ᑎᐱᑦ ᐅᓂᑭᒧᐅᓇ 26:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᑎᐸᔅᑯᓂ, ᐅ ᑎᐸᔨᒋᒐᓱᐤ; ᐛᔅ ᓂᒋ ᐱᒧᑕᓐ ᓂᑯᐃᔅᑯᐃᑐᐅᓂᒡ: ᓂᒋ ᒪᒥᓯᑐᑐᐛᐤ ᑎᐸᔨᒋᒐᓱᐤ ᑭᔭ; ᐊᐅᒄ ᐅᒋ ᓇᒪᐎᔾ ᓂᑭ ᐊᓴᐱᔨᓐ᙮

ᑎᐱᑦ ᐅᓂᑭᒧᐅᓇ 26:1 Iomraidhean Croise

ᑎᐱᑦ ᐅᓂᑭᒧᐅᓇ 121:3

ᓇᒪᐎᔾ ᒋᑭ ᓇᐊᔨᑎᒻ ᒋᓯᑎᔪᐤ ᒐᒋ ᐊᒋᐱᔨᒡ: ᐊᓐ ᑲ ᑭᓄᐛᔨᒥᔅᒃ ᓇᒪᐎᔾ ᒋᑭ ᓄᑕᐧᑯᓱᐤ᙮

ᑎᐱᑦ ᐅᓂᑭᒧᐅᓇ 15:2

ᐊᓐ ᑯᐃᔅᒄ ᑲ ᐱᒧᑕᑦ, ᑭᔭ ᑲ ᑯᐃᔅᒄ ᐃᔨᑎᑦ, ᑭᔭ ᑲ ᑕᑈᑦ ᐅᑕᐃᒡ᙮

ᑎᐱᑦ ᐅᓂᑭᒧᐅᓇ 21:7

ᐛᔅ ᒋᓴᐅᒋᒪᐤ ᒪᒥᓯᑐᑕᐛᐤ ᑎᐸᔨᒋᒐᓱᐛ, ᑭᔭ ᐅᓱᐛᔨᒋᒐᐅᓂᒡ ᒪᐅᒡ ᒋᔅᑎᓯᔨᒋ ᐅᒡ, ᓇᒪᐎᔾ ᒋᑭ ᐊᒋᐱᔭᐊᐤ᙮

ᑎᐱᑦ ᐅᓂᑭᒧᐅᓇ 25:2

ᐅ ᓂᒋᓴᒪᓂᑐᒻ, ᒋ ᒪᒥᓯᑐᑕᑎᓐ: ᐊᑲᐎᔾ ᓇᐊᔨᒥ ᒐᒋ ᐛᐛᓇᔨᑎᒪᓐ, ᐊᑲᐎᔾ ᓇᐊᔨᒥᒡ ᑲ ᐛᐧᑲᓯᒡ ᒐᒋ ᓴᐧᑯᒋᐃᒡ᙮

ᑎᐱᑦ ᐅᓂᑭᒧᐅᓇ 25:21

ᐊᑯᔅ ᑯᐃᔅᑯᑐᐅᓐ ᑭᔭ ᒥᔪᐃᑐᐅᓐ ᓂᑭ ᑭᓄᐛᔨᒥᑯᓐ; ᐛᔅ ᒋᑦ ᐊᔅᐸᔨᒧᑐᑕᑎᓐ᙮

ᑎᐱᑦ ᐅᓂᑭᒧᐅᓇ 26:11

ᒪᒃ ᓂᔾ, ᓂᑭ ᐱᒧᑕᓐ ᓂᑯᐃᔅᑯᑐᐅᓂᒡ; ᐱᒪᒋᐃ, ᑭᔭ ᒋᔅᑎᒪᒐᔨᒥ᙮

ᑎᐱᑦ ᐅᓂᑭᒧᐅᓇ 28:7

ᑎᐸᔨᒋᒐᓱᐤ ᓂᒥᔅᑯᐅᓯᐅᓐ ᑭᔭ ᓂᑦ ᐊᒂᓇᐅᓱᐛᑭᓇ; ᓂᑕᐃᔪᐤ ᒋ ᒪᒥᓯᑐᑕᑯᐤ, ᓂ ᐎᒋᐃᑯᐅᓐ ᒪᒃ: ᐊᐅᒄ ᐅᒋ ᓂᑕᐃ ᓇᔅᒡ ᒪᔽᔨᑎᒧᒪᑭᓐ; ᑭᔭ ᐊ ᓂᑭᒧᔭᓐ ᓂᑭ ᒪᒥᒋᒪᐤ᙮

