ᑎᐱᑦ ᐅᓂᑭᒧᐅᓇ 16:11 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹¹ ᒋᑭ ᐛᐸᑎᔨᓐ ᐱᒪᑎᓱᐅ-ᒪᔅᑭᓄᐤ: ᐊ ᐸᑕᔅᑎᒥᐱᔨᓐ ᓴᑭᔅᒋᓇᐤ ᒥᔽᔨᑎᒧᐅᓐ; ᒋᒥᔪᐅᓂᒡ ᑎᒂᓇ ᒥᔽᑎᑯᓯᐅᓇ ᑲᒋᒡ᙮

ᑎᐱᑦ ᐅᓂᑭᒧᐅᓇ 16:11 Iomraidhean Croise

ᑎᐱᑦ ᐅᓂᑭᒧᐅᓇ 139:24

ᐛᐸᑕ ᒪᒃ ᐃᔅᐱ ᑕᑈ ᐸᒋᔅᑲᑯᐛᓇ ᒥᒋ ᒐᒂᓐ, ᐱᒧᑕᐃ ᒪᒃ ᑲᒋᒡ ᒪᔅᑭᓇᒡ᙮

ᑎᐱᑦ ᐅᓂᑭᒧᐅᓇ 17:15

ᓂᔾ ᒪᒃ, ᓂᑭ ᑭᓄᐛᐸᑕᓐ ᒋᑕᔅᑎᒥᐧᒄ ᑯᐃᔅᑯᑕᑎᓯᐅᓂᒡ: ᓂᑭ ᑕᐱᒐᔨᑕᓐ ᐸᑯᐱᔭᓇ ᒐᒋ ᐃᓯᓇᑯᓯᔭᓐ ᐊ ᐃᓯᓇᑯᓯᔨᓐ᙮

ᑎᐱᑦ ᐅᓂᑭᒧᐅᓇ 4:8

ᓂᑭ ᓇᐃᓯᓐ ᑭᔭ ᓂᑭ ᓂᐸᓐ ᒋᔭᒪᔨᑎᒧᐅᓂᒡ; ᐛᔅ ᒋᔾ ᒥᒄ, ᑎᐸᔨᒋᒐᓱᐤ, ᑲ ᑐᑐᐎᔨᓐ ᒐᒋ ᒋᔭᒪᐤ ᐱᒪᑎᓯᔭᓐ᙮

ᑎᐱᑦ ᐅᓂᑭᒧᐅᓇ 68:4

ᓂᑭᒧᔅᑕᐧᒄ ᒋᓴᒪᓂᑐᐤ, ᐊ ᓂᑭᒧᔭᒄ ᒪᒥᒋᑕᒺᐧᒄ ᐅᑦ ᐃᓯᓂᐧᑲᓱᐅᓐ: ᒋᔅᑕᒋᒥᐧᒄ ᐊᓐ ᑲ ᑕᑎᐱᑦ ᒋᓯᑯᒡ ᑎᐸᔨᒋᒐᓱᐤ ᑲ ᐃᓯᓂᐧᑲᓱᑦ, ᒧᒋᒐᔨᑎᒥᐃᑯᒃ ᒪᒃ᙮

ᒪᑎᔪᐤ 25:33

ᐅᒥᔪᐅᓂᒡ ᒋᑭ ᐊᔭᐤ ᐊᓂᔭ ᒪᔭᑕᓂᓴ ᐊᑯ ᐊᓂᔭ ᑯᑎᑲ ᑲ ᐅᑦ ᐊᔅᑭᓂᓯᔨᒋ ᑲ ᐊᐱᓯᓯᔨᒋ ᐊᐛᓯᓴ ᐊᓐᑕ ᐅᓂᔅᐸᒋᐅᓂᒡ ᒐ ᐊᔭᑦ᙮

ᒪᑎᔪᐤ 25:46

ᐊᐅᒄ ᒪᒃ ᐅᒡ ᑲ ᒥᒐᑎᓯᒡ ᒐ ᐃᑎᓴᐛᑭᓄᐎᒡ ᐊᓐᑕ ᑲᒋᒡ ᒐ ᐃᓯ ᓂᓇᐧᑲᑕᔨᒧᒡ, ᐊᑯ ᐊᓐᒡ ᑲ ᑯᐃᔅᑯᑕᑎᓯᒡ ᐊᓐᑕ ᑲᒋᒡ ᐱᒪᑎᓯᐅᓂᒡ ᒐ ᐃᑎᓴᐛᑭᓄᐎᒡ᙮”

