1 ᓱᐛᔨᑕᑯᓱᐅᒡ ᐊᓐᒡ ᑲ ᐸᔭᒋᓯᒡ ᒪᔅᑭᓇᒡ, ᑲ ᐱᒧᑕᑎᒺᒡ ᐅᐎᓱᐛᐅᓂᔪᐤ ᑎᐸᔨᒋᒐᓱᐛ᙮
ᓂᑭ ᑭᒐᑕᐤ ᐃᔨᑎᓐ ᐸᔭᒋᐃᑕᑎᓯᐅᓂᒡ᙮ ᐅ, ᑕᐃᔅᐱ ᒐ ᐸᒋ ᓇᓯᔨᓐ ? ᓂᑭ ᐱᒧᑕᓐ ᐱᒡ ᓂᒋᒡ ᑯᐃᔅᑯᑕᐊᐅᓂᒡ᙮
ᓂᑭ ᑭᓄᐛᐱᒪᐅᒡ ᑲ ᑯᐃᔅᑯᑎᒡ ᐊᔅᒋᒡ, ᒐᒋ ᐎᒋᒥᒡ: ᐊᓐ ᑯᐃᔅᒄ ᑲ ᐃᑕᑎᓯᑦ, ᓂᑭ ᐊᑐᔅᑲᒄ᙮
ᒪᒥᒋᒥᐧᒄ ᑎᐸᔨᒋᒐᓱᐤ ! ᓱᐛᔨᑕᑯᓱᐤ ᐊᓐ ᐃᔪᐤ ᑲ ᓇᓂᒋᔅᑐᐛᑦ ᑎᐸᔨᒋᒐᓱᐛ, ᓇᔅᒡ ᑲ ᒥᔽᔨᑎᒺᑦ ᐅᑦ ᐃᑎᓱᐛᐅᓂᔪᐛ᙮
ᓱᐛᔨᑕᑯᓱᐤ ᒥᓯᐛ ᑕᑐᐤ ᐊᐛᓐ ᑲ ᓇᓂᒋᔅᑐᐛᑦ ᑎᐸᔨᒋᒐᓱᐛ; ᑲ ᐱᒧᑕᑎᒺᑦ ᐅᑦ ᐃᑎᓱᐛᐅᓂᔪᐛ᙮
ᓴᑲᕋᔭ ᑭᔭ ᐃᓕᓴᐸᑦ ᒋ ᑯᐃᔅᑯᑕᑎᓯᐅᒡ᙮ ᓇᔅᒡ ᒋ ᓂᓇᐃᑎᒺᐅᒡ ᐅᑎᐸᔨᒋᒐᐛ ᐅᑭᒐᔅᒋᒧᐅᓂᔪᐛ ᑭᔭ ᐅᑦ ᐃᑎᓱᐛᐅᓂᔪᐛ᙮ ᑭᔭ ᓇᔅᒡ ᒋ ᓇᐊᔨᑎᒥᐊᐅᒡ ᒋᓴᒪᓂᑐᐛ ᐊᓂᔭ ᑕᓐ ᑲ ᐃᓯ ᐱᒪᑎᓯᒡ᙮
ᐊᑯ ᒋᓴᔅ ᒂ ᐃᑕᑦ, “ᓂᐦᐃ, ᑕᑈ, ᒥᒄ ᒪᒃ ᐅᔅᑕ ᓱᐛᔨᑕᑯᓱᐅᒡ ᐊᓐᒡ ᑲ ᐸᑕᒡ ᒋᓴᒪᓂᑐᐤ ᐅᑦ ᐃᔨᒧᐅᓂᔪᐤ ᑭᔭ ᑲ ᓂᓇᐃᑎᒧᐛᒡ᙮”
ᐃᔅᐱ ᒪᒃ ᒋᓴᔅ ᐎᔭᐱᒪᑦ ᓇᑕᓂᔭᓚ ᐊ ᐸᑕᔅᑎᒧᑕᔨᒋ ᒋ ᐃᑕᐤ, “ᐊᐅᒄ ᒋᒋᐛ ᐃᔅᕋᐃᓪ ᐃᔪᐤ, ᓇᔅᒡ ᑕᑈ ᑯᐃᔅᑯᑕᑎᓯᐤ᙮”