ᑎᐱᑦ ᐅᓂᑭᒧᐅᓇ 31:14

ᒪᒃ ᒋᔾ ᔅᒋ ᒪᒥᓯᑐᑕᑎᓐ, ᐅ ᑎᐸᔨᒋᒐᓱᐤ; ᓂᒋ ᐃᔨᓐ, “ᒋᔾ ᓂᒋᓴᒪᓂᑐᒻ᙮”

ᑎᐱᑦ ᐅᓂᑭᒧᐅᓇ 35:24

ᑎᐸᔅᑯᓂ, ᐅ ᑎᐸᔨᒋᒐᓱᐤ ᓂᒋᓴᒪᓂᑐᒻ, ᐊ ᐃᓯ ᑯᐃᔅᑯᑕᑎᓯᔨᓐ; ᐊᑲᐎᔾ ᒪᒃ ᓇᐊᔨᒥᒡ ᒐᒋ ᒥᔽᓯᒡ᙮

ᑎᐱᑦ ᐅᓂᑭᒧᐅᓇ 37:31

ᐅᑦ ᐃᑎᓱᐛᐅᓐ ᐅᒋᓴᒪᓂᑐᒪ ᑎᒂᓂᔪᐤ ᐅᑕᐃᒡ; ᓇᒪ ᒋᒋᐛ ᒪᒃ ᒋᑭ ᒋᐃᓯᓐ᙮

ᑎᐱᑦ ᐅᓂᑭᒧᐅᓇ 4:5

ᐱᔅᑎᓂᒐᒄ ᑯᐃᔅᑯᑕᑎᓱᐎ ᐱᔅᑎᓂᒐᐅᓇ, ᑕᑈᐅᒐᔨᒪᐧᒄ ᒪᒃ ᑎᐸᔨᒋᒐᓱᐤ᙮

ᑎᐱᑦ ᐅᓂᑭᒧᐅᓇ 43:1

ᑎᐸᔅᑯᓂ, ᐅ ᒋᓴᒪᓂᑐᐤ ᑭᔭ ᓇᑎᒧᐎ ᐊᑲ ᒋᓴᒪᓂᑐᐛᑎᓯᒡ ᐊ ᐃᑎᔅᑲᓇᓯᒡ ᐃᔪᒡ ᐅᒡ: ᐅ ᐎᐧᑯᒋᐃ ᑭᑭᒋᔭᓯᐤ ᑭᔭ ᑲ ᒥᒋ ᐃᑎᑦ ᐃᔪᐤ ᐅᒡ᙮

ᑎᐱᑦ ᐅᓂᑭᒧᐅᓇ 54:1

ᐱᒪᒋᐃ, ᐅ ᒋᓴᒪᓂᑐᐤ, ᒋᑦ ᐃᓯᓂᐧᑲᓱᐅᓐ ᐅᒡ, ᑎᐸᔅᑯᓂ ᒪᒃ ᒋ ᒥᔅᑯᐅᓯᐅᓐ ᐅᒡ᙮

ᑎᐱᑦ ᐅᓂᑭᒧᐅᓇ 62:2

ᐎᔾ ᒥᒄ ᓂᒋᔅᑕᐱᔅᑯᒻ ᑭᔭ ᓂᐱᒪᒋᐃᑯᓯᐅᓐ; ᐎᔾ ᓂᒋᔅᐸᐛᑎᑯᓯᐅᓐ; ᓇᒪᐎᔾ ᓇᔅᒡ ᓂᑭ ᐊᒋᐸᔨᐃᑯᐅᓐ᙮

ᑎᐱᑦ ᐅᓂᑭᒧᐅᓇ 62:6

ᐎᔾ ᒥᒄ ᓂ ᒋᔅᑕᐱᔅᑯᒻ ᑭᔭ ᓂ ᐱᒪᒋᐃᑯᓯᐅᓐ; ᐎᔾ ᓂ ᓇᑕᒪᑯᓯᐅᓐ; ᓇᒪ ᓂᑕ ᓂᑭ ᒋ ᐊᒋᐸᔨᐃᑯᐅᓐ᙮

ᑎᐱᑦ ᐅᓂᑭᒧᐅᓇ 7:8

ᑎᐸᔨᒋᒐᓱᐤ ᒋᑭ ᑎᐸᔅᑯᓇᐤ ᐃᔪᐛ: ᑎᐸᔅᑯᓂ ᐅ ᑎᐸᔨᒋᒐᓱᐤ, ᐊ ᐃᓯ ᑯᐃᔅᑯᑕᑎᓯᔭᓐ, ᑭᔭ ᐊ ᐃᑎᔅᑕᒡ ᑯᐃᔅᑯᑐᐅᓐ ᑲ ᐱᒋᔅᑲᑯᔭᓐ᙮