ᒪᑎᔪᐤ 5:8

ᓱᐛᔨᑕᑯᓱᐅᒡ ᐊᓐᒡ ᑲ ᐸᔭᒋᓯᒡ ᐅᑕᐃᐛᒡ, ᐛᔅ ᒋᑭ ᐛᐱᒪᐅᒡ ᒋᓴᒪᓂᑐᐛ᙮

ᒪᑎᔪᐤ 7:14

ᐛᔅ ᓴᑯᐛᐤ ᐃᔎᑕᒻ, ᑭᔭ ᐊᔨᒥᓐ ᒪᒃ ᐊ ᐱᒧᑕᓄᐅᒡ ᐊᓐ ᒪᔅᑭᓄᐤ ᑲᒋᒡ ᐱᒪᑎᓯᐅᓂᒡ ᐊ ᐃᑎᒧᒡ᙮ ᓇᒪ ᒪᒃ ᒥᒐᑦ ᐊᐛᓐ ᒥᔅᑭᒻ ᐊᓂᔭᔪᐤ ᒪᔅᑭᓇᔪᐤ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 16:19

ᐸᑎᒪ ᒪᒃ ᒋᓴᔅ ᑲᒋ ᐃᓯ ᐃᔨᒪᐊᑦ ᐅᒋᔅᒋᓄᐊᒧᐛᑭᓇ, ᒋᒋᒋᓯᑯᒡ ᒋ ᐃᓯ ᐅᐱᔪᐤ᙮ ᐊᓐᑕ ᒋᓴᒪᓂᑐᐛ ᐅᒥᔪᓂᔨᒡ ᐃᑕᒐ ᐊᑯᑕ ᑲ ᐃᓯ ᐛᐛᔨᐱᑦ᙮

ᐊᑈᔅᑕᓇᒡ 2:28

ᔅᒋ ᒋᔅᒐᔨᑎᒥᔨᓐ ᑕᓐ ᓂᐸ ᐃᓯ ᐱᒪᑎᓯᓐ, ᐊᑯ ᒪᒃ ᐊᓐᑕ ᐊ ᑕᔨᓐ ᑕᔭᓇ ᒋᑭ ᐃᑐᑐᐅᓐ ᓇᔅᒡ ᒐᒋ ᒧᒋᒐᔨᑎᒪᓐ᙮” ᐊᐅᒄ ᐅᔭ ᑲ ᐃᓯ ᐎᑕᐧᒃ ᐱᑕᕐ ᐊᒋ ᐃᓯ ᓂᑲᓐ ᐊᔨᒧᑎᒥᔨᒋ ᐊᓂᔭ ᒋᓴᐅᒋᒪᐛ ᑎᐱᑕ ᒐ ᐃᑐᑐᐛᑭᓄᔨᒋ ᙭ᑕ᙮

ᐊᑈᔅᑕᓇᒡ 7:56

ᒋ ᐃᑕᐤ ᒪᒃ ᔅᑎᐱᓐ, “ᑭᓄᐛᐸᑎᒧᒄ ᒪ, ᓂ ᐛᐸᑕᓐ ᒋᒋᒋᓯᒄ ᐊ ᔪᑕᐱᔨᒡ ᑭᔭ ᓂ ᐛᐱᒪᐤ ᐃᔪᐤ ᐅᑯᓯᓴᓐ ᐊ ᓂᐳᐅᑦ ᐊᓐᑕ ᒋᓴᒪᓂᑐᐛ ᐅᒥᔪᓂᔨᒡ ᐃᑕᒐ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:11

ᒧᔭᒻ ᐸᒋᔅᑲᑎᔨᑕᑯ ᐅ ᐸᔭᒋᓯᔪᐤ ᐊᒐᒂ ᐊᓐ ᑲ ᐅᓂᔅᑲᓇᑦ ᒋᓴᓴ ᓂᐳᐅᓂᒡ ᐅᒋ, ᒐᔅᑎᓇᔅ ᒋᑭ ᐅᓂᔅᑲᓂᑯᐛᐤ ᑭᔭ ᒋᔨᐛᐤ ᓂᐳᐅᓂᒡ ᐅᒡ ᐊᓂᔭᔪᐛ ᐅ ᑲ ᐸᔭᒋᓯᔪᐤ ᐊᒐᒂ ᐅᒋ᙮ ᐊᑯᑕ ᒪᒃ ᒐᒋ ᐅᒋ ᐱᒪᒋᑕᑭᓄᐅᒋ ᐊᓂᔭᔪᐛ ᒋᔪᐛᐛ ᑲ ᐃᓯᓇᒂᒋ ᒐ ᓂᐱᒥᑲᒋ᙮

