13 ᒋᑕᐊᒧᐤ ᑭᔭ ᒋᑦ ᐊᑐᔅᒐᔭᑭᓐ ᒐ ᐊᑲ ᒋ ᐊᐃᓴᒡ ᒥᒋᑐᑕᐧᒃ; ᐊᑯᔅ ᐊᑲᐎᔾ ᓂᑭ ᑎᐸᔨᒥᑯᓐ, ᐊᑯ ᒐ ᐸᔭᒋ ᐃᑕᑎᓯᔭᓐ ᒐ ᐊᑲ ᒋ ᒥᒋᑐᑎᒪᓐ᙮
ᒋᓴᒪᓂᑐᐤ ᒂ ᓂᔎᐅᓯᐊᑦ, “ᓂ ᒋᔅᒐᔨᑕᓐ ᑯᐃᔅᒄ ᒐᒂᓐ ᓂᑦ ᐃᑐᑕᓐ ᐊᒋ ᐃᑕᔨᑎᒥᓐ, ᓇᒪ ᒋ ᐅᒋ ᒥᔨᑎᓐ ᒐᒋ ᐎᐸᒥᑦ ᓴᕋ, ᐊᑯ ᑭᔭ ᓂᔾ ᔅᒋ ᓂᑲᓂᑎᓐ ᒐᒋ ᐅᓂᑐᑐᐎᓐ᙮
ᐛᔅ ᑲ ᑯᐃᔅᑯᑕᑎᓯᑦ ᑎᐸᔨᒋᒐᓱᐤ ᓴᒋᑕᐤ ᑯᐃᔅᑯᑕᑎᓯᐅᓂᔪᐤ; ᐅᑕᔅᑎᒥᐧᑯᒡ ᐅᒋ ᑲᓄᐛᐱᒪᐤ ᐅᑯᐃᔅᑯᑕᑎᓯᐛ᙮
ᐎᔨᔅᑕ ᓂᑕᐧᑯᔅᒐᐅᓇ ᒋᑦ ᐃᔨᒧᐅᓂᒡ; ᐊᑯᔅ ᒪᒃ ᐊᑲᐎᔾ ᑭᔭ ᒥᑐᓐ ᓂᑭ ᑎᐸᔨᒥᑯᓐ ᒥᒐᑎᓯᐅᓐ᙮
ᓂᒋ ᑯᐃᔅᑯᑕᑎᓯᔅᑐᐛᐤ ᑭᔭ, ᐊᓯᒡ ᑭᔭ ᓂᒋ ᓇᑲᓂᑎᓱᓐ ᓂᒥᒐᑎᓯᐅᓂᒡ ᐅᒡ᙮
ᒋᓴᒪᓂᑐᐤ ᓂ ᓇᑎᒪᒄ, ᑲ ᐱᒪᒋᐊᑦ ᑲ ᑯᐃᔅᑯᑕᔨᒋ᙮
ᐛᔅ ᑎᐸᔨᒋᒐᓱᐤ ᒋᓴᒪᓂᑐᐤ ᐱᓯᒧᐅᐤ ᑭᔭ ᐊᒂᓇᐅᓱᐛᑭᓂᐅᐤ: ᑎᐸᔨᒋᒐᓱᐤ ᒋᑭ ᒥᔨᐛᐤ ᒥᔪᐧᑲᒐᐅᓂᔪᐤ ᑭᔭ ᒋᔅᑕᔨᑕᑯᓱᐅᓂᔪᐤ: ᓇᒪ ᒐᒂᔪᐤ ᑲ ᒥᔽᓯᔨᒡ ᒋᑭ ᒋᓴᑎᓂᒧᐛᐤ ᐊᓂᔭᔪᐛ ᑯᐃᔅᒄ ᑲ ᐱᒧᑕᔨᒋ᙮
ᒥᒄ ᐃᑕᔨᑕᒐ ᐊᐛᓐ ᒐᒋ ᓂᐸᐊᑦ ᐊᐛᔪᐛ ᑭᔭ ᓂᐸᐊᒐ ᒪᒃ, ᒋᑭ ᐎ ᓂᐸᐊᑭᓄᐤ᙮
ᓱᒃ ᒪᒃ ᓂᓇᑭᑐᐛᔨᒥᓱᓐ ᒐ ᐊᑲ ᒋ ᒪᔭᔨᒥᒃ ᒋᓴᒪᓂᑐᐤ ᑭᔭ ᐃᔪᒡ ᒐᒋ ᐅᒋ ᒐᔅᑎᓇᐅᔭᓐ ᑯᐃᔅᒄ ᐊ ᐃᑎᔭᓐ᙮”
ᐊᑐᐎᔅ ᒪᒃ ᒐᔅᑎᓇᑕᔨᑕᑯᓂᔪᐤ ᒐ ᑎᐸᔅᑯᓇᑭᓄᐅᒡ ᐊᓐᒡ ᒥᒄ ᐊ ᐃᓯ ᒥᒋ ᓂᑐᐛᔨᑎᒧᒥᑭᓂᔨᒋ ᐅᐎᔭᓯᐤ ᐱᒪᑎᓯᐅᓄᐛᐛ ᑲ ᐃᓯ ᓄᔅᐱᓂᑕᒡ, ᐊᓐᒡ ᑲ ᐛᐧᑲᑕᒡ ᑎᐸᔨᒋᒐᐅᓂᔪᐤ᙮ ᓇᔅᒡ ᑕᑈ ᓱᒋᒪᔭᔨᒐᐅᒡ ᐊᐅᑯᓐᒡ ᐅᒡ, ᓇᒪ ᓇᔅᒡ ᓂᓇᑭᑐᐛᔨᒪᐅᒡ ᑕᓐ ᐊ ᐃᑕᒡ ᒪᒃ ᑕᓐ ᐊ ᐃᑐᑐᐛᒡ ᐊᐛᔪᐛ ᐊ ᒪᔭᔨᒪᒡ᙮ ᓇᒪ ᑭᔭ ᓴᒋᓱᐅᒡ ᒐᒋ ᒥᒋ ᐊᔨᒧᑕᒡ ᒋᔅᑕᔨᑕᑯᓱᐅᓂᔪᐤ᙮ ᑕᐸ ᐛᐛᒡ ᓂᑲᐎᔪᐅᒡ ᒐᒋ ᒪᔭᔨᒪᒡ ᐊᓂᔭ ᐊᐛᔪᐛ ᐅᒋᒪᐅᓂᔪᐤ ᑲ ᐊᔭᔨᒋ᙮