ᑎᐱᑦ ᐅᓂᑭᒧᐅᓇ 94:18

ᐃᔅᐱ ᐊᒋ ᐃᔅᒋᔄᔭᓐ “ᓂᒋ ᐃᓯᓯᑕᓯᓐ !” ᒋᓱᐛᔨᒋᒐᐅᓐ, ᐅ ᑎᐸᔨᒋᒐᓱᐤ, ᓂᒋ ᓯᑐᓂᑯᓐ᙮

2 ᑯᕆᓐᑎᔭᓇ 1:12

ᒪᐅ ᒪᒃ ᐊ ᐃᓯ ᐊᔅᐸᔨᒧᔭᒡ, ᓇᔅᒡ ᓂᒐᔅᑎᓇᐅᓇᓐ ᒧᔅ ᑯᐃᔅᒄ ᐊᒋ ᑎᔭᒡ ᑕᓐᑕ ᒥᒄ ᑲ ᐊᑎ ᑕᔭᒡ, ᐊᑐᐎᔅ ᒪᒃ ᒪᒂᒡ ᐊᓐᑕ ᐊ ᑕᔭᒄ ᑲ ᑕᔭᒡ᙮ ᑭᔭ ᒧᔅ ᐊᒋ ᑕᑈᐅᒐᔨᑕᑯᓯᔭᒡ᙮ ᒋᓴᒪᓂᑐᐤ ᓂᒋ ᒥᔨᑯᓇᓐ ᐅᓱᐛᔨᒋᒐᐅᓐ ᐅ ᒐᒋ ᑎᔭᒡ᙮ ᓇᒪ ᓂᔭᓐ ᓂᑭᒐᑕᐛᔨᑎᒧᐅᓇᒡ ᐅᒋᐱᔪᐤ᙮

ᐃᑉᕈᐛ 10:23

ᓱᒃ ᒪᒃ ᓱᒋᑲᐳᐅᑕᐤ ᑕᓐ ᐊ ᐃᓯ ᒐᔅᑎᓇᑕᔨᑎᒪᐧᒄ, ᐊᑲᐎᔾ ᐊᓏᑎᒧᑕᐤ, ᐛᔅ ᒐᔅᑎᓇᔅ ᒋᑭ ᐃᑐᑎᒻ ᒋᓴᒪᓂᑐᐤ ᐊᓂᔭ ᑲ ᐃᔅᒋᔄᑦ ᒐ ᐃᑐᑕᐧᒃ᙮

1 ᐱᑕᕐ 1:5

ᔅᒋ ᑕᑈᔭᔨᒪᐛᐤ ᒋᓴᒪᓂᑐᐤ, ᐎᔾ ᒪᒃ ᐅᒥᔅᑯᓯᐅᓐ ᒋᑭ ᑭᓄᐛᔨᒥᑯᓇᐛᐤ ᐱᐃᒻ ᒪᔅᑕᔾ ᒋᓯᑲᔨᒐ᙮ ᐊᑯ ᒪᒃ ᒐ ᐱᒪᒋᐃᑕᒄ ᐛᔅ ᐊᐅᑯᓐ ᒧᔅ ᑲ ᐸᒋ ᐃᑕᔨᑕᐧᒃ ᒐ ᐃᑐᑕᑕᒄ᙮

2 ᐱᑕᕐ 1:10

ᐊ ᒪᒥᑐᓇᔨᑎᒪᒄ ᒪᒃ ᒥᓯᐛ ᐅ ᑲ ᐃᓯ ᐃᑐᑎᒪᑯᐅᔭᒄ, ᓂᐧᑲᓂᓯᑐᒄ, ᓱᒃ ᐊᑐᐎᔅ ᑯᒋᑕᒄ ᑕᑈ ᒐᒋ ᓄᒂᒡ, ᑕᑈ ᒐᒋ ᓂᔅᑐᓇᒂᒡ ᒋᐱᒪᑎᓯᐅᓄᐛᒡ ᐊᒋ ᐎᔭᔨᒥᑕᒄ ᒋᓴᒪᓂᑐᐤ ᑭᔭ ᐊ ᑎᑯᓂᔨᒡ ᑕᓐ ᑲ ᐃᓯ ᑕᑈᑎᑕᒄ ᒐᒋ ᐃᑕᐱᑎᓱᐛᒄ᙮ ᐛᔅ ᒧᔭᒻ ᐅ ᑎᔭᒂ, ᓇᒪ ᓂᑕ ᒋᑭ ᐅᒋ ᐸᒋᓯᓇᐛᐤ ᒋᑕᑈᑎᒧᐅᓄᐛᒡ ᐅᒡ᙮