1 ᑯᕆᓐᑎᔭᓇ 13:12

ᒧᔭᒻ ᑭᔭ ᐊ ᑭᓄᐛᐱᒪᐧᒄ ᐊᐛᓐ ᐊᓐᑕ ᐛᐱᒥᓱᐅᓂᒡ, ᓇᒪ ᒋ ᐱᔭᑭᔅᒋᓄᐛᓄᐤ ᐊ ᐃᔅᐱᔅ ᐱᔭᑭᔅᒋᓄᐛᐧᒄ ᑎᐱᔨᐛ ᒋᔅᒋᓯᑯᓇᒡ ᐊ ᑭᓄᐛᐱᒪᐧᒄ᙮ ᐊᐅᑯᓐ ᒪᒃ ᒧᔭᒻ ᐊ ᐃᓯ ᒋᔅᒐᔨᒪᐧᒄ ᒋᓴᒪᓂᑐᐤ ᐊᓄᒡ᙮ ᓇᒪ ᓇᔅᒡ ᒋ ᒋᔅᒐᔨᒪᓄᐤ᙮ ᒥᒄ ᒪᒃ ᐃᔅᐱ ᐅᑎᔅᑯᐤ ᐛᐱᒪᒂ ᐊᑯ ᓇᔅᒡ ᒐ ᒋᔅᒐᔨᒪᐧᒄ, ᒧᔭᒻ ᒋᔭᓄᐤ ᐊ ᐃᔅᐱᔅ ᓇᔅᒡ ᒋᔅᒐᔨᒥᑕᐧᒄ᙮

2 ᑯᕆᓐᑎᔭᓇ 4:17

ᓇᒪ ᓇᔅᒡ ᒐᒂᓐ ᐃᑕᔨᑕᑯᓐ ᑕᓐ ᐊ ᐃᓯ ᓂᒋᔅᑭᒪᐧᒄ ᑭᔭ ᐊᓐ ᑕᓐ ᐊ ᐃᓯ ᓂᒋᔅᑭᒪᐧᒄ ᓇᒪ ᓇᐅᔅ ᒋᑭ ᐅᒋ ᐱᒥᐱᔪᐤ᙮ ᐛᔅ ᒋ ᐎᒋᐃᑯᓇᓄᐤ ᒐᒋ ᐊᔭᔭᐧᒄ ᑲᒋᒡ ᒋᔅᑕᔨᑕᑯᓱᐅᓐ᙮ ᐊᑐᐎᔅ ᒪᒃ ᒥᔅᑎ ᐃᑕᔨᑕᑯᓐ ᐅ ᐃᔅᐱᔅ ᑕᓐ ᐊ ᐃᓯ ᓂᒋᔅᑭᒪᐧᒄ᙮

ᐃᐱᓯᔭᓇ 3:19

ᓂ ᓂᑐᑎᒪᓐ ᒐᒋ ᒋᔅᒐᔨᑎᒺᒄ ᐅᓴᒋᐃᐛᐅᓐ, ᐊᑎ ᐊ ᐃᓯᓇᑯᓂᔨᒡ ᐊᑲ ᓂᑕ ᓇᔅᒡ ᒐᒋ ᒋᔅᒐᔨᑕᑯᓂᔨᒡ᙮ ᒋᔅᒐᔨᑎᒧᐛᒂ ᙭ ᐅᓴᒋᐃᐛᐅᓐ ᐊᑯ ᒐ ᓴᑭᔅᒋᓇᔅᑲᑯᐛᒄ ᒋᓴᒪᓂᑐᐤ ᐅᑦ ᐃᑕᔨᑕᑯᓱᐅᓐ᙮

1 ᐱᑕᕐ 1:21

ᐊᑯ ᒪᒃ ᑎᔭᑈᔭᔨᒪᒄ ᒋᓴᒪᓂᑐᐤ ᐊᓂᔭᔪᐤ ᐅᒋ ᑕᓐ ᑲ ᐃᓯ ᐃᑐᑎᒪᑕᒄ ᙭, ᐛᔅ ᒋᓴᒪᓂᑐᐤ ᒋ ᐅᓂᔅᑲᓇᐤ ᙭ᑕ ᓂᐳᐅᓂᒡ ᐅᒋ ᑭᔭ ᒋ ᒋᔅᑕᔨᑕᑯᐊᐤ᙮ ᐊᐅᑯᓐ ᒪᒃ ᐛᒋ ᑕᑈᔭᔨᒪᒄ ᒋᓴᒪᓂᑐᐤ ᑭᔭ ᐊᐅᑯᓐ ᐛᒋ ᐊᔅᐸᔨᒧᑐᑐᐛᒄ᙮

