ᑎᐱᑦ ᐅᓂᑭᒧᐅᓇ 149:2 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

² ᐊᑯᔅ ᐃᔅᕋᐃᓪ ᒋᑭ ᒧᒋᒐᔨᑎᒻ ᐊᓂᔭᔪᐛ ᑲ ᐅᓯᐃᑯᑦ ᐅᒋ: ᐊᑯᔅ ᓴᐃᔭᓐ ᐅᑦ ᐊᐛᓯᒥᓴ ᒋᑭ ᒧᒋᒐᔨᑎᒥᔨᐛ ᐅᒋᓴᐅᒋᒪᒧᐛᐛ ᐅᒋ᙮

ᑎᐱᑦ ᐅᓂᑭᒧᐅᓇ 149:2 Iomraidhean Croise

ᑎᐱᑦ ᐅᓂᑭᒧᐅᓇ 47:6

ᓂᑭᒧᒃ ᐊ ᒪᒥᒋᒪᒄ ᒋᓴᒪᓂᑐᐤ, ᓂᑭᒧᒃ ᒪᒥᒋᒧᐛᐅᓇ: ᓂᑭᒧᒃ ᐊ ᒪᒥᒋᒪᒄ ᒋᒋᓴᐅᒋᒪᒥᓄᐤ, ᓂᑭᒧᒃ ᒪᒥᒋᒧᐛᐅᓇ᙮

ᑎᐱᑦ ᐅᓂᑭᒧᐅᓇ 95:6

ᐅ ᐊᔅᑎᒧᒄ ᐊᔭᒥᐊᔅᑐᐛᑕᐤ ᑭᔭ ᓇᐛᑲᐳᔅᑐᐛᑕᐤ, ᐅᒋᒋᐧᑯᓇᐱᔅᑐᐛᑕᐤ ᑎᐸᔨᒋᒐᓱᐤ ᑲ ᐅᓯᐃᑕᐧᒄ᙮

ᒪᑎᔪᐤ 21:5

ᐎᑎᒧᐛᐧᑯᒡ ᐊᓐᒡ ᐃᔪᒡ ᐊᓐᑕ ᓴᐃᔭᓂᒡ ᑲ ᐅᒋᒡ, ᑭᓄᐛᐱᒪᒄ ᒪ ᒋᒋᓴᐅᒋᒪᒧᐛᐤ, ᒋ ᐸᒋ ᓂᑐᐛᐱᒥᑯᐛᐤ ᐊ ᑎᐱᑕᔨᒥᓱᑦ, ᐅᐧᑲᓇ ᒧᔭᒻ ᑲ ᐊᐱᓯᓯᔨᒋ ᑲᐸᐃᑭᔎᐛ ᑲ ᐃᓯᓇᑯᓯᔨᒋ ᐊ ᑕᑎᐱᑦ᙮ ᐊᔪᐅᒄ ᐅᔭ ᑲ ᐃᔅᒋᔄᑯᐱᓇ ᐊᓂᔭ ᐸᐃᒄ ᐅᒋᔅᒋᐛᐃᒐᓱᐤ᙮

ᒪᑎᔪᐤ 25:34

ᐊᑯ ᒐ ᐃᑕᑦ ᐊᓐ ᒋᓴᐅᒋᒪᐤ ᐊᓂᔭ ᐃᔪᐛ ᐊᓐᑕ ᐅᒥᔪᐅᓂᒡ ᐊ ᑕᔨᒋ, ‘ᐊᔅᑎᒧᒄ ᒋᔨᐛᐤ ᑲ ᓱᐛᔨᒥᑕᒄ ᓄᑕᐎᔾ᙮ ᐊᔅᑎᒧᒄ, ᐅᑎᓂᒧᒄ ᐊᓐ ᒋᓴᐅᒋᒪᐅᓐ ᐊᓐ ᑲ ᐊᓱᑎᒪᑯᐅᔭᒄ ᐃᔅᐱ ᒪᐅᒡ ᓂᔅᑎᒻ ᑲ ᐅᓯᑕᑭᓄᐅᒡ ᐅ ᐊᔅᒋᔾ᙮

ᓗᒃ 19:27

ᐊᑯ ᒪᒃ ᐸᓱᐛᐧᑯᒡ ᐊᓐᒡ ᑲ ᐛᐧᑲᓯᒡ ᐊᓐᒡ ᐊᑲ ᓂᑐᐛᔨᒥᒡ ᒐᒋ ᒋᓴᐅᒋᒪᐅᒡ, ᒐᒋ ᓂᐸᐊᑭᓄᐅᒡ ᐅᑕ ᐊ ᑕᐅᒡ᙮’ ” ᐊᔪᐅᒄ ᐅᔭ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ ᒋᓴᔅ ᑲ ᐎᑕᐧᒃ ᒪᒂᒡ ᐊ ᐊᑎ ᐱᒧᑕᒡ ᒋᕈᓯᓕᒥᒡ ᐃᔅ᙮

