2 ᐛᔅ ᓇᔅᒡ ᑕᑈ ᒋ ᒋᔅᑎᒪᒐᔨᒪᐤ ᒋᓴᐛᑐᑕᑯᓄᐤ: ᑭᔭ ᐅᑕᑈᐅᓐ ᑎᐸᔨᒋᒐᓱᐤ ᑲᒋᒡ ᐱᒥᐱᔪᐤ᙮ ᒪᒥᒋᒥᐧᒄ ᑎᐸᔨᒋᒐᓱᐤ !
ᐛᔅ ᒧᔭᒻ ᒋᒋᒋᓯᒄ ᐊ ᐃᔅᐱᔅ ᐃᔅᐸᒡ ᐊᔅᒋᔾ ᐅᒡ, ᐊᑯ ᒺᒡ ᑲ ᐃᔅᐱᔅ ᒥᓯᑎᒧᐛᑦ ᐅᒋᔅᑎᒪᒐᔨᒋᒐᐅᓐ ᐊᓂᔭ ᑲ ᓇᓂᒋᔅᑕᑯᑦ᙮
ᑲ ᐅᓯᑕᑦ ᒋᒋᒋᓯᑯᔪᐤ ᑭᔭ ᐊᔅᒋᔪᐤ, ᐎᓂᐸᑯᔪᐤ ᑭᔭ ᒥᓯᐛ ᐊᓐᑕ ᐊ ᑎᒂᓂᔨᒡ: ᑲ ᑭᓄᐛᔨᑕᐧᒃ ᑕᑈᐅᓂᔪᐤ ᑲᒋᒡ;
ᒋᔅᑎᒪᒐᔨᒋᒐᐅᓐ ᑭᔭ ᑕᑈᐅᓐ ᒋ ᓂᒋᔅᑲᑐᒥᑭᓇ; ᑯᐃᔅᑯᑕᑎᓯᐅᓐ ᑭᔭ ᒋᔭᒪᔨᑎᒧᐅᓐ ᒋ ᐅᒐᒥᑐᒥᑭᓇ᙮
ᓂᑭ ᓂᑭᒧᑎᒺᓐ ᑎᐸᔨᒋᒐᓱᐤ ᐅᓱᐛᔨᒋᒐᐅᓐ ᑲᒋᒡ: ᓂᑐᓂᒡ ᓂᑭ ᐅᒋ ᒋᔅᒐᔨᑎᒥᐊᐅᒡ ᒋᑯᐃᔅᑯᑐᐅᓂᔪᐤ ᒥᓯᐛ ᒐ ᐊᑎ ᐊᓂᔅᒐ ᐱᒪᑎᓯᒡ᙮
ᒋᓴᔅ ᒋ ᐃᓯ ᐎᑎᒧᐛᐤ ᐊ ᐃᑕᑦ, “ᓂᔾ ᐊᐅᒄ ᒪᔅᑭᓄᐤ ᑭᔭ ᑕᑈᐅᓐ ᑭᔭ ᐱᒪᑎᓯᐅᓐ, ᓇᒪ ᐊᐛᓐ ᒋᑭ ᒋ ᓇᑕᐤ ᐅᑕᐎᒪᐛ ᒥᒄ ᓂᔾ ᐅᒋ᙮
ᐎᔾ ᒋᓴᔅ ᙭ ᒋ ᑎᑯᓯᓄᐤ ᒋᓴᒪᓂᑐᐛ ᐊᒋ ᐃᑎᓱᒥᑯᑦ ᒐᒋ ᓯᑲᐃᑐᐛᑭᓄᐅᑦ ᓂᐱᒡ, ᑭᔭ ᒐᒋ ᐅᓂᑕᑦ ᐅᒥᐧᒄ ᒋᐱᔭᑎᑯᒡ ᑲ ᒋᔅᑕᔎᑕᑭᓄᐅᑦ᙮ ᓇᒪ ᐅᒋ ᑎᑯᓯᓄᐤ ᒥᒄ ᒐᒋ ᓯᑲᐃᑐᐛᑭᓄᐅᑦ ᓂᐱᒡ ᒪᒃ ᐊᔪᐤ ᒐᒋ ᐅᓂᑕᑦ ᐅᒥᐧᒄ᙮