ᑎᐱᑦ ᐅᓂᑭᒧᐅᓇ 2:12 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹² ᓱᐛᔨᒥᐧᒄ ᐅᑯᓯᓯᒪᐤ, ᒐ ᐊᑲ ᒋ ᒋᔄᓯᑦ, ᒐ ᐊᑲ ᒋ ᓂᓱᐅᓇᑎᓯᔭᒄ ᒪᔅᑭᓇᒡ ᐅᒡ, ᐃᔅᐱ ᐊᐱᓯᔅ ᒥᒄ ᐊᐧᑯᔪᐛᓯᑦ᙮ ᓱᐛᔨᑕᑯᓱᐅᒡ ᒥᓯᐛ ᐊᓐᒡ ᑲ ᒪᒥᓯᑐᑐᐛᒡ᙮

ᑎᐱᑦ ᐅᓂᑭᒧᐅᓇ 2:12 Iomraidhean Croise

ᒐᓂᓯᔅ 41:40

ᒋᔾ ᒋᑭ ᑭᓄᐛᔨᑎᔨᑎᓐ ᓂᒋᓴᐅᒋᒪᐅᒋᐛᑉ ᑭᔭ ᓂᑎᐸᔨᑎᒧᐅᓇ᙮ ᒥᓯᐛ ᐊᐛᓐᒋ ᒋᑭ ᓂᓇᐃᑕᑯᒡ ᒐᒂᔪᐤ ᐊ ᐃᑎᑥᐤ᙮ ᓂᔾ ᒥᒄ ᐅᔅᑕ ᓂᑭ ᐃᑕᔨᑕᑯᓯᓐ ᐃᔅᐱᔅ ᒋᔾ᙮”

ᑎᐱᑦ ᐅᓂᑭᒧᐅᓇ 1:6

ᐛᔅ ᑎᐸᔨᒋᒐᓱᐤ ᒋᔅᒐᔨᑎᒺᐤ ᐅᑦ ᐃᓯᑥᐅᓂᔪᐤ ᐅᑯᐃᔅᑯᑕᑎᓯᐛ: ᒪᒃ ᐅᑦ ᐃᓯᑥᐅᓄᐛᐤ ᐊᑲ ᐊᔭᒥᐊᒡ ᒋᑭ ᓂᓱᐅᓇᑎᓂᔪᐤ᙮

ᑎᐱᑦ ᐅᓂᑭᒧᐅᓇ 109:20

ᐊᑯᔅ ᐅᔭᔪᐤ ᑎᐸᔨᒋᒐᓱᐤ ᒋᑭ ᐃᓯ ᑎᐸᐅᒧᐛᐤ ᑲ ᐛᐧᑲᓯᔨᒋ, ᑭᔭ ᐊᓂᔭ ᑲ ᒥᒋ ᐊᔨᒧᒪᔨᒋ ᓂᑦ ᐊᒐᒂ᙮

ᑎᐱᑦ ᐅᓂᑭᒧᐅᓇ 2:5

ᐊᑯ ᒐ ᐃᔨᒪᐊᑦ ᐊᐧᑯᔪᐛᓯᑦ, ᑭᔭ ᒋᑭ ᒥᑯᔅᑲᒋᐊᐤ ᐅᑦ ᐊᐧᑯᐎᔭᔅᑕᔨᑎᒧᐅᓂᒡ:

ᑎᐱᑦ ᐅᓂᑭᒧᐅᓇ 2:7

ᓂᑭ ᐎᑕᓐ ᐃᑎᓱᐛᐅᓐ: “ᑎᐸᔨᒋᒐᓱᐤ ᓂᒋ ᐃᑎᒄ, ᒋᔾ ᓂᑯᔅ; ᐊᓄᒡ ᑲᓯᑲᒡ ᔅᒋ ᓂᑕᐅᒋᐃᑎᓐ᙮

ᑎᐱᑦ ᐅᓂᑭᒧᐅᓇ 31:20

ᒋᑭ ᑲᔭᐅᒡ ᐊᑯ ᐊᐸᑕᔅᑎᒥᐱᔨᓐ ᐅᒋᔅᑕᔨᒧᐅᓐ ᐃᔪᐤ ᐅᒡ: ᒋᒧᑦ ᒋᑭ ᑭᓄᐛᔨᒪᐅᒡ ᒋᒋᓴᒥᒋᐛᐱᒥᒡ ᒐ ᐊᑲ ᒋ ᒪᔭᐃᒥᑯᒡ ᒥᑕᔨᔭ᙮

