ᑎᐱᑦ ᐅᓂᑭᒧᐅᓇ 27:4 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴ ᐸᐃᒄ ᒐᒂᔪᐤ ᓂᑭ ᐱᑯᓴᔨᒪᐤ ᑎᐸᔨᒋᒐᓱᐤ, ᐊᐅᒄ ᒐ ᓇᓂᑐᐛᔨᑎᒪᓐ; ᒐᒋ ᐎᒍᐅᒡ ᑎᐸᔨᒋᒐᓱᐤ ᐎᒋᒡ ᒐ ᐃᔅᐱᔅ ᐱᒪᑎᓯᔭᓐ, ᒐᒋ ᑭᓄᐛᐸᑎᒧᒡ ᐅᒥᔪᓇᑯᓯᐅᓐ ᑎᐸᔨᒋᒐᓱᐤ, ᑭᔭ ᒐᒋ ᐊᔭᒥᐊᔭᓐ ᐅᒋᓴᐊᔭᒥᐊᐅᒋᐛᐱᒡ᙮

ᑎᐱᑦ ᐅᓂᑭᒧᐅᓇ 27:4 Iomraidhean Croise

ᑎᐱᑦ ᐅᓂᑭᒧᐅᓇ 23:6

ᒐᔅᑎᓇᔅ ᓂᑭ ᒥᔪᐧᑲᑯᐅᓐ ᑭᔭ ᓂᑭ ᒋᓴᐛᑐᑕᑯᐅᓐ ᐊᓯᑯᒻ ᒋᓯᑲᐛ ᒧᔅ ᒐ ᐃᔅᐱᔅ ᐱᒪᑎᓯᔭᓐ: ᑭᔭ ᒧᔅ ᑲᒋᒡ ᓂᑭ ᐎᒋᐛᓐ ᐊᓐᑕ ᑎᐸᔨᒋᒐᓱᐤ ᐅᐛᔅᑲᐃᑭᓂᒥᒡ᙮

ᑎᐱᑦ ᐅᓂᑭᒧᐅᓇ 26:6

ᓂᑭ ᒋᔅᑕᐸᐅᑕᓐ ᓂᑎᒋᔭ ᐸᔭᒋᓯᔪᐅᓂᒡ: ᐊᑯ ᒐ ᐛᔅᑲᔅᑲᒪᓐ ᒋᐱᔅᑎᓂᒐᐅᓇᐱᔅᒄ, ᐅ ᑎᐸᔨᒋᒐᓱᐤ᙮

ᑎᐱᑦ ᐅᓂᑭᒧᐅᓇ 26:8

ᑎᐸᔨᒋᒐᓱᐤ, ᓂᒋ ᓴᒋᑕᓐ ᒋᒥᒋᐛᐱᒻ ᐊᓐᑕ ᐊ ᑕᔨᓐ, ᐊᓐᑕ ᑭᔭ ᐊ ᑎᒂᒡ ᒋᒋᔅᑕᔨᑕᑯᓱᐅᓐ᙮

ᑎᐱᑦ ᐅᓂᑭᒧᐅᓇ 27:8

ᐃᔅᐱ ᑲ ᐃᔅᒋᔄᔨᓐ, “ᓇᓂᑐᐛᐸᑎᒧᒄ ᓂᑕᔅᑎᒥᐧᒄ,” ᓂᑕᐃ ᔅᒋ ᐃᑎᑯᓐ, “ᒋᑕᔅᑎᒥᐧᒄ, ᑎᐸᔨᒋᒐᓱᐤ, ᓂᑭ ᓇᓂᑐᐛᐸᑕᓐ᙮”

