ᑎᐱᑦ ᐅᓂᑭᒧᐅᓇ 14:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᐅᒥᒐᑎᓯᐤ ᒋ ᐃᔅᒋᔄᐤ ᐅᑕᐃᒡ, “ᓇᒪ ᑕᐤ ᒋᓴᒪᓂᑐᐤ᙮” ᐅᒥᒐᑎᓯᐅᒡ ᒋ ᐃᑐᑎᒧᒡ ᑲ ᐃᐸᓯᓇᒂᓂᔨᒋ ᐃᑐᐅᓇ, ᓇᒪ ᑕᐤ ᐊᐛᓐ ᑲ ᒥᔪᑐᑕᐧᒃ᙮

ᑎᐱᑦ ᐅᓂᑭᒧᐅᓇ 14:1 Iomraidhean Croise

ᒐᓂᓯᔅ 6:5

ᐊᑯ ᑎᐸᔨᒋᒐᓱᐤ ᒂ ᐛᐱᒪᑦ ᐃᔪᐛ ᓇᔅᒡ ᐊ ᒥᒋᑥᔨᒋ ᐅᑕ ᐊᔅᒋᒡ, ᑭᔭ ᐊᓯᑯᒻ ᒥᒋ ᐃᑕᔨᑎᒧᐅᓂᔪᐤ ᒥᒄ ᒋ ᑎᑯᓂᔪᐤ ᐅᑕᐃᐛᒡ᙮

ᑎᐱᑦ ᐅᓂᑭᒧᐅᓇ 10:4

ᐅᒥᒋᑥᐤ, ᐊ ᒋᔅᑕᔨᒧᓇᑯᓯᑦ, ᓇᒪᐎᔾ ᓇᓂᑐᐛᔨᒪᐤ ᒋᓴᒪᓂᑐᐛ: ᒋᓴᒪᓂᑐᐛ ᓇᒪᐎᔾ ᓇᔅᒡ ᑕᔪᐛ ᐅᒥᑐᓇᐃᒋᑭᓂᒡ᙮

ᑎᐱᑦ ᐅᓂᑭᒧᐅᓇ 107:17

ᒋᔎᐧᑲᓐᒡ, ᐅᐛᓂᑐᑎᒧᐅᓄᐛᐤ ᐅᒡ, ᑭᔭ ᐅᒥᒐᑎᓯᐅᓄᐛᐤ ᐅᒋ ᐊᔨᒥᓯᐅᒡ᙮

ᑎᐱᑦ ᐅᓂᑭᒧᐅᓇ 53:1

ᐅᒥᒐᑎᓯᐤ ᒋ ᐃᔅᒋᔄᐤ ᐅᑕᐃᒡ, “ᓇᒪ ᑕᐤ ᒋᓴᒪᓂᑐᐤ᙮” ᐅᓂᓱᐅᒡ, ᑭᔭ ᒋ ᐃᑐᑎᒧᒡ ᑲ ᒥᒐᐃᑕᑯᓂᔨᒡ ᒥᒐᑎᓯᐅᓂᔪᐤ: ᓇᒪ ᑕᐤ ᐊᐛᓐ ᐊ ᒥᔪᑐᑕᐧᒄ᙮

