ᑎᐱᑦ ᐅᓂᑭᒧᐅᓇ 32:5 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁵ ᔅᒋ ᐎᑎᒪᑎᓐ ᓂᒥᒋᑐᑎᒧᐅᓇ, ᓇᒪ ᑭᔭ ᓂ ᐅᒋ ᑲᑕᓐ ᓂᒥᒐᑎᓯᐅᓇ᙮ ᓂᒋ ᐃᔨᓐ, ᓂᑭ ᐎᑎᒧᐛᐤ ᑎᐸᔨᒋᒐᓱᐤ ᓂᐅᓂᑐᑎᒧᐅᓇ; ᒋᔾ ᒪᒃ ᔅᒋ ᐛᐸᔨᑕᓐ ᐊ ᐃᓯ ᒥᒐᑎᓯᒥᑲᒡ ᓂᒥᒋᑐᑎᒧᐅᓐ᙮

ᑎᐱᑦ ᐅᓂᑭᒧᐅᓇ 32:5 Iomraidhean Croise

ᑎᐱᑦ ᐅᓂᑭᒧᐅᓇ 103:12

ᐊᔅᐱᔅ ᔭᐅᓇᒂᒡ ᐛᐱᓄᑕᒡ ᐊᑎᒪᐱᓯᒧᒡ ᐅᒡ, ᐊᑯ ᐊᔅᐱᔅ ᑲᒋ ᐃᒐᓂᒪᑕᐧᒄ ᒋᐅᓂᑐᑎᒧᐅᓄᐛ᙮

ᑎᐱᑦ ᐅᓂᑭᒧᐅᓇ 103:3

ᑲ ᐛᐸᔨᑕᐧᒄ ᒥᓯᐛ ᒋᒥᒐᑎᓯᐅᓇ; ᑲ ᒥᓏᒋᑕᑦ ᒥᓯᐛ ᒋᑦ ᐃᑕᔅᐱᓇᐅᓇ;

ᑎᐱᑦ ᐅᓂᑭᒧᐅᓇ 25:16

ᒂᔅᒋᑲᐳᔅᑐᐎ, ᒋᔅᑎᒪᒐᔨᒥ ᒪᒃ: ᐛᔅ ᓂ ᒋᐛᔭᔨᑕᓐ ᑭᔭ ᓂ ᒪᒂᐃᑕᓐ᙮

ᑎᐱᑦ ᐅᓂᑭᒧᐅᓇ 25:18

ᑭᓄᐛᐸᑕ ᓂᒥᑯᔅᑲᑕᔨᑎᒧᐅᓐ ᑭᔭ ᓂᐎᓯᒐᔨᑎᒧᐅᓐ; ᐳᓇᔨᑕ ᒪᒃ ᒥᓯᐛ ᓂᒥᒋᑐᑎᒧᐅᓇ᙮

ᑎᐱᑦ ᐅᓂᑭᒧᐅᓇ 30:5

ᐛᔅ ᐛᐃᐱᔅᒋᔅ ᒥᒄ ᐱᒥᐱᔪᐤ ᐅᒋᔄᓱᐅᓐ; ᐅᒥᔪᑐᑕᒐᐅᓐ ᑲᒋᒡ ᐱᒪᑎᓯᐅᓂᔪᐤ: ᒪᐅᓐ ᐃᔅᑭᓐ ᑎᐱᔅᑲᐛ ᐱᒥᐱᔪᐤ, ᒪᒃ ᒥᔽᔨᑎᒧᐅᓐ ᐅᑎᒋᐱᔪᐤ ᒋᔭᒋᓴᐸᔭᒋ᙮