ᓂᔅᑐᑎᒪᒂ ᒪᒃ ᐅᔭ ᒐᒂᔪᐛ ᑭᔭ ᐃᑐᑎᒪᒂ ᒋᑭ ᓱᐛᔨᒥᑯᐅᓇᐛᐤ᙮”
ᓱᒃ ᒪᒃ ᓂᓇᑭᑐᐛᔨᒥᓱᓐ ᒐ ᐊᑲ ᒋ ᒪᔭᔨᒥᒃ ᒋᓴᒪᓂᑐᐤ ᑭᔭ ᐃᔪᒡ ᒐᒋ ᐅᒋ ᒐᔅᑎᓇᐅᔭᓐ ᑯᐃᔅᒄ ᐊ ᐃᑎᔭᓐ᙮”
ᒪᐅ ᒪᒃ ᐊ ᐃᓯ ᐊᔅᐸᔨᒧᔭᒡ, ᓇᔅᒡ ᓂᒐᔅᑎᓇᐅᓇᓐ ᒧᔅ ᑯᐃᔅᒄ ᐊᒋ ᑎᔭᒡ ᑕᓐᑕ ᒥᒄ ᑲ ᐊᑎ ᑕᔭᒡ, ᐊᑐᐎᔅ ᒪᒃ ᒪᒂᒡ ᐊᓐᑕ ᐊ ᑕᔭᒄ ᑲ ᑕᔭᒡ᙮ ᑭᔭ ᒧᔅ ᐊᒋ ᑕᑈᐅᒐᔨᑕᑯᓯᔭᒡ᙮ ᒋᓴᒪᓂᑐᐤ ᓂᒋ ᒥᔨᑯᓇᓐ ᐅᓱᐛᔨᒋᒐᐅᓐ ᐅ ᒐᒋ ᑎᔭᒡ᙮ ᓇᒪ ᓂᔭᓐ ᓂᑭᒐᑕᐛᔨᑎᒧᐅᓇᒡ ᐅᒋᐱᔪᐤ᙮
ᒋᓴᒪᓂᑐᐤ ᐅᐎᓱᐛᐅᓐ ᓇᔅᒡ ᑕᑈ ᒥᔽᔨᑕᑯᓂᔪᐤ ᑭᔭ ᐊᐱᐧᑯᓂᑯᐅᒡ ᐊᐛᓐᒋ᙮ ᐊᓐ ᒪᒃ ᐊᐛᓐ ᐃᔭᒂ ᑲ ᓂᑐ ᒋᔅᒐᔨᑕᐧᒃ ᐅᔭ ᐎᓱᐛᐅᓂᔪᐤ ᐊᑲ ᒪᒃ ᐳᓂᑦ ᐅᔭ ᐊ ᐃᑎᑦ, ᐊᑲ ᐅᓂᒋᔅᒋᓯᑦ ᑕᓐ ᑲ ᐃᓯ ᐸᑕᐧᒃ, ᐃᑐᑕᒐ ᑕᓐ ᐊ ᐃᑎᔅᑕᔨᒡ ᐊᓐᑕ, ᐊᐅᒄ ᒐ ᓱᐛᔨᒥᑯᑦ ᒋᓴᒪᓂᑐᐛ ᒥᓯᐛ ᑕᓐ ᐊ ᐃᑎᑦ᙮
ᑕᑈ ᒋᑭ ᓱᐛᔨᑕᑯᓱᐅᒡ ᐊᓐᒡ ᑲ ᐸᔭᒋᑕᒡ ᐅᑦ ᐊᐱᒋᑕᐅᓄᐛᐛ᙮ ᐊᐅᑯᓐᒡ ᐅᒡ ᒐ ᑕᑈᐅᒐᔨᑕᑯᓯᒡ ᒐᒋ ᐱᒐᒡ ᐊᓂᔭ ᐅᑕᓇᔪᐤ ᑭᔭ ᒐᒋ ᐅᑎᓂᒪᓱᒡ ᒥᓂᓴ ᐊᓐᑕ ᐅᒋ ᐊᓂᔭᔪᐛ ᒥᔅᑎᒂ ᐊᓐᑕ ᐛᒋ ᐊᔭᔨᒋ ᐊᐛᔪᐛ ᐱᒪᑎᓯᐅᓂᔪᐤ᙮