ᑎᐱᑦ ᐅᓂᑭᒧᐅᓇ 50:2

ᓴᐃᔭᓂᒡ ᐅᒡ, ᑲ ᒪᐅᒡ ᒥᔪᓇᒂᒡ, ᒋᓴᒪᓂᑐᐤ ᒋ ᐛᓯᓱᐤ᙮

ᑎᐱᑦ ᐅᓂᑭᒧᐅᓇ 65:4

ᓱᐛᔨᑕᑯᓱᐤ ᐊᓐ ᐃᔪᐤ ᑲ ᐅᐛᑕᐱᒥᑦ, ᑭᔭ ᑲ ᐃᑕᔨᒥᑦ ᒐᒋ ᐸᒋ ᓇᑎᔅᒃ, ᒐᒋ ᑕᑦ ᒋ ᒪᐛᒋᐃᑐᐅᒋᐛᐱᒡ: ᓂᑭ ᑕᐱᒐᔨᑕᓇᓐ ᐊᔅᐱᔅ ᒥᔽᓯᒡ ᒋᒡ, ᒋ ᐸᔭᒋ ᒋᓴᐊᔭᒥᐊᐅᒋᐛᐱᒡ ᐅᑦ᙮

ᑎᐱᑦ ᐅᓂᑭᒧᐅᓇ 84:10

ᐛᔅ ᐸᐃᑯ ᒋᓯᑲᐛ ᒋ ᒪᐛᒋᐃᑐᐅᒋᐛᐱᒡ ᐃᐛᒃ ᒥᔽᓱᐤ ᐃᔅᐱᔅ ᒐᓯᐱᔪᐤ᙮ ᐊᐛᔅᑕ ᓂᑭ ᐎ ᑭᓄᐎᔎᑐᐛᐤ ᐎᒋᒡ ᓂᒋᓴᒪᓂᑐᒻ, ᐃᔅᐱᔅ ᒐᒋ ᐎᒋᔭᓐ ᒥᒐᑎᓯᐤ ᒥᒋᐛᐱᒡ᙮

ᑎᐱᑦ ᐅᓂᑭᒧᐅᓇ 84:4

ᓱᐛᔨᑕᑯᓱᐅᒡ ᐊᓐᒡ ᑲ ᐎᒋᒡ ᒋᒋᒡ: ᐃᔭᐱᒡ ᐊᔅᒄ ᒋᑭ ᒪᒥᒋᒥᑯᒡ᙮

ᑎᐱᑦ ᐅᓂᑭᒧᐅᓇ 90:17

ᐊᑯᔅ ᑭᔭ ᑎᐸᔨᒋᒐᓱᐤ ᓂᒋᓴᒪᓂᑐᒥᓇᓐ ᒋᒋᓴᐛᑎᓯᐅᓐ ᒋᑭ ᓄᑯᓐ ᓂᔭᓐ ᐊ ᐃᑕᔭᒡ: ᒐᔅᑎᓇᑎᔅᑕ ᒪᒃ ᐊᓐ ᐊᐱᑎᓯᐅᓐ ᑲ ᐃᑐᑎᒪᒡ ᓂᑎᒋᓇᒡ; ᓂᐦᐃ, ᐊᓐ ᐊᐱᑎᓯᐅᓐ ᑲ ᐃᑐᑎᒪᒡ ᓂᑎᒋᓇᒡ ᒐᔅᑎᓇᑎᔅᑕ᙮

ᒪᑎᔪᐤ 6:33

ᐅᔅᑕ ᐃᑕᔨᑕᑯᓐ ᓂᔅᑎᒻ ᓱᒃ ᒐᒋ ᓇᓂᑐᐛᔨᑎᒺᒄ ᒋᓴᒪᓂᑐᐤ ᐅᒋᓴᐅᒋᒪᐅᓐ ᑭᔭ ᒐᒋ ᐃᑐᑎᒺᒄ ᑕᓐ ᐊ ᐃᓯ ᓂᑐᐛᔨᒥᑕᒄ ᒐ ᐃᑐᐛᒄ, ᐊᑯ ᒐ ᒥᔨᑕᒄ ᒥᓯᐛ ᑕᓐ ᐊ ᐃᓯ ᓄᑕᐱᔨᐛᒄ᙮

