ᑎᐱᑦ ᐅᓂᑭᒧᐅᓇ 67:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᒋᓴᒪᓂᑐᐤ ᒋᑭ ᒋᓴᐛᑐᑕᑯᓄᐤ, ᑭᔭ ᒋᑭ ᒥᔪᑐᑕᑯᓄᐤ, ᑭᔭ ᒋᑭ ᐸᒋ ᐛᓯᓱᔅᑕᑯᓄᐤ᙮

ᑎᐱᑦ ᐅᓂᑭᒧᐅᓇ 67:1 Iomraidhean Croise

ᑎᐱᑦ ᐅᓂᑭᒧᐅᓇ 119:135

ᐛᓯᓱᔅᑐᐤ ᒋᑦ ᐊᑐᔅᒐᔭᑭᓐ; ᒋᔅᑯᑎᒧᐎ ᒪᒃ ᒋᑦ ᐃᑎᓱᐛᐅᓇ᙮

ᑎᐱᑦ ᐅᓂᑭᒧᐅᓇ 28:9

ᐱᒪᒋᐃᒡ ᒋᑦ ᐃᔨᒥᒡ, ᑭᔭ ᒥᔽᒋᒥᒡ ᐊᓐᒡ ᑲ ᑎᐱᔨᐛᐅᓯᔨᓐ: ᐊᓯᒥᒡ ᑭᔭ ᐅᐱᓂᒡ ᑲᒋᒡ᙮

ᑎᐱᑦ ᐅᓂᑭᒧᐅᓇ 31:16

ᐛᓯᓱᔅᑐᐤ ᒋᑦ ᐊᑐᔅᒐᔭᑭᓐ: ᐱᒪᒋᐃ ᒋᒋᔅᑎᒪᒐᔨᒋᒐᐅᓐ ᐅᒡ᙮

ᑎᐱᑦ ᐅᓂᑭᒧᐅᓇ 4:1

ᓂᑐᑐᐎ ᐃᔅᐱ ᑎᔭᑈᔭᓂ, ᐅ ᒋᓴᒪᓂᑐᐤ ᐊᓐᑕ ᐛᒋᐱᔨᒡ ᓂᑯᐃᔅᑯᑕᑎᓯᐅᓐ: ᔅᒋ ᒋᔅᑎᒪᒐᔨᒥᓐ ᒪᒂᒡ ᑲ ᐊᔨᒥᓯᐛᐱᓇ, ᒋᔅᑎᒪᒐᔨᒥ, ᓂᑐᑕ ᑭᔭ ᓂᑦ ᐊᔭᒥᐊᐅᓐ᙮

ᑎᐱᑦ ᐅᓂᑭᒧᐅᓇ 4:6

ᒥᒐᑦ ᐃᔅᒋᔄᐅᒡ, “ᐊᐛᓐ ᒐ ᐛᐸᑎᔨᑕᐧᒄ ᒐᒂᔪᐤ ᐊ ᒥᔽᓯᔨᒡ ?” ᑎᐸᔨᒋᒐᓱᐤ ᐃᔅᐸᔅᑕᓇᒧᐅᓇᓐ ᐛᔅᑕᐅᓐ ᒋᑕᔅᑎᒥᐧᑯᒡ ᑲ ᐅᒋᐱᔨᒡ᙮

