ᑎᐱᑦ ᐅᓂᑭᒧᐅᓇ 40:12 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹² ᐛᔅ ᐊᑲ ᐊᒋ ᐊᒋᒋᑕᑭᓄᐅᒋ ᒥᒋ ᒐᒂᓇ ᓂ ᐛᔅᑲᔅᑲᑯᓐ: ᓂᒥᒐᑎᓯᐅᓇ ᓂᒋ ᒪᒋᑯᓂᑯᓐ, ᐛᒋ ᐊᑲ ᑭᔅᒋᑕᔭᓐ ᒐᒋ ᑕᔅᑎᓴᐱᔭᓐ ᐊᔪᐛᒡ ᒥᒐᓂᔨᐛ ᐃᔅᐱᔅ ᐅᐱᐎᔭ ᓂᔅᑎᒂᓂᒡ: ᐊᐅᒄ ᐅᒋ ᓂ ᓄᑕᓯᒥᑯᓐ ᓂᑕᐃ᙮

ᑎᐱᑦ ᐅᓂᑭᒧᐅᓇ 40:12 Iomraidhean Croise

ᒐᓂᓯᔅ 42:28

ᒂ ᐃᑕᑦ ᐎᐧᑲᓂᓴ, “ᓂ ᒋᐛ ᒥᔨᑯᓇᓯᐱᓐ ᓂᓱᓇᔭᓂᒻ, ᐱᒡ ᐅᑕ ᓂᐅᑎᒡ ᑎᑯᓐ᙮” ᓴᒋᓱᐅᓂᔪᐤ ᒋ ᐱᒋᔅᑲᑯᐅᒡ ᐅᑕᐃᐛᒡ ᑭᔭ ᐊ ᓴᒋᓯᒡ ᒋ ᑯᒂᒋᒥᑐᐅᒡ ᐊ ᐃᔅᒋᔄᒡ, “ᒐᒂᓂᔪᐤ ᐅᔭ ᑲ ᑐᑕᑕᐧᒄ ᒋᓴᒪᓂᑐᐤ ?”

ᑎᐱᑦ ᐅᓂᑭᒧᐅᓇ 116:3

ᓂᐳᐅᓐ ᐅᑯᐸᑕᔨᑎᒧᐛᐅᓐ ᓂᒋ ᐛᔅᑲᔅᑲᑯᐛᓐ: ᑭᔭ ᒥᒋ ᐃᔅᑯᑕᐤ ᐎᓯᒐᔨᑎᒧᐅᓇ ᓂᒋ ᐅᑎᑎᓂᑯᓐ: ᓂᒋ ᒥᔅᑲᓐ ᒥᑯᔅᑲᑕᔨᑎᒧᐅᓐ ᑭᔭ ᑯᐸᑕᔨᑎᒧᐅᓐ᙮

