ᑎᐱᑦ ᐅᓂᑭᒧᐅᓇ 5:11 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹¹ ᒪᒃ ᐊᑯᔅ ᒥᓯᐛ ᐊᓐᒡ ᑲ ᒪᒥᓯᑐᑕᔅᒡ ᒋᑭ ᒥᔽᔨᑎᒧᒡ: ᐊᑯᔅ ᑲᒋᒡ ᒋᑭ ᒋᔄᐛᑕᑈᐅᒡ ᐊ ᐃᔅᐱᔅ ᓯᒋᔭᓯᒡ; ᐊᑯᔅ ᒥᓯᐛ ᐊᓐᒡ ᑭᔭ ᑲ ᓴᒋᑕᒡ ᒋᑦ ᐃᓯᓂᐧᑲᓱᐅᓂᔪᐤ ᒋᑭ ᒥᔽᑎᒧᒡ ᒋᔾ ᐅᒡ᙮

ᑎᐱᑦ ᐅᓂᑭᒧᐅᓇ 5:11 Iomraidhean Croise

ᑎᐱᑦ ᐅᓂᑭᒧᐅᓇ 2:12

ᓱᐛᔨᒥᐧᒄ ᐅᑯᓯᓯᒪᐤ, ᒐ ᐊᑲ ᒋ ᒋᔄᓯᑦ, ᒐ ᐊᑲ ᒋ ᓂᓱᐅᓇᑎᓯᔭᒄ ᒪᔅᑭᓇᒡ ᐅᒡ, ᐃᔅᐱ ᐊᐱᓯᔅ ᒥᒄ ᐊᐧᑯᔪᐛᓯᑦ᙮ ᓱᐛᔨᑕᑯᓱᐅᒡ ᒥᓯᐛ ᐊᓐᒡ ᑲ ᒪᒥᓯᑐᑐᐛᒡ᙮

ᑎᐱᑦ ᐅᓂᑭᒧᐅᓇ 35:27

ᐊᑯᔅ ᒪᒃ ᒋᓇᒋᔄᐛᑕᑈᐛᒡ ᐊ ᐃᔅᐱᔅ ᒥᔽᔨᑕᒡ ᑭᔭ ᐊᓯᒋᔭᓯᒡ, ᑲ ᒥᔽᔨᑕᒡ ᓂᑯᐃᔅᑯᑐᓂᔪᐤ, ᐊᑯᔅ ᒧᔅ ᒋᑭ ᐃᔅᒋᔄᐛᒡ, “ᐊᑯᔅ ᑎᐸᔨᒋᒐᓱᐤ ᒋᑭ ᒋᔅᑕᒋᒪᑭᓄᐤ, ᑲ ᒥᔽᔨᑎᒺᑦ ᐅᒥᔽᐱᒪᑎᓯᐅᓂᔪᐤ ᐅᑦ ᐊᑐᔅᒐᔭᑭᓇ᙮”

ᑎᐱᑦ ᐅᓂᑭᒧᐅᓇ 40:16

ᐊᑯᔅ ᒥᓯᐛ ᑲ ᓇᓂᑐᐛᔨᒥᔅᒡ ᒋᑭ ᒥᔽᑎᑯᒡ ᑭᔭ ᓯᒋᔭᓯᔅᑕᑯᒡ: ᐊᑯᔅ ᐊᓐᒡ ᑲ ᓴᒋᑕᒡ ᒋ ᐱᒪᒋᐃᐛᐅᓂᔪᐤ ᒧᔅ ᒋᑭ ᐃᔅᒋᔄᐅᒡ, “ᑎᐸᔨᒋᒐᓱᐤ ᒋᑭ ᐎ ᒋᔅᑕᒋᒪᑭᓄᐤ᙮”

ᑎᐱᑦ ᐅᓂᑭᒧᐅᓇ 58:10

ᐅᑯᐃᔅᑯᑕᑎᓯᐤ ᒋᑭ ᒥᔽᔨᑎᒻ ᐃᔅᐱ ᐛᐸᑕᒐ ᒋᐛᑎᐸᒪᒐᐅᓂᔪᐤ: ᒋᑭ ᓱᑈᒋᓂᒻ ᐅᓯᑕ ᐅᒥᐧᑯᔨᒡ ᐅᒥᒋᑥᐛ᙮

ᑎᐱᑦ ᐅᓂᑭᒧᐅᓇ 65:13

ᐊᐅᑯᓐ ᒥᒋᓱᐅᓂᒡ ᓴᑭᔅᒋᓇᐅᒡ ᒪᔭᑕᓂᓯᒡ ᐅᒡ: ᐊ ᑐᐅᑎᓇᒡ ᐊᒂᓇᒧᐛ ᒪᑕᒥᓇ ᐅᒡ: ᒋᔄᐛᑕᑈᒪᑭᓇ ᐊ ᒧᒋᒐᔨᑎᒧᒥᑲᒋ, ᐊᓯᒡ ᑭᔭ ᓂᑭᒧᒪᑭᓇ᙮

ᑎᐱᑦ ᐅᓂᑭᒧᐅᓇ 68:3

ᒪᒃ ᐊᑯᔅ ᐅᑯᐃᔅᑯᑕᑎᓯᐅᒡ ᒋᑭ ᒥᔽᔨᑎᒧᒡ; ᐊᑯᔅ ᒋᑭ ᒧᒋᒐᔨᑎᒧᔅᑐᐛᐅᒡ ᒋᓴᒪᓂᑐᐛ; ᓂᐦᐃ, ᐊᑯᔅ ᓇᔅᒡ ᒋᑭ ᒧᒋᒐᔨᑎᒧᒡ᙮

ᑎᐱᑦ ᐅᓂᑭᒧᐅᓇ 69:36

ᐅᑦ ᐊᐛᓯᒥᓯᔪᐛ ᑭᔭ ᐅᑦ ᐊᑐᔅᒐᔭᑭᓇ ᒋᑭ ᑎᐸᔨᑎᒥᔪᐛ: ᐊᓐᒡ ᒪᒃ ᑲ ᓴᒋᑕᐛᒡ ᐅᑦ ᐃᓯᓂᐧᑲᓱᐅᓂᔪᐤ ᐊᓐᑕ ᒋᑭ ᐎᒋᐅᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:28