ᑎᐱᑦ ᐅᓂᑭᒧᐅᓇ 73:3

ᐛᔅ ᓂᒋ ᐅᑕᔨᒪᐅᒡ ᒋᔎᐧᑲᓐᒡ, ᐃᔅᐱ ᐎᔭᐸᑎᒪᓐ ᐊᔅᐱᔅ ᒥᔽᐱᒪᐅᓯᒡ ᐅᒥᒋᑥᐅᒡ᙮

ᑎᐱᑦ ᐅᓂᑭᒧᐅᓇ 92:6

ᑲ ᐊᒂᑎᓯᑦ ᐃᔪᐤ ᓇᒪᐎᔾ ᒋᔅᒐᔨᑎᒻ; ᓇᒪ ᑭᔭ ᒋᔎᐧᑲᓐ ᓂᔅᑐᑎᒻ ᐅᔭᔪᐤ᙮

ᒪᑎᔪᐤ 12:34

ᑕᓐᑕ ᒐᒋ ᐅᒋ ᐃᔅᒋᔄᔭᒄ ᒐᒂᓐ ᐊ ᒥᔪᑕᒂᒡ ᐊ ᒥᒐᑎᓯᔭᒄ ᒪᒃ ᒧᔭᒻ ᒋᓇᐱᑯᒡ ᐊ ᐃᑕᔨᑕᑯᓯᔭᒄ᙮ ᑕᓐ ᐊ ᐃᓯ ᐃᔨᒥᑦ ᐊᐛᓐ ᐊᑯᑕ ᐛᒋ ᒋᔅᒐᔨᑕᑯᓯᑦ ᑕᓐ ᐊ ᐃᓯᑕᐊᑦ ?

ᒪᑎᔪᐤ 15:19

ᐛᔅ ᒥᑕᐃᒡ ᐅᒋᐱᔪᐤ ᒥᒋ ᒪᒥᑐᓇᔨᑎᒧᐅᓐ, ᓂᐸᐃᐛᐅᓐ, ᐱᓯᒂᑎᓯᐅᓐ, ᓂᑎᒥᒄ ᐃᑐᐅᓐ, ᑭᒐᒧᑐᐅᓐ, ᑭᑭᒋᔪᐅᓐ, ᑭᔭ ᐸᔅᑕᒧᐅᓐ᙮

ᓗᒃ 12:20

“ᐊᑯ ᒋᓴᒪᓂᑐᐛ ᒂ ᐃᑎᑯᑦ, ‘ᑕᑈ ᒋᐎᔭᓯᒥᑎᓱᓐ, ᐊᓄᒡ ᐅ ᒐ ᑎᐱᔅᑲᒡ ᒋᐱᒪᑎᓯᐅᓐ ᒋᑭ ᐅᑎᓇᑭᓄᐤ᙮ ᐊᐛᓐ ᒪᒃ ᒐ ᐊᔭᑦ ᒥᓯᐛ ᐊᓂᔭ ᑲ ᓇᐅᔅᑕᒪᓱᔨᓐ ᒐᒂᔪᐛ ?’ ”

ᐃᐱᓯᔭᓇ 2:12

ᐊᓐᑕ ᐊᓐ ᒪᒂᒡ ᓇᒪ ᒋ ᐅᒋ ᐎᒐᐛᐛᐤ ᙭᙮ ᔅᒋ ᒪᓐᑕᐅᓇᐛᐤ ᐊᑲ ᐅᒋ ᐊᔅᑎᓯᓇᓱᔭᒄ ᐊᓐᑕ ᒋᓴᒪᓂᑐᐤ ᐅᑦ ᐃᔨᒪ ᐊ ᑕᔨᒋ᙮ ᓇᒪ ᒋ ᐅᒋ ᐊᔅᑎᓯᓇᓱᓇᐛᐤ ᓂᔅᑯᒧᐅᓂᒡ, ᐊᓂᔭᔪᐛ ᑲ ᐅᓯᑕᑭᓄᐅᒋ ᐊᓐᑕ ᐅᒋ ᐊᓂᔭ ᑕᓐ ᑲ ᐃᔅᒋᔄᑦ ᒋᓴᒪᓂᑐᐤ ᒐᔅᑎᓇᔅ ᒐ ᐃᑐᑎᒧᐛᑦ ᐅᑦ ᐃᔨᒪ᙮ ᑭᔭ ᔅᒋ ᐱᒪᑎᓯᓇᐛᐤ ᐅᑕ ᐊᔅᒋᒡ ᐊᑲ ᐅᒋ ᐊᔭᔭᒄ ᐊᔅᐸᔨᒧᐅᓐ ᑭᔭ ᓇᒪ ᒋ ᐅᒋ ᒋᔅᒐᔨᒪᐛᐤ ᒋᓴᒪᓂᑐᐤ᙮

