡ ᐅᒋᐱᔪᐤ᙮

1 ᑕᓴᓗᓂᔭᓇ 2:10

ᒋᓴᒪᓂᑐᐤ ᒋᔅᒐᔨᑎᒻ ᑭᔭ ᒋᔨᐛᐤ ᒋ ᒋᔅᒐᔨᑕᓇᐛᐤ ᑕᓐ ᑲ ᐃᓯ ᒋ ᐸᔭᒋ ᐱᒪᑎᓯᔭᒡ, ᑕᓐ ᑲ ᐃᓯ ᒋ ᑯᐃᔅᑯᑕᑎᓯᔭᒡ ᑭᔭ ᐊᑲ ᐅᒋ ᑎᒂᒡ ᒐᒋ ᐊᑕᒪᔨᑕᑯᓯᔭᒡ ᒐᒋ ᒥᒋᐱᒪᑎᓯᔭᒡ ᒪᒂᒡ ᐊᓐᑕ ᒋᔨᐛᐤ ᑲ ᑕᑈᑎᒪᒄ ᒥᔽᒋᒧᐅᓐ ᐊ ᑕᔭᒄ ᑲ ᑕᔭᒡ᙮