ᒋ ᒋᔅᒐᔨᑕᓇᓄᐤ ᒪᒃ ᒥᓯᐛ ᒐᒂᔪᐛ ᐊ ᐃᔅᐱᔨᒋ ᐅᐱᒪᑎᓯᐅᓂᔨᒡ ᐊᓂᔭᔪᐛ ᑲ ᓴᒋᐃᑯᑦ ᒋᓴᒪᓂᑐᐤ, ᐃᑐᑎᒧᐛᐤ ᒥᓯᐛ ᒐᒋ ᒥᔪᑐᑕᑯᔨᒋ᙮ ᐊᐅᑯᓐ ᐊ ᐃᑐᑎᒧᐛᑦ ᐊᓂᔭᔪᐛ ᐎᔾ ᑲ ᐃᑕᔨᑕᐧᒃ ᒐᒋ ᐅᑎᓇᑦ ᒐᒋ ᐅᑦ ᐃᔨᒥᑦ᙮

1 ᑯᕆᓐᑎᔭᓇ 2:9

ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᓇᒪ ᐊᐛᓐ ᐅᒋ ᐛᐸᑎᒻ ᑭᔭ ᓇᒪ ᐊᐛᓐ ᐅᒋ ᐸᑎᒻ ᑭᔭ ᓇᒪ ᐊᐛᓐ ᐅᒋ ᒋᔅᒐᔨᑎᒻ ᑕᓐ ᑲ ᐃᓯ ᐊᔭᔅᑯᔅᑎᒧᐛᑦ ᒋᓴᒪᓂᑐᐤ ᐊᓂᔭᔪᐛ ᑲ ᓴᒋᐃᑯᑦ᙮

ᒋᒥᔅ ᐅᒥᓯᓇᐊᒪᒐᐅᓐ 1:12

ᓱᐛᔨᑕᑯᓱᐤ ᐊᓐ ᐊᐛᓐ ᐊᑲ ᓴᐧᑯᒋᐃᑯᑦ ᑕᓐ ᐊ ᐃᓯ ᑯᒂᒋᐊᑭᓄᐅᑦ᙮ ᐛᔅ ᓴᐳᔅᑲᒐ ᑕᓐ ᐊ ᐃᓯ ᑯᒂᒋᐊᑭᓄᐅᑦ ᒋᑭ ᒥᔨᑯᐤ ᒋᓴᒪᓂᑐᐛ ᐊ ᐛᔪᒡ ᒥᔽᔨᑕᑯᓂᔨᒡ ᐱᒪᑎᓯᐅᓂᔪᐤ, ᐊᓂᔭ ᑲ ᐃᔅᒋᔄᔨᒋ ᒐᔅᑎᓇᔅ ᒐ ᒥᔭᔨᒋ ᐊᓂᔭ ᑲ ᓴᒋᐃᑯᑦ᙮

ᒋᒥᔅ ᐅᒥᓯᓇᐊᒪᒐᐅᓐ 2:5

ᐃᔭᒂ ᓂᑐᑎᒧᒄ ᓂᐧᑲᓂᓯᑐᒄ᙮ ᓇᒪᔭᐤ ᐊ ᐊᓂᔭ ᑲ ᒋᔅᑎᒪᑎᓯᔨᒋ ᐅᑕ ᐊᔅᒋᒡ ᐊ ᑕᔨᒋ ᐅᒋ ᐃᑕᔨᒪᐤ ᒋᓴᒪᓂᑐᐤ ᒥᔅᑎ ᒐᒋ ᐊᔭᔨᒋ ᑕᑈᑎᒧᐅᓂᔪᐤ ᑭᔭ ᒐᒋ ᐊᔭᔨᒋ ᒋᓴᐅᒋᒪᐅᓂᔪᐤ ᐊᓂᔭ ᑲ ᐃᔅᒋᔄᑦ ᒐᔅᑎᓇᔅ ᒐ ᒥᔭᑦ ᐊᓂᔭ ᑲ ᓴᒋᐃᑯᑦ ?

ᒋᔅᒐᔨᑕᑯᑕᒐᐅᓐ 18:20

ᒋᔨᐛᐤ ᒋᒋᒋᓯᑯᒡ ᐊ ᑕᔭᒄ, ᒥᔽᔨᑎᒧᒄ ᐊᒋ ᓂᓱᐅᓇᒋᑕᑭᓄᐅᒡ ᐊᓐ ᐅᑕᓇᐤ᙮ ᒋᔨᐛᐤ ᑲ ᑕᑈᑎᒪᒄ, ᑭᔭ ᒋᔨᐛᐤ ᐊᑈᔅᑕᓇᒡ, ᑭᔭ ᒋᔨᐛᐤ ᑲ ᐅᒋᔅᒋᐛᐃᒐᓱᐅᔭᒄ, ᒥᔽᔨᑎᒧᒄ᙮ ᐛᔅ ᒋᓴᒪᓂᑐᐤ ᒋ ᑎᐸᔅᑯᓇᐤ ᐊᓂᔭᔪᐛ ᐊᓐᑕ ᑲ ᑕᔨᒋ ᑕᓐ ᑲ ᐃᑐᑕᑕᑯᒡ᙮”