ᑎᐱᑦ ᐅᓂᑭᒧᐅᓇ 19:12

ᐊᐛᓐ ᒐᒋ ᓂᔅᑐᑕᐧᒃ ᐅᐅᓂᑐᐅᓇ ? ᐸᔭᒋᐃ ᓂᒋᒧᑦ ᒥᒋᐃᑐᐅᓇ ᐅᒡ᙮

ᑎᐱᑦ ᐅᓂᑭᒧᐅᓇ 38:4

ᐛᔅ ᓂᒥᒐᑎᓯᐅᓇ ᐸᓯᒋᐱᔪᐛ ᓂᔅᑎᒂᓂᒡ: ᒧᔭᒻ ᐊᑯᓯᒂᒡ ᐎᐅᓯᐅᓐ ᐅᓴᒻ ᓂ ᑯᓯᑯᒪᒋᑕᓐ᙮

ᑎᐱᑦ ᐅᓂᑭᒧᐅᓇ 61:8

ᐊᑯ ᒐ ᓂᑭᒧᑕᔭᓐ ᒋᑦ ᐃᓯᓂᐧᑲᓱᐅᓐ ᑲᒋᒡ; ᒧᓯᓇᐤ ᒐᒋ ᑎᐱᑐᑎᒪᓐ ᓂ ᒋᒋᐃᑥᐅᓇ᙮

ᑎᐱᑦ ᐅᓂᑭᒧᐅᓇ 69:4

ᐊᓐᒡ ᓯᔅᒋᑯᒡ ᑲ ᐛᐧᑲᓯᒡ ᐊᑐᐎᔅ ᒥᒐᑐᐅᒡ ᐃᔅᐱᔅ ᓂᐱᔎᐅᓇ: ᐊᓐᒡ ᑲ ᐎ ᓂᓱᐅᓇᒋᐃᒡ ᓂᑐᐎ ᑲ ᐎ ᒪᓯᐃᒡ, ᓱᐧᑲᑎᓯᐅᒡ: ᐊᑯ ᐸᒋᑎᓇᒪᓐ ᐊᓂᒪ ᐊᑲ ᐅᒋ ᐅᑎᓂᒪᓐ᙮

ᑎᐱᑦ ᐅᓂᑭᒧᐅᓇ 73:26

ᓂᔭᔅ ᑭᔭ ᓂᑕᐃ ᓄᑕᐱᔪᐤ: ᒋᓴᒪᓂᑐᐤ ᒪᒃ ᒥᔅᑯᐎᑕᐤ ᓂᑕᐃᔪᐤ, ᑭᔭ ᓂᑎᐱᔨᐛᐅᓯᐅᓐ ᑲᒋᒡ᙮

ᓗᒃ 21:26

ᒋᑭ ᐊᒂᑕᔨᑎᒧᒡ ᐃᔪᒡ ᐊ ᐃᔅᐱᔅ ᑯᔅᑕᒋᒡ ᐊ ᒪᒥᑐᓇᔨᑕᒡ ᑕᓐ ᐊᔅᒄ ᒐ ᐃᔅᐱᔨᒡ ᐅᔭᔪᐤ ᐊᔅᒋᔪᐤ᙮ ᑭᔭ ᒥᓯᐛ ᒐᒂᓐ ᐊᓐᑕ ᒋᓯᑯᒡ ᐊ ᑎᒂᒡ ᒋᑭ ᐊᒋᐱᔪᐤ᙮

ᐃᑉᕈᐛ 4:15

ᐛᔅ ᐊᓐ ᒋᒋᓴᐊᔭᒥᐊᐅᒋᒪᒥᓄᐤ ᒋᔅᑎᒪᒐᔨᒥᑯᓄᐤ᙮ ᓇᔅᒡ ᒋ ᒋᔅᒐᔨᒥᑯᓄᐤ ᐊᑲ ᓇᔅᒡ ᓱᒋᑲᐳᐅᔭᐧᒄ ᐃᔅᐱ ᐊ ᑯᒂᒋᐃᑯᔭᐧᑯ ᒐᒋ ᒥᒋᑐᑎᒪᐧᒄ᙮ ᐛᔅ ᑭᔭ ᐎᔾ ᒋ ᑯᒂᒋᐊᑭᓄᐤ ᒐᒋ ᒥᒋᑐᑕᐧᒄ ᒧᔭᒻ ᒋᔭᓄᐤ ᐊ ᐃᑐᑕᑯᐅᔭᐧᒄ, ᒥᒄ ᒪᒃ ᐎᔾ ᓇᒪ ᐅᒋ ᒥᒋᑐᑎᒻ᙮

1 ᐱᑕᕐ 3:18

ᐛᔅ ᙭ ᐸᐃᒂᐤ ᔅᒋ ᓂᐱᔅᑎᒪᑭᓄᐤ ᒥᒋᑥᐅᓂᒡ ᐅᒡ ᒐᒋ ᐅᒋ ᐸᓱᐅᑕᐧᒄ ᒋᓴᒪᓂᑐᐛ ᐊ ᑕᔨᒋ᙮ ᐊᓐ ᑲ ᑯᐃᔅᑯᑕᑎᓯᑦ ᒋ ᓂᐱᔅᑎᒧᐛᐤ ᐊᓂᔭ ᐊᑲ ᑯᐃᔅᑯᑕᑎᓯᔨᒋ᙮ ᑕᑈ ᑭᑈ ᒋ ᓂᐸᑕᑭᓄᐅᔪᐤ ᐎᔪᐤ ᒥᒄ ᒪᒃ ᒋ ᐃᑐᑐᐛᑭᓄᐅᔪᐛ ᐅᑦ ᐊᒐᒂ ᐃᔭᐱᒡ ᒐᒋ ᐱᒪᑎᓯᔨᒋ᙮