ᑕᐃᑕᔅ 1:16

ᐃᔅᒋᔄᐅᒡ ᐊ ᒋᔅᒐᔨᒪᒡ ᒋᓴᒪᓂᑐᐛ ᒥᒄ ᒪᒃ ᐊᓂᔭ ᐊ ᐃᑕᑎᓯᒡ ᓄᑯᓂᔪᐤ ᐊᑲ ᑕᑈ ᒋᔅᒐᔨᒪᒡ ᒋᓴᒪᓂᑐᐛ ᐛᔅ ᓇᔅᒡ ᒥᒐᑎᓯᐅᒡ᙮ ᓇᒪ ᓇᔅᒡ ᓂᓇᐃᑐᐛᐅᒡ ᒋᓴᒪᓂᑐᐛ ᑭᔭ ᓇᒪ ᓇᔅᒡ ᐃᑕᔨᑕᑯᓱᐅᒡ ᒐᒋ ᒥᔪᑐᑕᒡ᙮

ᑕᐃᑕᔅ 3:3

ᐛᔅ ᑭᔭ ᒋᔭᓄᐤ ᐸᐃᒂᐤ ᔅᒋ ᒋᔎᐱᒪᑎᓯᓇᓄᐤ, ᓇᒪ ᒋ ᐅᒋ ᓂᓇᐃᑐᐛᓄᐤ ᒋᓴᒪᓂᑐᐤ, ᔅᒋ ᐎᔭᓯᐃᑯᓇᓄᐤ ᑭᔭ ᔅᒋ ᓴᐧᑯᒋᐃᑯᓇᓄᐤ ᓂᓇᐧᑯᐤ ᒥᒋ ᓂᑐᐛᔨᑎᒧᐅᓇ ᑭᔭ ᒥᒋ ᒥᔽᔨᑎᒧᐅᓇ᙮ ᐱᓯᒄ ᔅᒋ ᒥᒐᑎᓯᓇᓄᐤ ᑭᔭ ᔅᒋ ᐅᑕᔨᒪᓄᐅᒡ ᐊᐛᓐᒋ᙮ ᔅᒋ ᐛᐧᑲᑕᓄᐅᒡ ᐊᐛᓐᒋ ᑭᔭ ᐎᔨᐛᐤ ᒪᒃ ᔅᒋ ᐛᐧᑲᑎᑯᓄᐅᒡ᙮

ᒋᔅᒐᔨᑕᑯᑕᒐᐅᓐ 21:8

ᐊᑯ ᐊᓐᒡ ᐊᐛᓐᒋ ᐊᑲ ᓱᒋᔅᑕᐊᒡ ᒐᒋ ᐎᑕᒡ ᐊ ᑕᑈᔭᔨᒪᒡ ᒋᓴᓴ, ᐊᓐᒡ ᑲ ᒋᐛᑲᐳᔅᑕᒡ ᑕᓐ ᑲ ᐃᓯ ᑕᑈᔭᔨᒪᒡ ᒋᓴᓴ, ᐊᓐᒡ ᓇᔅᒡ ᑲ ᒥᒐᑎᓯᒡ, ᐊᓐᒡ ᑲ ᓂᐸᐊᒡ ᐊᐛᔪᐛ, ᐊᓐᒡ ᓂᓇᐧᑯᐤ ᑲ ᐃᓯ ᐎᓂᓱᐤ ᐱᒪᑎᓯᒡ, ᐊᓐᒡ ᑲ ᒥᑕᐛᑎᓯᒡ, ᐊᓐᒡ ᑲ ᐊᔭᒥᐊᔅᑐᐛᒡ ᒥᓂᑐᐧᑲᓇ ᑭᔭ ᐊᓐᒡ ᑲ ᐎᒋ ᑭᑭᒋᔭᒡ, ᒥᒋ ᐃᔅᑯᑕᐤ ᓴᑲᐃᑭᓂᒡ ᒋᑭ ᐃᓯ ᐛᐱᓇᑭᓄᐎᒡ᙮ ᐊᐅᒄ ᐅ ᓂᓱ ᓂᐳᐅᓐ᙮”