ᓗᒃ 10:42

ᐸᐃᒄ ᐛᔅ ᐊᓐ ᒐᒂᓐ ᓇᔅᒡ ᓂᑐᐛᔨᑕᑯᓐ, ᒪᕆ ᒪᒃ ᓴᔅ ᒋ ᐎᔭᐸᑎᒪᓱᐤ ᐊᓂᔭ ᒐᒂᔪᐤ ᓇᔅᒡ ᐊ ᒥᔽᓯᔨᒡ ᐊ ᓂᑐᐛᔨᑕᑯᓂᔨᒡ᙮ ᓇᒪ ᒪᒃ ᐊᐛᔪᐛ ᒋᑭ ᒋ ᒥᔅᑭᒥᑯᐤ ᐊᓂᔭᔪᐤ᙮”

ᓗᒃ 13:24

“ᒥᒐᑦ ᐊᐛᓐᒋ ᒋᑭ ᑯᒋᑕᐅᒡ ᒐᒋ ᐱᒐᒡ ᐊᓐᑕ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ, ᓇᒪ ᒪᒃ ᒋᑭ ᒋ ᐃᑐᐅᒡ᙮ ᒋᔨᐛᐤ ᒪᒃ ᓱᒃ ᑯᒋᑕᒄ ᒐᒋ ᐱᒐᔭᒄ ᐊᓐᑕ ᐅᒋ ᐊᓐ ᑲ ᓴᑯᐛᒡ ᒋᐱᔎᐤ᙮

ᓗᒃ 18:1

ᒋᓴᔅ ᒋ ᐎᑎᒧᐛᐤ ᐅᒋᔅᒋᓄᐊᒧᐛᑭᓇ ᐅᔭ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ ᒐᒋ ᐅᒋ ᒋᔅᒐᔨᑎᒥᔨᒋ ᒧᔅ ᒐᒋ ᐊᔭᒥᐊᔨᒋ, ᑭᔭ ᒐ ᐊᑲ ᒋ ᑕᔅᑎᑲᒋᔨᒋ᙮

ᓗᒃ 2:37

ᓇᓂᑎᒻ ᒪᒃ ᒋ ᑕᐤ ᐊᓐᑕ ᒋᓴᐊᔭᒥᐊᐅᒋᐛᐱᒡ ᐊ ᒋᓯᑲᔨᒡ ᑭᔭ ᐊ ᑎᐱᔅᑲᔨᒡ, ᐊ ᐊᔭᒥᐊᑦ ᐊᑲ ᐊᓯᑯᒻ ᒥᒋᓱᑦ᙮

2 ᑯᕆᓐᑎᔭᓇ 3:18

ᒋᔭᓄᐤ ᒪᒃ ᐎ ᓇᒪ ᓂᑐᐛᔨᑕᑯᓐ ᒐᒋ ᐊᑯᒂᐅᓱᔭᐧᒄ ᒐᒋ ᐛᐸᑎᒪᐧᒄ ᐅᑎᐸᔨᒋᒐᐤ ᐅᒋᔅᑕᔨᑕᑯᓱᐅᓐ᙮ ᐊ ᑭᓄᐛᐸᑎᒪᐧᒄ ᐅᑎᐸᔨᒋᒐᐤ ᐅᒋᔅᑕᔨᑕᑯᓱᐅᓐ ᐊᔭᔅᒃ ᒋᒂᔅᒋᓇᑯᐃᑯᓇᓄᐤ ᐎᔾ ᒐᒋ ᓂᔅᐱᑐᐛᐧᒄ᙮ ᐊᔭᔅᒃ ᒋ ᐃᑐᑕᑯᓇᓄᐤ ᑭᔭ ᒋᔭᓄᐤ ᐊᑐᐎᔅ ᒐᒋ ᒋᔅᑕᔨᑕᑯᓯᔭᐧᒄ᙮ ᐎᔾ ᒪᒃ ᐅᑎᐸᔨᒋᒐᐤ ᐅᔭ ᒋᑦ ᐃᓯᐃᑯᓄᐤ ᐅᑦ ᐊᒐᒂ ᐅᒡ᙮