1 ᐱᑕᕐ 3:22

ᐊᐅᒄ ᐅ ᙭ ᒋᒋᒋᓯᑯᒡ ᑲ ᐃᓯ ᐅᐱᔨᑦ ᑭᔭ ᑲ ᐊᔨᑯᑦ ᒋᓴᒪᓂᑐᐛ ᐅᒥᔪᓂᔨᒡ ᐃᑕᒐ ᐊᓐᑕ ᒪᐅᒡ ᐊ ᒋᔅᑕᔨᑕᑯᓂᔨᒡ ᒐᒋ ᐊᐱᑦ ᐊᐛᓐ᙮ ᐊᑯᑕ ᒪᒃ ᑲ ᒥᔭᑭᓄᐅᑦ ᒐᒋ ᐅᒋᒪᒥᑕᑯᑦ ᒥᓯᐛ ᐊᓐᒋᓇ ᑭᔭ ᒐᒋ ᑎᐸᔨᑕᐧᒃ ᒥᓯᐛ ᒋᒋᒋᓯᒄ ᑎᐸᔨᒐᐅᓂᔪᐤ ᑭᔭ ᒥᓯᐛ ᓱᐧᑲᑎᓯᐅᓂᔪᐤ᙮

1 ᒠᓐ 3:2

ᓂᐧᑲᓂᓯᑐᒄ ᑲ ᓴᒋᐃᑎᑯᒡ, ᒋ ᐅᑦ ᐊᐛᓯᒥᑕᑯᓄᐤ ᒋᓴᒪᓂᑐᐤ ᐊᓄᒡ, ᒥᒄ ᒪᒃ ᐊᔅᒄ ᓇᒪ ᓄᑯᓐ ᑕᓐ ᒐ ᐃᑕᔨᑕᑯᓯᔭᐧᒄ, ᒥᒄ ᒋ ᒋᔅᒐᔨᑕᓇᓄᐤ ᐃᔅᐱ ᑎᑯᓯᒐ ᒧᔭᒻ ᐎᔾ ᐊ ᐃᑕᔨᑕᑯᓯᑦ ᐊᐅᑯᓐ ᒐ ᐃᑕᔨᑕᑯᓯᔭᐧᒄ᙮ ᐛᔅ ᒋᑭ ᐛᐱᒪᓄᐤ ᑕᓐ ᐊᓐ ᐊ ᐃᑕᔨᑕᑯᓯᑦ᙮

ᒍᑦ 1:24

ᐊᑯ ᒪᒃ ᐊᓐ ᑲ ᐸᐃᑯᓯᑦ ᒋᓴᒪᓂᑐᐤ ᒋᐱᒪᒋᐃᐛᒥᓄᐤ, ᐊᓐ ᑲ ᑭᔅᒋᐅᑦ ᒐᒋ ᑭᓄᐛᔨᒥᑕᒄ ᒐ ᐊᑲ ᒋ ᐸᒋᓯᓄᐛᒄ ᑭᔭ ᑲ ᑭᔅᒋᐅᑦ ᒐᒋ ᐃᑐᑕᐃᑕᒄ ᐊᓐᑕ ᐊ ᒋᔅᑕᔨᑕᑯᓂᔨᒡ ᐊ ᑕᑦ ᐊᑲ ᒐᒂᔪᐤ ᐊᑕᒪᔨᑕᑯᓱᐛᒄ ᑭᔭ ᐊ ᒥᔽᔨᑎᒺᒄ,

ᒋᔅᒐᔨᑕᑯᑕᒐᐅᓐ 22:5

ᓇᒪ ᓂᑕ ᒋᑭ ᐅᒋ ᑎᐱᔅᑲᐤ ᐊᓐᑕ᙮ ᓇᒪ ᑭᔭ ᒋᑭ ᐅᒋ ᓂᑐᐛᔨᒪᐅᒡ ᐛᔅᑕᓂᐱᒪᑭᓇ ᑭᔭ ᓇᒪ ᒋᑭ ᐅᒋ ᓂᑐᐛᔨᒪᐅᒡ ᐱᓯᒺ ᒐᒋ ᐛᔅᑕᓂᐱᒪᑯᒡ᙮ ᐛᔅ ᐊᓂᔭ ᐊ ᐃᔅᐱᔅ ᒋᐧᑲᔭᔅᑐᐛᔨᒋ ᒋᓴᒪᓂᑐᐛ, ᐊᐅᒄ ᐅᔭ ᒐ ᐅᐛᔅᑕᓂᐱᒪᑭᓂᒡ᙮ ᑲᒋᒡ ᒪᒃ ᒋᑭ ᒋᓴᐅᒋᒪᐅᒡ᙮