ᑎᐱᑦ ᐅᓂᑭᒧᐅᓇ 3:3 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³ ᒪᒃ ᒋᔾ, ᐅ ᑎᐸᔨᒋᒐᓱᐤ, ᓂᑦ ᐊᒂᓇᐅᓱᐛᑭᓐ; ᓂᒋᔅᑕᔨᑕᑯᓱᐅᓐ, ᐊᓐ ᑭᔭ ᑲ ᐅᐱᔎᓂᑦ᙮

ᑎᐱᑦ ᐅᓂᑭᒧᐅᓇ 3:3 Iomraidhean Croise

ᒐᓂᓯᔅ 15:1

ᓇᓇᒐ ᑎᐸᔨᒋᒐᓱᐤ ᒋ ᓄᑯᓯᔅᑐᐛᐤ ᐊᑉᕋᒪ ᑭᔭ ᒋ ᐃᑕᐤ, “ᐊᑲ ᑯᔅᑕᒋ, ᐊᑉᕋᒻ᙮ ᓂᔾ ᐅ ᒋᑦ ᐊᒂᓇᐅᓱᐛᑭᓐ, ᒋᒋᐛ ᒋᑭ ᒥᓴᐤ ᒋᑎᐸᒪᑯᓯᐅᓐ᙮”

ᒐᓂᓯᔅ 40:13

ᒋ ᓂᔅᑐ ᒋᓯᑲᒐ ᒪᒃ ᒋᓴᐅᒋᒪᐤ ᒋᑭ ᐛᐸᔨᑎᒪᒄ ᑭᔭ ᒋᑭ ᒋᐛᓂᒪᒄ ᒋᑦ ᐊᐱᑎᓯᐅᓂᔪᐤ, ᒋᑭ ᒥᔭᐤ ᐅᒥᓂᒂᑭᓐ ᐅᑎᒋᒡ ᒧᔭᒻ ᑲ ᐃᓯ ᐃᑐᑎᒥᓐ ᑲ ᒥᓇᐃᐛᐤ ᐃᔪᔨᓐ᙮

ᑎᐱᑦ ᐅᓂᑭᒧᐅᓇ 110:7

ᒋᑭ ᒥᓂᒂᑕᒻ ᓯᐱᓯᔪᐤ ᒪᔅᑭᓇᒡ: ᐊᔭᔪᐤ ᐅᒋ ᒋᑭ ᐅᐱᓂᔎᔪᐤ᙮

ᑎᐱᑦ ᐅᓂᑭᒧᐅᓇ 119:114

ᒋᔾ ᐊᑯᑕ ᐊᓯ ᑲᓱᔭᓐ ᑭᔭ ᒋᔾ ᓂᑦ ᐅᑦ ᐊᒂᓇᐅᓱᐛᑭᓐ: ᓂᑦ ᐊᔅᐸᔨᒧᑐᑕᓐ ᒋᑦ ᐃᔨᒧᐅᓐ᙮

ᑎᐱᑦ ᐅᓂᑭᒧᐅᓇ 18:2

ᑎᐸᔨᒋᒐᓱᐤ ᓂᒋᔅᑕᐱᔅᑯᒻ, ᑭᔭ ᓂᓂᑐᐱᔪᐅᒋᐛᐱᒻ, ᑭᔭ ᓂᐱᒪᒋᐃᐛᒻ; ᓂᒋᓴᒪᓂᑐᒻ, ᓂ ᒥᔅᑯᐅᓯᐅᓐ ᐊᓐ ᑲ ᒪᒥᓯᑐᑐᐅᒃ; ᓂᑦ ᐊᒂᓇᐅᓱᐛᑭᓐ, ᑭᔭ ᓂᐱᒪᒋᐃᑯᓯᐤ ᐊᔅᑭᓐ, ᑭᔭ ᓂ ᒋᒋ ᐊᓱᐛᐳᐅᓐ᙮

ᑎᐱᑦ ᐅᓂᑭᒧᐅᓇ 27:6

ᐊᑯ ᓂᔅᑎᒂᓐ ᐸᔅᒡ ᒋᑭ ᐅᐱᓇᑭᓄᐤ ᐃᔅᐱᔅ ᑲ ᐛᐧᑲᓯᒡ ᑲ ᐛᔅᑲᔅᑯᐅᒡ: ᐊᐅᒄ ᐅᒋ ᓂᑭ ᐱᔅᑎᓂᒐᓐ ᐊᔭᒥᐊᐅᐱᒍᐎᔭᓂᒋᐛᐱᒡ ᒥᔽᔨᑎᒧᐅ ᐱᔅᑎᓂᒐᐅᓐ; ᓂᑭ ᓂᑭᒧᓐ, ᓂᐦᐃ ᐊ ᓂᑭᒧᔭᓐ ᓂᑭ ᒪᒥᒋᒪᐤ ᑎᐸᔨᒋᒐᓱᐤ᙮

ᑎᐱᑦ ᐅᓂᑭᒧᐅᓇ 28:7

ᑎᐸᔨᒋᒐᓱᐤ ᓂᒥᔅᑯᐅᓯᐅᓐ ᑭᔭ ᓂᑦ ᐊᒂᓇᐅᓱᐛᑭᓇ; ᓂᑕᐃᔪᐤ ᒋ ᒪᒥᓯᑐᑕᑯᐤ, ᓂ ᐎᒋᐃᑯᐅᓐ ᒪᒃ: ᐊᐅᒄ ᐅᒋ ᓂᑕᐃ ᓇᔅᒡ ᒪᔽᔨᑎᒧᒪᑭᓐ; ᑭᔭ ᐊ ᓂᑭᒧᔭᓐ ᓂᑭ ᒪᒥᒋᒪᐤ᙮

