ᑎᐱᑦ ᐅᓂᑭᒧᐅᓇ 118:17 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁷ ᓇᒪ ᓂᑭ ᓂᐱᓐ, ᒪᒃ ᓂᑭ ᐱᒪᑎᓯᓐ, ᑭᔭ ᓂᑭ ᐎᑕᒺᓐ ᐅᑦ ᐊᑐᔅᒐᐅᓐ ᑎᐸᔨᒋᒐᓱᐤ᙮

ᑎᐱᑦ ᐅᓂᑭᒧᐅᓇ 118:17 Iomraidhean Croise

ᑎᐱᑦ ᐅᓂᑭᒧᐅᓇ 107:22

ᐊᑯᔅ ᒪᒃ ᒋᑭ ᐱᔅᑎᓂᒐᐅᒡ ᓂᓇᔅᑯᒧᐅ ᐱᔅᑎᓂᒐᐅᓇ, ᑭᔭ ᒋᑭ ᐎᑎᒺᐅᒡ ᐅᑦ ᐊᑐᔅᒐᐅᓂᔪᐤ ᐊ ᒧᒐᔨᑕᒡ᙮

ᑎᐱᑦ ᐅᓂᑭᒧᐅᓇ 119:13

ᓂᑐᓂᒡ ᓂᒋ ᐅᒋ ᐎᑕᓐ ᒥᓯᐛ ᑎᐸᔅᑯᓂᒐᐅᓇ ᒋᑐᓂᒡ ᑲ ᐅᒋᐱᔨᒋ᙮

ᑎᐱᑦ ᐅᓂᑭᒧᐅᓇ 145:4

ᐸᐃᒂᐤ ᐅᑦ ᐊᔭᓂᔅᒐ ᐱᒪᑎᓯᐅᒡ ᒋᑭ ᐊᔭᓂᔅᒐ ᒪᒥᒋᑎᒧᒡ ᒋᑦ ᐊᑐᔅᒐᐅᓇ, ᑭᔭ ᒋᑭ ᐛᐎᑎᒧᒡ ᒋᓱᐧᑲᑎᓯᐅ-ᐃᑐᐅᓇ᙮

ᑎᐱᑦ ᐅᓂᑭᒧᐅᓇ 40:10

ᓇᒪᐎᔾ ᓂ ᐅᒋ ᑲᑕᓐ ᒋᑯᐃᔅᑯᑕᑎᓯᐅᓐ ᓂᑕᐃᒡ; ᓂᒋ ᐎᑕᓐ ᒋᑯᐃᔅᑯᑐᐅᓐ ᑭᔭ ᒋᐱᒪᒋᐃᐛᐅᓐ: ᒋᓴᒋᐃᐛᐎ ᒋᓴᐛᑎᓯᐅᓂᔪᐤ ᑭᔭ ᒋᑕᑈᐅᓂᔪᐤ ᓇᒪᐎᔾ ᓂ ᐅᒋ ᑲᑐᐛᐅᒡ ᑲ ᒥᒐᑎᒡ ᐊ ᒪᒧᐎᔨᑐᒡ᙮

ᑎᐱᑦ ᐅᓂᑭᒧᐅᓇ 40:5

ᒥᒐᓇ, ᑎᐸᔨᒋᒐᓱᐤ ᓂᒋᓴᒪᓂᑐᒻ, ᒋ ᒪᒥᔅᑲᒋ ᐃᑐᐅᓇ ᑲᒋ ᐃᑐᑎᒥᓐ, ᑭᔭ ᐊ ᐃᑕᔨᒥᔭᒡ; ᓇᒪᐎᔾ ᓇᔅᒡ ᒋᑭ ᒋ ᐊᒋᑕᒪᑯᐅᓐ: ᐃᔅᐱᔅ ᐎ ᐎᑎᒪᓐ ᑭᔭ ᐊᔨᒧᑎᒪᓐ, ᓇᒪᐎᔾ ᒋᑭ ᒋ ᑕᐱ ᐊᒋᑕᑭᓄᐎᔪᐛ᙮

ᑎᐱᑦ ᐅᓂᑭᒧᐅᓇ 6:5

ᐛᔅ ᓂᐳᐅᓂᒡ ᓇᒪᐎᔾ ᒋ ᒋᔅᒋᑕᑯᐅᓐ: ᐊᐛᓐ ᒐ ᓂᓇᔅᑯᒥᔅᒃ ᒋᐱᐃᒋᐛᐱᒡ ᐅᒡ ?

ᑎᐱᑦ ᐅᓂᑭᒧᐅᓇ 73:28

ᒪᒃ ᒥᔽᓯᔪᐤ ᓂᔾ ᒐᒋ ᐸᔄᐱᒥᒄ ᒋᓴᒪᓂᑐᐤ: ᓂᒋ ᒪᒥᓯᑐᑐᐛᐤ ᑎᐸᔨᒋᒐᓱᐤ ᒋᓴᒪᓂᑐᐤ, ᒐᒋ ᐎᑎᒪᓐ ᒪᒃ ᒥᓯᐛ ᒋᑦ ᐊᑐᔅᒐᐅᓐ᙮

ᒠᓐ 11:4

ᐃᔅᐱ ᒪᒃ ᒋᓴᔅ ᐱᔭᑕᐧᒃ ᐅᔭ ᒋ ᐃᑕᐤ, “ᐊᑎ ᐊᓂᔭ ᓇᔅᒡ ᐊ ᐊᐧᑯᓯᑦ ᓇᒪ ᒋᑭ ᐅᒋ ᐳᓂᐱᒪᑎᓯᐤ᙮ ᐃᔅᐱᔪᐤ ᐅ ᒐᒋ ᓄᑯᓂᔨᒡ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ, ᑭᔭ ᐊᑯᑕ ᒐ ᐅᒋ ᒋᔅᑕᔨᑕᑯᐊᑭᓄᔨᒋ ᒋᓴᒪᓂᑐᐤ ᐅᑯᓴ᙮”