ᑎᐱᑦ ᐅᓂᑭᒧᐅᓇ 38:18

ᐛᔅ ᓂᑭ ᐎᑕᓐ ᓂᒥᒐᑎᓯᐅᓐ; ᓂᑭ ᒥᑕᒋᔨᐛᓯᓐ ᑲ ᐃᓯ ᒥᒋᑐᑎᒪᓐ᙮

ᑎᐱᑦ ᐅᓂᑭᒧᐅᓇ 38:19

ᒪᒃ ᑲ ᐛᐧᑲᓯᒡ ᒋᓱᓯᐅᒡ ᑭᔭ ᒥᔅᑯᐅᓯᐅᒡ: ᐊᓐᒡ ᒪᒃ ᓂᑐᐎ ᑲ ᐃᓯ ᐛᐧᑲᓯᒡ ᐊᑎ ᒥᒐᑎᒡ᙮

ᑎᐱᑦ ᐅᓂᑭᒧᐅᓇ 51:6

ᐛᔅ, ᒋ ᓂᑐᐛᔨᑕᓐ ᑕᑈᐅᓐ ᐱᒋᔪᐤ; ᐊᑲᑕᑭᓄᐅᒡ ᒐᒂᓐ ᐅᒡ ᔅᒋ ᒋᔅᒐᔨᑎᒥᔨᓐ ᑭᒐᑕᐛᔨᑎᒧᐅᓐ᙮

ᑎᐱᑦ ᐅᓂᑭᒧᐅᓇ 86:15

ᒪᒃ ᒋᔾ, ᐅ ᑎᐸᔨᒋᒐᓱᐤ, ᒋ ᒋᓴᒪᓂᑐᐅᓐ ᑲ ᓴᑭᔅᒋᓇᔅᑲᑯᔨᓐ ᒋᔅᑎᒪᒐᔨᒋᒐᐅᓐ, ᑭᔭ ᑲ ᒋᓴᐛᑎᓯᔨᓐ; ᐊ ᓯᐱᔨᐛᓯᔨᓐ, ᑭᔭ ᐊ ᐛᔪᑎᓯᔨᓐ ᒋᔅᑎᒪᒐᔨᒋᒐᐅᓐ ᑭᔭ ᑕᑈᐅᓐ᙮

ᑎᐱᑦ ᐅᓂᑭᒧᐅᓇ 86:5

ᐛᔅ ᒋᔾ, ᑎᐸᔨᒋᒐᓱᐤ, ᒋ ᒥᔽᑎᓯᓐ, ᑭᔭ ᒋ ᐎ ᐛᐸᔨᑎᒪᒐᓐ; ᑭᔭ ᒋ ᐛᔪᒡ ᒋᔅᑎᒪᒐᔨᒪᐅᒡ ᒥᓯᐛ ᑲ ᓇᓂᑐᒥᔅᒡ᙮

ᓗᒃ 16:15

ᒋᓴᔅ ᒪᒃ ᒋ ᐃᑕᐤ, “ᒋᑦ ᐃᓯᓇᑯᐃᑎᓱᓇᐛᐤ ᒧᔭᒻ ᐊ ᑯᐃᔅᑯᑕᑎᓯᔭᒄ ᐊᓐᑕ ᐅᑎᔅᑯᐤ ᐃᔪᒡ ᐊ ᑕᒡ, ᒥᒄ ᒪᒃ ᒋᓴᒪᓂᑐᐤ ᒋᔅᒐᔨᑎᒻ ᑕᓐ ᒋᒋᐛ ᐊ ᐃᑕᔨᑕᑯᓯᔭᒄ᙮ ᐛᔅ ᐊᓂᔭᔪᐛ ᒐᒂᔪᐛ ᒋᒋᐛ ᑲ ᐃᑕᔨᑎᒥᐃᑯᒡ ᐊᐛᓐᒋ ᒋᓴᒪᓂᑐᐤ ᐛᐧᑲᑎᒻ ᐊᓂᔭᔪᐛ᙮”

ᓗᒃ 7:47

ᒋ ᐎᑎᒪᑎᓐ, ᐊᓂᔭ ᓇᔅᒡ ᐊ ᓴᒋᐃᐛᑦ ᐊᑯᑕ ᐛᒋ ᓄᑯᓂᔨᒡ ᒥᒐᑦ ᐅᒥᒋᑥᐅᓇ ᐊᒋ ᐛᐸᔨᑎᒧᐛᑭᓄᐅᑦ᙮ ᐊᐛᓐ ᐊᐱᓯᔅ ᑲ ᐛᐸᔨᑎᒧᐛᑭᓄᐅᑦ ᐊᐱᓯᔅ ᓴᒋᐃᐛᐤ᙮”

ᐃᐱᓯᔭᓇ 4:32

ᒋᐸ ᒥᔪᑐᑐᐛᐛᐅᒡ ᐊᐛᓐᒋ ᑭᔭ ᒋᐸ ᔪᔅᐸᑎᓯᓇᐛᐤ᙮ ᑭᔭ ᒋᐸ ᐛᐸᔨᑎᒧᐛᐛᐅᒡ ᐊᐛᓐᒋ ᒧᔭᒻ ᑕᓐ ᑲ ᐃᓯ ᐛᐸᔨᑎᒪᑕᒄ ᒋᓴᒪᓂᑐᐤ ᙭ᑕ ᐅᒡ᙮