ᑎᐱᑦ ᐅᓂᑭᒧᐅᓇ 6:1

ᐅ ᑎᐸᔨᒋᒐᓱᐤ, ᐊᑲᐎᔾ ᒋᑐᓯ ᐊ ᒋᔄᓯᔨᓐ, ᐊᑲ ᑭᔭ ᐸᐱᓯᔅᑕᐎ ᐊ ᐊᐧᑯᐎᔭᔅᑕᔨᑎᒥᓐ᙮

ᑎᐱᑦ ᐅᓂᑭᒧᐅᓇ 76:1

ᒍᑕᐃᒡ ᒋᓴᒪᓂᑐᐤ ᒋᔅᒐᔨᑕᑯᓱᐤ: ᐅᑦ ᐃᓯᓂᐧᑲᓱᐅᓐ ᒋᒋᐃᑕᔨᑕᑯᓂᔪᐤ ᐃᔅᕋᐃᓕᒡ᙮

ᑎᐱᑦ ᐅᓂᑭᒧᐅᓇ 80:19

ᒂᔅᒋᑲᐳᐅᔅᑐᐅᓇᓐ, ᐅ ᑎᐸᔨᒋᒐᓱᐤ ᒥᓯᐛ ᓱᐧᑲᑎᓯᔨᓐ ᐛ ᐃᓯ ᓱᔅᑐᐅᓇᓐ; ᐊᑯ ᒪᒃ ᒐ ᐱᒪᒋᐃᑯᐅᔭᒡ᙮

ᑎᐱᑦ ᐅᓂᑭᒧᐅᓇ 80:7

ᒂᔅᒋᑲᐳᐅᔅᑐᐅᓇᓐ, ᐅ ᒋᓴᒪᓂᑐᐤ ᒥᓯᐛ ᓱᐧᑲᑎᓯᔭᓐ, ᐛᓯᓱᔅᑐᐅᓇᓐ ᒪᒃ; ᐊᑯ ᒪᒃ ᒐ ᐱᒪᒋᐃᑯᐅᔭᒡ᙮

2 ᑯᕆᓐᑎᔭᓇ 13:14

ᐅᒥᔪᐧᑲᒐᐅᓐ ᒋᑎᐸᔨᒋᒐᓯᒥᓄᐤ ᒋᓴᔅ ᙭, ᑭᔭ ᐅᓴᒋᐃᐛᐅᓐ ᒋᓴᒪᓂᑐᐤ, ᑭᔭ ᐅᐎᒋᐃᐛᐅᓐ ᑲ ᐸᔭᒋᓯᑦ ᐊᒐᐧᒄ, ᒧᔅ ᑲᒋᒡ ᒋᑭ ᑎᑯᓂᔪᐤ ᒥᓯᐛ ᐊ ᑕᐛᒄ᙮ ᐊᒥᓐ᙮

2 ᑯᕆᓐᑎᔭᓇ 4:6

ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᒋ ᐃᔅᒋᔄᑦ ᒋᓴᒪᓂᑐᐤ, “ᒋᑭ ᐛᔅᑕᐤ ᐊᓐᑕ ᐅᒋ ᐅᓂᑎᐱᔅᒋᓯᐅᓂᒡ᙮” ᐊᔪᐅᒄ ᐅᔭ ᐃᔭᐱᒡ ᒋᓴᒪᓂᑐᐤ ᑲ ᐃᑐᑕᐧᒃ ᒐᒋ ᐛᔅᑕᔨᒡ ᒋᑕᐃᓇᒡ᙮ ᐊᑯᑕ ᒪᒃ ᐛᒋ ᑭᔅᒋᐅᐱᔨᒡ ᒐᒋ ᐎᒋᐃᑯᒡ ᑯᑎᑭᒡ ᐊᐛᓐᒋ ᒐᒋ ᐛᐸᑕᒡ ᐅᔭ ᐛᔅᑕᐅᓂᔪᐤ᙮ ᐅ ᒪᒃ ᐛᔅᑕᐅᓐ ᐊᔪᐅᒄ ᐊᓂᔭ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ᙮ ᒋᓴᔅ ᙭ ᒪᒃ ᐊ ᑕᑦ ᐊᑯᑕ ᐛᒋ ᓄᑯᓂᔨᒡ ᐊᓂᔭ ᐅᒋᔅᑕᔨᑕᑯᓱᐅᓐ᙮

ᐃᐱᓯᔭᓇ 1:3

ᓂᓇᔅᑯᒪᑕᐤ ᒋᓴᒪᓂᑐᐤ, ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐅᑕᐎᔭ᙮ ᐊᓂᔭ ᐊ ᐎᒐᐅᒪᐧᑯ ᙭ᑕ, ᒋᓴᒪᓂᑐᐤ ᔅᒋ ᓱᐛᔨᒥᑯᓄᐤ ᐊᒋ ᒥᔨᑕᐧᒄ ᒥᓯᐛ ᐊᒐᐧᒄ ᓱᐛᔨᒋᒐᐅᓇ ᑕᓐ ᐊ ᐃᓯ ᑎᒂᒋ ᒋᒋᒋᓯᑯᒡ᙮