ᑎᐱᑦ ᐅᓂᑭᒧᐅᓇ 34:8

ᐅ ᑯᒋᔅᑎᒧᒄ, ᐛᐸᑎᒧᒄ ᑭᔭ ᐊ ᒥᔽᑎᓯᑦ ᑎᐸᔨᒋᒐᓱᐤ: ᓱᐛᔨᑕᑯᓱᐤ ᐊᓐ ᐃᔪᐤ ᑲ ᒪᒥᓯᑐᑐᐛᑦ᙮

ᑎᐱᑦ ᐅᓂᑭᒧᐅᓇ 34:9

ᐅ ᓇᓂᒋᔅᑕᐧᒄ ᑎᐸᔨᒋᒐᓱᐤ, ᒋᔨᐛᐤ ᐅᐸᔭᒋᓯᒪ: ᐛᔅ ᓇᒪᐎᔾ ᐅᓂᓯᓂᔪᐛ ᐊᓂᔭ ᑲ ᓇᓂᒋᔅᑕᑯᑦ᙮

ᑎᐱᑦ ᐅᓂᑭᒧᐅᓇ 40:4

ᓱᐛᔨᑕᑯᓱᐤ ᐊᓐ ᐃᔪᐤ ᑲ ᒪᒥᓯᑐᑐᐛᑦ ᑎᐸᔨᒋᒐᓱᐛ; ᐊᑲ ᑭᔭ ᒋᔅᑕᔨᒪᑦ ᐅᒋᔅᑕᔨᒧᐛ, ᐊᓂᔭ ᑭᔭ ᑲ ᓇᑕᒥᔨᒋ ᑭᑭᒋᔭᐅᓂᔪᐤ᙮

ᑎᐱᑦ ᐅᓂᑭᒧᐅᓇ 84:12

ᐅ ᑎᐸᔨᒋᒐᓱᐤ ᒥᓯᐛ ᐊ ᐃᓯ ᓱᐧᑲᑎᓯᔨᓐ, ᓱᐛᔨᑕᑯᓱᐤ ᐊᓐ ᐃᔪᐤ ᑲ ᒪᒥᓯᑐᑕᔅᒃ᙮

ᒠᓐ 14:6

ᒋᓴᔅ ᒋ ᐃᓯ ᐎᑎᒧᐛᐤ ᐊ ᐃᑕᑦ, “ᓂᔾ ᐊᐅᒄ ᒪᔅᑭᓄᐤ ᑭᔭ ᑕᑈᐅᓐ ᑭᔭ ᐱᒪᑎᓯᐅᓐ, ᓇᒪ ᐊᐛᓐ ᒋᑭ ᒋ ᓇᑕᐤ ᐅᑕᐎᒪᐛ ᒥᒄ ᓂᔾ ᐅᒋ᙮

ᒠᓐ 5:23

ᐊᑯ ᒪᒃ ᒥᓯᐛ ᐊᐛᓐ ᒐ ᒋᔅᑕᔨᒪᑦ ᐅᑯᓯᓯᒪᐛ ᒧᔭᒻ ᐊ ᐃᓯ ᒋᔅᑕᔨᒪᑦ ᐅᑕᐎᒪᐛ᙮ ᐊᓐ ᐊᐛᓐ ᐊᑲ ᒋᔅᑕᔨᒪᑦ ᐅᑯᓯᓯᒪᐛ ᓇᒪ ᒋᔅᑕᔨᒪᐤ ᑭᔭ ᐅᑕᐎᒪᐛ ᐊᓂᔭ ᑲ ᐸᒋ ᐃᑎᓴᐅᑯᔨᒋ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 10:11

ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, “ᐊᓐ ᐊᐛᓐ ᒐ ᑕᑈᔭᔨᒪᒂ, ᓇᒪ ᓂᑕ ᒋᑭ ᐅᒋ ᐃᑕᔨᑎᒻ ᓴᒐᔾ ᐊᓂᔭ ᐊ ᑕᑈᔭᔨᒪᑦ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 9:33

ᐊᐅᒄ ᐊ ᐊᔨᒧᑕᒡ ᒋᓴᒪᓂᑐᐤ ᐅᒥᓯᓂᐃᑭᓂᒡ ᐊᓐᑕ ᑲ ᐃᑎᔅᑕᒡ, ᐃᑕᐱᒄ ᒪ, ᓂ ᐱᔅᑎᓇᐤ ᓴᐃᔭᓂᒡ ᐊᓯᓂᔾ ᒐ ᐱᓱᓯᒧᐛᑦ᙮ ᒥᒐᐱᔅᒋᓱᐤ ᐅ ᐊᓯᓂᔾ, ᒋᑭ ᐸᒋᓯᓂᔪᐛ ᒪᒃ ᐊᓂᔭᔪᐛ ᐊᐛᔪᐛ ᒐ ᐱᓱᔅᑲᑯᑦ᙮ ᐊᓐ ᒪᒃ ᐊᐛᓐ ᒐ ᑕᑈᔭᔨᒪᒂ ᓇᒪ ᓂᑕ ᒋᑭ ᐅᒋ ᐃᑕᔨᑎᒻ ᓴᒐᔾ ᐊ ᑕᑈᔭᔨᒪᑦ᙮

ᐃᐱᓯᔭᓇ 1:12

ᒋᔭᓄᐤ ᒪᒃ ᓂᔅᑎᒻ ᑲ ᐊᔅᐸᔨᒧᑐᑐᐛᐧᒄ ᙭, ᒪᒥᒋᒪᑕᐤ ᒋᓴᒪᓂᑐᐤ ᐊ ᒋᔅᑕᔨᑕᑯᓯᑦ᙮

1 ᐱᑕᕐ 1:21

ᐊᑯ ᒪᒃ ᑎᔭᑈᔭᔨᒪᒄ ᒋᓴᒪᓂᑐᐤ ᐊᓂᔭᔪᐤ ᐅᒋ ᑕᓐ ᑲ ᐃᓯ ᐃᑐᑎᒪᑕᒄ ᙭, ᐛᔅ ᒋᓴᒪᓂᑐᐤ ᒋ ᐅᓂᔅᑲᓇᐤ ᙭ᑕ ᓂᐳᐅᓂᒡ ᐅᒋ ᑭᔭ ᒋ ᒋᔅᑕᔨᑕᑯᐊᐤ᙮ ᐊᐅᑯᓐ ᒪᒃ ᐛᒋ ᑕᑈᔭᔨᒪᒄ ᒋᓴᒪᓂᑐᐤ ᑭᔭ ᐊᐅᑯᓐ ᐛᒋ ᐊᔅᐸᔨᒧᑐᑐᐛᒄ᙮

1 ᐱᑕᕐ 2:6

ᐛᔅ ᐃᑎᔅᑕᔪᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᓂᔾ ᓂᒋ ᐅᑎᓇᐤ ᐊᓐ ᓇᔅᒡ ᒋᒋᐛ ᑲ ᐃᑕᔨᑕᑯᓯᑦ ᐊᓯᓂᔾ᙮ ᐊᐅᒄ ᒪᒃ ᐅ ᐊᓯᓂᔾ ᐃᔭᐱᒋᐃᒃ ᐊ ᐎᔨᑲᐳᐅᑕᐅᒡ ᓂᒋᔪᐤ ᐊᓐᑕ ᓴᐃᔭᓂᒡ᙮ ᐊᓐ ᒪᒃ ᐊᐛᓐ ᒐ ᑕᑈᔭᔨᒪᒂ ᐅᔭ ᑲ ᐅᑎᓂᒥᒋ, ᓇᒪ ᓂᑕ ᒋᑭ ᐅᒋ ᒥᑕᒋᔨᐛᔨᑎᒻ ᐊ ᑕᑈᔭᔨᒪᑦ᙮