ᓗᒃ 19:38

ᐊᐅᒄ ᒪᒃ ᐅᔭ ᑲ ᐃᔅᒋᔄᒡ ᐊ ᒪᒥᒋᒪᒡ ᒋᓴᒪᓂᑐᐛ, “ᓱᐛᔨᑕᑯᓱᐤ ᐅ ᒋᓴᐅᒋᒪᐤ ᑲ ᐸᒋ ᐃᑎᓴᐅᑯᑦ ᐅᑎᐸᔨᒋᒐᐛ, ᒐᒋ ᐃᑐᑕᐧᒃ ᐊᓂᔭ ᑲ ᐃᑎᓱᒪᑭᓄᐅᑦ᙮ ᑎᑯᓐ ᒋᔭᒪᔨᑎᒧᐅᓐ ᒋᒋᒋᓯᑯᒡ᙮ ᑭᔭ ᒋᑭ ᒪᒥᒋᒪᑭᓄᐤ ᒋᓴᒪᓂᑐᐤ ᒪᐅᒡ ᑲ ᒋᔅᑕᔨᑕᑯᓯᑦ᙮”

ᒠᓐ 19:15

ᒋ ᐃᓯ ᑕᑈᐅᒡ ᒪᒃ ᐊᓐᒡ ᒍᐤ ᐃᔪᒡ, “ᓂᐸᐊᐧᒄ, ᓂᐸᐊᐧᒄ, ᒋᔅᑕᔎᑕᐧᒄ,” ᐊ ᐃᔅᒋᔄᒡ᙮ ᐊᑯ ᑈᓚᑦ ᒂ ᐃᑕᑦ, “ᒋ ᓂᑐᐛᔨᒥᓇᐛᐤ ᐊ ᒐᒋ ᐱᔅᑎᓂᒃ ᒋᒋᓴᐅᒋᒪᒧᐛᐤ ᒐᒋ ᒋᔅᑕᔎᑕᑭᓄᐅᑦ ?” ᐊᑯ ᐊᓂᔭᔪᐛ ᑲ ᓂᑲᓂᐱᔨᒋ ᐊᔭᒥᐊᐅᒋᒪᐛ ᒋ ᐃᓯ ᐎᑎᒪᑯᐤ ᑈᓚᑦ ᐊ ᐃᑎᑯᑦ, “ᒥᒄ ᓯᓴᕐ ᓂ ᐅᒋᓴᐅᒋᒪᒥᓇᓐ ᓇᒪ ᑯᑎᒃ ᐊᐛᓐ᙮”

ᐱᓕᐱᔭᓇ 3:3

ᒋᔭᓄᐤ, ᐊᐅᒄ ᑕᑈ ᐛ ᐅᑦ ᐃᔨᒥᑐᑕᑕᐧᒄ ᒋᓴᒪᓂᑐᐤ, ᒋᔭᓄᐤ ᐅᑦ ᐊᒐᒂ ᑲ ᐎᒋᐃᑎᑕᐧᑯ ᐊ ᐊᔭᒥᐊᔅᑐᐛᐧᒄ ᑭᔭ ᒋ ᒋᔅᑕᔨᑕᑯᐊᓄᐤ ᙭ ᒋᓴᔅ ᐎᔾ ᐊᒋ ᐃᑐᑕᑕᐧᒄ ᒐᒋ ᐅᑦ ᐃᔨᒥᑐᑕᑕᐧᒄ ᒋᓴᒪᓂᑐᐤ᙮ ᓇᒪᐎᔾ ᐅᔅᒋᒡ ᒥᔭᒡ ᑕᓐ ᐊ ᐃᑐᑕᓱᔭᐧᒄ ᒋᑭ ᒋ ᐅᒋ ᒪᒥᒋᒧᓇᓄᐤ᙮

ᒋᔅᒐᔨᑕᑯᑕᒐᐅᓐ 19:6

ᐊᑯ ᒂ ᐸᑐᐅᒂᐤ ᐊ ᒥᒐᑐᐛᑕᒡ ᐊᐛᓐᒋ ᒧᔭᒻ ᓂᐱᔾ ᐊ ᒋᔄᐛᔭᒍᐅᒡ ᑭᔭ ᒧᔭᒻ ᓂᒥᔅᒍᐅᒡ ᐊ ᐸᑕᑯᓯᒡ ᐊ ᐃᑎᑕᑯᓯᒡ᙮ ᒋ ᐃᔅᒋᔄᐅᒡ, “ᐊᓕᓗᔭ, ᐅᑎᐸᔨᒋᒐᐤ ᒋᓴᒪᓂᑐᐤ ᒪᐅᒡ ᑲ ᓱᐧᑲᑎᓯᑦ ᐎᔾ ᑕᐸᔨᒋᒐᐤ᙮