ᑎᐱᑦ ᐅᓂᑭᒧᐅᓇ 4:3

ᒋᔅᒐᔨᑎᒧᒄ ᒪᒃ ᑎᐸᔨᒋᒐᓱᐤ ᐊᒋ ᐸᐧᑲᓂᑎᒪᓱᑦ ᐊᓂᔭ ᑲ ᑯᐃᔅᑯᑕᑎᓯᔨᒋ: ᑎᐸᔨᒋᒐᓱᐤ ᒋᑭ ᓂᑐᑎᒻ ᓇᓂᑐᒥᒂ᙮

ᑎᐱᑦ ᐅᓂᑭᒧᐅᓇ 62:7

ᒋᓴᒪᓂᑐᒡ ᐃᑎᔅᑕᐤ ᓂ ᐱᒪᒋᐃᑯᓯᐅᓐ ᑭᔭ ᓂᒋᔅᑕᔨᑕᑯᓯᐅᓐ; ᐊ ᒋᔅᑕᐱᔅᑯᐅᒡ ᓂ ᒥᔅᑯᐅᓯᐅᓐ, ᑭᔭ ᓂ ᓇᑕᓯᒧᐅᓐ ᒋᓴᒪᓂᑐᒡ ᐃᑎᔅᑕᐤ᙮

ᑎᐱᑦ ᐅᓂᑭᒧᐅᓇ 84:11

ᐛᔅ ᑎᐸᔨᒋᒐᓱᐤ ᒋᓴᒪᓂᑐᐤ ᐱᓯᒧᐅᐤ ᑭᔭ ᐊᒂᓇᐅᓱᐛᑭᓂᐅᐤ: ᑎᐸᔨᒋᒐᓱᐤ ᒋᑭ ᒥᔨᐛᐤ ᒥᔪᐧᑲᒐᐅᓂᔪᐤ ᑭᔭ ᒋᔅᑕᔨᑕᑯᓱᐅᓂᔪᐤ: ᓇᒪ ᒐᒂᔪᐤ ᑲ ᒥᔽᓯᔨᒡ ᒋᑭ ᒋᓴᑎᓂᒧᐛᐤ ᐊᓂᔭᔪᐛ ᑯᐃᔅᒄ ᑲ ᐱᒧᑕᔨᒋ᙮

ᓗᒃ 2:32

ᐛᔅᑕᐅᓐ ᒐ ᐛᔅᑕᓂᒪᑯᒡ ᒐᓐᑕᐃᓚᒡ (ᐊᑲ ᒍᐤ ᐃᑎᔅᑲᓇᓯᒡ ᐃᔪᒡ), ᑭᔭ ᐊᓂᔭᔪᐤ ᒐ ᐅᒋ ᒋᔅᑕᔨᑕᑯᓯᒡ ᒋᑦ ᐃᔨᒥᒡ ᐃᔅᕋᐃᓪ᙮” ᐊᔪᐅᒄ ᐅᔭ ᑲ ᐃᔅᒋᔄᑦ ᓯᒥᐅᓐ᙮

ᒋᔅᒐᔨᑕᑯᑕᒐᐅᓐ 21:11

ᐊ ᐃᓯ ᒋᐧᑲᔭᔅᑐᐛᔨᒡ ᐊᓐᑕ ᐊ ᑕᑦ ᒋᓴᒪᓂᑐᐤ, ᐊᑯᑕ ᐛᒋ ᒋᐧᑲᔭᔅᑕᒡ ᐊᓐ ᐅᑕᓇᐤ᙮ ᓇᔅᒡ ᑲ ᒥᔪᓯᓯᑦ ᐊᓯᓂᔾ ᐊ ᐃᑕᔅᑐᐛᑦ, ᐊᐅᑯᓐ ᑲ ᐃᑕᔅᑐᐛᒡ, ᒧᔭᒻ ᐊᓐ ᐊᓯᓂᔾ ᒐᔅᐸᕐ ᑲ ᐃᓯᓂᐧᑲᓱᑦ ᑲ ᐎᔄᐛᔅᑐᐛᑦ, ᐊᐅᑯᓐ ᑲ ᐃᑕᔅᑐᐛᒡ ᐊᓐ ᐅᑕᓇᐤ᙮ ᒋ ᓴᐳᓄᑯᓐ ᒪᒃ ᒧᔭᒻ ᐊᓐ ᓯᐳᐛᐱᔅᒄ ᐊᓯᓂᔾ ᑲ ᐃᓯᓇᑯᓯᑦ, ᐊᐅᑯᓐ ᑲ ᐃᓯᓇᒂᒡ᙮

ᒋᔅᒐᔨᑕᑯᑕᒐᐅᓐ 21:23

ᓇᒪ ᓂᑐᐛᔨᑕᑯᓱᐤ ᐱᓯᒻ ᒪᒃ ᑎᐱᔅᑲᐤ ᐱᓯᒻ ᒐᒋ ᐅᒋ ᐛᔅᑐᐛᒡ ᐊᓐ ᐅᑕᓇᐤ᙮ ᐛᔅ ᐊ ᐃᔅᐱᔅ ᒋᐧᑲᔭᔅᑐᐛᔨᒡ ᐊᓐᑕ ᐊ ᑕᑦ ᒋᓴᒪᓂᑐᐤ, ᐊᑯᑕ ᐛᒋ ᒋᐧᑲᔭᔅᑕᒡ ᐊᓐ ᐅᑕᓇᐤ᙮ ᑭᔭ ᐊᓐ ᒪᔭᑕᓂᔅ ᐊ ᑕᑦ, ᐊᑯᑕ ᐛᒋ ᒋᐧᑲᔭᔅᑕᒡ᙮