2 ᑯᕆᓐᑎᔭᓇ 4:6

ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᒋ ᐃᔅᒋᔄᑦ ᒋᓴᒪᓂᑐᐤ, “ᒋᑭ ᐛᔅᑕᐤ ᐊᓐᑕ ᐅᒋ ᐅᓂᑎᐱᔅᒋᓯᐅᓂᒡ᙮” ᐊᔪᐅᒄ ᐅᔭ ᐃᔭᐱᒡ ᒋᓴᒪᓂᑐᐤ ᑲ ᐃᑐᑕᐧᒃ ᒐᒋ ᐛᔅᑕᔨᒡ ᒋᑕᐃᓇᒡ᙮ ᐊᑯᑕ ᒪᒃ ᐛᒋ ᑭᔅᒋᐅᐱᔨᒡ ᒐᒋ ᐎᒋᐃᑯᒡ ᑯᑎᑭᒡ ᐊᐛᓐᒋ ᒐᒋ ᐛᐸᑕᒡ ᐅᔭ ᐛᔅᑕᐅᓂᔪᐤ᙮ ᐅ ᒪᒃ ᐛᔅᑕᐅᓐ ᐊᔪᐅᒄ ᐊᓂᔭ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ᙮ ᒋᓴᔅ ᙭ ᒪᒃ ᐊ ᑕᑦ ᐊᑯᑕ ᐛᒋ ᓄᑯᓂᔨᒡ ᐊᓂᔭ ᐅᒋᔅᑕᔨᑕᑯᓱᐅᓐ᙮

ᐱᓕᐱᔭᓇ 3:13

ᐅ ᒪᒃ ᑲ ᐃᔅᒋᔄᔭᓐ ᓂᐧᑲᓂᓯᑐᒄ, ᓂ ᒋᔅᒐᔨᑕᓐ ᐊᔅᒄ ᐊᑲ ᓇᔅᒡ ᐅ ᐃᑕᔨᑕᑯᓯᔭᓐ ᒥᒄ ᒪᒃ ᐸᐃᒄ ᒐᒂᓐ ᓂᑦ ᐃᑎᓐ, ᓇᒪ ᓂ ᐎ ᐃᑕᔨᑕᑯᓯᓐ ᑕᓐ ᑲ ᐃᑕᔨᑕᑯᓯᔭᓐ ᐊᓐᑕ ᐅᑕᒡ ᒥᒄ ᓂᑲᓄᒡ ᓱᒃ ᓂ ᐎ ᐃᓯ ᐊᒋᓐ᙮

1 ᑎᒧᑎ 5:5

ᐃᔎᐤ ᒪᒃ ᓇᔅᒡ ᐊ ᐸᐃᑯᓯᑦ ᐊᑲ ᓇᔅᒡ ᑕᔨᒋ ᐊᐛᔪᐛ ᒐᒋ ᐎᒋᐃᑯᑦ ᒥᒄ ᒋᓴᒪᓂᑐᐛ ᐊᔅᐸᔨᒧᑐᑐᐛᐤ᙮ ᒧᔅ ᐎ ᒥᔪ ᐊᔭᒥᐊᐤ ᐊ ᒋᓯᑲᔨᒡ ᑭᔭ ᐊ ᑎᐱᔅᑲᔨᒡ ᐊ ᓂᑐᑎᒧᐛᑦ ᒋᓴᒪᓂᑐᐛ ᒐᒋ ᐎᒋᐃᑯᑦ᙮

ᐃᑉᕈᐛ 11:6

ᓇᒪ ᐊᐛᓐ ᒋᑭ ᒋ ᓇᐊᔨᑎᒥᐊᐤ ᒋᓴᒪᓂᑐᐛ ᐸᑐᔅ ᑕᑈᔭᔨᒪᒐ᙮ ᐛᔅ ᐊᓐ ᐊᐛᓐ ᑲ ᐎ ᐸᒋ ᓇᑕᑦ ᒋᓴᒪᓂᑐᐛ ᒋᐸ ᑕᑈᑎᒻ ᐊ ᑕᔨᒋ ᒋᓴᒪᓂᑐᐛ ᑭᔭ ᐊ ᒥᔪᑐᑐᐛᔨᒋ ᐊᓂᔭ ᓱᒃ ᑲ ᐎ ᒋᔅᒐᔨᒥᑯᑦ᙮